BRUXELLES, 5 DÉCEMBRE

Mon bon cousin, j'ay receu voz deux lettres, la première en date du 27 du passé, et la seconde du premier de ce mois, pour ausquclles donner responce, je vous diray, en premier lieu, louchant les deux enseignes quy sont en garnison à Utrecbt,

(') Quant et ceste, joint à cette lettre.

que, sy se pouvoit faire comme je vous ay escript par mes précédentes, je le désirerois fort bien, sinon qu'il se face ainsy que ceulx des estatz s'accorderont avecq ladietc ville d'Utrechl.

Au regard des articles et pourject d'ordonnance que vous avez faict pour icelle ville, je vous ay, par mesdictes lettres, donné à cognoistre mon intention : en quoy ne me samble (à correction) y avoir eu occasion de quelque obscurité, car ces motz, que me représentez, contenuz en mesdictes lettres, signifient ouvertement que, puisque lesdicts articles que m'aviés envoyé pour le faict des presches , ne passoient les termes de l'accord avecq les gentilzhommes, et que ne voyez aultre remède de paciffier les affaires, que ne les povois empescher, ainchois qu'il les falloit passer et tollérer; et cela entendoy-je dire par ces motz : « lesdicts articles vont leur » chemin. »

Quant à la proposition que vous avez faict aux députez des estatz de Hollande, je ne la trouve sinon conforme audict accord provisionnai; néantmoings, s'il fût possible au monde de treuver moyen de mieulx faire , par bonnes inductions , exhortations, admonitions et aultres voyes , que ces presces cessassent, je vous asseure, mon bon cousin, que, oultre le service que fériés à Dieu , à la religion catholicque et à la patrie, vous fériés aussy ung singulier service et chose merveilleusement aggréable à Sa Majesté, aultant que seigneur pourroit jamais faire à son prince, et de cela vous requiers-je de fort bonne affection.

Touchant vostre bande, sy elle n'est payée, c'est la fuulte des receveurs des estatz ; et n'a pas tenu à moy que le payement d'icellc et des aultres bandes d'ordonnances n'ait esté , passé longtemps, furny, ayant faict tous les instances , vers lesdicts receveurs, qu'il m'a esté possible; et présentement j'ay donné charge à ceulx des finances d'adviser de vous satisfaire en ce que désirez.

Et, pour le dernier point, concernant vostre allée à Amsterdam, je le désire singulièrement, sçaehant le désordre qui y est, et en plussieurs aultres villes de Hollande. Et ce que je vous ay escript, que j'eusse désiré, s'il fust esté possible, que les presches eussent cessé audicl Amsterdam et ailleurs, est pour cause que j'avois toujours esté advertye que nulles presches ne s'cstoicnt faictcs en ladicte ville, ny en la jurisdiction d'icelle. auparavant l'accord, trop bien en ung lieu joindanl ladicte jurisdiction. Néantmoings, puisque l'on vous a dict qu'ilz ontpresché, paravant ledict accord, au lieu de Lastaiye, hors de la ville, et que l'ayez fort bien vériffié, sy, à vostrc venue illecq, vous trouvez qu'il soitainsy, et que, par bonnes admonitions et exhortations , vous ne puissez contenter ces sectaires, et remédier aux affaires, au nom de Dieu, qu'ilz -ayent leurs presches audict Lastaige, tant qu'il soit aultrement pourveu, en sortant hors les églises, cloislrcs, voires de toute la ville , et remectant l'exercice de la religion catholicque par toute icelle, ensuivant l'accord ; vous priant faire aussy quelque pugnition exemplaire de ces prophanateurs, violateurs et spoliateurs d'églises. Et le mesme vous prie faire ès aultres lieux où trouverez semblable désordre, comme mescripvez avoir faict au quartier d'Utrecht. A tant, mon bon cousin, je prie le Créateur vous avoir en sa très-sainte garde. De Bruxelles, le cinquiesme jour de décembre 1566.

Vostre bonne cousine.

Minute, aux Archives du Royaume : Leltrt* H* it n GuilUtumi de Masiau, l. IV.

CCCCLXXVIII.

LA DUCHESSE DE PARME AU PRINCE D'ORANGE

Elle le prie de ne permettre, ni à Hcusden, ni en aucun autre lieu de ses gouvernements, l'assemblée projetée par les confédérés.