AUDENARDE, 21 SEPTEMBRE

Monseigneur, je suis esté à cest instant adverti de monsieur d'Estraielles (') que, passé quatre jours, il at eu divers adverîissemens de ce que faiet l'ennemi autour de Valenchiennes : qui est qu'il at quelque intelligence et machination sur quelque ville tenant le parti des cstatz, et, à cest effect, a faict faire plus de deux cens eschelles et plus de mille sacqs, tant plain de laines qu'aultres choses convenables pour attaqquer une ville, m'aiant pour ce adverti que soie sur ma garde. Laquelle nous ferons bonne, Dieu aidant : mais nous avons fort peu de gens, et non plus de trois cens hommes combatans, et noz eaues sont fort basses, lesquelles cejourd'hui j'ay faict haulser. Je supplie Vostre Excellence d'estre sur sa garde, et de penser qu'elle est en une ville de très-grande garde, et où n'i at aulcun soldat de pied, et où l'ennemi poeult avoir beaucoup de partisans.

J'ay, à l'heure que j'escripvois ceste, esté adverti de quelques paysans, qui sont venuz crier à la garde que la garnison de Allost estoit sortie à ce soir, et venoit vers Soteghem. J'ay eu aussi advertissement de Courtrai que tous les charpentiers de là à l'entour ont esté empliez à faire eschelles, et, que si le duc

(') Voy. la note 1 à la page 520.

d'Alenson ne fùlvers Sainct-Omer, que l'ennemi debvoit venir assiger ceste ville. Il seroit fort bon que noz forces retournassent incontinent par dechà, pour estre les villes touttes dénuées et despourveues de soldatz, et partant au danger d'estre surprinses ou forsées : de quoi l'on a veu l'exemple à Sainct- Guislain. Je ne suis ici sans double que l'ennemi ait quelque intelligence, selon que le capitaine La Crois (') at adverti V. E., de quoi ne lui ose escripre plus amplement, craindant la surprinse des lettres. A tant, monsigneur, apprès avoir supplié très-humblement V. E. d'avoir sur ce son bon advis, et de pourveoir à ce qu'elle jugera estre convenable pour la seureté de ceste ville, prierai le Créateur lui donner très-longue et très-heureuse vie. D'Audenarde, ce xxj® de septembre 1581, à 12 heures.

De Vostre Excellence très-humble et très-obéissant serviteur,

Guillaume de Maulde.

Suscriptiou : A Son Excellence.

* Original autographe, aux Archives du Royaume, papiers d'Etat: Dépêches des rebelles, t. VI, fol. 24.

(') Nous trouvons, dans le compte du trésorier des guerres des états généraux, du l«r avril 1S82 au 17 janvier 15S3, fol. 4/7, un capitaine Nicolas de la Croix, qui commandait une compagnie de cent chevaux lanciers.

DCCIXXI.