LA VARICE DE SON PERE. 2O

dit en son renaud (car il nazardoit et parloit du nez, pour avoir chargé de la plus fine au pot d'estain) : « Mes garsailles, Monsieur est homme de bien, il n'a point de voleurs en sa compagnie. » Et après tels longs abbois et suspenses : « Hau ! tel? n'est-ce pas vous? — Et ouy, de par le diantre, c'est moy. — Voilà que c'est, disoit Hervé, que se loger de bonne heure, principalement en ceste saison pleine de mauvaises gens. » Incontinent force chandeles, et alla le bon pèlerin au devant de son maistre, auquel il raconta ce qu'il savoit aussi bien ou mieux que luy, et en rirent ensemble tout leur saoul.

Le maistre, qui se vouloit revancher, s'advisa y faire assez long séjour, parce qu'il y avoit de bon vin, vivres et gibiers à planté; et pour couvrir sa longue demeure fit semblant estre malade, où madame, qui n'estoit qu'à dix ou douze lieues de là, fut tost venue. Tout ce train vivoit sur les coffres du pauvre fermier, sauf en la despense de son conte en avoir quelque rabais. Ce fut donc à luy desploier le commencement, milieu et le bout de ses finesses, dont par le passé il avoit fait assez compétente provision, pour se depestrer de ceste noble troupe, et avoir espluché et trouvé la suitte de son escheveau.

Un beau dimanche, que monsieur, madamoi-

2IO DUN FILS dUI TROMPA

selle et tout l'equippage retournoient de la messe, ils aperceurent sur deux tréteaux de table une martrouere couverte d'une toûaille, une chandele allumée sur le bout, vraies merques d'un corps mort prest à porter en terre. La damoiselle, première que les autres (car, dit Eutrapel, quand les brebis vont aux champs, la plus sage va devant), s'arrestant toute espouvantée : « Mon Dieu ! fermier, qu'est-ce icy à dire? » Monsieur, saisi de la mesme fraieur : « Hervé mon amy, dy nous que c'est? — Ho! Monsieur, respondit le paillard, ce n'est rien; allons hardiment disner, ce n'est rien : il print mal hersoir à ceste garce là sous une aisselle, mais ce n'est rien. — Comment, ce n'est rien? dit le gentil-homme; par la morbieu! c'est belle peste et de la plus fine. Çà, viste mes chevaux. » La damoiselle, de son costé : « Çà, mon coche! » Le curé, qui, peut estre, estoit de la partie, car on luy faisoit dire ses messes à la taille sans estre paie, dit qu'il y pouvoit avoir quelque danger : c'estoit une jeune fille qui a eu froid en gardant ses pourceaux; que fraieur, froid, femme, fruit et faim, estoient causes de la peste, et qu'il faut, cito, longe, et tarde, c'est à dire fuir vistement, aller loin, et revenir tard. Lors tout le monde à cheval, chacun emmuselé de son manteau et le mouchouer au nez.