DUN FILS Q UI TROMPA

pée au poin, jurant, tempestant et criant : « Tue! tue ! » Hervé, qui se tenoit préparé contre le bruit et renommée de ces voleurs, avoit trois ou quatre gros valets embastonnez de longs vouges, perches, brocs ferrez, desquels ils chargeoient sur ce monsieur; et l'eussent grandement offencé, n'eust esté le fermier, qui le recogneut, sans toutesfois luy en dire un mot, ains seulement luy faisant voie pour fuir, et se mettant au devant de ses valets, aux mains desquels n'y avoit aucune espérance de miséricorde, non plus qu'aux muets du Turc.

Le seigneur, retourné à ses serviteurs plus viste que le pas, leur cela le fait, et, se voiant en danger coucher à l'enseigne de l'estoile, envoie des siens pour prendre et apprester le logis. On peut aussi croire qu'il leur en vouloit faire donner comme à luy. Les envolez huchoient à pleine teste, comme la femme de Brusquet fit à une grand' dame, laquelle, au raport de son mary, elle estimoit sourde; sur lesquels ces beaux valets, encore demy enragez, frapoient si magistralement que Hervé, qui feignoit ne les congnoistre, eut bien de la peine à les retirer. « Hée! fermier mon amy, nous sommes à Monsieur ! » Seigneur Hervé, pour la pareille : « C'est Monsieur, Monsieur cecy, Monsieur cela ! » Et avoir esté battus à poids d'escu et beaux coups de roches et bastons, Hervé leur