Tlantin à Gilbert d'Ognies

Au très noble et R°** S% monsigneur rÉvesque de Tonrnay.

Très noble et R°« Seign%

J'auray possible par mes précédentes oblié de faire entendre à V. R°** Seigneurie comme j'auray, Dieu aidant, achevé, dedans 3 jours d'icy, l'office de Tempore jusques à la Trinité et le pourray faire lier, s'il luy plaist, et à Messieurs de son Chapitre pour estre prests à envoyer d'icy le Samedi de Pasques fleuries, de sorte qu'on s'en pourra servir dès Pasques. Et, quant au reste qui ne sera si grand que la moictié de ce qui en est faict, le tout sera parachevé. Dieu aidant, devant l'Ascension, et pounant j'attendray encores autre advis devant que commencer à faire lier les 7 volumes ordonnés par l'exprès de V. R°' S., à laquelle j'envoie les feilles pour le second exemplaire, et cependant je feray estendre les feilles de ce que j'ay depuis imprimé et ce que j'acheveray, comme dict est, ces trois prochains jours en une estuves que j'ay céans, de sorte qu'elles seront prestes pour les commencer à relier, sans aucun dommage dès le Vendredi prochain, affin que lesdicts livres soyent prests, comme dict est, pour les empacquer et envoyer, dès le Vendredi ou samedi devant le S. Dimanche des Rameaux.

Qpant aux Graduels, j'espère aussi les imprimer, si, après les Antiphonaires achevés, la vente d'iceux me peut fournir aux despens qu'il y conviendra faire, et cependant Mons' le maistre des cérémonies de l'esglise de Malines besongne à ordonner la copie.

J'ay imprimé des Missels en bon vélin jusques au nombre de 24, desquels j'ay envoyé 6 à messieurs de S* Pierre à Rome selon que, dès le temps que Sa Saincteté m'envoya de Rome la copie corrigée par ses députés, lesdicts signeurs m'avoyent ordonné de ce faire par mon très illustre S' le Cardinal de Granvelle, qui m'a faict entendre que chaicun désire fort nostre Impression en Italie. Depuis j'ay vendu encores autres desdicts exemplaires en parchemin, desquels j'en ay encores quelquesungs qui sont au commandement de V. K^^ S***.

Je fay mes apprestes pour imprimer les Bréviaires en grand volume, incontinent que j'auray du tout achevé nos grandes Bibles royales et commencé à en retirer argent pour fournir aux fraiz qu'autrement je ne pourrois porter tout à la fois, de tant et si coustageuses ouvrages en ung mesme temps. Au reste, je remercie très humblement vostre très noble et R™" S'* des biens qu'il luy plaist me faire et offrir, ce qui me rend d'autant obligé à me sousmectre en tout ce qu'il luy plaira me commander et à prier Dieu pour sa prospérité et bonne santé.

D'Anvers, ce 15 mars.