LES BOURGMESTRES ET ÉCHEVINS DE BRUXELLES AU PRINCE D'ORANGE
Nouvelles de la guerre. — Occupation de Vilvorde par les bourgeois de
Bruxelles.
Bruxelles, 18 septembre 1S81.
Monseigneur, nostre homme, qui jusques à présent nous n'a failli en ces nouvelles, est retourné ce matin, et avons de luy entendu les poinctz comprins en la mémoire cy-joincte('), dont n'avons peu faillir d'en advertir Vostre Excellence en toute diligence possible. Et, combien que espérons que tout se conduira de meillieure sorte que de première apparence le semble monstrer, si ne sommes trop bien à nostre aise, de nous
(') Ce mémoire contenait des nouvelles des opérations militaires, qui ne sont pas assez intéressantes pour que nous les donnions ici.
veoir tant dénuez de garnison, et la ville de Vilvorde quant et quant : partant supplions que V. E. veuille donner toute ordre possible. Les Escoussois sont sorliz piéça de Vilvorde, et y avons mis la compaignie de Moirs, qui fust à Vrindt, que n'est à beaucop prez bastant , et partant faisons icelle ville aussi garder par noz bourgeois, espérans que de brieff pourrions donner meillieur ordre par le retour denostre garnison. L'ennemy se renforche aux environs de nostre quartier, et nous ont bruslé devant-hier l'abbaye de la Cameren ('), avecq plusieurs villaiges à l'entour, non sans grande perte, tant des hommes que de bestiaulx. Devant que les Escoussois ont volu sortir, avons esté conslrainet de leur faire et promectre tout ce que ilz ont volu, puisque eussions assoeuré que, sans cela, ladicte sortye n'eût oncques esté effectué, de sorte que icelle sortie nous viendra bien à coster jusques de dix-huict mille florins : espérans toutesfois que, en cecy, ny en tous aultres noz grandz et insupportables fraiz, ne serons abandonnez de la généralité, à quoy supplions que Vostre Excellence veuille tenir sa bonne main accoustumé, ensemble à nostre meillieure asseurance et conservation, et au Créateur, monseigneur , après nous estre très-humblement recommandé en la bonne grâce de Vostre Excellence, conserver icelle en la sienne saincte, longue et heureuse vie. De Bruxelles, le xviij^ de septembre, l'an 1381.
De Vostre Excellence très-humbles serviteurs,
Bourgmestres, eschevins et conseil de la ville de Bruxelles.
Suscriptiou : A Son Excellence.
Original, aux Archives du Royaume, papiers d'Ctat : Dépêches des rebelles, l. VI, fol. 2.
(') L'abbaye de la Cambre, près de Bruxelles.
DCCLXIX.
LES QUATRE MEMBRES DE FLANDRE AU PRINCE D'ORANGE
Mesures pour la jonction de Tarmée des états et de celle du duc d'Anjou. — Prévarications des capitaines des cornettes de chevau- légers étant au camp.
BaUGES, 19 SEPTEMBRE 1^81.
Monseigneur, comme jusques ores n'avons peu entendre que Tennemy, aprez la reprinse de la ville de Saincl-GIiisIain, se seroit mis à la poursuyte de nostre camp, ains, comme l'on nous raporte de Menin, tire la pluspart vers le Cliasteau-en- Cambrésys, et présumans que Vostre Excellence ha faict arrester nostredict camp ad ce regard, doubtans que Son Altèze, en estant advertye, et tenant le bruyct que le secrétaire Nepveu en aura aprins par le chemyn pour véritable, ne face difficulté de ^marcher plus avant de son costel, tant qu'il soit esclarcy de la vérité et advys de V. E., pour le grand désir et besoing qu'avons de veoir les deux armées joinctes, n'avons peu laisser faire cestes, pour vous représenter ce que dessus, si d'adventure V. E., se trouvant depuis de plus prez informée de l'intention et entreprinse des ennemys, fust d'advys laisser passer nostredicte armée et poursuyvre le traité encomenché, pour oster à Sadicte Allèzc tout scrupule et matière de retardement, et dont nous raportons à vostre très-pourvcue discréiion.
D'aultrepart, monseigneur, nepovons laisser vous dire que sommes deuemenl adverliz que les cornettes de chevaulx-légicrs eslans au canip sont si foiblcs et mal furnicz d'iiommcs,
que parmy icelles il n'y auroit trois cens cincquante lances, au lieu de plus de huict cens que paions : qu'est ung si trèsgrand désordre que supplions V. E. y remédier, et ce nonseuUement par le cassement d'aulcunes compaignies, pour en remplir les aultres, ains aussi par quelque chastoy exemplaire des capitaines les plus coulpables, déroubans si déshonteusement l'argent du pays que tant nous cousle de paine et travail, et par où V. E. accroistra son authorité, et fera souvenir aux aultres de leur foy et serment qu'est en si peu d'estime, au péril de l'entier Estât et cause desestatz. A tant, monseigneur, prions Dieu le Créateur donner à V. E. sa très-saincte et digne garde, avecq l'entier accomplissement de ses très-nobles et très-verlueulx désirs. De Bruges, le xix° jour de septembre xv" iiij" j.
De Vostre Excellence humbles et très-affectionnez serviteurs,
Les quattre membres du pays et conté de Flandres.
De Groote.
Smcription : A Son Excellence.
Original, aux Archives du Royaume, papiers d'£tat • Dépêches det rebelles, t. VI, fol. 14.
DCCIXX.
LE S' DE MANSART AU PRINCE D'ORANGE
Nouvelles de l'ennemi. — Nécessité d'être sur ses gardes.
