LES COMMUNEMAITRES ET ÉCHEVINS DE MALINES AU PRINCE D'ORANGE
Ils le remercient d'avoir retiré de leur ville les trois compagnies hollandaises qui y tenaient garnison, et le prient de donner des ordres pour que celles qui sont à Willebroek n'interceptent pas le passage de la rivière.
Malines, i JUIN 1579.
Monseigneur, n'avons voulu obmectre de tout nostre pouvoir remercier Vostre Excellence de l'indicible faveur et bien qu'avons recheu, au moyen de l'ordonnance par laquelle les trois compaignies de Hollande sont retirées de ceste ville, puisqu'aultrement icelles n'estoyent compatibles avecq les humeurs de la plus saisne et grand partie de la bourgeoisie et commune de cestedicte ville ('). Suyvant quoy. n'avons aussi voulu faillir d'en toute promptitude , et en conformité de la mesme ordonnance , dépescher vers Son Altèze noz députez, par forme d'hostagers : prianlz aussi Vostre Excellence les vouloir tenir en sa protection et sauvegarde, et selon que la rondeur de noz actions démonstre qu'en ce nous procédons de telle syncérité que l'on peult désirer de nous, et comme,
(') « Le 1er jour de juing 1579, ceux de Malines eurent quelque altération contre la garnison : de quoy Son Altèze et Excellence advertis, craignant qu'il en pourroit bien advenir quelque désastre, trouvèrent bon de faire sortir la garnison, à condition qu'ils recevroyent aultres gens telz qu'il leur plairoit, aggréables aux estatz , et c'estoit pour tant plus complaire à ladicte ville, et l'a maintenir contre l'ennemy : sur quoy ilz envoyèrent leurs ostagiers.... » ( Vraye narration de ce qu'est traicté avec ceux de Malines , tant par écrit que verbalement , de la part de l'archiduc Matthias, etc. Anvers, Christophe Plantin, 1580, in-12.)
par l'acte d'asseurarice qu'avons à ces fins dépesché sur nosdicts députez, pourra paroistre. D'aultre part, comme nous ne sçavons pourquoy les [compaignies] estantz à Willebrouck nous font infestes ('), ne [donnant] libre passage à nos navieurs, marchantz et passagers [par] la rivière, les menaschantz ouvertement de leur coupper la gorge, piller et saccager, prions très-instamment que Vostre Excellence, de son authorilé, y vueille bientost pourveoir, et donner ordre que telz oultraiges puissent cesser, comme raison, toutes lois et justice requièrent. Et, soubz espoir que Vostre Excellence en ce nous impartira sa faveur, n'extendrons cestes à aultre effect, que pour prier le Tout-Puissant avoir, monseigneur, Vostre Excellence en sa saincte et bénigne grâce , nous recommandans très-humblement à celle de Vostre Excellence. Malines, iiij juny 1579.
Minute, aux archives du la ville de Malines. (') Infestes, outrages.
— iS6 — DCXCV.
LE PRINCE D'ORANGE A L'ARRÉ DE MAROILLES.
Remercîments. — II écrit au duc d'Arschot, pour l'informer de l'état des
affaires.
Anvers, 12 juin 1S79.
Monsieur, j'ai receue la lettre que m'avez envoie, et vous remercie très-affectueusement de ce qu'en continuant vostre bonne affection vers moy, me communiqués par icelle. J'escriz présentement à monsieur le ducq d'Arschot ce qui s'est présenté par deçà depuis mes dernières : de quoi d'aullant que je confie qu'aurez part, je ne m'estendrai icy par plus long discours , estant exclus par la briefvelé de temps. Qui sera l'endroictque prierai Dieu, après m'estre très-affectueusement recommandé à voz bonnes grâces , vous donner , monsieur , en santé , heureuse et longue vie. D'Anvers, ce xij^ de juing
Vostre bien bon amy à vous faire service,
GuiïZe de Nassau.
Suscription : A monsieur monsieur le prélat de Marolles.
Original, aux archives du département du Nord, à Lille.
DCXCVI.