LE PRINCE D'ORANGE AU MAGISTRAT D'ANVERS

11 le remercie des avertissements qu'il loi a donnés. — Il comprend l'embarras dans lequel le magistrat se trouve, et l'assure de son dévouement.

Breda, 31 janvier 1567.

Messieurs , j'ay receu vostre lettre du xxiiij" de ce mois (*) à Lcyden; et, comme le lendemain je me partiz, et qu'en

(') Cette lettre n'est pas jointe à la Justification du magistrat d'Anvers.

aultres lieux de mon passaigc, n'ay guerres arresté, ay mené lemessagier jusques en ceste ville. En premier lieu, messieurs, je vous mercie des particulières advertartces contenues en tadicte lettre , et puis très-bien considérer que vous trouvez bien empeschez, d'ung costel , ensuivir et faire observer ce qu'il a pieu à Madame vous mander, et, d'aultre costel, con^ tenir les bourgeois et la commune en leur office et debvoir. Néantmoins, il convient faire de sorte afin que la ville d'Anvers puisse demourer en sa prospérité, repos et tranquillité , que je désire singulièrement : car cela ne puist redunder, sinon au service de Sa Majesté. De ma part, povez estre asseuré, où je pourray faire quelque plaisir ou service à ladicte ville et à vous aultres, messieurs, en particulier et général, me trouverez à vostre commandement. Sur ce, me recommandant en voz bonnes grâces , prie Dieu vous donner, en santé , longue vie. De Breda, le dernier jour de janvier 1567.

Quant aux placcars (•), puisque les avez faict publier, n'en ferai redite.

Vostre affectionné amy et voisin,

Guille de Nassau .

Sur le dos : A messieurs les bourgmestres, écbevins et conseil de la ville d'Anvers.

Copie authentiquée par A. Grapheux, auz Archives <io Royaume.

(') Il s'agissait de trois placards envoyés par la gouvernante au magistrat d'Anvers, pour qu'il les fît publier, et au sujet desquels il lui avait adressé des représentations. L'un de ces placards concernait les prédicateurs étrangers; le second, la rébellion de Valenciennes ; le troisième, l'interdiction de lever des gens de guerre. Le magistrat se décida à les faire publier le 24 janvier. Voy. la Justification envoyée au duc d'Albc.

DL

LA DUCHESSE DE PARME AU PRÏNCË D'ORANGE. Elle l'informe de la résolution qu'elle a prise sur son besogné à Amsterdam. Rrozellss, 17 février 1566 (1567, n. st.).

Mon bon cousin, ayant ouy le rapport de vostre besoigné à Amstelredamme soubz mon bon plaisir, et ayans aussy esté ouïz le conseiller Verduin et les députez du magistrat et de ceulx de la nouvelle religion illecq , et ayant le tout esté bien examiné et débattu, il s'est enfin trouvé d'y debvoir ordonner ce que va porté par l'escript qui a esté délivré audict Verduin, avec charge de le vous communicquer, passant à celle fin par devers vous , et joinctement de vous déclairer aussy les raisons et considérations pour lesquelles l'on a esté meu à ladicte résolution, à l'exécution de laquelle je vous prie, mon bon cousin, de tenir la bonne main, et au Créateur qu'il vous ait en sa très-saincte garde. De Bruxelles , le xvij0 jour de febvrier 1366.

Vostre bonne cousine, *

Minute, aux Archives du Royaume : Lettre» rte et à Guillaume de Mutait, t IV

Résolution printe par Son Altèze, au conseil d' Estât du Roy, touchant le traicté faict par mon** le prince d'Orange avecq ceulx d'A mstredam, soubz le bon plaisir de Sadicte Atlèze.

Après avoir oy le rapport du conseiller Verduin, envoyé par Jediet Sr prince, mesmes oyz ceulx qui sont venuz, d'un costel et

— ôo2 —

d'aultre, ou nom de la commune d'icelle ville, pour avoir liberté d'exercice de ces nouvelles sectes, Sadicte Altèze déclaire :

Premièrement, en tint qu'il touche l'exercice de quelque nouvelle religion (comme ilz parlent), icelle ne l'a jamais accordé à personne : par quoy ne sera juste de le consentir aux sectaires demeurans en Amstredam ;

Comme, pareillement, n'a voullu tollérer ny dissimuler les presches desdicts sectaires dedens les églises ou villes; or aussy, qu'elle ne veult estre permis ausdictsd'Amstredam.

Et, au regard de les faire hors des églises, et mesmes de ladietc ville, déclaire que, combien qu'elle ne veult en riens contrevenir à l'accord qu'elle a faict avec les gentilzhommes confédérez, toutesfois, considérant que ces sectaires dudict Amstredam n'ont en riens entretenu icelluy accord, mais y ont directement contrevenu, occupant, depuis icelluy, le cloistre des Cordelliers et quelque église, ayans violé et prophané icelles, brisé autclz, imaiges et choses sacrées et dédiez au service de Dieu, et deschassez religieulx ; mesmement usé de force, violance et oultraige contre le magistrat et bons, et mesmes faict presces en la ville et ès églises et lieux non accoustumés, et ainsy fait scandai, tumultes et sédition en icelles; continuans leurdict scandai, usurpation violente d'églises et aultres abuz si longtemps, et que Sa Majesté a déclairé n'estre son intention de souffrir ces choses, scandalz, désordre ny nouvellité en la religion, se réservant d'en ordonner a sa venue et User de l'advis des seigneurs , consaulx et estât/ , Sadicte Altèze trouve qu'elle n'est en riens tenue de leur accorder ledict traicté. A ceste cause, désirant le bien et félicité de ladicte bonne ville et des bourgeois et inhabitans d'icelle, leur commande de restituer, réparer et remectre en leurs premiers estatz les cloistres et temples occupez, n'empescher le service divin, ny les sermons des catholicques, ny molester les bons, directement ny indirectement, ains respecter et obéyr au magistrat (comme il convient) ; et, au surplus, les requiert et exhorte, pour leur propre bien (comme dict est), de cesser toutes presches de leursdictes sectes, et culx conformer à la volunté de Sadicte Majesté, pour ne luy donner mescontentement, ou cause de juste indignation , ains qu'ilz le puissent

vcoir et expérimenter prince doulx, béning et clément qu'il est.

Ce qu'elle a ordonné leur cstre remonstré par le président de Hollande et ledict conseiller Verduin envoyé vers Sadictc Altèze, et, en passant par Anvers, ledict Verduin en advertir ledict Sr prince.

Et, au surplus, pour ce qu'elle entend que le magistrat et le conseil de ladicte ville sont bons, icclle ordonne que la garde que est ordonnée pour leur seureté et tuition demeure et soit continuée jusques à aultre temps, mesmement pour plus grande paciffication et tranquilité de ladicte ville. Et afïïn que, sy aulcuns oppiniastres ne se voulsissent accommoder, qu'il/ soient empeschez de povoir exécuter leurs maulvais desseingz, commande que soient encoires enrouliez et levez iij° hommes, soit des bourgeois , ou aultres calholicques bien confidens, à la soulde de ladicte ville, pour le service de Sa Majesté, faire guet et garde, et faire les commandements de Sadicte Majesté, dudict Sr prince et du magistrat.

Et, en tant qu'il touche les scuters, pour ce qu'ilz ont reffusé faire le serment de fidélité et obéissance ès mains dudict Sr prince, (comme ilz ont esté sommé), Sadicte Altèze suspend leur confraternité tant que, estant plus amplement informée, elle aura statué d'eulx absolutemenl; leur interdisant cependant tout exercice de leur confrairie, mesmement de se mectre ou assembler ensamble en armes, ou aultrement, sans nouvelle ordonnance sienne, n'est toutesfois qu'ilz soient prestz de faire promptement icellui serment, comme leur a esté ordonné, et obéir à Sadicte Majesté et à leurs supérieurs ; commandant aussy qu'ilz ayent à redresser et réparer les autelz et ymaiges, et décoration d'icculx, qu'ilz ont gasté et démoly, ou ont souffert estre gastez et démolyz, à peine de s'en prendre à eulx ; commandant en oultre Sadicte Altèze que les ordonnances et commandemens tant de Sa Majesté, que siens, que sont faietz de temps h aultre par placcartz ou lettres, depuis le commenchement de ces troubles, soyent ensuyvis et effectuez par ledict magistrat, bourgeois, mannanset inhabitans de ladicte ville respectivement. Ainsy faict au conseil d'Estat tenu à Bruxelles, le xiijc jour de fcbvricr 1566.

tu • ii