LE DUC JEAN -CASIMIR, PALATIN, AU PRINCE D'ORANGE

II se plaint des états généraux, qui refusent d'accueillir ses prétentions.

GaND, 51 OCTOBRE 1S78.

Monsieur mon cousin, il n'y a chose qu'il me pèse plus, ny doibvepeser, quede veoir tant d'honnorables seigneurs et gen-

(') Le duc Jean-Casimir écrivit le même jour à Parchiduc Mathias et aux états généraux. Voici sa lettre aux états ;

« Messieurs, que j'ay désiré l'embouchement de mon cousin monsieur le prince d'Oranges, n'a pas tant esté pour mon regard particulier, qu'à l'occasion de ce que plusieurs gens de bien de ce pays, amateurs du bien publicque, jugeroyent n'en pouvoir redonder que tout bien à l'advanchement de la causecommuue; mais, puysque j'entens,parvoz lettres, son absence d'Anvers pouvoyr causer vostre entière ruyne , et donner victoyre à l'enncmy commun, je le tiens bien pour excusé. Etseroys, quant à moy, bien enclin de me transporter à Anvers , pour consulter des moyens d'estaindre ce feu qui , jà tout allumé en Flandres, a causé des bransquetaiges, pilleryes et meurtres de quelques altérez wallons, sy je voyoye ma présence y pouvoyr servir de quelque chose plus qu'icy : joinct que je n'ay que trop de raisons pour quoy je ne me doibs neveux enfoncer trop avant en ce différent, lequel, à mon advys, ne se peult appaiser que par le consentement des deux partyes, sy ce n'est que l'on volust user d'authorité absolue envers l'une ou l'aultre. A ce que j'ay peu comprendre, ceste altération desjWallons est un jeu tramé, projecté de longue main , quy tire une grande queue après soy : à quoy me semble, messieurs, qu'avez bien à penser et pourveoyr d'heure, avant que l'aigreur gaigne tant sur Tune et l'aultre partye , qu'il n'y ait plus moyen d'adoucissement,

» Au reste , je vous prye , messieurs , comme j'ay jusques à présent souventesfoys sollicité par mes agens, que veuillez une foys penser à bon escient à mectre fin à mes affaires. Je n'ay esté obligé qu'à trois moys de service , ny mes gens aussy : ilz en sont au cincquiesme, et cependant j'ay aullant de résolution de vostre part, que lo premier jour que j'entray en ce pays, l'our

tilzhommes quy sont venuz en ce pays pour mon occasion , et affin d'y rendre quelque bon service, me sont encoires sur les bras , sans pouvoir impétrer des estatz une responce , s'ilz ont envie de les emploier davantaige , ou non , et sans avoir, jusques à présent, peu sçavoir quel seroit leur entretènement('). L'on m'a promis à Bruxelles des commissaires, l'on m'en a promis à Gand, mais je n'en ay poinct encoires veu; cependant, leurs nécessités et les miennes aussy s'augmentent, et n'y a personne qui aye esgardt. Je vous prie, pour tous les offices d'amitié que me voulez faire, de vous employer vivement à ce que je soye deschargé de ce fardeau, car, quant à moy, je suis résolu entièrement de ne m'en plus mesler, sinon aultant que

mon regard particulier, je ne demande ne désire contentement aultre, sinon que la cause commune soyt bien gouvernée et guidée à heureuse issue des maulx quy l'ont traveillé, me contentant d'avoyr voulu faire service à ce pays, et, à cest effect , avoyr employé ma personne propre ; mais je désire que l'on donne contentement à mes gens, lesquelz, tandis qu'ilz seront mal contens, je ne peux que je n'en soye participant. Je suys entièrement résolu de ne plus me mesler d'eulx, sinon en tant que ma promesse m'y oblige pour leur payement. Je me tiens aussy entièrement libre, et nullement tenu ny obligé, ny à estatz généraulx, ny particuliers, et seroys déjà en ma maison, ou du moyns en chemin, ou ailleurs, sj' je n'eusse promys à mes reuttres et gens de piedt de ne quicter ce pays qu'ilz n'eussent contentement de leurs gaiges deuz : aussy a-ce esté de leur gré et consentement que je ne suys retourné au camp, n'en ayant que trop grandes occasions. En vertu de la capitulation, les reuttres sont libres aussy et hors de serment, sy l'on ne traicte dercchief avec eulx. Je crains, sy l'on laisse aller ces choses le train qu'elles sont allées jusques à présent, que la fin n'en sera pas bonne, et en sera donnée la coulpe à ceuix quy y dehvoyent, ou par avanture pouvoyent mectre ordre. Dont vous ay bien voullu advertir, affin qu'estans asseurez de mon intention, vous pensiez à pourveoyr à tous inconvéniens. Que sera l'endroict où , après m'estre bien affectueusement recommandé à voz bonnes grâces, prîray Dieu, messieurs, vous tenir en sa protection et saulvegarde.» {Recueil de pièces relatives aux états généraux de 1S76-1S80, t. II, fol. 305.)

(') M. Groen Van Prinsterer, Archives, etc., t. VI, p. 466 et suiv., donne d'intéressants détails sur les causes du dissentiment qu'il y avait entre les états généraux cl le duc Jean-Casimir.

ma promesse m'y oblige, pour la satisfaction de ceulx (|ui m'ont suivy en ce voyaige. Que , si les estatz ont envie d'en retenir, qu'ilz facent traicler ; mais de ne traicter,ny du passé ni de l'avenir, c'est une chose fort estraingcj et, si l'on continuoit, je serois contrainct de faire de nécessité vertu.

J'entens aussy que les estatz ne veulent estendre leur presl que sur treize de mes cornettes, retrenchans celles que j'ay eu en ce pays. II n'y en a que deux : ilz m'en veulent retrancher trois. Moyennant que je sache (ce que se pourra bien par vostre moyen, dont je vous prie) si telle est la résolution des estatz, j'adviseray d'y remédier.

Quant au faict de Gand et des mutins wallons, je m'en suis déclairé au S"^ de S^^-Aldegonde ('), et en demeure encoires là : le remède, à ce que l'on dit, par deçà, des maulx qui menacent ce pays, doibt procéder d'Anvers, où les estatz sont. Je vous prie que l'on mecte une fin à mon faict, à quoy pouvez beaucop.

Que sera Fendroictoù, après mes bien humbles recommandations à voz bonnes grâces, prieray Dieu, monsieur mon cousin, vous tenir en sa protection et sauvegarde. De Gand, ce dernier d'octobre 1578.

Vostre bien humble et très-affectioné cousin,

J. Casimir.

Sîiscription : A monsieur mon cousin monsieur le prince d'Orainges.

Copie du temps, à la Bibliothèque de la Chambre des Représentants : Recueil de pièces relatives aux élati généraux, de 1576-1580 , t. II, fol. 303.

(') Voy. les Archives, etc., I. c.

DCIXIX.