CUV

Résolutions qu'il a prises relativement à l'armée commandée par le prince : construction d'une écluse ; remise de l'incursion projetée en France ; renvoi des bandes d'ordonnance ; destination à donner aux gens de Hans Bernard ; licenciement de la cavalerie allemande sous les ordres du prince, etc. — Envoi au camp de 20,000 florins, avec le commissaire Espelbach.

Bruxelles, 20 novembre I5oa.

Mon cousin, aiant mis en délibération de mon conseil ce que pourroit sembler se debvoir faire de cy en avant des gens de guerre qui sont au camp, pour mon plus grand service et soulagement de mes subgectz , et entendu les opinions des ungz et des aultres, avecq les raisons et considérations alléguées par ung chascun, jay remis, en aucuns pointz, de me résouldre jusques à ce que j'en aurois aussi vostre advis, et, en aucuns, me suis du tout arresté, comme vous entendrez par cestes.

En premier lieu, sur le fait de l'escluze dont vous a esté escript par diverses fois, et pour laquelle l'on a envoyé quelques maistres dicqueurs et nyvelleurs sur le lieu, après avoir entendu leur besoigné et lespoir qu'ilz donnent den povoir venir au dessus; remémorant les incommoditez innumérables qui sont desjà succédées, et (fait à craindre) succéderont encoires, s'il n'y est obvié, parledict Maribourg, pour pluiseurs respcctz, il a semblé à aucuns, de prime face, que ce seroit une bonne oeuvre de besoigner à ladicte escluze, et attendre le succès que Dieu en donneroit. Mais, pour autant que, en le débatant, il s'y est représenté pluiseurs aultres diflicultcz, estant la chose de si grande importance qu'elle est, avant que

d'en résouldre, jay pensé d'envoyer quelques ungz de ma part sur le lieu, pour derechief visiter et débatrc le tout avecq vous, comme vous entenderez de brief plus amplement, à leur arrivée; aiant différé jusques à cest heure de wider ce poinct, pour ce que je savois que l'on n'y povoit mener les soldartz sans argent, dont, jusques à cest heure, l'on n'a eu moyen : mais j'espère que de bien brief y sera pourveu.

Cependant jay, sur tout événement, icy derechief mandé le bourgmaistre de Ziericzée , avecq quelques nyvelleurs et maistres ouvriers s'entendans en fait de dicquaiges, et ordonné de faire provision d'instrumcntz et de garbées ('), pour butter, afin que, en cas que je me résolve sur ladicte escluse, l'on ne soit retardé, à faulte de cela.

D'aultre part, considérant les plaintes continuelles quej'ay, tant de mesdicts subgetz, que de l'évesque de Liège, des foulles et dommages que les gens de cheval dudict camp font, soubz umbrc d'aller chercer fouraiges , et du long payement (dont il me desplaist bien fort, schachant que cela vous oste le moyen de les povoir tenir en si bon rigle, que je suis seur vous désireriez, pour mon service et le soulaigement du povre peuple); lesquelles ne sont apparentes de cesser, ains d'augmenter de jour à aultre, à mesure que les fouraiges d'alentour dudict camp s'amoindriront : dont pourroit succéder un grand mescontentement de ceulx dudict Liège, et diminution des aydes, qui sont de besoing pour supporter les frais de la guerre, et aultres pluiseurs inconvénients; voiant aussi combien lesdicts gens de cheval se sont fraiez, pour avoir esté si longuement aux champs, et le peu de nécessité que l'on a de présent, au camp, de bien grand nombre de chevaulx, estant lesdicts ennemis retirez, ne fust pour la rèse dont je vous ay touché par mes dernières , laquelle vous m'escripvez n'estre faisable

(') Garbi'ps, Lottes de pnillc.

cncoires de quelques jours , à cause des grandes eaues, et aultrcs difficultez, posé que lesdicts chcvaulx fussent à la main, ce qu'ilz ne sont, pour obvycr ausdicts inconvénients, et, afin que l'on s'en puist tant mieulx servir à la saison prochaine, ou plus tost, si l'occasion s'y adonne, je me suis résolu qu'en remettant ladicte rèzc jusques à ung aultre temps (puisque j'entens que, deChimay et aultres lieux à l'environ, l'on poura quasi faire le mesme effect par petites courses et à diverses fois), que vous renvoyez tous les ehevaulx d'ordonnance de par dechà à leurs maisons, en leur déclairant que j'ay leur service pour agréable, et que je tiendray la main que, endedens briefz jours, ilz recebvront ung bon payement, et semblablement aux recrutes d'icelles, lesquelles vous ferez casser par le commissaire des monstres, leur donnant semblablement bon espoir que, de brief, l'on regardera de les faire dresser et contenter.

Davantaige, vous ferez bien de procurer vers îlans Berner que, pour ung temps, il se retire avecq ses gens à Mons, pour se refaire et acommoder. Et le conte de Lalaing donnera ordre vers ceulx de la ville, de les faire loger, et livrer fouraiffcs, vivres et avoines, à la taille.

Et, pour ce que je suis délibéré de casser et licencier les gens de cheval alemans qui sont de vostre charge , à la première commodité, laquelle je n'ay pour à cest heure , si falloit que quant et quant on les payast entièrement de tout ce que l'on leur doibt, et que, en les retenant plus longuement, la despence accroistera, la foulle n'en sera de moindre, et l'occasion d'en povoir tirer service petitte ou nulle, j'ay pensé si l'on ne sauroit practiquer avecq eulx ce que le conte d'Aremberghe a naguaires practiqué avecq le conte de Scauwenbourg, Moris Priez et aultres, assavoir : de leur bailler promptement quelque argent, soit ung mois, ou le moins que pourez convenir avecq eulx, et les asseurer de leur

faire tenir le surplus de leur dcu, endedens quelque aultre temps, que prendrez le plus long que faire se poura, et en telle ville que conviendrez aussi avecq eulx, dont on leur bailleroit lettres d'asseurance, et, advenant quilz ne s'en contentissent , silz ne se vouldriont contenter de vostre respondant, auquel cas je vous bailleray lettres dindempnité, à vostre entière descharge ; et n'y aura faulte, d'ung seul jour, que l'on ne leur tiègne promesse. Ce que je vous requiers bien acertes leur voulloir mettre en avant, et user en cecy de tous moyens possibles que jugerez povoir servir à propos ; et vous me ferez ung service très-singulier, et en une saison où la nécessité ne pouroit estre plus grande; et ferez oeuvre méritoire devers le povre poeuple, qui, par ce moyen, sera soulaigé de beaucoup de foulles. Que me faict le vous recommander davantaige : dont jay aussi faict tenir ouverture à Esplebach.

Et, estant iceulx partiz, Ion poura remettre ledict Hans Bernart, Carondelet avecq les chevaulx aventuriers que sont à l'entour du camp, et quelques aultres bendes qui ont esté les plus soulagées de chevaulx légiers, ou aultres, en telz lieux que l'on trouvera plus à propos, pour tout ce que l'on se résouldra de faire de la reste dudict camp . cl mesmes une bonne partye audict Gyvet, puisque c'est le lieu où plus commodieusement l'on pourra mener fourages, se servant de la rivière de Meuze : à quoy jay desjà donné charge de pourveoir. Mais, oultre ce, il sera besoing cj^ue vous envoyez incontinent visiter ledict Gyvet, pour savoir quelle commodité il y a de tenir gens de cheval en seureté, combien de piétons ilyfauldrat mettre quant et eulx, s'il y reste quelque chose à faire aux Ircnchiz, et quoy : dont vous me pourrez advertir, ensemble de tout ce que vous aurez besoigné, ensuyvant le contenu de cestes.

Par la continuelle sollicitation que l'on a fait pour lecouvrer

nouvel eirgent, il est arrivé, à cest heure , xx"' florins que j'ay incontinent fait passer oultre avecq ledicl commissaire Esplcbach ; et l'on ne cessera de diligenter pour le recouvrement du surplus. Mais, comme l'on est aussi en faul te d'argent pour les ouvrages , si desdicts xx"" florins il estoit possible de défalquer quelque chose, et en assister le seigneur de Toulouze, ce seroit une bonne oeuvre : en quoy vous requiers faire du mieuk que pourez.

Au surplus, il sera bien que vous tenez la main, tant devers ceulx du camp, que de ceulx du régiment de Trelon, de ne faire aucune foulle audict pays de Liège. A tant, etc. De Bruxelles, le xx'' de novembre 1555.

Minute, aux Archives du Royaume : LcUrcs de et à GuiUatmc de IS'assaii, l I.

LE PRINCE DORANGE A PHILIPPE II

Ilcnvoi des banilcs d'ordonnance. — Arrangement fait par le prince avec les gens de cheval sous ses ordres. — Motifs qu'il a eus de retenir au camp Hans Bernard. — Opinion du seigneur de Warelles sur l'incursion qui avait été projetée en France. — Renseignements demandes sur Givct. — Urgence d'une résolution concernant l'écluse. — Emploi des 20,000 florins envoyés au camp. — Protestations de service du prince, à l'occasion de sa nomination comme conseiller d'Etat.

Au CAMP, PUES d'EcHEI'.EKNES, 23 NOVEMBRE 13!)3.

Sire, jay receu les lettres de Vostre Majeslé du xx" du présent, auxquelles jusques oires ny lardé de respondre, pour

non avoir plus tost seeu rassembler les coronnelz et lieulenans des bendes des ordonnances de par deçà , pour leur déclairer l'ordonnance de Vostre Majesté sur leur renvoy au mesnaige, et mesmes le cassement des recrues, laquelle déclaration leur ay au prime faict à ce matin; et, suyvant icelle, partiront demain, et se casseront lesdictes recrues doiz le xxv° de ce mois.

Quant à ce que Vostre Majesté m'ordonne de besoingner avec ceulx de ma charge, selon que mons*^ le conte d'Aren berghe a naguaires practiqué avec le conte de Schauvi'enbourg, Moris Fries et aultres, les conditions des ungs et d'aultres sont trop diverses et inégales, de tant que les miens ont tousjours esté en la campaigne, constrainctz à faire guet et garde nuyct et jour, dachapter les vivres bien chiérement, denvoycr bien loing quérir leur fouraige, dont ilz ont gasté et afïoullé la plus part de leurs chevaux; et, au contraire, ceulx dudict conte de Schauwenbourg et aultres n'ont sorty hors de leurs maisons, ny eu les incommoditez susdictes.

Si est-ce toutesfois que, pour démonstrer qu'ilz désirent faire à Vostre Majesté tout humble service, les ay induict et sont contens (en leur payant comptant et promptement, devant leur cassement, ung mois de gaiges, et leur retour qu'ilz appellent abzoch , que poura monter à environ quinze jours ou quelque peu plus, avec ce trois cens escuz de ivartgell qui leur est encoires deu) d'aclcndre après le surplus de leur deu jusques à la Chandeleuse prochaine. Et, oires quilz s'en contenteront de l'asseurance de Vostredicte Majesté, toutesfois sçachans que icelle Vostre Majesté est occupée en plusieurs aultres grandz affaires, ont requis que de leur restât j'en vueilleestrepleisgeet respondant, avec vostre trésorier général de par deçà et le S*^ Gaspar Schctz, afin que, pour ledict jour de la Chandeleuse , il n'ait faulte à leurdict payement, et ce, en la ville de Coulongne : à quoy, en mon endroit, je me suys très-volontiers condescendu . pour le service de Vostredicte

Majesté, considérant nicsmes la bonne affection qu'ilz portent audict service de Vostre Majesté. Dont, et afin que puysse demeurer avec eulx en bon crédit, je la supplie très-humblement qu'il luy plaise leur envoyer ses lettres obligatoires, pour tel payement qui leur restera, par compte faict; aussy encharger à vostredict trésorier et Gaspar Schetz d'envoyer icy leurs lettres particulières de ladicte pleisgerie en bonne, ample et pertinente forme, et à moy lettres d'indempnité de Vostre Majesté, à ma descharge; et, pour éviter plus grandz fraiz et despens par leur plus long séjour icy, ordonner d'y envoyer , le plus tost qu'il sera possible, ledict mois de gaiges et abzoch ou retour, avec lesdicts trois cens escuz d'or de wartgelt qui leur est encoires deu, comme dist est cy-dessus. Quant à Hans Bernard, soubz la très-humble correction de Vostre Majesté, je l'ay faict demeurer icy, afln que le camp, estant desnué de la cavallerye , n'en tombe en quelque inconvénient, et de tant plus que à Mariebourg y a deux cens chevaulx en garnison.

Le S' de Warelles vint hier vers moy; et, luy ayant communicqué l'intention de Vostre Majesté sur la rèse, il m'a dist que nullement il est d'advis de faire pour le présent ladicte rèse.

J'ay escript à mons' de Trelon de faire visiter quelle commodité y a à Gyvet, pour y tenir gens de cheval à seurté, et combien de piétons il y fauidroit mectre quant et eulx, et s'il y reste quelque chose à faire aux tranchiz d'illecq, et combien. Ayant sur ce eu sa responce, n'en fauldray en advertir Vostre Majesté incontinent.

Sire, je supplie très-humblement qu'il plaise à Vostre Majesté se résouldre sur le faict de Tescluze : car, comme le temps commenchc par la gellée se mectre au beau, les piétons du coronel Swendy se pouroient butter en la ville , car si , après eulx y estans huttez, faillùtles retirer, pour aller à ladicte

escluze, scroil à doubler que Ton les reudroit mal voluntaires, de sorte qu'il vauldroit myeulx de surceoir leur entrée en la ville, tant que Vostre Majesté eust du tout résolu sur l'ung ou sur l'autre, et qu'ilz fussent accommodez des mallras que Vosircdicte Majesté y doibt faire envoyer pour leur secours j lesquelz il plaira à icelle Vostre Majesté faire haster.

J'envoye, avec cestes, à Vostre Majesté Testât sur la distribution des xx'" florins icy arrivez avant-liier, suppliant qui luy plaise, en cas que de brief elle ne deubt envoyer icy aulcun payement pour les piétons, du moings faire tenir bientost ung aultre nouveau prest : car, oircs que ce dernier prest leur est fort bien venu à propoz, si est-ce que, pour la grande chierté des vivres, et qu'il leur a esté besoing de payer aux vivandiers ce qu'ilz leur debvoient, et que pluiseurs d'eulx, par l'incommodité du temps présent et aultrement, sont tombez et tombent journellement en diverses maladyes, leur en reste bien peu, ou riens.

A tant. Sire, me recommandant très-humblement à la bonne grâce de Vostre Majesté, je prie le Créateur donner à icelle, en prospérité et santé, très-longue et très-heureuse vye. De vostre camp lez Echsereyne, le xxiij" jour de novembre 15S5.

Post data. Sire, quant à ce que Vostre Majesté m'a escript,

par ses précédentes, avoir me assocyé ou nombre de ceulx de

son conseil, Vostredicte Majesté sçait bien le désir que j'ay

toujours eu à luy faire tout humble service, ouquel je conti-

nucray tant que Dieu me donnera sa grâce.

De Vostre Majesté très-humble et très-obéisant serviteur

et vassal,

Gmhlv. DE Nassau.

Siiscription : Au Roy. Et plus bas: Dépesché au camp, le xxiij" de novembre, à cinq heures du soir.

Original, aux Archives du Royaume : Lellrcs de et n Guillaume de Nassau, t I.

PHILIPPE II AU PRINCE D'ORANGE

Envoi au camp des seigneurs d'Egmont , de Boussu, de Berghes, de Berlaymont et de Glajon, afin d'examiner avec le prince ce qui concerne l'écluse projetée, l'emploi des troupes et la garde de la frontière. — Le Roi approuve, sauf en un point, ce dont le prince est convenu avec les gens de cheval sous ses ordres.

Bruxelles, 2i novembue i555.

Mon cousin, suyvant ce que vous ay escript, par mes précédentes, d'envoyer quelques-ungz de ma part, pour derechief reveoir et revisiter avecq vous le lieu d'auprès de Maribourg, que l'on avoit mis en avant pour y dresser une escluze, avecq tout ce qui en despend, et y prendre résolution, une fois pour toutes, j"y envoieray les seigneurs d'Egmont, Boussu, Berghes, Berlaymont et Glajon, et les dicqueurs que jà y sont estez, lesquelz se partiront demain : dont je vous ay bien voulu préadvertir, afin que, cependant, vous puissez donner ordre à ce que conviendra pourveoir à ccst effect, soit de ceulx qui! fauldra avoir au convoy vers ledict Maribourg, ou autrement. A quoy je vous requiers vouUoir soigner (sans toutesfois faire semblant de leur venue) : car, oultre ce que je désire qu'ilz soyent bientost de retour, quelque conclusion que l'on voeulle prendre, il convient mesmemenl que l'on haste de se résouldre, tant pour éviter la despence, que pour ne perdre plus de temps. Et sera bien que vous débatez par ensemble, nonseulement sur le fait de ladicte escluze, mais aussi sur ce que semble en général se debvoir faire de ceulx que sont au camp et à l'entour, et de ce qui concerne la garde de la frontière, et

qu'ilz puissent retourner, inslruitzde vostre commun advis, et des considérations que vous auront meu, pour me faire rapport du tout.

J'ay receu vostre lettre du xxiij^ de ce mois, et veu ce que vous avez besoigné avecq les ritmaistres des chevaulx alemans que sont soubz vous, touchant leur payement. En quoy je me suis apperclieu, tant du bon debvoir que vous y avez fait en leur regard, que de la bonne affection que vous continuez en mon service : ce que je ne saurois prendre, sinon de trèsbonne part, et vous en savoir bon gré. Et, suyvant ce que vous avez traité, j'ordonneray que l'on leur paye promptement ung mois de gages, leur retour, qu'ilz appellent afsocht, et le surplus que leur poeult compéter de reste, pour leur wartghelt. Et, quant à ce qu'ilz entenderiont de recepvoir à Couloigne, à la Chandeleuze, s'il estoit possible de les induire à se voulloir contenter de le recepvoir à la foire de Francqfort, qui sera vers la mi-quaresme, il viendroit fort bien à propos, tant pour le lieu, que pour gaigner autant de temps davantaige : ce que vous requiers leur voulloir mettre en avant, et le practiquer, s'il est aucunement possible, sinon (encoires que ce seroit une bonne œuvre), plustost qu'il en vînt inconvénient, l'on en usera pour ung mieulx. Dont, et de vostre besoigné, je désire estre incontinent adverti, afin que, suyvant vostredicte lettre, l'on puisse despescher l'obligation, soubz ma signature, que demandez, et semblablement les lettres particulières de Jaspar Sehetz : en quoy n'y aura faulte, ny aussi à l'expédition des lettres d'indempnité, à vostre descliarge. Mais, quanta faire joinctement obliger mon trésorier général, ce seroit chose non accoustuméc estre fai(e par quelcung de mes finances, et, pour pluiseurs raisons, de mauvaise conséquence : par où ne seroit convenable d'y entrer. Et, puisque povcz estre asseuré qu'en la reste des obligations, n'aura faulte (|u'ellcs ne soycnt furnyes au jour préfix, j'espère que vous et

eulx en aurez contentement. Cependant, je faiz liaster les deniers autant qu'il est possible , et espère que de bien brief il y sera pourveu. Bruxelles, lexxiiij" de novembre 1555.

minute, aux Archives du Royaume : Lettres de et ri Guillaume de Nassau, t. I.

CLVIÏ.

LE PRINCE D'ORANGE A PHILIPPE II

Etat de Givet : impossibilité d'y logerde la cavalerie — Dénûmenl des piclons

espagnols.

Au CAMP, PBÈs d'Echebennes, 2U novembre 1535.

Sire, mess" de Warelles et Trelon, sur ce que leur avoye escript, suyvant les lettres de Vostre Majesté du xx'' du présent , qu'ilz m'eussent à advertir quelle commodité y avoit à Givetz, pour loger gens de cbeval à seureté, combien de piétons il y fauldroit meetre quant et eulx, s'il y restoit quelque chose à faire aux trenchiz, et quoy, m'ont escript qu'il ne convenoit encoires (à leur advis) y loger aulcune cavallerie, pour la peste qui n'y est du tout estaincte. et que, si les paysans et laboureurs qui s'en sont retirez, à cause d'icelle, y retournoient à habiter, qu'il y pouroit avoir meilleure commodité, dont à présent n'y a aulcune apparence sans une bonne gellée ; quant aux trenchiz d'illecq , que l'on ne sçauroit parachever ce (jui y reste encoires à faire, pour deux mil florins. Si est-ce que y envoyeray, pour myeulx visiter le tout.

A tant, Sire, me recommandant très-humblement à la bonne grâce de Vostre Majesté, je prie le Créateur donner à icelle, en prospérité et santé, très-longue et très-heureuse vye. De vostre camp lez Echsereyne, le xxv^ jour de novembre ] 555.

Sire, je supplie très-humblement qu'il plaise à Vostre Majesté faire pourveoir aux piétons espagnolz daulcun payement, car, à faulte d'argent, courront esgarez par le plat pays, cherchans vivres, et mesmes destrouchans (') les vivendiers qui les ameynent vers ce camp : à quoy si bientost n'est obvyé, en leur faisant envoyer de l'argent, sommes apparens de souffrir de brief grande nécessité desdicts vivres, à cause que lesdicts vivendiers n'y oseront plus amener nulz.

De Vostre Majesté Irès-humble et très-obéisant serviteur et vassal ,

GuiLKE DE Nassau.

Suscription : Au Roy. Et plus bas : Dépesché au camp, le xxv*" de novembre, à l'heure de mydy.

Original, aux Archives du Royaume : Lctlres de cl à Guilhuimc ih Nassau, t. I.

(') Dcstrouchun?, ilcdoussaiit, dévalisant .

LE PRINCE D'ORANGE A PHILIPPE II

Résultat des négociations du prince avec les gens de cheval sous ses ordres. — Nécessité d'argent.

Au CAMP, PaÈS n'ÉcnERENNES, 26 NOVEMBRE ISSo.

Sire, suyvant les lettres de Vostre Majesté du xxiiij" du présent, je suys actendant d'heure en heure mess" d'Egmonl, lierghes, Boussu, Berlaymont et Glajon, lesquelz venuz,communicquerons par ensemble ce que conviendra faire pour le plus grand service de Vostre Majesté.

Quant à ce que Voslredicte Majesté m'ordonne, de pratiquer de nouveau, pour induire les gens de cheval de ma charge à se contenter de reccpvoir la reste de leur payement à la foire de Francqfort, qui sera vers le my-quaresme, Sire, dernièrement, ayant sur ce receu les lettres de Vostre Majesté, j'ay eu diverses communications et disputes avec eulx, pour les povoir induire à vouloir dilayer leurdict payement jusques à la Chandeleuze, ce que à payne ay sceu obtenir, pour pluiseurs raisons, disans que, à leur cassement, il leur fauldra incontinent payer leurs serviteurs et aultres mercenaires qu'ilz ont mené icy avec eulx , aussy contenter les marchans des harnaz qu'ilz ont achapté de nouveau, pour à ma requeste se monter en lances, estans auparavant montez en noirs harnaz, avec pluiseurs aultres bonnes raisons ; dont ne m'a semble, pour le service de Vostre Majesté, debvoir plus oultre insister à aultre plus long dilay, ayant mesmcs veu avec quelle promptitude de volonté ilz se soient condesccnduz audict dilay de la

Chandeleuze ; suppliant à tant très-humblement qu'il plaise à icelle Vostre Majesté prendre de bonne part ceste mienne excuse.

Comme les vivres de ce camp journellement deviennent plus chiers et mal couvrables, tant pour l'incommodité de la saison présente et des chemins, que aussy que la pluspart des vivendiers n'y retournent plus, voyans qu'il n'y a point d'argent, je supplie qu'il plaise à Vostrcdicte Majesté, pour subvenir à la grande nécessité et disette dudict camp, y faire envoyer en diligence quelque secours d'argent, mesmes à l'infanterye espagnole, laquelle de plus en plus continue (à faulte de payement et extrême povreté, aussy pure famine, comm'ilz disent ) de fouller le plat pays , et de piller les vivendiers.

A tant, Sire, me recommandant très -humblement à la bonne grâce de Vostre Majesté, je prie le Créateur donner à icelle, en prospérité et santé , très -longue et très -heureuse vye. De vostre camp lez Echsereyne, le xxvj" jour de novembre 1S55.

De Vostre Majesté très-humble et très-obéisant serviteur et vassal,

GuilIe de Nassau.

Suscription : Au Roy. Et plus bas : Dépesché au camp, le xxvj*' de novembre, à une heure après mydy.

Original, aux Archives du noyauiuc : Lcllres de et à Guillaume de IS'assuu, t. I.

eux.

LE PRINCE D'ORANGE A PHILIPPE II

Retour à Bruxelles de MM. d'Egmont, de Berghes, de Boussu, de Berlaymont et de Glajon. — Le prince se réfère à leur rapport, concernant la construction de l'écluse. — Nécessité de vivres et d'argent.

Au CAMP, PRÈS m'EcHERENNES, 28 NOVEMBRE 1855.

Sire, mess" d'Egmont, Boussu, Berlaymont et Glajon sont partiz, à cest après-disncr, à faire rapport à Vostre Majesté de nostre besoingné sur le faiet de l'eseluze et les dépendances d'icelle : dont, et pour estre mons"^ le marquis de Berghes, présent porteur, (de qui Vostrediete Majesté poura aussi entendre tout ce qui y est passé), je me garderay de luy faire sur ce plus longue lettre. Tant seullement suppliray Vostre Majesté que luy plaise se résouldre le plus tost qu'il sera possible sur ladicte eseluze, et, actendu la grande faulte des vivres qui croît icy de plus en plus, faire escripre aux plus prochaines villes d'icy, tant du pays de Haynnault et Brabant, que de Liège, afin de pourvcoir ce camp de vivres le plus qu'ilz pourront; aultrement, comme les chemins s'empirent journellement par la présente saison, sommes en dangier d'en tomber en grand inconvénient. A laquelle plaira aussy faire pourveoir ce camp d'aulcun bon secours d'argent, pour assister les piétons en la présente nécessité qu'ilz seuffrent, à faulte d'icelluy et la chicrié des vivres, et les rendre tant plus voluntaires, si d'avenlure Vostrediete Majesté se résolvist à faire ladicte eseluze.

J'escripvray aussi à aulcunes desdictes villes; mais je <loubte bien que mes lettres seront de peu d'efl'cct. Dont il plaira à

Voslre Majesté leur en faire escriprebienetacertes, afin qu'ilz ne vueillent faillir à faire leur debvoir.

Sire, en cas que Vostredicte Majesté se résolve à faire ladicte escluze, je luy supplie très-humblement d'envoyer icy aulcuns seigneurs, pour par ensemble regarder ce qu'il conviendra faire pour le plus grand service d'icelle, vcu que, pour l'importance de l'affaire, je n'y vouldroye seul besoingner.

De Vostre Majesté très-humble et très-obéisant serviteur et vassal,

GuilIe de Nassau.

Stiscription : Au Roy.

Original, aux Arcliivcs du Royaume : Lcllre.i de et à Guillaume de IVussau, il