LE SEIGNEUR DE BREDERODE

Lettre de la duchesse de Parme au seigneur de Brederode, sur des livres hérétiques qui s'imprimeraient à Vianen.

Bruxelles, 22 janvier 1565 (1566, n. st.).

Mon cousin , Ton m'advertit d'ung bruit qui va qu'il y auroit à Viane quelque imprimerie de laquelle procéderoient aulcuns livres mauvais contre la saincte foy eatholicque , qui se distribuoyentpar les pays de par deçà, chose que je n'ay sceu croyre. Et, me promectant, là où il en seroit quelque chose , que ce seroit à vostre desceu , pour la cognoissanec que j'ay de vostre affection envers Sa Majesté, et que sçavez combien cela luy desplaisroit, néantmoins, en estant, comme je dis, le bruit, je n'ay peu délaisser vous en faire l'advertence par ce mot, et joinctement vous requérir, d'affection, de vous en vouloir enquérir soigneusement, et remédier , comm'il convient , à ce que pourrez trouver en estre : en quoy Sa Majesté recepvra plaisir et contentement , comme aussy

(') Tous ces documents existent, en minute ou en original, aux Archives du Royaume ; ils appartiennent à la collection de nos papiers d'État, et font partie de la correspondance de Hollande, Zélande et Utrecht.

je feray que me faciès entendre ce que y aurez trouve et faict. Et, sur ce, mon cousin , je prye le Créateur vous avoir en sa saincte garde. De Bruxelles, le xxij" jour de janvier 1565.

Vostre bonne cousine.

Lettre autographe du seigneur de Brederode à la duchesse de Parme, en réponse à la précédente.

ClKVES, 30 JANVIER 4566.

Madamme, j'ey repeeu la lestre que il ast pieu a Vostre Altèzc m'escrypre , datée du xxij" de jenvyer, par laquelle j'antans que Ton doyct avoyr fayt rapport à icelle que l'on devroyct avoyr inprymé, à ma vylle de Vyanne, quelques lyvres suspect de hérésyes, ou poynct confforme à la foy chatollyque. 11 est byen vrcy, Madamme, que je y eye ung inprymeur auquelle an eyt fayet commandement , sur sa teste , de ne inprymer chose que ce soyt, mesmes vngne seulle chansson , que il ne soyt premyèrement reveu et revysyté par le quré de la vylle , et pareyllement deus jans d'églyse à ce commys. Et mesmes, desgà depuys naguères, à mon retour de Brucelles, je fys appréhender le mesme inprymeur, pour soupssons que j'an avoye pareyllement, que Ton m'avoyct donné à antandre que il devoyct avoyr inprymé quelques lyvres à la secrète. Après l'avoyr retenu plus d'ung moys à mes prysons, et ayant fayet toutes les anquestes au possyble, me l'a fayllu rellâcher , sens avoyr seu trouver ryens à la véryté : quy me donne à pansser que Votre Altèze an arast estée mail infformée. Toutefoys, je ne lèrey (') à an fayre derecheff tous devoyrs pour an savoyr la véryté et ce quy an est, pour lors le châtyer sellon ses

(<) Lèrey, laisserai.

mérytcs ; ne doubtant aussy^ Madamme , nullement que je n'eye des bons amys , lesquels recherchent tous moyens me mestre à la movèse grâce de Vostre Altèze, sans savoyr le pouvoyr avoyr desservy an leur androyct. Sy est-ce que, pour quy que ce soyct, je ne lèrey à demeurer, tant que je vyve, très-humble et obéyssant servyteur de Vostre Altèze ; supplyant byen humblement icelle me tenyr pour tell. Me recommandant byen humblement à la bonne grâce de Vostre Altèze, prye le Créateur donner à icelle, an santé, bonne vye et longue, anssamble le comble de ses désyrs, De Clèves, ce pénultyme de janvyer 1 566.

Pe Vostre Altèze très-humble et obéyssant servyteur,

H. de Brederode.

Suscription : A Madamme Madamme la duchesse de Parme.

Lettre de la duchesse de Parme au seigneur de Brederodef conle^ ?iant de nouveaux renseignements sur les mauvais livres qui s'impriment à Vianen, et Vinvitant à sévir contre l'imprimeur.

Bruxelles, 27 février (1566, n. st.).

Mon cousin, j'ay, ces jours passez, receu vostre lettre du pénultiesme de janvier, responsive à une mienne précédente, par laquelle vous touchoy des advertences qu'avoye eu de quelques mauvais livres et aultres choses qui s'imprimoyent en vostre ville de Vianen : ce que dictes ne s'avoir sceu trouver par toutes les enquestes qui s'en sont faictes au possible, de sorte que vous a fallu relâcher l'imprimeur de la prison où l'aviés faict constituer pour pareille délation, et où il avoit este tenu plus d'ung mois; et ne puys sinon grandement louer ce bon devoir vostre, et aultres contenue en vostredicte lettre. Depuys la réception de laquelle,

toulesfois , je suys véritablement informée que lediet imprimeur, nommé Albert Christiaenssens, a rière luy divers livres, chansons et aultres choses mauvaises; mesmement, que naguères il auroit vendu ung livre en théois intitulé Een colloquie van Pasquillus ende Marforius , ung aultre intitulé Den raedt opt concilium van Trente, ung aultre intitulé Een suyverlyck boecxken inhoudende het ordel ende vonnisse dat gewesenis van den paeus Paulo tercio, le martirologe, et avec quelques chansons mauvaises, et entre aultres d'ung héréticque dogmatiseur, nommé Fabricius, exécuté, il n'y a pas fort longtemps, en Anvers : toutes lesquelles choses il auroit aussy imprimé, et seriont depuys portées, tant en Anvers, que aultres diverses villes de ce pays, oultre ce qu'il auroit divers bibles deflenduz , l'institution de Calvin , Sledanus et plusieurs aultres de ceste qualité. Par où, trouvant au vray qu'il n'est si innocent , endroict ces choses , comme l'on pense , je n'ay peu délaisser vous faire ceste, pour vous advertir de tout ce que dessus, avec asseurance qu'il se trouvera ainsy, afin que veuillez incontinent donner ordre aux remède et provision requises, par appréhension et chastoy condigne dudjet imprimeur : en quoy, pour le mal que causent telles gens en la républicque, ferez chose bien aggréable au Roy, mon seigneur, et en mon endroict le recepvray à bien singulier plaisir. A tant , etc. De Bruxelles , le xxvij" jour de febvrier 1565.

/Mlrç de la duchesse de Parme au seigneur de Brederode, servant de créance au Sr de Quaderebbe et au secrétaire de La Torre, qu'elle envoie vers lui.

Bruxelles, 9 janvier iaGC (1507, n. si ).

Mon cousin, j'envoie présentement vers vous le seigneur de Quaederebbe, mayre de Louv ain et commissaire général des nions-

très du Roy, et Jacques de La Torre, secrétaire du conseil privé de Sa Majesté, pour vous déclairer aulcunes choses qu'icelle Sa Majesté m'a encbargé de traicter avecques vous là-dessus, selon que l'entendrez d'eulx plus amplement : en quoy vous requiers les croire, et vous démonstrer comme, de par Sadictc Majesté, l'on s'attend de vous. A tant, etc. De Bruxelles, le ix* jour de janvier 4566.

Vostre bonne cousine.

Instruction de la duchesse de Parme pour le Sr de Quaderebbt

et le secrétaire de La Torre.

Bruxelles, 9 janvier Ia6t> (1367, n. st.).

Vous irez trouver en diligence ledict Sr de Brederodde, là part qu'il sera, et lui présenterez voz lettres de crédence ; et, ce faict, exposerez vostredicte crédence sur les point z qui s'enssuivent :

Premièrement, lui direz qu'il se pocult souvenir comment bénignement nous aurions receu sa requeste de luy et d'autres gentilzhommes confédérez, et les debvoirs qu'avons faict vers Sa Majesté, pour l'incliner à ce qu'ilz requéroient, soubz l'espérance et asscurance, non-seulement que les choses scroient plus paisibles et tranquilles, mais aussy que eulx s'employeroient, au service de Sa Majesté, à réfréner tous troubles et émotions, comme ilz avoient promis >

Que, depuis que Sa Majesté auroit ordonné, sur l'inquisition et placcartz, ce qu'ilz avoient requis, tant s'en fault que les choses soient en milieurs termes j que, au contraire, diverses émotions, séditions et rébellions du populace se seroient eslevées, comme chascun sçait : de manière que les commandemens de Sa Majesté ne sont poinct respectez comme il convient ; conséquemment, est besoing de faire gens et prendre les armes pour reprimer les

— Ml -

mauvais et rebelles. Pour raison de quoy, Sa Majesté nous a commandé de sçavoir de tous ceulx qui sont à son service, ayant charge ou solde de Sadicte Majesté, leurs intentions et voluntez en ce faict icy.

Par quoy vous lui direz, de la part de Sa Majesté et nostre, que, en son endroit, il ait à déclairer ouvertement, et par le serment qu'il doibt à Sa Majesté, comme vassal et serviteur d'icelle, s'il voeult servir à icelle contre et envers tous ; s'il est prest d'obéir et faire son debvoir d'effectuer tout ce que , de la part de Sadicte Majesté, lui sera commandé, sans distinction et exception nulle, en renunceant à toutes ligues et confédérations qu'il poeult avoir eu ou faict avec qui que ce soit, contre l'intention et vouloir de Sa Majesté ; et, d'aultant qu'il est plus grand, d'aultant convient-il qu'il monstre milieur exemple aux aultres.

Secondement, que nous sommes advertie qu'il fortiffie, en toute diligence et chaleur, la ville de Vianne en Hollande : ce que, en un temps dangereux, turbulent et suspect comme le présent, ne povons trouver bon ny souffrir, pour les raisons toutes notoires , mesmes qu'elle est au milieu du païs de Sa Majesté , sur une rivière principalle, et prez d'une priricipalle ville d'Utrecht. Par quoy le requerrez, de nostre part, et lui ordonnerez, de celle de Sa Majesté, qu'il ait à cesser lesdicts ouvraiges, tant qu'il ait aultre ordonnance de Sadicte Majesté.

Tiercement, lui direz que , passé quelque temps , avions esté advertie qu'il a levé gens, mesmes subjeetz de Sa Majesté, à son de tambourin qu'il feist sonner audict Vianne et allenviron, et que présentement il continue faire nouvelles gens de guerre, qu'il lève en Anvers et allenviron? contre tout droit et raison, mesmes contre les mandemens et ordonnances de Sa Majesté, contenans paine de confiscation de corps et biens contre ceulx qui feroient enroullcr ou se feroient enroullcr , sans lettres-patentes de Sa Majesté , ou nos très. Par quoy lui requerrez et ordonnerez, comme dessus, qu'il ait à cesser, mesmes à licencier et renvoyer tous ceulx qu'il auroit amassé et recueillé , comme dessus.

Le requérant vous donner la responec, pour la nous faire entendre.

Que, si ledict seigneur de Brederodde vous demande que vous lui donniez vostre charge par escript, vous le ferez punctuellcment, en conformité de ce que dessus : ce que lui direz d'accorder, à condition qu'il vous promecte donner sa responce, et regarderez bien et diligamment ce qu'il vous dira et déclairera, pour nous en faire bon et fidel rapport.

Que s'il vous dit, au premier poinct, qu'il a faict une fois serment à Sa Majesté, quant il a relevé ses fiefz d'icelle , ou ses lieutenans , aussi a nous, quant il a accepté la bande d'ordonnances, vous direz que, comme ces troubles de toutes parts sont survenus, et qu'il est question de sçavoir l'intention de tous, que Sa Majesté a trouvé convenir d'ainsy le faire ; aussy, qu'il n'y a nul inconvénient de réitérer solennellement les promesses et sermensfaicts, et que jà les seigneurs, chevaliers de l'Ordre, estans lez nous, sicomme : duc d'Aerscot, comtes d'Egmont, Mansfelt, Meghem et seigneur de Berlaimont, l'ont puis naguères faict, et ne doubtons que les aultres , à la première semonce , feront le semblable.

Que, si nous le demandons de lui , il poelt bien entendre les occasions, et ne fût que la levée* de gens qu'il faict à nostre insceu, et contre l'ordonnance de Sa Majesté , aussi la fortiffication de ladietc ville, en temps si perplex et turbulent; en somme, que Sa Majesté l'entend ainsi que on le face à tous , pour sçavoir do qui on se doibt asseurer, et de qui garder.

Au ij« poinct, s'il vous allèghe que ladicte ville de Vianne est libre , vous direz que Sa Majesté, comme feu l'Empereur, l'ont toujours entendu aultrement, ou, sy lui voclt maintenir du contraire, qu'il a la voye de justice ouverte au grand conseil, où il poeult pareusuyvir ses poursuytes.

Aussy, comme ladicte ville ne se poelt fortiffier à l'émulation d'une aultre si principalle, estant en l'assiette susdicte, il ne debvoit encommencher cecy que du gré et consentement de Sadicte Majesté ; bien entendant que icelle ne le doibt nullement souffrir.

Au iij° poinct, s'il s'excuse sur le duc Erich, direz que lui a demandé congié de nous , pour faire quelques gens à la garde de la ville de Wôrden , pour conserver les églises de saccaigement

et ruync, et qu'il n'en a si grand nombre qu'il lui puist faire paour.

Quoi qu'il soit, que ledict seigneur de Brederode doibt donner obéissance et satisfaction à Sa Majesté et nous, tenant icy son lieu, sur les trois poinctz susdicts.

De toute laquelle sienne responce, et ce que lui aurez dit ou sera passé, vous ferez note, comme dit est, et demanderez, si povez, responce par escript, lui disant que m'en ferez rapport.

Que, si voyez qu'il s'esmeut aucunement de ces propos, vous userez toujours de parolles gracieuses, lui remonstrant modestement ce qu'il doibt à l'endroit de Sa Majesté, comme son vassal et estant à son service, ayant tant d'obligation et tenant telz biens et fiefz de Sadictc Majesté.

Ainsy faict à Bruxelles, soubz nostre nom cy-mis, le 9e jour de janvier 1566.