LE PRINCE D'ORANGE A PHILIPPE DE MARNIX

Réponse à ses lettres des 7 et 21 novembre. — Satisfaction que les états et lui ont de la conduite do 3Iariiix. — Démarches qu'il a déjà faites pour obtenir que Marnix fût échangé. — lia consulté les états et d'autres gens de bien et de qualité sur la proposition de Blarnix de traiter avec les Espagnols ; tous, ainsi que lui, ont été d'une opinion contraire. 11 entre dans de longues considérations pour juslilier cette manière de voir.

DeLFT, 28 NOVEMBRE !î)75.

Monsieur de Marnix , j'ay receu deux de voz lettres, l'une du vij" et la seconde du xxj" jour de ce mois , par lesquelles me touchez principallemcnt deux points, faisant récit, par le premier, comment les choses sont passées au temps de vostre prinse. Et, quant aux excuses que vous faicles pour vostre regard, pouvez estre asseuré que moy et les estats sommes fort bien satisfaitz du bon debvoir qu'avez rendu : à cesle cause , povez estre à vostre repos, et vous tenir asseuré que nous aurons tousjours vous et vos affaires pour recommandez. J'espère bien que monsieur de Noircarmes et le S' Francisco de Valdez vous traiteront ainsy que le S" Julian Romero a commencé; et, en cas qu'ilz en facent aultremcnt, je seray constrainct de faire le semblable à ceulx que nous tenons prisonniers. Je seray bien aise d'entendre leur voulunté quant aux entrechanges , suyvant ce que je l'avoy escript audict seigneur Francisco de Valdez; mais, jusques ores, n'ay responce de luy touchant quelques-ungs que, parung billet joinct à ma lettre, je luy avois dénommé pour ung commenchement, dont vous estiez l'ung.

Or, quant à l'aultre point, par lequel il semble que^ pour tirer ce peuple hors cestc fâcheuse guerre, me veullcz induire

et persuader à quelque traicté et accord préjudiciable, et attirant plustost ruyne que la conservation du pays , je ne veulx vous celer davoir communiqué voz lettres aux cstalz de ces pays, et à d'aultres gens de bien et de qualité, pour avoir sur vostre mis en avant leur advis, et entendre leur volunlé, ne veullant, pour l'acquit du serment et obligation que j'ay à euh, user d'aulcune authorité , ny de mon propre mouvement entamer chose quelconque à leur desceu. non plus qu'en aultre affaire concernant le bien du pays . ainsy qu'il est notoire à chascun que je n'ay jamais faict. Et , ayant les estatz , avecq les aultres susdicts , meurement délibéré sur ce faict, et selon l'exigence pesé toutes les circonstances d'icelluy, ont unanimement déclairé qu'ilz scavent bien, comme je faictz aussy, que tous hommes, et singulièrement les chrestiens , ont commandement exprès de Dieu de pourchasser paix, et que, oultre le debvoir quy les oblige de luy rendre obéyssance, leur inclination nalurelle les incite à désirer union et concorde, et conséquamment leur repos. Aussy vous sçavez bien particulièrement et certainement que , dès le commenchement , ainsy depuis et continuellement, nous n'avons riens tant désiré, ny désirons encores maintenant, que la tranquillité et prospérité du pays , par une bonne et seure paix , ayans tousjours esté irès-mariz , comme encores nous sommes à présent, de tant de cruaullez , injustices , inhumanitez et aultres violences exécutées contre tous droictz divins et humains, quy ont donné occasion aux troubles, et obligé, voire comme constrainct, ung chascun , en son endroict et selon sa qualité, à prendre les armes , non poinct contre Sa Majesté , mais pour se garantir et obvier à ce qu'ilz ne fussent finablement du tout et à jamais accablez et ruinez par une servitude et tirannie intollérable de corps, de biens et des consciences, de laquelle nécessairement sensuyvoit une désolation horrible, par une fuite et relraicte de la pluspart des habitans du pays es bois et forreslz, avecq

l'emmes et enffans , en estât plus calamiteux et misérable que les troubles et guerres soustenues en bonne conscience devant Dieu ne peuvent apporter, lesquelles néantmoings se trouvans tousjours accompagnez d'une infinité d'afflictions et inconvéniens, il n'y a chose que lesdicts estatzet moy ne désirions plus ardamment que une heureuse fin aux misères et désolations dessus alléguées , et vivre en heureuse prospérité soubz l'obéyssance entière de Sa Majesté. Et, comme nous nous sentons obligez devant Dieu , et affectionnez en nos coeurs , de pourchasser et embrasser ung sy grand bien , ainsy au con traire , quant il seroit question d'accord ou de paix qui nous apporteroit plus de malheurs, inconvéniens et désavantaiges , tant de la gloire de Dieu , laquelle sur toutes choses nous sommes tenuz de pourchasser , que de la patrie , nous nous sentons obligez d'endurer plustost tout le malaise , fâcheries et incommoditez de la guerre , que de nous plonger volontairement , et à nostre eschient , pour quelque peu d'aise , ung repos imaginaire et paix mal asseurée , et conséquammenl de petite durée, aux maulx et inconvéniens sy grands et horribles qu'avons de nostre temps veu advenir en telz et semblables accordz : car il vous souvient que , de l'accord faict en l'an xvixvj avec tant de solempnitez, et par le commandement mesmes de madame la duchesse de Parme, pour lors régente, et de ceulx de son conseil , n'est succédé aultre chose que l'extirpation de la vraye religion selon la parollede Dieu, avecq meurtres de tant de milliers d'enffans de Dieu, exécutions et bannissemens des seigneurs, gentilshommes, bourgeois et tant d'aullres personnes de touttes qualitez et sexe , lesquelles , se fians à semblables pardons et traictez, ont esté sy misérableblement trompez , perdans leurs vies et biens, avec la ruyne générale de tout le pays. Aussy le massacre de France ('), non-

(') La Saint-Barthclemy.

obstant la paix sy solempnellementjuréc, ne peult esire effacée de noz cœurs, ains nous apprend comment nous nous debvons fier, de tant plus qu'estant ledict massacre advenu bonne espace après la guerre, estans touttes choses paisibles, et niesmes en temps de nopces et festins , debvons à bonne raison penser ce que nous aurions à attendre, estant le pays encore plain de gens de guerre, et notamment espaignolz.

Je laisse icy, pour brieffveté , à réciter plusieurs aultres exemples advenuz en Alleinaigne et aultres lieux, comme monsieur de Noircarmes en sçait mieux à parler que aultre homme du monde , et surtout celluy de feu le lantgrave de Hessen, savoir : des motz einich et ewich ; aussy de celluy du marquis Albert de Brandebourg j et se peuvent tousjours, en tout événement , servir de leur maxime baslie au concile de Constance , qu'il ne fault garder aulcune foy à ceulx qu'ilz trouvent pour hérétiques. Et n'y a celluy quy ne sache bien de quelle main et par quy ledict massacre de France (') et la pluspart desdicts exemples et aultres pareils accidens, quy ont esté en train ailleurs , ayent esté practiquez , assavoir : par ceulx qui nous ont constrainctz et forcez à prendre les armes : joinct qu'il est assez notoire à quelle intention ilz sont venus à ce Pays-Bas : car, dez le commenchement de leur entrée, n'ont tâché que à mectre en avant touttes cruaultez , inhumanitcz, tirannies et oppressions, tendantes à réduire ce pays et les subjectz d'icelluy, dune honneste liberté et franchise que Sa Majesté leur avoit si solempnellement jurée , en une par trop exhorbitante et intollérable servitude. A cela ont servy les horribles exécutions, depuis les plus grands jusques aux plus pelilz, les bannissemens de sy grand nombre de bons et léaulx

(') Le prince d'Orange veut faire entendre ici que la Saint-Barthélémy avait été conseillée par le duc d'Albe ; mais c'est une imputation sans fondement. (Voy., dans les Bulletins de l'Académie royale de Belgique, t. XVI, partie I""», p. 255, mes Particularités inédites sur la Saint-Barthélémy.)

subjectz et vassaux de Sa Majesté, ie renversement et cassation de tous droictz. privilèges , libertez et immunilez, les concussions et exactions insupportables, les meurtres de divers bourgeois, les forceries et violemens des femmes et jeunes filles, les ravissemens des biens d'ungcliascun, la cessation etruyne de toutte traffîcque et commerce, et finablemenl touttes inbumanitez , violences et outrages quy se soyent oncques peu excogiter : dont n'a sceu procéder que le dangier évident d'une altération des cœurs des subjectz allendroit de leur prince.

Nous disons tout cccy, pour en partye respondre à vostre lettre, et aussy al'fm qu'il puist estre cogneu que nous ne voyons aulcun moyen de conclure et embrasser quelque paix et accord , nous confians sy avant en la bénignité et naïfve clémence de Sa Majesté que , sy elle at envye (comme n'en faisons double) de délivrer son pays de ces maux et dissensions civiles , elle nous accordera ce point, comme du tout juste et nécessaire , pour mectre ung repos durable et fin asseurée à ces misères et calamitez. Et ne doublons aulcunement que non -seulement mons"^ de Noircarmes et le S' de La Motte ;^'), mais aussy tous bommes de bon jugement, trouveront ce poinct sy raisonnable, que, s'ilz ont devant les yeulx et au cœur le désir de voir fin à ces troubles et misères , quilz adviseront eulx-mesmes tous moyens possibles à ce que puissions y parvenir : d'aultant que ne povons aulcunement estimer, oires que présentement ilz nous soyent ennemys, quilz vouldroyent toutesfois nous conseiller chose diverse à ce que dict est , pour nous précipiter de fanctaisie et nous perdre voluntairement; et, ce faisant, feront les offices requiz à bons subjectz de Sa Majesté, luy conseillans la conservation de son pays, et consécutivement son propre bien et grandeur. Par où

(I) Valentin de Pardieu , S' de La Motte, nomme rim des lieulenanls de rarlillerie le 15 novembre 1572.

Sa Majesté ncquerra réputation devers ung chascmi , comme ayant, par sa naïfve clémence, et de son propre mouvement, remis son pays en tranquillité et paix lieureuse et asseuréc. Et, comme nous demandons journellement à Dieu ung tel bien, ainsy l'attendans de celluy qui. inspiré du Seigneur, nous le peult promptoment donner, sommes et serons tousjours prestz et désireux de l'entendre , et d'embrasser et recepvoir à cest cffcct ses justes commandemens. Et, en eest endroict, faisant icy fin , je supplieray le seigneur Dieu vous avoir, monsieur deMarnix, en sa saincte garde et protection. Escripl à Delft, ce xxviij^ jour de novembre 1575.

Vostre bien bon amy,

GuiixE DE Nassau (■)•

Copie du temps , aux Archives de Sinianeas : Papelet de Estado, liasse 550.

DXLÏ.