LETTRE LXXXIII

Peiresc au P. Michelange de Nantes

22 NOVEMBRE 1635 (Ibidem, folio 401)

M, mon R. P., comme vous n'avez pas laissé de me vouloir obliger sans que j'eusse l'honneur d'estre cogneu de vous ni d'avoir rien mérité en vostre endroit par mes services, vous ne debvrez pas trouver' estrange que je

vous en tesmoigne ma gratitude, et que je vous en re« mercie, comme je faits trez humblement, me recognoissant bien fort redevable à voz charitables offices d'avoir voulu vous donner la peine de faire pour Pamour de moy un si pénible et si périlleux voyage qu'estoit celluy du mont Casius (1), que vous avez si bien commencé, et qu'il n'a pas tenu à vous que ne l'ayez achevé, et d'avoir passé une si mauvaise nuict que fut celle du 27 aousf dernier pour me faire avoir l'observation de l'eclypse, que j'attends de vostre courtoisie, vous suppliant de me la taire avoir le plus tost que vous pourrez, sans vous arrester aux équivoques ou faultes que vous y pourriez avoir apperceu depuis, et qu'il y faille avoir du regret, car c'est chose qui arrive aux plus habiles hommes bien souvent, lesquels ne font aucun scrupule d'en faire acte eux mêmes ingénument quand ils le recogiioissent , et n'en sont pas moins estimez. Au contraire, ceux du mestier y trouvent bien souvent de quoy faire bien du prof- (ict, attendu que souvent ce qui nous semble faulte n'est rien moine que cela quand tout est bien pesé et examiné. C'est pourquoy je vous supplie et conjure par vostre bonne foy de me vouloir despartir vostre observation en la façon mesme que vous l'avez rédigée par escript en vostre plumitif, ou primitive minute , sauf d'y ajouster par apostille ou par appendice toutes les autres marques ou modifications et corrections que vous voudrez ; mais que j'aye, s'il vous plaist, les choses comme elles vous ont paru d'abord, quelque équivoque que vous y puissiez attendre, ou qui y puisse estre véritablement. Car je n'abuseray pas, et n'y feray rien paroistre soubs vostre nom à quoy vous puissiez avoir du regret. Mais tout ce qui vous sembleroit estre inutile ne le sera pas au fond de l'examen et du calcul qu'il en fault faire pour s'en ac-

(1) Probablement Djebel-Rasioum, montagne voisine de Damas. (RtfcUiSf tome IX, p. 791).

quitter comme il appartient. Et c'est bien là véritablement que, si vous n'avez marqué les minutes que pat* estimation et conjecture prise sur vos horloges à roue, c'est un bien foible fondement ; mais si vous avez pris la haulteur de quelque estoile fixe, elle peult reparer tout ce deffault avec grand advantage. Et si vous en avez faict plusieurs pareilles, et marqué en mesme temps la différence des phases de la lune, il y aura de quoy suppléer toutes choses à souhaict, mesmes si vous avez pris la haulteur de la lune en mesme temps, et marqué par quel bout vous en avez pris la mesure, si c'est par le limbe supérieur ou par Tinferieur. Aux estoiles mesmes, quand vous serez en quelque donbte du nom de celle que vous aurez mesuré, si vous avës réitéré le mesurage, et de quelque autre plus cogneûe, Tune pourra ayderà recognoistre et reparer l'équivoque, s'il y en avoit eu. C'est pourquoy vous ne debvez avoir aulcun regret de nous communiquer librement tout ce que vous en aurez mis par escript^ d'où nous ne prendrons que ce qu'il fauldra. Dieu aydant. Et fauldra nous marquer, s'il vous plaist, de quelle grandeur et qualité sont vos instruments, et que vous les ayez esprouvés à mesurer quelques aultres estoilles fixes en mesme temps, pour en examiner d'icy la justesse. Et faudroit prendre aussy la haulteur du soleil méridien quelques fois, principalement aux solstices, quelques jours devant et aprez, et de l'estoile polaire, en marquant en mesme temps la haulteur de quelque autre estoile fixe bien cogneûe, et la haulteur de la lune, si elle paroit. Que si vous aviez un bon rayon à mesurer les distances d'une estoile à autre, il en fauldroit faire l'essay au mesurage de la distance d'entre deux ou trois estoiles fixes, pour recognoistre s'il est bien court, ou bien juste, ou non, et en mesurer la distance de la lune avec des estoiles fixes les plus prochaines, à les prendre de divers endroicts deson limbe , et mesurer

encores la largeur de son diamètre d'un limbe à l'autre. Et si toutes ces choses se pouvoient observer quand on attend une ecclypse , comme il y en aura d'aultres au 20 febvrier et 16 aoust de l'année prochaine, quoyque petites, l'usaige ne laisseroit pas d'en estre de grand fruict. Le R. P. Âgalhange de Vendosme et le R. P. Cassien de Nantes, qui sont de mes bons amys, m'avoient promis d'observer au Cayre la mesme ecclypse que vous avez observée à Âlep, et j'en attends les observations de jour à autre. Je les supplieray de vous prier do m'envoyer les vostres^ afin que, si je n'en ay mérité la faveur de mon chef, vous ayez plus de subject de le faire pour Tamour d'eux. Et, si besoing estoit, possible auroisjele crédit de vous en faire prier par le R. P. Joseph, qui m'a autres fois advoué pour son serviteur. Mais je me promets tant de la bonté de voslre naturel^ que vous ne m'en voudrez pas esconduire, et que vous voudrez prévenir toutes mes intercessions pour gaigner du temps et augmenter d'aultant mon obligation. C'est de quoy je vous supplie très humblement, et d'en prendre la revanche sur moy, en me commandant avec toute authorité par tout où vous me jugerez propre â vostre service, comme, M. mon R. P., vostre très humble et très obéissant serviteur.

De Peiresg,

A ^ix, ce 22 novembre 4685.

Il faudra, s'il vousplaist, marquer de quel œil vous avez regardé par les plauules de vos instruments , quand vous aurez prins la haulteur de quelque estoille fixe ou de quelque endroict certain du limbe de la lune, si c'est du droict ou du gaulche , et par quel œil vous aurez pareillement regardé dans la lunette de porte veûe , quand vous vous en servez , car cela n'est pas inutile comme il sembleroit.