LE COLONEL NORRITZ AU PRINCE D'ORANGE

Nécessité de secours, pour faire lever à l'ennemi le siège de Nieusiel.

LeEUWARDEN, 17 OCTOBRE 1381.

Monseigneur, je me suis continuellement travaiglé pour le redressement des affaires de par deçà; mais ne voy, pour touts instances que je puisse faire, aulcun avancement. L'ennemy vast de jour à aultre pressant de plus près le fort de Nyeziel, lequel, avecq l'ordre tardiff que on donne de nostre coslé, est en dangier de se perdre. Il plairat pour aultant à Vostre Excellence escripre par deçà à messieurs de accélérer le redressement des affaires, et donner tel ordre que ledict fort puisse estre secourru : à quelle fin, le plus tost qu'il sera possible, V. E. pouldrat nous aviser si aulcun renforcement de par delà sarions attendre. Ce que attendant en grande dévotion, avecq mes très-affectueuses recommandations, prieray le Créateur donner à V. E., monseigneur, en bonne sancté et longue, très-heureuse vie. De Leuvarden, ce xvij'' de octobre 1S81.

De Vostre Excellence très-affectioné serviteur,

NORREYS.

Siiscription : A Son Excellence.

Original autographe, aux Archives du Iloyauiiic, papiers d'Etat : Dépêches des rebelles, t. VI, fol. 22îi.

DCCLXXXV.

LEONINUS AU PRINCE D'ORANGE

Mauvais état des affaires dans le haut quartier de>GueIdre; mesures à prendre pour y remédier. — Lettres que le prince devrait écrire à ceux de Venlo et au baron de îlochsaxen. — Dispositions prises par le conseil de Gucidre. — Bons témoignages rendus par Leoninus du comte de Holienlohe et du comte V^anden Berghe.

ArNHEM, 20 OCTOBRE 1581.

Monseigneur, ce que passe au quartier de Ruremunde, Vostre Excellence entendra par la lettre commune. Et suis marry que, tant par le retardement du payement que par l'insolence des capitaines et soldatz, les affaires sont tombez au désordre qu'est à présent. J'avoy tousjours tenu le baron de Hoechsaxen fort modéré, et si modeste comme une dame des nopces; mais treuve, par expérience, qu"en ses cholères et maldire, il passe mon bon seigneur le ducq d'Arsehot ('), craignant que, par sa jeunesse et façon de faire durant ce grand aigreur, il causera grandz inconvéniens : l'aigreur est si grand entre luy et ledict quartier de Ruremunde, qu'il est possible. Pour maintenir TOverquartier, il n'y a moyen (soubz correction), sinon de changer incontinent les garnisons, et de casser le régiment dudict baron, ou le mectre ailleurs, et mesmes d'envoyer incontinent aultre garnison en la ville de Gueldre, où (comme ledict baron nous a tousjours déclairé) les burgeois sont bons, bien affectionnez à la patrie, et ne se plaignent d'aultre chose que d'estre trop chargez cl foulez

(') Voy, le t. III, p. Li.

par les soldalz illecq estantz. Et, pour parvenir plus comiiiodieusement audict changement, il sera bon de faire les descomptes avecq luy et ses gens, d'un costé, et, d'aultre, de présenter ausdiets du quartier de Rurenumde la voye de se plaindre de luy et ses gens, des extorsions et concussions dont ilz se vantent, devant V. E., le lantraedt, ou ailleurs, après quilz seront délivrez des garnisons dudict baron : car, d'un coslé, les soldalz se contenteront d'avoir leurs descomples, avecq assignation du payement, et, d'aultre costé, les subjetz prendront pour un grand soulagement de se pouvoir librement plaindre, sans peur de n'estre lormenté, à cesl' occasion, par les gens dudict baron, combien que je présume que, selon la licence du temps présent, tous leur plaintes seront en vain, comme aussy lesdicts descomples, par faulte de payement. Et, s'il plaist à V. E., elle fera bien d'escripre une bonne lettre à ceux de Venlo, et un aultre, de bon encre, audit baron : car ses menasses et entreprinscs ne peuvent servir que pour enthièrement dégousier et faire désespérer ceulx dudict Venlo, perdre son régiment, soy-mesmes et la reste du quartier, veu que les soldatz sont débauchez, sans argent, les villes et places par luy occupées mal pourveuz et en tel lieu situez que, sy les ennemys s'y présentent, il sera diflicile de les secourrir. Il m'est une tristesse jusques à morir d'entendre les j)lus grandes opportunilez de conserver les pays et de déchasser l'ennemy, et de veoir empescher le tout par le retardement des contributions nécessaires, et mauvais ordre et avarice des gens de guerre.

Monseigneur le conte de Hohenloe se gouverne fort bien, et faict toute diligence possible ; mais il est mal secondé, tant par ceulx du pays qu'aultres, nonobstant toute diligence possible que nous faisons, pour induire ceulx dudict pays de poinct laisser passer l'occasion et grande opportimilé qu'est à présent pour délivrer le pays des invasions hostiles. Jcussc

bien voulu que ledict haron n'eusse rappelle ses gens qu'estoint allez volontairement pour assister ledict S"^ conte de Hohenloe. Monseigneur le conte Guillaume de Nassau est cejourd'huy passé icy, en haste, vers ledict S"^ conte de Hohenloe, et les reytres de Frise le suivront demain : ne doubtant que V. E. n'est adverlie de Testât dudict Frise. Mon fils est eschappé ('), et par grand dangier retourné avec le capitaine Willems (*), et m'at escript de sa fortune la lettre cy-joincte. Nous cependant escripvrons doulcement à ceulx de Venlo, et, s'il est possible, induirons le S" d'Obbruggen ou le S"^ de Loenen pour se transporter vers eulx, soubz umbre d'entendre de plus près leur intention, et quant et quant communicquer et traicter avecq eulx sur les poinctz demandez par leurs lettres, pour tant mieulx les entretenir, conforter et induire à ce qui est raisonnable, et mesmes pour s'en garder contre l'ennemy. Nous eussions bien voulu que ledict baron n'eust rien escript ausdicts de Venlo, ou bien avecq plus grande modération : car, selon ce qu'ilz escripvent, et entendons de plus près du messagier, ilz sont devenuz plus irritez, et si avant qu'il y a quelque murmure d'en faire sortir aussy le lieutenant Stockum avecq ses gens. Sur ce, me recommandant humblement en la bonne grâce de V. E., je supplieray Dieu, monseigneur, maintenir icelle en la sienne sancte. En haste, d'Arnhem, le 20" de octobre 1581.

Monseigneur, il est plus que nécessaire de pourveoir le pays d'un bon gouverneur, et suis marry de n'avoir eu aucune responce de Vostre Excellence touchant le S"^ conte Vanden Berghe, qui, s'il estoit assisté de quelques gens de guerre,

(') De la déroute du 30 septembre.

(^) Le landract de l'autre côté de la Meuse, qui siégeait à Leeuwaerden, envoya, le 19 octobre, le capitaine Willems au prince d'Orange, pour lui rendre compte de l'état des affaires militaires. (Dépêches des rckelles, t. VI, fol. 230.)

pourroit à présent faire bons exploictz. Et m'at adverty que Cristoffel Schenck est retourné d'Allemaigne, déclairant que audiet Allemaigne il n'a nulle levée, et que ledict Schenck luy a donné la main de vouloir demourer, avecq luy, fidèle à la cause commune, et qu'il espère, par amitié ou aultrement, faire la réduction de quelque personnage et bonne place. C'est dommage qu'il n'est assisté de quelques gens de guerre, en ceste oportunité que Schenck et aultres sontabsens.

De Vostre Excellence humble serviteur,

Elbertus Leoninus.

Suscription : A monseigneur monsieur le prince d'Oranges.

Original, aux Archives du Royaume, papiers d'Etat : Dépêches des rebelles, t. VI, fol. 231.

DCCLXXXVI.

LEONINUS AU PRINCE D'ORANGE

Plaintes des bourgmestres de Gueldre sur la ruine de leur ville. — Secours qui leur a été donné. — Dégât du plat pays. — Nouvelles de Frise.

ArNHEM, 26 OCTOBRE 1S81.

Monseigneur, Vostre Excellence aura entendue, par le greffier Reidt, ce que passe en TOverquartier. Cejourdhuy sont icy arrivez les deux burgemestres de Gueldre, se plaignantz de l'extrême ruine et désolation de leur ville, s'il n'y soit promptement pourveu ; et estoint d'intention de se trans-

porter vers V. E., mais depuis ilz sont aultrement conseillez. Et avons tant travaillé, que certains marchans d'Amstredam délivreront draps pour neuf mille florins, assigné par le lantraedt sur les licentes et convoys de Nieumeghen et Arnhem, soubs condition que lesdictes villes consenteront en ladicte assignation et payement d'icelle; et avons desjà obtenu le consentement d'Arnhem, et espérons demain icelluy de Nieumeghen. Oultre lesdicts draps, ceulx d'Overquartier fumeront cincq mille florins, et encores trois mille reposantz es mains d'un recepveur dudict Overquartier : la reste ne sçay où trouver. Les Gueldrois, pour leur quote des mois, assavoir de juin, juillet et aoust, restent vingt mille florins, dont convient déduire environ six mille florins, pour les branschatz et rançons qu'on thire, par mois, des lieux occupez par les ennemys audict Overquartier et comté de Sutphen; et restent ceulx de Tilre et Bommelrewerdt neuf mille florins , qui paravant n'ont voulu payer, et à présent sont si foulez, qu'ilz ne peuvent, comme aussy la reste du plat pays est fort gastée partout, et mesmes à présent les reytres de Goer et Van Eck sont retournez en la Velue et Overbetue : de sorte qu'est à craindre que d'ores en avant on thirera bien peu pour entretenir les garnisons, s'il ne soit que les villes veuillent augmenter leur quotes et impostz, en quoy il y a difficulté et froidure : de manière que m'est grande peine de veoir le pouvre estât du pays et retardement des résolutions. Ontreuve que ledict Overquartier, nonobstant le grand dégast, a esté si volontaire de furnir que quelque aultre quartier, et semble qu'ilz ne feront difficulté de furnir par mois cincq mille florins et davantaige, s'il y soit mis bon ordre, et ce par-dessus les licentes et eonvoys. De Frise n'avons aultres nouvelles, sinon que Verdugo, le feu président de Frise etlesincdincque(') de

(') Sincdincque, syndic.

Groninghen ont escript à monsieur le conte Vanden Berghe qu'il lèveroit deux régimentz des soldatz, lui demandant la cause et à quelle fin, etc. Mon fdz, qu'est en Frise, m'escript la lettre cyjoincte. Les régimentz qu'avons en ce pays sont en petit nombre, coustent beaucoup et sont desrégulez, tellement que craignons enfin quelque inconvénient entre les burgeois et soldatz, tant au comté de Sutphen que en ceste ville : de sorte qu'il est plus que nécessaire de mectre unes fois ordre. Sur ce, je prie Dieu le Créateur, monseigneur, maintenir V. E. en sa saincte guarde. D'Arnhem, en haste, 26 d'octobre 1581.

De Vostrc Excellence humble serviteur,

Elbeutus Leoninus.

Post-data. Oultre les foules lesquelz ceulx du pays se plaignent avoir souffertz, par toute l'esté, des gens de mons*^ le conte Guillaume, les reytres de Van Eck et Goer, à l'occasion que ceulx d'Hollande, Zélande et aultres ont fait faulte ou retardement (comme ilz disent) de payer ce qu'à culx convenoit, sont derechief entrez en la Velue et Betue, et se font billetter environ cincq centz, où ilz ne sont que S^O, et est-il une misère jusques à morir de veoir les larmes des pouvres gens, sans avoir remède de les ayder, ou sans que Icsdicts reytres sçaivent où aller. Je supplie que y soit donné ordre, et qu'ils soyent employez ou cassez. Hier, ceulx de la Velue se commençomt à lever pour les deschasser par force; ains les avons prié de vouloir supercéder, et, comme ceulx d'Utreclit debvoint entretenir ccnlz chevaulx de leur quole au comté de Sutphen, leur avons escript de vouloir furnir pour envoyer cent chevaulx es villes de Lochum, Deutekum et Doesborch, qui les ne vouldront recepvoir, sans estre asseurez du payement : de sorte que demeurons en la mesme incertitude, au

regard desdicts reytres, et en grande peine au regard desdicts delà Velue et aultres.

Suscription : A monseigneur monsieur le prince d'Oranges.

Original, aux Archives du Royaumci papiers d'Etat : Dépêches des rebelles, t. VI, p. 271.

DCCIXXXVII.