AUDENARDE, \'^ OCTOBRE

Monsigneur, le capitaine Hans Houvers, qui est de cestc garnison, m'a prié faire ce mot à Vostre Excellence, pour la supplier que sa compagnie soit mise à cent et cincquante testes, comme les deux aultres qui sont ici, assçavoir celle de Risvic et la mienne. Et, comme il est bien convenable que soions renforsez d'autant dhommes, attendu que de celle de Risvic une csquadre est toujours à Escornaix, et qu'avons à furnir onze corps de garde la nuit, il ne sera que bon que ladicte compagnie soit renforsée d'autant dhommes, attendu mesmes qu'il n'i at apparence que l'on y puisse introduire aultre compagnie de gens de pied, que le bourgeois n'endureroit volontiers. Par où je supplie derecef très-humblement Vostre Excellence, si ledict renforsement se poeult faire, il lui plaise de lui accorder.

Au reste, monsigneur, j'ay aussi trouvé bon d'advertir V. E. qu'il est plus que nécessaire qu'aions ici cinquante chevaulx, pour garder le bestial d'entouj- la ville, que lennemi vient journellement quérir jusqucs à noz portes, de quoi le bourgeois est fort fasché, et ne fera difficulté d'en recepvoir ce nombre : lequel si l'on ne nous envoie, je voi ung jour ung grand désordre advenir en cesle ville. Car, l'ennemy se présentant, soldatz et bourgeois voeullent tous aller apprès, pour rescourre (') le butin, et, si je ne le voeux permettre,

(') Rescourre, recouvrer.

me sçavent le pieur gré du monde ; et ce que j'en fais difficulté est que je prévoi que, pour estre ce lieu de tous costelz subject aulx embuscades, je les voirai ung jour ramener tous battans jusques aulx portes, au danger de perdre la ville, car le bourgeois vouidroit laisser rentrer ceux qu'il voiroit poursuivi de l'ennemi, lequel, par ce moien, y polroit entrer pesle-mesle : chose de quoi mesmes j'entens que l'ennemi s'est vanté de faire, comme aussi admonesté que ceux qui poeuvent tenir son parti secret en cesle ville, — tel nombre de bourgeois et soldatz sortans, — debvroient se faire maistre d'une porte, et tenir les nostres dehors. Or ce danger sera évité, si avons ici cinquante chevaulx, et aussi^le chemin de Gand ici asseuré, où l'ennemi bat journellement la strade; et nous serviroit ccste cavallerie à faire de nuit la patrouille par la ville, qui est une fort bonne garde : au moien de quoi , supplirai dcrecef très-humblement V. E. qu'il lui plaise nous en pourveoir. J'envoie à V. E. la coppie de la response que j'ay faict à ceux de lîaulterive sur la lettre qu'ilz m'avoient escripte, qui est ung petit discours qui poeult-estre ne sera mal à propos. Et, sur ce, monsigneur, je prie le Créateur donner à V. E. très-longue et très-heureuse vie. D'Audenarde, le premier jour d'octobre 1S81 .

J'avois oublié d'escripre à V. E. que, moy estant vers icelle, lorsque l'ennemi vint prendre les vaches aux portes de ceste ville, il y sortit, plus d'une lieue apprès, plus de 400 bourgeois, et quasi tous les soldatz, non sans grand danger de perdre eux et la ville.

De Vostre Excellence très-humble et très-obéissant serviteur,

Guillaume de Maulde.

Siiscription : A Son Excellence.

Original oulographc, aux Archives du lîoyaumc. papiers (l'iitat : Dépêches des rebelles, l. \l, fol. 103.

BCCLXXVI.

LEONINUS (') AU PRINCE D'ORANGE

Assemblée des états de Gueldre. — Démarches du comte Vanden Berghe, pour obtenir le gouvernement de cette province. — Nouvelles de l'ennemi. — État de l'armée. — Surprise du château de Swanenburg, appartenant au comte Vanden Berghe. — Desseins de Martin Schenck.

AnNHEM, i OCTOBRE iS81.

Monseigneur, les estatz de ce pays sont assamblez, et ne cesseray de travailler pour accorder les barons, nobles et villes avecq fruict et effect, espérant, selon l'apparance qu'est, qu'au regard du duc d'Alançon et aultres pointz et articles icy envoyez, ilz se conformeront avecq les aultres provinces; et feray tout debvoir possible pour les induire à tout ce qu'est de raison. Le personnage (=■) pourchasse tout oultre pour parvenir au gouvernement, et y sont plusieurs bien enclins, excepté quelques villes. Ce qu'adviendra, ne laisseray incontinent advertir Vostre Excellence.

Nous avons nouvelles que l'ennemy quicte la Frise et thire

(1) Elbertus Leoninus, que l'on a vu, dans le volume précédent , employé par le grand commandeur de Castille à des négociations secrètes avec le prince d'Orange, s'était depuis attaché entièrement à la cause de ce prince. Au mois de janvier 1378 , les états généraux le nommèrent conseiller d'Etal. Après le traité avec le duc d'Anjou et le départ de l'archiduc Mathias, ils le firent chancelier de Gueldre, poste qu'il conserva jusqu'à sa mort, arrivée, selon MoRÉKi, le 30 novembre 1598, à l'àgc de soixante-dix-neuf ans. Van Meteren l'appelle « un fort docte personnage. » Feller fait observer « qu'il ne fut » point protestant, et ne voulut jamais prendre part aux desseins desmécon- » tents contre la religion catholique. »

(^) Le comte Vanden Berghe, qui avait épousé Jlaric de Nassau, sœur du prince d'Orange.

ceste part. L'estat de notre armée et l'intention de nos gens de guerre V. E. pourra comprendre par la lettre de mon filz cyjoincte (»).

Escripvant cestes, me surviennent nouvelles que l'ennemy a surprins la maison de Svi^anenburgh au comte Vanden Berghe, dont je suis marry : car j'ay tousjours advisé audict personnage qu'il ne debvoit attendre aultre chose que d'estre surprins, s'il ne prëvéoit et prévenoit, mesmes après que ses gens sollicitoient icy ouvertement ledict gouvernement, avecq offre d'ouvrir ses forteresses aux estalz, et faire ouverte guerre à l'ennemy.

Nous sommes adverty de Weesel que Schenck a faict faire et porté avecq luy de ladicte ville enseignes françoises, pour faire quelque stratagema, dont j'ay aussy adverty monsieur le conte de Hohenloe.

Sur ce je prie Dieu le Créateur, monseigneur, maintenir Vosfre Excellence en sa saincte garde. En haste, d'Arnliem, le iiij^ d'octobre 1581.

De Vostre Excellence humble serviteur,

Elbertus Leoninus.

Siiscription : A monseigneur monsieur le prince d'Oranges.

Original, aux Archives du Royaume, papiers d'Etat : Dépêches des rebelles, t. VI, fol. 119.

(') Cette lettre ne contient rien qui vaille la peine d'être reproduit.

DCCLXXVII.