LE COLONEL TRAILLE AU PRINCE D'ORANGE

Préparatifs de l'ennemi pour assiéger Tournai. — Dispositions de la garnison et des bourgeois de cette ville. — Demande de secours pour renforcer la garnison de Menin.

MeNIN, 11 OCTOBRE 1S81.

Monseigneur, j'ay receu vostre lettre, en date du vij^ d'octobre, hier au choir bien tart, ce que at esté grandement à mon regret. Mais, d'aultant que la lettre adreschante à monsieur d'Estrielles ('), lieutenant de monsieur le prince d'Espinoy, compète fort, ne fauldray à ce me employer et y faire la diligence requise. Touchant de l'ennemy, il faict grandes préparations pour batre la ville de Tournay, et, pour ce faire, sont encoire sorti le jour de hier hors de Lille cincq ou six pièches d'artilerie, et les trois pièches prinses à Inghel-

(') Voy. p. 320, notel.

mutier hors de Courlray ('), avecques certaine quantité de bourgoes dudict Courlray, pour pionner, ce que ilz sont esté constrainctz de faire : mais aulcuns, eschapé hors de leurs mains, ont prins leur refuge devers moy. J'ay aussy entendu que, passé quatre ou cinq jours, qu'il i avoit quelque tumulte en la ville de Tournay entre les bourgoes, dont, pour ce mectre au pied, furent certaine quantité, par chairge dudict dEstrielles, mis en prison ; mais depuis ilz s'ont monstre gailaers, car ilz sortent journellement hors la ville, pour donner l'escarmouche à l'ennemy. Et tout ce que se passera d'ores en avant en ce quartier, ne fauldray en advertir Vostre Excellence en toutes occasions. Et, sur ce, prieray Dieu, monseigneur, d'octroyer à V. E. sa grâce, me recommandant à icelle de V. E. De Menin, le xj" d'octobre 1581 .

De Vostre Excellence très-humble serviteur,

Andron Traille (*).

Monseigneur, touchant les munitions que j'ay requis à messieurs les quatre membres, passé douze jours, n'ay depuis riens entendu, actendant, touttesfois, de heure en heure, certaine quantité de chevallerie, laquelle me viendra ichy cnfrumer (^). Partant prie Vostre Excellence de, sur ce que dessus, voulloir donner ordre, et m'envoier deux compaignies d'infanterie, pour renforcer ma garnison.

Original, aux Archives du Royaume, papiers d'Etat : Dépêches des rebelles, t. VI, fol. 144.

(1) Voy, p. 230, notel.

(2) Le colonel Traille. qui occupait Mcnin, commandait nn régiment écossais, et avait sous lui les capitaines David Traille, George Wicr, Robert Ilamilton, Jean Davidson et Robert Maistartom. (Compte de Thiéri Vander Beken, trésorier des guerres des états généraux, du 1" avril 1S82 au 17 janvier 1583, fol. 163 et suiv.)

(') Enfrumer, enfermer.

DCCIXXXI.

LEONINUS AU PRINCE D'ORANGE

ïlccez des états de Gueidre : résolution d'abandonner le roi d'Espagne, de faire le nouveau serment et de traiter avec le duc d'Anjou. — Levée des moyens généraux. — Pauvreté du plat pays. — Danger que court le haut quartier. — Mécontentement des bourgeois de Venlo. — Lettres interceptées. — Bonnes dispositions du comte Vanden Berghe.

ÂRNHEM, 12 OCTOBRE 15S1.

Monseigneur, devant-hier nous a esté délivré, au conseil, le recès et résolution des estatz de ce pays, prinse en la dernière assamblée, dont les principaulx articles envoyons par copies cy-joinctes, avecq la proposition par nous faicte ausdicts estatz, dont le plus grand esclarcissement Vostre Excellence entendra par nostre lettre commune ('). Et, en particulier, je ne puis laisser d'adviser que, combien la fortune de Frise(=) a osté le courage d'aucuns, que néantmoings ilz passent oultre d'abandonner le roy d'Espaigne et de faire le nouveau serment, comme aussy, au regard du ducq d'Alancon, ilz sont résoluz de traicter; et, ce qu'est adjousté des provinces voisines, ne croy que ce a esté faict à bonne intention, combien j'eusse désiré qu'on eusse procédé avecq plus grande célérité : espérant, toutesfois, queledilay ne portera dommage, mais advantaige, et que viendrions tous ensemble congratuler et traicter avecq Son Altèze.

Hz commencent m.aintenant mectre en exécution les moyens

(') C'est-à-dire la lettre du conseil de Gueidre. Elle est dans le registre, ainsi que les autres pièces mentionnées ici.

(^) Voy. , ci-après, n» DCCLXXXIII , la lettre du seigneur de Rummen , du 16 octobre.

des consumptions, lesquelz ne sont encores grandz; mais, après que la chose sera commencée, il sera plus facile de les hausser et augmenter : car toute la difficulté est au commencement, à cause «qu'ilz ne sont accoustumez d'user ou dégorger telles impositions, et que, de toute ancienneté, ilz ont maintenu la liberté de boire et manger sans aucune charge. Et sera plus facile, voires nécessaire, ladicte augmentation, à raison que les contributions du plat pays défaillent entièrement, de sorte que le seul quartier de la Velue a furny sa quote de vingt mille florins par mois, et le quartier de ÎVieumeghen l'at aussy furny, excepté ceulx de Bommel, Tilre et Bommelrewerden , qui ont ouvertement déclairé d'estre impossible de furnirleur quote. Et croy que, combien cy-devant en avoient de moyen assez, que à présent ilz sont en pouvreté, à cause des foules qui se commectent des garnisons illecq estans, comme aussy ceulx d'Overquartier et de Sutphen, soubz prétexte de leur pouvreté, refusent de furnir leurs quotes. Et, comme messieurs du lantraedt nous ont enchargé de tenir bonne main, afin que les quartiers de Nieumeghen et Arnhem feroient la supplétion de la faulte des défaillantz, et que, à cest efTect, avons faict extrême debvoir, toutcsfois n'avons rien sceu effectuer, nonobstant qu'avons présenté à ceulx de Nieumeghen, pour accommoder le baron de Hoeclisaxen, biens d'egglise et cession de action contre les défaillantz de leur quartier, demandant, en récompense, et pour contenter les gens dudict baron, seulement le v^ denier de l'argent illecq prins, lequel on présume confîscable. J'ay presché et me suis courrousé en la pleine assamblée, disant aux présens qu'ilz estoint cause des calamitez de leur pouvres burgeois et villagois, et de la ruine de la patrie, par le retardement de leur accordz et consentemens.

Et, combien j'espère qu'ilz seront, d'ores en avant, plus volontaires, toutcsfois, pour le présent, sommes en nécessité

des deniers , et voyons , d'un costé , que Endhoven est en dangier, l'entrejDiinse de Meghen demeure arrière, le conte Vanden Berghc, à présent volontaire, n'est assisté, et TOverquartier se perde, veu que ledict baron de Hoechsaxen, depuis qu'il a esté en Hollande, n'a recouvert argent ny retourné vers ses gens, et que l'aigreur dudict quartier est passé oultre par tous lés estatz de ce pays, qui se plaingneni au lantraedt par leurs lettres. Et est ledict baron icy en perplexité avecq nous aultres, et confesse et déclaire ouvertement que les burgeois de Venlo sont maislres des garnisons et soldatz, et qu'ilz ne permectent que, en lieu des soldatz trespassez ou retiiircz, personne y entre, et, que pis est, qu'ilz lèvent de leur authorité aultres gens de guerre, tant à pied que à cheval, tellement que non-seulement ladicte ville, mais tout le quartier, est en hasard, tant à cause de la faulte dudict payement, que dudict aigreur, et davantaige à cause des menasses faictz ausdicts de Venlo que les gens du régiment dudict baron se rethireroint, au pis-aller, aux l'ortz voisins, et pilleroint et brusleroint tout ce qu'est à l'entour de Venlo. Lesdicts de Venlo sont altérez, comme on dict, et d'intention de prévenir. A raison de quoy, j'ay parlé audict baron, et eusse bien voulu qu'on eusse faict ce que convient pour le bien publicq, sans adverlir la partie, et crains que le remède est despéré, veu que ausdicts fortz il n'a provision que pour deux ou trois jours, et que les soldatz, estans mal payez, troublez et en l'absence de leur colonnel, ne feront nulle bonne chose, ains mectront la reste en hasard : ce que seroit dommage, mesmes considéré que, par la confession des ambedeux parties, il semble que les burgeois de Gueldre sont enthièrement bons pour la cause commune. A raison de quoy, avons parlé aux députez dudict Overquartier, et escript à ceulx de Venlo, comme V. E. verra par la lettre commune.

Le S' conte de Ilohenloe m'avoit requiz de faire diligence

d'envoyer quelques gens de ce pays, pour secourir ceulx d'Endhoven : j'ay faict toute diligence possible , et avons escript à toutes garnisons et magistratz des villes. Mais les garnisons de ceste ville se sont excusez, à cause de la fortune de Frise et aultrement; ledict baron, par faulte de payement. De ceulx de INieunieghen, il y avoit quelque espoir ; mais ne sçay s'ilz ont faict quelque chose.

J'envoye à V. E., cy-joinctes, certaines lettres interceptées de l'ennemy, escriptes, pour la plus grande part, de la main du Goessen Van Raesfelt, deLutgenhagen, qui a esté, l'aultre année, en Anvers, sollicitant le procès contre le S"^ de Nievevort, et sommes après d'attraper un aultre pacquct, envoyé paravant à Coloigne au prévost de Gand ('). Je supplie que lesdictes lettres me soyent renvoyées, à cause de la clause subvirgulée, touchant l'argent de Mildendongh : car nous espérons, attrappant l'aultre pacquet, avoir du tout plus grand esclarcissement, par le moyen de monsieur le conte Vanden Berghe, qui est prest de s'accommoder à tout, et ne désire aultre chose que d'avoir assistence des gens de guerre. Et, comme Sa Seigneurie est dénommée pour gouverneur de ce pays, je supplie qu'il plaise considérer toutes les circunstances, et y pourveoir comme, en raison, pour le bien publicq, réunion des membres du pays, sera trouvé convenir.

Sur ce, me recommandant humblement à la bonne grâce de V. E., je pricray Dieu, monseigneur, maintenir iccllc en la sienne sancte. En grande haste, d'Arnhem, le xij" d'octobre 1581.

De Vostre Excellence humble serviteur,

Elbertus Leoninls.

Original, aux Archives du Royaume, papiers d'Étal: Dépêches des rebdles, t. VI, fol. 149.

(') Bucho AyKa. Voy. la note 1, à la page 147.

DCCIXXXÏÏ.

LES ÉTATS DE BRADANT AU PRINCE D'ORANGE

Tentatives infriictucuses pour la vente de quelques parties du domaine, à Vilvorde ; avis demandé au prince.

Anvers, 13 octobre 1S81.

Monseigneur, comme, passé bon espace de temps, auroit esté dict, aux estatz de Brabant, à la réquisition de ceulx de Bruxelles et Vilvoirden , que l'on regardroit de mectre en vente quelque partie de domaine au quartier dudict Vilvoirden, pour en subvenir aux fraiz de la fortification d'icelle ville, et qu'en conformité de ce, aulcunes prairies auroient esté mises à pris, ains point vendues, de sorte qu'il auroit esté bcsoing se servir , en cest endroict, d'aullres parties dudict domaine, et signamment de deux molins à eau, sur lesquelz aiant esté par deux fois tenu siège par les commissaires à ce députez, n'y seroit comparu aulcunachapteur ni enchérisseur, fors la ville de Bruxelles, laquelle en auroit offerte la première fois six mille, la deuxiesme huict mille livres, n'approchant ceste somme, à la tierce part, au pris de l'évaluation qu'en a esté faicte par ceulx de la chambre des comptes en Brabant, selon qu'il plaira à Vostre Excellence veoir par l'cxtraict du sommier de Testât et évaluation du revenu de dix années, cy-joinct; etd'aultant que lesdicts delà chambre font, pour ce, difficulté de passer oultre à l'aliénation, ne soit par exprès advis et consentement des estatz de ce pays : pour ce mesme respect, et que, n'aiant la vendition esté achevée jusques à oires (quoique auparavant consentie), elle pourroit maintenant sambler préjudiciable au traiclié faict avecq monseigneur le duc d'Anjou, avons jugé nécessaire d'en faire part

à V. E. , affîn que son bon plaisir soit d'en dire et nous rendre participons de son bon advis, à ce que, iceluy eu, après soit procédé à l'effectuation de ladicte vente, on pourveu d'aultre moien à ladicte fortification. A tant, monseigneur, prions Dieu avoir V. E. en sa saincte et digne garde, en prospère et longue vie, nous reconimandans très-humblement en sa bonne grâce. D'Anvers, ce xiij" d'octobre xv° Ixxxj.

De Vostre Excellence très-affeclionnez et bien humbles serviteurs,

Les estatz du duché de Brabant.

Par ordonnance desdicls estatz :

And. Hesselz.

Suscnption : A Son Excellence.

Original, aux Archives du Royaume, papiers d'Eta Dépêches des rebelles, t. V!, fol. 186,

DCCLXXXIII.

LE S' DE RUMMEN AU PRINCE DORANGE.

Délails sur la défaite du 30 septembre. — Siège du fort de Nieusiel par les ennemis. — Blessure du général Norrilz. — Etat des troupes. — Écrits répandus pour semer la division dans l'armée.

LeEUWAUDEN, 16 OCTODRE 1S81.

Monseigneur, combien que je ne double que Vostre Excellence sera assez particulièrement adverti de la dcsroutte qui nous est advenu le dernier jour du mois passé, si est-ce toulesfois que j'en toucheray deux mots, affin que V. E. en soit du tout deuement informé. J'ay, par ma dernière, cscript

que, apprès la monstre générale, monsieur Noreys clélibéroit de lever incontinent son camp, pour s'encheminer la part où l'on trouveroit convenir. Et, comme il estoit résolu de se saisir des villaiges de iNoort-et Zuydt-Hoorn, qui est entre nostre fort de Nieusiel et le cloître du Grootanwart, où l'ennemi tenoit son camp, il est survenu une mutinerie au régiment de monsieur Sonoy, pour ce qu'il ne vouloit prendre la monstre, sans avoir asseurance de leur payement, lequel se feroit sus la vielle rolle. Cependant que Ion at quelques jours disputé et traicté ce différent, pour les induire à la raison, l'ennemi at eu advertence du desseing de monsieur Noreys, et s'est incontinent saisi desdicts villaiges de Noort-et Zuytlloorn, où il avoit aulcunement trensché les avenues. Quoy voyant Noreys, il at levé son camp et est marché droict vers l'ennemi, où il l'at trouvé pour combattre en ordre. Or, estant approché de si prez que bien mal il pouvoit reculer sans combattre, à cause des dicques, qui sont chemins estroicts, il délibéra de charger, et commanda au capitaine Willems et au lieutenant de Eldeboren, avecq quelques harquebusiers, de donner la charge à trois cornettes et quehiue infanterie des ennemis, que l'on véoit dcsjà embranslez, lesquelles furent, à la première charge, incontinent défaicts et mis en routte. Quoy voyant Noreys , que Dieu luy donnoit ceste grande apparence de victoire, il commanda à monsieur le comte de Nassau et au jeusne Noreys, son frère, de charger, avecq la cavaillerie de Eck Goor et quelques harquebusiers, l'aullre troupe des ennemis, laquelle se tenoit ferme et en bon ordre pour les attendre. Quoy voyant, aulcuns de nostre cavaillerie, qui estiont touts les dernières, criarent à haulte voix hall, hait, et commencarent à s'en aller le chemin par où ilz estoient venuz.

Voilà, monseigneur, la principale occasion de la défaicte. Cependant monsieur le comte, Noreys et aultres gens de bien

furent joinclants à la teste des ennemis, où monsieur le comte rcceut eincq ou six harquebusades, mais nulle n'a perse les armes; le jeusne Noreys at perse la jambe avecq un balbarde, et aulcuns aultres blessés, de mode que la desroulte s'ensuiva entièrement. Tous les capitaines y sont demeurez morts à la retraicte, saulff deux qu'ilz veulent mettre à rançon ; vinglequattre drappeaux, cineq pièces d'artillerie, avecq quelque munition et touts les armes, y sont demeurez, bien peu s'en iault. Deux ou trois jours apprès, l'ennemi at assiégé le fort de Nieusiel, où il y at quattre de mes compaignics, qui sont assez foibles, à cause des malades; nous les avons unes fois ravictuailez : ilz sont encoires bien résoluz de tenir, moyennant qu'à la nécessité ilz puissent cstre secouruz. Le général Noreys est tiré à la main droicte; il s'en treuve fort mal et Ibible : qui est cause que les affaires de guerre ne s'advancent point si bien que l'on désireroit. Les Anglois se ramassent apprez de Doccuni ; monsieur le comte est dedans Doccum, où il ramasse les siens, comme faict aussy le S"^ de Nieuvoort; monsieur Sonoy ramasse les siens es environs de Sloten, Cuynder, Lemmer et Stavoren. L'on at réparti la cavaillerie angloise par les villes, affin d'éviter la foulle au plat pays ; mais les villes sont encoires mal voluntaires à les recepvoir. La cavaillerie de Goor, Elderboren et Van Eck doibvent aller à Steenwyck et aux environs de Vollenhoven, affin de s'en pouvoir servir sus la dure {sic), car en ces quartiers de Frise l'on ne peult faire grands services avecq la cavaillerie, n'est que la gelée nous survient. Lors est-il à craindre que l'ennemi foullera entièrement le plat pays, comme estant jK)ur l'beure maistre de la campaigne ; et, si on veult unes fois préserver ceste province de Frise de ces continuelles guerres, il fauldrat attacher la rebelle ville de Groeningen acertes (').

(') AcerlcS) sérieusement.

Les forces qu'avons pour l'heur amassé et armés, sont d'environ mil Anglois, aveeq leur cavaillerie, le régiment du comte de Nassau 300, ceulx du S' de Nieuvoort environ 400, ceulx de Sonoy 300. Les miennes sont encoires entières, saulff ceulx qui sont dedans le fort de Nieusiel, de mode que l'on peult encoires mettre en campaigne environ 2,000 hommes de pied et 500 chevaulxj et, s'il fust possible d'avoir icy encoires quelques gens fresches, je pense que ferions par deçà, cest iver, bonne guerre aulx ennemis.

Monseigneur, il y at par deçà des escrits qui taschent grandement à faire division, et de mettre le chat aux jambes de monsieur Noreys : ce qui viendroit fort mal à propos, si ledict Noreys aveeq ses gens de guerre se commencent unes fois à fascher et desmander, car, en vérité, ilz sont soldarts. Messieurs de lantraedt sont encoires icy, et font leurs efforces pour donner ordre à tout : Dieu donne que les moiens ne leur défaillent ! A tant, apprès m'avoir très-affectueusement recommandé es bonnes grâces de V. E., je prieray Dieu de donner à icelle, monseigneur, en santé, très-heureuse vie et longue, Escript à Leeuwarden, ce xvj^ d'octobre 1581 .

De Vostre Excellence humble et très-obèisant serviteur

à toujours,

Bernard de Mérode.

Suscriptiou : A Son Excellence.

Original , aux Archives du Pioyaume, papiers d''Etat : Dépêches des rebelles, X. VI, fol. 221.

DCCLXXXIV.