OLIVIER VANDEN TYMPEL AU PRINCE D'ORANGE

Nouvelles de l'ennemi. — Situation satisfaisante de Bruxelles. Bruxelles, 27 septembre 1381.

Monseigneur, ayant hier faict mon rapport de ce que Vostre Excellence m'avoit commandé de dire à messieurs du conseil des estatz, et voyant qu'ilz ont affaire de troix ou quattre jours avant résouldre, me suis trouvé sans cavaillerie à Bruxelles, d'aultant qu'ilz m'asseuroient en Anvers que l'ennemy avoit ses forces en la Campigne, et ay trouvé Testât de ceste ville en bon poinct, selon la sayson. Et mon homme, qui est retourné au mesme instant de mon arrivement, me dist que l'ennemy at rappelle les gens hors ladicte Campigne, faysant amasser ses forceS; sans scavoir dire où sera le rendez-vous ; bien est vray que ceulx d'Arlhoys sollicitent fort affîn que Menin fust en leur pouvoir, de sorte qu'il présume que ce sera à cest effect. Je l'ay renvoyé, avecq commandement qu'il aille au camp, et demeure là si longtemps qu'il apporte chose digne d'advertence : dont ne fauldray, à toutte occurrence, faire part en diligence à Vostre Excellence, priant sur ce Dieu, monseigneur, maintenir Vostre Excellence en ses sainctes grâces, en très-heureuse et très-longue vie. De Bruxelles, le xxvij^de septembre xv" Ixxxj.

De Vostre Excellence très-humble et très-obéissant serviteur,

Olivier Vanden Tympel.

Suscription : A Son Excellence.

Originale aux Archives du Royaume, papiers irÊtal : Dépêches des rebelles, t. VI, fol. 69.

DCCLXXV.

LE SIEUR DE MANSART AU PRINCE D'ORANGE

Il le prie de renforcer la compagnie du capitaine Hans fîouvers.et d'envoyer cinquante chevaux à Audenarde.