LES PRÉVÔT ET ÉCHEVINS DE CAMBRAI AU PRINCE D'ORANGE
Après lui avoir représente tout ce que leur ville a souffert depuis plus de deux ans, par les hostilités de l'ennemi, ils le prient de les secourir de 18,000 à 20,000 florins.
Cambrai, 50 octobre 1S81.
Monseigneur, nous ne faisons doubte que Voslre Excellence sçait les misères et calamitez qu'avons souffert, durant le terme de deux ans et plus, par les effortz et hostilitez de l'cnnemy, nous aiant occuppé et tenu siégez xj à xij mois, comme chascun sçait, et les grantz fraiz qu'il nous a convenu exposer pour entretenir et soldoyer les gens de guerre, et continuer les ouvraiges et fortiffications de ceste ville, affin de donner moyen de vivre au povre commun poeuple, si bien que, pour y furnir, avons quasy totallement épuisez nos povres bourgeois de toute leur substance, voires et les povres et les riches, qui nous ont tant libérallemenl advanchié et faict preslz de leurs deniers, que maintenant, les voiant venir à
— ùbd —
plaincte, et que les moyens de les resfonder (■) nous défaillent, la mémoire des maulx passez se renouvelle, en noslre endroit, d'hoeure en hoeure, et ne voions aucune aultre voie de nous povoir resouldre(^)et nous maintenir à l'advenir, n'est que soyons aydez et secourus de noz voisins et amys: nous retrouvaiis, oultre ce, chergiés de ung grand nombre de monnoie de cuivre, qu'avons esté constrainctz faire forgier, pour furnir aux fraiz que dessus, et reprendre des mains de nosdicts bourgeois, selon nostre promesse, pour leur estre rendue aultre monnoie aiant cours par tout le pays, à quoy impossible nous est de pouvoir satisfaire si promptement, n'est par le moien du secours et assistence prédicte.
A raison de quoy, nous confîans en la bonne affection que Vostre Excellence nous porte, et espérans qu'elle aura commisération de nostre estât tant arriéré, pour avoir soustenu le principal fais de ceste guerre, au soulaigement et repos des aultres provinces, avons prins la hardiesse, très-excellent prince, de vous faire ce mot, pour vous supplier très-humblement de nous volloir assister et secourir, à ce grand besoin, jusquesàxviij ou vingt mil florins, pour resfonder les plusindigens de ceulx desquelz avons faiclz lesdicts empruntz, affin de les rendre plus promptz et volluntaires à nous secourir une aultre fois. Et, si Vostre Excellence nous faict ce bien et faveur, oultre cequelle sera cause de nostre bien, conservation et mairjténement de ceste petitte républicque, elle nous obligera à jamais à lui faire très-humble service : nous remectans, pour le surplus, sur la souffissance et crédence de nostre confrère, présent porteur; supliant V. E. luy donner toute crédence.
A tant, monseigneur, il plaira à Vostre Excellence nous tousjours commander ses très-nobles et bons plaisirs, que
(') licsfonder, rcslituer.
(^) Hesou/drCf rétablir.
renderons pnine d'accomplir, aidant le Créateur, auquel prions lui donner, en santé, très-longue et heureuse vie. De Cambray, ce xxx* d'octobre 1581.
De Vostre Excellence très-hurables et très-obéissans serviteurs,
Prévost et eschevins de la ville de Cambray.
Par ordonnance de mesdicts seigneurs :
Wyart.
Suscription : A Son Excellence.
Original, aux Archives du Royaume, papiers d'Etat : Dépêches des rebelles, t. VI, p. 309.
DCCIXXXVIII.
LES ÉTATS DE BRABÂNT AU PRINCE D'ORANGE
Ils se plaignent des usurpations du magistrat de Bruxelles, relativement à l'administration des biens ecclésiastiques.
Anvers, 31 octobre 1381.
Monseigneur, se trouvant le pensionaire Vande Warcke celle part, pour, par provision, déservir Testât de monsieur le bourgmestre Junius, l'avons requis de représenter à Vostre Excellence les difficultez quy se nous offrent, avecq ceiilx de Bruxelles, sur le maniement des biens ecclésiasticques, s'advançans iceulx de les mectre en vente, non-seulement dedans leur ville, mais partout au plat pays, sans avoir aulcung esgard aux résolutions que, tant sur l'annotation que vente ou engaigière desdicts biens, avons par ensamble et de commun advis
prinse, et nonobstant qu'ilz ayent leurs commis et dénommez exprés en la nouvelle chambre qu'à eeste fin avons érigée : chose quy pourroit causer du malentendu beaucoup entre les membres des estatz de ceste province, veuillant ainsy ung chascun desmesler son faict à part soy, sans avoir esguard à l'alliance et obligation mutuelle qu'est entre lesdicts estatz, comme ledict Vande Warcke en pourra à V. E. déduire davantaige; auquel prions qu'il lui plaise adjouster foy , et quant et quant y prester provision convenable, et au Créateur, monseigneur, qu'il donne à V. E. l'entier de ses trèsnobles desseingz et désirs. D'Anvers, cedernierd'octobrel581 .
De Voslre Excellence très-afïeclionnez et bien humbles serviteurs,
Les estatz du duché de Brabant.
Par ordonnance d'iceulx :
And. Hesselz.
Suscription : A Son Excellence.
Original, aux Archives du Royaume, papiers d'État : Dépêches des rebelles, t. VI, fol. 321.
DCCLXXXIX.
