LES ÉTATS GÉNÉRAUX AU PRINCE D'ORANGE
Ils le prieni de faire secourir leurs gens de guerre étant devant Breda. — Ils ont envoyé des ambassadeurs en France, afin que le duc de Guise soit empêché de secourir don Juan, et ils réclament, dans ce même but, l'intervention du prince auprès d'un personnage qu'ils ne nomment pas.
Bruxelles, 13 septembre 1377.
Monseigneur, comme le S'^de Courtewille nous a remonstré la nécessité de noz gens de guerre cstans devant la ville de Breda . nous trouvans de toutes parts tant despourveuz des choses nécessaires pour le secours d'iceulx , n'avons peu obmcctre de requérir derechief très-instamment Vostre Excellence de vouloir, par le moyen de ceulx de Hollande et Zeelande. faire toute assistcnce possible à nosdicts gens de guerre, d'amonition. pouldres et vivres, mesmes faire drescher leur payement dung mois de gaiges, sur et en tant moings de ce que lesdicts estatz de Hollande et Zeelande porront debvoir pour le subside et contribution communes, et tant accélérer la réduction d'icelle ville et de Bois-le-Ducq,
que bientost puissions joindre toutes noz forces ensemble pour la défence et récupération commune des pays. Et, de tant que (comme Vostre Excellence nous advertist) don Jehan d'Austrice s'efforce, par toute l'Europe, nous forger continuellement nouveaulx ennemys, provocant de toutes parts gens pour nous ruiner et extirper enthièrement, dont nous convient et avons trouvé bon de nous contreminer de faict , avons despesché mess" de Willerval et le baron d'Obeignies (') vers le roy de France, monsieur d'AUenchon, son frère, et madame de Navarre, affin d'obtenir respectivement diceulx de non advouer et assister, ains de révocquer et empescher le duc de Guyse, qu'entendons faire grand amas de gens et apprestz de guerre, de venir contre nous : à quoy nous pourroit merveilleusement assister le personnaige dont les .porteurs de ceste parleront à Vostre Excellence. Laquelle nous feroit ung très-singulier office, comme la prions trèsinstamment, de traicter et tant faire avecq icelluy, que de non assister ny donner passaige audict roy de France, ny ducq de Guise, ou aultres venans à l'assistence dudict don Jehan j ensemble qu'elle vculle tenir (comme espérons) toute bonne correspondence avec Vostre Excellence et nous : ce que désirons recognoistre en tous endroictz possibles, comme Vostre Excellence entendra plus amplement par ledict S' de Courtewille et bourgmestre de Louvain, que renvoyons par delà : prians icelle leur donner toute bonne audience, et fier comme à nous-mesmes.
Monseigneur, nous prions Dieu maintenir Vostre Excel-
(I) A. d'Ongnyes, seigneur de Willerval, et Gilles de Lens, baron d'Aubigny.
Le S' de Willerval fut-il depuis çemplacé par le S' de Mansart? La lettre du7 novembre que 31. Groen Van Prinsterer a publiée, Archives, etc., t. VI, p. 23S, pourrait le faire croire.
Observons, en passant, que.cette lettre, que iM. Groen donne"comme ayant été adressée au prince d'Orange, doit en effet l'avoir été aux états généraux.
lence en sa saincte garde, après avoir présenté noz humbles et affectueuses recommandations en la bonne grâce d'icelle. De Bruxelles, le xiij* de septembre 1577.
Très-affectionnez en service, les estatz généraulx.
Suscription : A mon=:eigneur monsieur .'e prince d'Orenges .
Copie du temps, aux archives de la ville d'Ypres.
DCXXV.
