DURENT QJJELQ^UE PEU, ETC

par OÙ l'on aperceust familiarité ne cognoissance, tenant ce sage vieillard une reverente et auguste grandeur, comme si onc il n'eust veu le président : où se vid un sage et prudent déguisement en tous deux, de cestuy en son magistrat et de l'autre en son devoir, chacun bien sachant son mestier, fust au public, fust au cas particulier; ne ressemblans à ceux que Cicero reprend, qui portent tousjours leur magistrat et grandeur publique avec eux et en leur manche.

Chose presque semblable se dit de Martin, un régent, escholier à Louvain, qui avoit esté grand compagnon d'Adrien , précepteur de l'empereur Charles le Quint, et depuis pape, se fantasiant et se promettant, s'il alloit à Rome, que le pape le recognoistroit, et pour le moins il en apporteroit quelques bules et pardons, où il pourroit gaigner son voyage. Martin trouva à Rome plus de Holandois, gens de son pays, qu'il ne feroit pour le présent; en sorte que, voyant les difficultez de parler à Sa Sainteté, que sa bourse desenfloit, ayant l'esprit tendu à retourner au pays manger du merlus, s'avisa qu'il y parleroit, bon temps, mau-temps. Et de fait, par un cursor ou chambrier, le pape, sur le raport qu'on luy avoit fait qu'un certain Holandois estoit là, fut cherché, mandé et appelle. Martin fut soudain recogneu

par nostre S. Père; mais, pour estre environné de cardinaux, evesques et autres princes de l'Eglise, n'en fit aucun cas ne semblant; et fut Martin mis en la garde du barisel, maudissant l'heure d'avoir fait un pet à Rome, c'est à dire s'estre Romi-peté, et estre venu si loin; qu'on disoit bien vray, honores mutant mores, et que, par le baudrier S. Yves, comme disoit Meschinot, poëte breton, après le beau temps vient la pluye, après la pluye vient le beau temps : « Je m'attens d'icy à cent ans estre aussi riche que le roy. »

Le soir vint : si fît Martin devant maistre Adrian, estant à privée mesgnie, où les deux vieux compagnons triomphèrent, beuvans le coup selon les us et coustumes du païs, en contèrent des vieux jusques aux nouveaux, et peut estre qu'ils disputèrent des modales, suivans les derniers erremens : car de modalibus nunquam gustavit asinus. Martin s'en retourna chargé de bons et gras bénéfices. Est à croire que ce bon seigneur Adrien, qui onc ne se pleut en si haut théâtre, ja commencé estre aboyé, eust bien voulu s'en retourner avec Martin; et pensez que Martin l'eust bien voulu aussi , car il n'eust rien payé par les chemins. »

Lupolde dit avoir veu un président, au pays de Normandie, qui joiioit de son estât comme d'un

DUPvENT QJU'ELQJJE PEU, ETC. 229

baston à deux bouts. Quand son clerc l'advertissoit des parties qui vouloient monter en haut pour parler à luy, il s'endossoit vistement et happoit sa grand' robe de Palais, faisant tresbien la grimace et le suffisant; puis, tout soudain, descendoit par un autre et petit degré, trouvant à la rencontre les mesmes parties, lesquelles il caressoit et embrassoit de toute sa puissance, leur disant que là en haut ils avoient trouvé monsieur le président, mais qu'au bas c'estoit luy-mesme, et non autre, qui faisoit excuse de tout. Les pauvres ens disoient qu'ils luy estoient serviteurs, et il respondoit lors, stoïquement et gravement, pour ne s'engager par trop, qu'il estoit à leur commandement. Ce fut luy-mesme qui se fît pourtraire estant de genoux, sa robe rouge, et le bourelet sur l'espaule, vis à vis d'une Nostre Dame, une main alongée , tenant son bonnet, avec un petit roolet et escriteau vuide, qui luy sortoit de la bouche, pour mettre : O mater Dei, mémento me'i, ce que le peintre avoit oublié; auquel un bon et vaillant couard (car c'estoit au pais de Sapience en Couardois) y escrivit : Couvrez vous, monsieur le président.

« Chicouan, dit Eutrapel, qui estoit tabourineur à Saumur, en fît ainsi quand, le jour de ses noces, il alla baudement et gaillardement quérir

23o LES BONNES MINES

sa femme atout son tabourin et fluste, la conduisant en grand joliveté jusques au monstier, puis retourna à sa maison se quérir luy-mesme avec son bedondon, alléguant que sa femme, pour ce jour, n'auroit aucun avantage sur luy : que non licet actori quin licet et reo ; qu'il vouloit estre privilégié aussi bien que sa femme, mesme en ce commencement de maladie, uhï sero medicina paratur. »

Lupolde répliqua d'un prélat de nostre temps, lequel, pour mourir, ne souffroit qu'on l'appellast Monsieur l'Evesque d'un tel lieu, ains Monsieur, ou Monsieur de tel evesché, combien qu'environ deux cens ans sont, il ait esté défendu par arrest à l'evesque de Montpellier s'appeller Monsieur de Montpellier, et qu'il n'y avoit que le roy qui en fust le monsieur. Ce preudhom, hypocrite s'il en fut onc, car il n'avoit ne chien ne chat qui ne fust pourveu des bénéfices vacans en son diocèse, s'il ne les avoit auparavant vendus; avare, qui est le fondement de la gloire et ambition, et qui n'eust osé manger son saoul, et au bout de l'an n'avoit pas maille pour se confesser; toutesfois, aux banquets qu'il faisoit (il en faisoit souvent), il servoit luy-mesme les conviez, ne se séoit que sur le dernier aport, surpassant en humiliiez, chatemites et pâtes pelues tous les moynes du mont Athos; et

DURENT QUELQ^UE PEU, ETC. 23l

si quelque bon compagnon luy eust dit paravanture un mot raillard et joyeux, comme : « Monsieur l'evesque, ou Monsieur l'evesque d'un tel lieu, vous faictes honte à ceste compagnie de vous voir ainsi familiariser etasservirvostre grandeur», sans y apliquer ce mot de Monsieur purement et simplement, comme le veut un certain concile, il estoit bien en seurté n'avoir son verre ou coupe devant luy avec l'hipocras, ains bien loin à quartier, et ne laver ses mains d'eau de senteur comme les autres. Et, qui pis est, on ne luy disoit adieu ne grand mercy sinon que par certaine pénitence et contrition il eust dit et prononcé : « Adieu, monsieur, » le chapeau bien bas ; lors il avoit quelque meschant lanternier de cuisine qui le reconduisoit. Somme, quelque douceur et hypocrisie qu'il feignist et couvast, il aimoit tant ce sot honneur vulgaire qu'il en brusloit tout vif.

(c C'est un grand mot que Monsieur, dit Polygame, et qui pénètre bien avant aux cerveaux des poursuivans ces vains et caduques honneurs de ce misérable monde, et sous lequel sont beaucoup de gens trompez et abusez : comme il se vid, aux dernières guerres, en sept ou huit bons compagnons revenans de l'armée sans double ne liard, comme l'on sait assez que soldats sont payez en promesses ; et de leur part ils combattent et font

la faction de la guerre par belles promesses; et ainsi aille l'un pour l'autre, selon les despens la besongne est faite. Ils n'avoient donc pas un clou, et si falloit passer à grandes journées, ou demeurer à la mercy d'un prevost, qui en attrapoit tousjours quelqu'un des plus escartez, et de ceux qui disent à leur hôte : « Çà, paiez l'honneur que vous avez receu en me logeant. >^ Pour faire honorablement leur retraite, chacun d'eux, et par ordre, estoit le Monsieur, qui leur succedoit assez bien pour le regard des champs; mais aux villes il falloit payer de ce qu'ils avoient peu pratiquer sur le village, sans dire : « Jenecuidoispas.»!! leur falloit aussi passer par Angers, et illec repaistre sans paier; mais la difficulté estoit en l'indisposition de la bourse et d'argent, qui estoit court, pour estre les bourses vuides jusques au fond des finances, qu'il convenoit inventer une science pour passer sans tirer à l'escarcele. Voicy donc qui se présenta tout à propos (ô nécessité, que tu as de mains!), c'est qu'ils trouvèrent un gros vilain gueux, auquel ils promirent mons et merveilles, s'il vouloit seulement dire ce mot : ita, ita, san autre parole, et que tous l'appelleroient Monsieur, et seroit comme tel traité à la fourche. Le maraut se laissa aller, et, bien instruit, et acoustré de bons habillemens que la demoiselle Picorée

DURENT a UELCLUE PEU, ETC. 2.33

avoit faict et filé, monté sur une vieille mule de bagage, arriva avec son train à la prochaine hostelerie, où, descendu reveremment, fut conduit en la plus belle et apparente chambre, parce que l'hoste, s'estant enquis, avoit ouy que c'estoit un riche prélat, qui ne vouloit estre cogneu, pour estre luy et les siens mal en point, à cause que ces meschans huguenots l'avoient dévalisé, et qu'il estoit contraint faire quelque séjour, attendant qu'un sien fermier luy eust dedans deux ou trois jours apporté argent. « Cependant, hoste mon amy, disoit le faiseur de maistre d'hostel , n'espargnez rien à faire bonne chère à Monsieur et à nous ses serviteurs, qui tous en avons bien besoin, ne vous enquerant d'avantage plus curieusement qui il est : car, son argent venu et luy remonté, vous cognoistrez par messieurs de ce clergé, qui est grand, et qui indubitablement le viendroient saluer, qu'il n'est pas petit compagnon. Mais mot pour ceste heure. »

L'hoste, cuidant bien enfiler son eguille, n'espargna rien pour cochonner et traiter friandement son Monsieur et Messieurs, qui là furent à gogo trois ou quatre jours. Il alloit par fois à la chambre par grand respect; mais, introduit qu'il estoit, avec advertissement le faire court, n'avoit autre "response que ita, lia. Et en l'instant, le rideau tiré

284 l-ES BONNES MINES

et la porte fermée, marchans les honnestes gens si doucement qu'ils n'eussent pas ecaché ne rompu un œuf, mais se faschans de trop grand aise, et estans bien refais, firent un matin porter les uns les selles de leurs chevaux, autres leurs bottes, feignans les faire racoustrer, et cependant envoier leurs chevaux à la forge ou à l'eau; et le rendez-vous à la Maison-neuve : si bien que, s'estans ainsi escoulez et eschapez, Monsieur demeura tout seul pour les gages, dormant en son lit bien profondement, et ses accoustremens nuptiaux de gueux fort pertinemment colloquez et catégoriquement empaquetez prés luy. L'hoste, qui faisoit tourner et remuer broches au grand galop, s'estonnoit où estoient les gens de Monsieur, pas un desquels il n'appercevoit, quelque diligente recherche qu'il en fist. Neantmoins, sur les dix heures, il s'enhardit frapper un petit coup à la porte de la chambre, puis deux, puis trois, et finalement, par ne luy estre respondu, il entre en la chambre, les verrières de laquelle estans bouschées et fermées claustralement, il cherchoit 1 par cy et là tastonnant; mais il n'oyoit que Monsieur qui petoit harmonieusement et en homme dabien. « Il est onze heures, crioit l'hoste, qui, peut estre, en ces ténèbres, s'estoit heurté au manteau de la cheminée. Monsieur, le disner est