I. Deux imprimeurs anversois

et Thibaut Marlots, conducteurs ordinaires des marchandises, tant d'ici, de Lion, de Francfort que de mains autres lieux, places et contrées. Parquoy, j'estime que lesdictes marchandises seront encores bien gardées et vous seront délivrées, quant la comodité propre s'y ofirira.

Michel Somnius ' a rescrit par deçà à Antoine Tilens ' pour avoir la copie de Quadragesimale Topiarii qui sera bien tost prest à imprimer. Mais nous avions dès long temps accordé ensemble qu'il ne l'envoyeroit point audit Somnius pour en avoir par delà privilège, mais que cela seroit pour moy ; parquoy ledit Antoine Tillens luy a mandé qu'il en accorde par delà avec vous, car je l'imprimeray et vous l'envoyeray pour en prendre le privilège. Qjie si ledict Somnius vous en parle, regardés de tascher à entretenir pour le moins paix avec luy (et tous ceux aussi que vous pourés) et pourés accorder ensemble qu'ayés vous deux le privilège, de sorte que vous deux seuls les puissiés vendre, et, selon qu'en accorderés, mandés le moy, et, -par son contentement, je mettray son nom et le vostre en la première page, ou en feray comment pour le mieux vous en aurés advisé et conclud ensemble. Q)ie s'il veut contexter et soutenir qu'il ait desjà le privilège, vous luy pourés respondre qu'il peut bien avoir le privilège de la première copie qu'il a faict imprimer, mais qu'il sçait bien luy-mesmes que ce n'est pas (si non quelque petite partie du commencement) dudict Topiarius, mais des Tables de Veldius, imprimées à Venise, in-8'', et que cela ne peut