I. Gaspar de Portonariis, libraire à Lyon et à Salamanque

amoreusement ensemble, et vous prie de bagler audict de la Pena cinq cens Bibles in-8°, nonparelle, et deux cens cinquante Summa Silvestrina, que sont achepvés, et vous m'envoyerés le compte de tout ce que aurés baglé des livres des impressions, affin que je sache, si je vous debvray ou si me debvrés du compte de ceste année, comme porte nostre contracta que facions compte à la fin de l'année.

' Et vous playrra me aviser des livres que faictes à présent. Je croys que vous imprimés le Cours Canon folio, et, si est ainsi, vous me donnerés avis combien vous en gardés pour moy, et, quant ilz seront achepvés au certain, et vous prie fayre bien le compte du temps qu'il s'achepvera, pour cause qu'il m'importe. Et si avés imprimé d'aultres livres, despuis mon départ,vous m'en aviserés, nffin que je voye si j'en prandray.

Aussi, je vous envoyeray le contenu en vostre mémoyre incontinent qu'il y aura navegacion. Et ne f uldrés à m'envoyer l'inventaere de touttes vous sortes en latin, car je les montreray de par deçà, aulx gens de lettres, quant il viennent en ma bouttique, et, s'il estoyt imprimé, il seroit beaucoup mieulx, car je le couleroys surung carton et le tiendroys affigé en la bouttique, dont n'y auriés, sinon du proffict. Aussi, quant Diego m'envoyera mes balles, s'il vous semble, m'envoyez tout ce que aurés lors faict de la grande Bible.

Je croys que plus facillement pourray faire vante de quelque quantité, car en ayant parlé à d'aulcungs, ilz m'ont respondu que, sans voyr ce qu'il y a de imprimé, qu'iiz n'ont vouloyr d'y entendre. Et m'escriprés le dernier pris, en prenant cinquante, ou bien comme sera vostre intention d'en fayre, et je m'y employeray en tout

ce que je pourra3^ Et semblablement en tout ce qu'il vous playrra me commander.

J'escritz a Diego de la Pena que je vous demande les livres cy après escriptz, et seront au pris de papier, impression, et je luy escriptz qu'il vous bagle la moytié de l'argent et l'autre mo3^tié dans la fin de l'année, et, s'il vous plaict de le fayre, vous luy baglerés les livres, quant il vous les demandera. Et, si je vous peuls fayre service de par deçà, je le feray de bon cueur,en priant Dieu vous donner sa grâce.

Je vous advertis que je faictz recorriger la Bible de Robert Estienne, de Vatable, que messieurs du grand conseyl de l'inquisition m'ont baglé licence, avec privilège de l'imprimer. Et, accause qu'elle soyt de meilheure vente, j'ay présenté requeste que messieurs les docteurs en Théologie de l'Université de Salamanca la corrigent, laquelle chose ilz m'ont obtroyé et sera achepvée de corriger, dans quinze jours, par les docteurs de cestedicte Université, que sera une sorte fort bonne.

Je vous vouldroys prier de m'envoyer quelques belles montres de lettres pour la faire in-folio, en sorte que la Bible ne soit chière, car, quant ung livre est chier, il se tarde beaucoup à vendre. Et si je la vouloys fayre in-8°, lettre nonparelle, je la vouldroys fayre à mil cinq cens, non plus. Et pourtant, il vous playrra me donner advis, si la pouvés faire à mil cinq cens, et à quel pris, et quant auriés la commodité de y commanser. Mays je veulx lettre neufve, car je prétendz que soyt une Bible bien imprimée, voyant que sera la Bible en plus grande réputation de touttes les Bibles, accause de la correction et sinatures que seront mises en ladicte Bible desdictz docteurs et de messieurs les inquisiteurs du grand conseyl.

Je vous prie tenir cest avis secret pour certaines occasions. Et attendant de vous responce, je feray fin en vous disant adieu. De Salamanca, le 17 de juillet 1569.

Vostre serviteur et amy Gaspar de Portonariis

Les livres qu'il vous playra bagler al S"" Diego de la Peiîa, au pris du papier, impression :

50 Magia Naturalis P(lantini).

50 Conciones Villavicentii 8°.

50 Novum testamentum en-24°.

50 Horas en-24°.

50 Epistolas Tullii famil. P.

50 Biblia en-24°.

50 Emblemata Alciati P.

50 Virgilius 8°.

50 Biblia cum lineis 8°o celles que vous pourrès bagler.

50 Fabuli£ Esopi grœce latine P.

50 Fabula Faërnii P.

50 Psalterium Bucanani P.

50 Doctrina Canisii P.

i8o. — T*lantin au Cardinal de Granvelle.

27 aoList 1569.

Très Illustre et R"^ S-"

Monsieur le Prévost d'Aire estant adverti de mon retour de France, où j'estois aie, dès le mois de juing, pour faire mon achapt de papiers, qu'il me convient avoir pour la continuation de nos impressions, durant cest hyver, m'a envoyé les lectres de V. Ilh'^ et R""^ S'% du 17 et 25 de juin et du 2 et 11 de juillet, avec les vers du Sig"" Gambara et les lectres de Monsg"" Goneville, avec ung des Bréviaires nouvellement imprimés à Rome. De quoy, je remercie très humblement V. 111™^ et R™*" S'^, l'advertissement de laquelle je suivray en toutes manières.

On m'importune fort d'imprimer les DiurnaUx, la copie desquels j'attendray, ainsi que des Messels pour lesquels je supplie V. 111"^ et R'"^ S'*" de faire traicter avec celuy qui les aura, aux mesmes conditions passées avec Manutius touchant les Bréviaires. Car, de tels livres ecclésiastiques seulement, je m'entretiens maintenant à soustenir les fraiz des autres œuvres que je poursuis autant diligentement que j'en puis avoir le moyen, de sorte que j'espère d'achever Cassar, Lactance, Gymnastica et les autres livrets que j'ay, par la faveur de V. 111'"^ et R""^ S'% durant cest hyver. Et, avant toutes choses, les vers du S"" Gambara ' que j'ay, incontinent les avoir receus et entendu la volonté de V. 111""^ et R""^ S., portés à Bruxelles et délivrés à monsig"" le Doyen de S'^ Gudule Metsius, pour les lire et soussigner, afin