LES BOURGMESTRE ET ÉCHEVINS D'AUDENARDE AU PRINCE D'ORANGE

Mesures qu'ils ont prises pour la défense de leur ville, à la grande charge de leurs bourgeois. — Impossibilité où ils sont de faire davantage. — Ils demandent en conséquence que le prince les pourvoie de munitions de guerre : faute de quoi , si la ville venait à succomber, ils s'en déchargent d'avance devant Dieu.

ÂUDENARDE, 2S SEPTEMBRE 1S81.

Monseigneur, nous avons aujourd'huy receu la lettre qu'il a pieu à Vostre Excellence et à messieurs du conseil d'Estat nous envoier, en date du xxiij^ de ce mois, par laquelle Vostre Excellence nous requiert qu'en toute célérité et diligence faisons la plus grande provision de pouldres, vivres et aultresammonitions quepovons, pour endurer quelque temps le siège, en cas qu'il fût nécessaire. Sur quoy plaira à Vostre Excellence entendre que, passé deulx à trois ans, avons faict tout nostre debvoir, non-seulement de mectre ceste ville à défense (laquelle estoit alors de tous costés subjecte aux surprinses), par érection de plusieurs grandz ouvraiges des ravelingz, boulewercque et renforchement des rampars, mais aussy la pourvoiant de plusieures pièces d'artillerie, tant de métal que d'aultres, dont il en y a encoires en la ville de Gand deux longues pièces de fer, qu'attendons de brief, et deux aultres demy-courtaux estans en œuvre j aiant en oultre amassé quelque bonne quantité de pouîdre et aultres instrumens et apprestz de guerre. En quoy avons emploie tout nostre crédit et de nostre bourgeoisie , aussy engaigé tout le corps et revenu de la ville par la levée des notables sommes de deniers, sycomme, en une fois, de quatre mille florins, et, en l'aullre,

de mille livres de groz, par exprès octroy qu'en avons obtenu, et tournés en rente héritière et viagière, tant par contraincte et tauxation sur nostre bourgeois, que aultrement : qu'est tout emploie aux affaires des fortiffîcations et ammonitions militaires, estant en oultre la ville à l'arrière, par les dernières comptes, à seize ou dix-sept mille livres parisis, comme appareroit, si besoing fust.

Or, comme ne trouvons quelque aultre moien pour ultérieurement furnir à la requesle de Vostre Excellence, ny pareillement des gens qui nous veuillent davanlaige advancer quelques deniers, comme avons le tout remonstré à Vostre Excellence et à messieurs du conseil d'Estat et les quatre membres de Flandres, et que, partant, il nous reste qu'un seul remède à nostre extrême nécessité et povreté, qu'est d'estre secouru de la généralité, à qui nostre sauveguarde aussy touche, et dont l'assistence doibt venir à bon droict, comme par le traicté de l'union d'Utrcclit est expressément divisé, et, en ce, l'un vers l'aultre obligé, supplions trèshumblement qu'il plaise à Vostre Excellence de nous faire pourveoir de quelque bonne quantité desdictes pouldres, vivres et admonitions, laquelle promectons de guarder pour espargne en nécessité. Nous avons, passé un mois où trois sepmaines, faict au mesme effect diligent pourchas vers Vostre Excellence, aians lors exhibé un recueil de ce qu'il fault ichy, pour la défense asseurée, d'admonitions, pouldres et vivres, et, par après, le semblable remonstré à messieurs les estalz généraulx, qui nous ont renvoyez à messieurs du magistrat de Gand, lesquelz, à la communication de leurs estaz, n'y entendent, disans qu'ilz en aient encoires digette. Par où nous semble, soubz correction, qu'il n'y a espoir d'obtenir quelque chose de celle part, combien, loutesfois, que la conservation de ceste ville emporte beaucoup à ceulx de Gand et à la généralité. Et, par conséquent, sy la nécessité du siège que Vostre

Excellence nous mect en avant (dont Dieu nous en veuille garder ! ) nous advient , quelque temps nous la debvrons endurer; néantmoins estimons que, par la provision qu'avons, ferons sy bonne répuise à l'ennemy, aussy longtemps qu'elle durera, qu'il s'en resentira et souviendra à longtemps. Etsy, à la parfîn, sans addressche ne povons plus souslenir, et, à nostre très-grand regret, voions que, par la violence, impatience et fureur de l'ennemy, soions abbatus, nous nous en deschargerons en bonne conscience devant Dieu, aians emploie tout nostre moien, et, en temps et heure, donné à cognoistre nostre povre estât présent, n'estant bastant à telle violente résistence, aians tousjours, en toute humilité, requis assistence de la généralité desdicles ammonitions, vivres et pouldres. Supplians itérativement qu'il plaise à Vostre Excellence avoir l'affaire en recommandation, et se tenir pour asseuré qu'au cas qu'eussions quelque moien pour faire ultérieure provision, n'y manquerions aulcunement : voires aussy, sy, à l'advenir et en quelque jour, povons trouver moien de nous pourveoir, le employerons incontinent et sans dilay, considérans l'importance de l'affaire, de laquelle dépend la conservation et vie de nous, noz femmes et enffans. A tant, finissant la présente, prierons, monseigneur, le bon Dieu maintenir en santé Vostre Excellence, nous offrans au service de Vostre Excellence. D'Audenarde, ce xxv^ de septembre 1581.

De Vostre Excellence très-obéissans et très-humbles serviteurs, les grand baillyf, bourgmestre, eschevins et conseil de la ville d'Audenarde.

Par ordonnance :

P. TOLNAUE.

Siiscription : A Son Excellence.

Original, aux Archives du lloyaumc, papiers crEtat ; Dépêches des rebelles, t. VI, fol. 4S.

DCCLXXiV.