DIX
LE PRINCE D'ORANGE A L'EMPEREUR MAXIMILIEN II (•). (traduction de l'allemand.)
Réponse à la lettre précédente. — Il justifie sa résolution de prendre les armes, avec le secours de ses alliés, par un exposé des actes arbitraires, tyranniques et cruels auxquels s'est livré le duc d'Albe, depuis son arrivée aux Pays-Bas.
DlLLENBOURG, 12 AOUT 1S68.
Sire, j'ay receu, le xw^jour de juing dernier, en toute révérence, le mandement de Vostre Majesié Impériale, émané à moy et aultres mes alliez, sans double sur le maulvais rapport faicl par noz adversaires, sans fondement ou preuve quelconque. Et, combien que je ne doubte nullement Vostredicte Majesié aura desjà entendu, de paraulcuns princes électeurs et aultres bonnes remonslrances, la grande tyrannie et cruaulté non ouye dont, un temps en çà, ceulx du présent, inhumain et inlollcrable gouvernement es pays d'embas ont usé et exercilé, espérant que Vostredicte Majesté aura donné plus de foy aux informations desdicts princes électeurs , fondées en toute vérité, que aux remonslrances non fondées de mesdicts adversaires, si est-il loutesfois que ma nécessité et honneur requiert de déduyre au long à Vostre Majesté ce que s'ensuyt, pour la
(') M. Groen van Prinsterer a donné, dans les Archives ou Correspondance inédile de la maison d'Orange-Nassan, Supplément, p. 91-98, un extrait de cette lettre, d'après une traduction faite récemment par BI. Altmeyer. La traduction que nous insérons ici est complète : elle fut faite, dans le temps même, par le secrétaire chargé de la correspondance d'Allemagne, Scharenberger. Nous croyons que , si elle ne se fait pas remarquer par l'élégance du style, elle est recommandable par sa fidélité et son exactitude.
Une copie de la lettre originale du prince existe aux Archives dn Royaume.
justification et innocence de moy et de mesdicts alliez, actendu que nous sommes accusez, sicomme nous eussions faict contre les constitutions et ordonnances du Saint-Empire, et aussi brassé et perpétré quelques aultres choses illicites ; requérans, sur ce, que Vostredicte Majesté (endevers laquelle tous ceulx estans pressez contre droict et équité cherchent leur dernier refuge, comme au suprême magistrat) nous veuille assister de son bon conseil, et tenir en sa protection.
Et, pour le premier, Sire, suis-je assez informé du contenu de la paix et constitutions du Saint-Empire, érigez tant sur le faict de la religion que des choses prophanes ; mais au contraire il ne me souvient pas d'avoir excédé, en chose quelconque, lesdictes ordonnances et constitutions, selon que mesdicts adversaires peuvent avoir rapporté à Vostredicte Majesté, sans fondement quelconque, comme Vostredicte Majesté trouvera en vérité, par ceste mienne tant fondée déduction de cest affaire.
Mais, en tous événemens, fust grandement à souhaiter que lesdictes constitutions et provisions tant nécessaires et prouffîtables fussent observées de l'une et l'aultre partie, sans entourher ou molester personne au contraire : car, certes, plusieurs inconvéniens, sicomme effusion de sangchrestien, confiscations et saisissemens des biens de beaucoup de gens innocens , bannissemens en exils et aultres persécutions et inhumanitez en puissent estre obviez par l'observation desdictes ordonnances impériales.
Toutesfois, comment icelles sont esté observées, ung bon temps en çà, par les adversaires de moy et de mes alliez, le duc d'Alve et sa suyte sanguinaire, cela font apparoir souffisamment les cruaullés et tyrannies, ensaiiible les inhumaines exécutions et persécutions usez de par ledict duc d'Alve, à sa malheureuse venue es pays d'embas, à l'encontre de beaucoup de mille et mille personnes innocens, comme aussi il continue cncoires journellement, sans cesser.
Car, en premier lieu, il est chose notoire et manifeste que par cy-devant la duchesse de Parme, lors régente de par Sa Majesté Catholicque en sesdicts Pays-Bas, a expressément permis et accordé les presches de la paroUe de Dieu, souhz promesse que nul mal adviendroit à ceulx qu'avoicnt ouy ou encoires yroient ouyr lesdictes presches, selon que, par le commandement de ladicle duchesse, j'ai faict puhlier ladicte permission par mesgouvcrnemens, moyohligeant, quant et quant, devers les suhjcctz, que cecy seroit inviolahlcment accomply et observé, comme, en cas de besoing, se pourroit apparoir par bons documents. Quoy toutesfois nonobstant, ledict duc d'Alve a, du commenchcmcnt, ung excessif nombre des bons et léaulx vassaulx et subjectz tout misérablement mis en exil, et deschassez de leur famille, femmes et cnfîans, à cause qu'ilz se sont trouvés èsdicles presches.
Ayant aussi incontinent procédé, parmy quelque certaine citation prétendue, vaine et hors de tout droict, sur le poinct de confiscation et occupation de leurs biens et meubles, sans aulcune observation de Tordre ordinaire des procès judicielz, ains de facto, toutesfois soubz le prétexte et couleur sicomme lesdicts povres gens fussent rebelles et héréticques, confisqué leursdicts biens, en commenchant ainsi le procès a prœda et executione , non-seullement contre les connnuns droictz escriptz, mais aussi directement à l'encontre les contraiclz, obligations, aslrictions et juramens faiclz et strictement affirmez et ratiffiez de par Sa Majesté et les estatz de ses pays patrimoniaulx, comme aussi ledict duc d'Alve a faict exécuter et tuer, tant en publicque que à la cachette, beaucoup de gens de bien, sicomme bourgeois, marchans et nobles, à cause de la religion, assçavoir : quelcungs par cstranglement, feu, glaive et aullres horribles manières de faire, et plusieurs aultres laissé mourir et consommer en estroicie prison , et certains auhres laissé misérablement et tirannicquement tor-
quer et marlirizer, que, après avoir souffert grande marlire, leur a convenu finir innocentement leur vie.
Et, affin que ledict duc d'Alve face apparoir de plus son affection sanguinaire el lyrannicque, il a, passé peu de temps, faict appréhender, tout sur une nuict (■), en toutes les villes des pays d'embas, iing grand nombre de ceulx qu'il a tenu suspect en leur foy, et les faict mectre hors leurs maisons et liclz en prison, pour en après, à sa commodité, faire son plaisir et volunté avecq lesdicts prisonniers, et de luy applicquer et approprier les biens de ceulx estans ainsi déchassez, mors, condamnez et exécutez, contre droict et coustumc ordinaire, et par ce exposé les susdicts riches pays dembas, nonseuUement en extrême servitude et esclavonerie , et quant et quant en misère, calamité et dangier indicible, ains tendt après de mectre lesdicts pays en plus grande misère, voire en entière ruyne et destruction, en cas que sa cruelle entreprinse ne soit rompue par l'ayde de Dieu, avecq aulcuns aultres moyens convenables : et tout cecy. nonobstant la grande fidélité que les pays de par deçà ont tousjours portée à Sa Majesté Catholicque et à feu l'empereur Charles, en contribuant plusieurs grandes aydes, montans aux aulcunes millions; mesmemcnt, que lesdicts pays se sont dernièrement offertz de contribuer jusques à trente cens mille florins, moyennant quilz puissent estre libres de leur conscience, et que, oultre cela, en toutes choses politicques, estre obéyssans à Sadicte Majesté. Oires doncques, si cecy est une rébellion ou désobéissance, comme le duc d'Alve et ses adhérens donnent à cognoistre, est ensoymesme plus liquide et clair, que d'eslre besoing à déduyre par longs escriptz.
Et combien que, à la requestc de madame de Parme, alors
(') Le 3 mars 1S68, à minuit. Voy. nolie Notice sur le conseii des troubles, dans les Bulletins de l'Académie, t. XVIj 1" partie.
gouvernante, Sadicte Majesté s'est déelairée et asseurée aux aulcuns signeurs et gentilzhommes qu'ilz n'auroient à craindre aulcun mal ou dangier, à cause de leur requeste présentée pour hoster l'inquisition et les placartz dexécution, si est-ce qu'il est notoire que le duc d'Alve, durant ceste sienne cruelle domination, a entièrement contrevenu à la susdicte promesse et asseur^nce de Sadicte Majesté et de madame de Parme, à la grande dérision et vilipcndence des personnaiges se ayans fiez à ladicte promesse, lesquels sont esté mis en prison, et les biens des fugitilz, de quelque religion qu'ilz sont, sans aulcune distinction, confisquez : le tout, contre droict, ordonnances et mesmement contre les susdicts privilèges , contraictz et asseurance, de par Sadicte Majesté mesme, jurée et accordée aux susdicts Pays-Bas.
Par oîi il appert assez que ledict duc d'Alve contrevient et mésuse sa commission qu'il a de Sadicte Majesté, au grand préjudice et destruction des léaulx vassaulx et subjectz de Sadicte Majesté : car il n'est à présumer que Sadicte Majesté, comme roy débonnaire et de bonté, ait jamais esté d'intention, ny encoires moins pensé, d'user de telle cruaulté, contre le serment d'icelle, et que le duc d'Alve a faict cecy de sa propre auctorilé : de sorte que les affaires es pais d'embas sont devenuz en tel estât, que l'on ne respecte personne, de quelle condition ou religion qu'elle soit, estant pourveu de quelques biens.
Je ne veulx dire quel mal, insolence et désordre font journellement les gens de guerre dudict duc dAlve aux Pays-Bas, dont chascun homme de bien debvra plus désirer de veoir la mort des siens, que lesdicts scandales. Et, combien que moy, pour mon particulier intérest, durant le temps de mes gouvernemens, voire le temps estant parvenu à mon eage, n'ay jamais prins plus à cœur que de planter et augmenter l'aUclorilé, puissance et réputation de Sadicte Majesté, et que les pays d'icelle pourroient vivre en paix, union et prospérité , et
que tout dangier et dommaige seroit osté, ce que j'ay démonstré une bonne esj3ace de temps, en despendant mes propres biens, non sans grand dangier de mon corps et vie, toutesfois, ce nonobstant, l'on a confisqué mes propres biens, pays et subjectz, non plus ne moins que aulcuns aultres de baulte et basse condition , et ce tant seullement par forme d'une sinistre citation et proclamation, sicomme j'eusse affecté la supériorité et haulteur de Sa Majesté Catholicque, pour me faire signeur des pays de par deçà, et ainsi perpétrer crimeii rebellionis; lesquelz mes pays me sont encoires, pour le présent, ostez par force, et contre tout droict, les recès et ordonnances de l'Empire.
Où toutesfois je puis attester, avecq Noslre-Signeur Dieu et la conscience de mon âme , devant Vostre Majesté Impériale, que l'on me faict grand tort en cest endroict, et que cecy m'est imputé par mes adversaires , tant seullement pour excuser leur vengeance lirannicque et infraction de la paix publicque : ce que l'on peut facillement comprendre, tant seullement par ce que j'ay résigné librement mes gouvernemens de Hollande, Zeelande et Utrecht, pour éviter toutes suspicions, et ayant ainsi délaissé les principales villes, forteresses et chasteaulx de mesdicts gouvernemens, et en après me retiré, non secrètement, ains publicquement, vers Allemagne.
Ce que je aurois jamais faict, quand mon intention fusse esté aullre, suppliant que les principaulx officiers desdictes forteresses puissent estre interroguez si je leur ay oncques requis de mectre forteresse ou ville en mes mains, pour mon particulier prouffit.
Mais que le duc d'Alve, avecq ses adhérens, sont les vrays rebelles et ennemis non tant seullement de Sa Majesté Catholicque et ses pays d'embas, mais aussi de Vostre Majesté Impériale et de tout l'Empire, estant leur intention (^come ilz ont practicqué passé longtemps, joinctement le cardinal de Gran-
velle)de mectre les pays d'embas en servitude perpétuelle, et, de l'aultrecostel, d'oster le gouvernement à Sa Majesté Catholicque et son filz, et conséquammeni la vraye succession, à Vostre Majesté Impériale et ses hoirs, desdicts pays d'embas, et par ainsi entièrement gouverner lesdicts pays sans empeschemeut quelconque, pour en après invahir les Estatz de l'Empire, les mectre fil à fil en leur puissance, et introduyre illecq la mesme tyrannie, come ilz font présentement ausdicts Pays-Bas. Ce que tout l'on peult facillement comprendre et appercevoir par les espoventables et misérables exemples des exécutions, persécutions et tyrannies passées, mesmement parce que ledict duc d'Alve n'a pas seullement faict exécuter beaucop des gens de bien innocens, tant nobles que non nobles, ayans porté le cœur en bon endroict endevers Sa Majesté Catholicque, ains aussi partie des plus principaulx signeurs de l'Ordre, ausquelz estoit conmiandé de Sadicle Majesté le gouvernement desdicts Pays-Bas, débouté hors le pays, et partie d'iceulx misérablement et cruellement meurdryz et tuez, sans la moindre juste occasion : le tout, à l'intention malicieuse pour, par ce moyen, entièrement abolir et extirper les plus éminens signeurs, qui leur pourroient donner aulcun obstacle et empeschement en leurs emprinses inhumaines, tendans à l'infraction de la paix et mutineries, et en après attirer à leur propre volunté le gouvernement du pays, et se faire signeurs d'icelluy : ce que peult aussi clèrement apparoir par ce qu'ilz ont tant practicqué par leur astuce, que Sadicte Majesté Catholicque a prins prisonnier son filz unicque('), à telle fin qu'il ne se polroit mesler ou entreprendre des afl'aires du pays de par deçà, estant si misérablement gasté par ledict duc d'Alve.
Comme aussi icelluy duc d'Alve, pour démonstrer tant plus
(') Don Carlos.
son cnnemitié et illicites enlrcprinses , n'a espargné mon propre filz , le conte de Bure, luy ayant dernièrement osté de Louvain, où il estoit mis à l'estude, pour d'aultant mieulx estre servy de lui Sadicte Majesté à l'advenir, et ainsi l'amené prisonnier, sans faulte à telle intention qu'il me pense lier mes mains de telle sorte, affin que je n'auray moyen de luy faire empeschement en son règne tyrannicque.
Et, combien que moy, comme celluy qu'est tant offensé à tort, auray eu juste occasion de penser, avecq mes alliez, aux telz moyens d'obvier aulcunemenl à telz oultrages et forces illicites, estans expressément contre les ordonnances et recez de l'Empire et des droictz escriptz, et de user de la deffension permise, si est-ce que, pour démonstrer tant plus ma paisibilité, et pour éviter la dangereuse conséquence, j'ay bien voulu souffrir tout eecy pour quelque temps, que d'entreprendre la résistence, soubz l'espoir que, par l'intercession de Vostre Majesté Impériale, lesdicts affaires seriont moyennes et appaisés , ou du moings mis ordre et provision contre les cmprinses et forces dudict duc d'Alve, usez jusqucs à oires à rencontre de moy et aultres personnes inculpables, de basse et haulle condition.
Mais, Sire, comme je treuve, non sans grande perplexité, que la susdicte tyrannie et persécution ne se diminue en chose quelconcque, ains que icelle s'augmente plustost de jour en aultre, en accroissant de telle sorte que le semblable n"a esté jamais veu ny ouy en Germanie, car, depuis larrivement dudict duc es Pays Bas, il a faict misérablement mourir, et aulcuns déchasser hors le pays, non seuUement ceulx de la religion, ains aussi aulcuns aultres personnaiges inculpables, ayans esté pourveu de quelques biens; et, pour d'aultant plus monstrer son affection tyrannicque (comme Vostre Majesté peult sçavoir), il a faict exécuter, à Bruxelles, le premier et second de juing dernier, jusques à soixante gentilzhommes et
aultres riches inarchans et bourgeois, et encoires ung assez grand nombre es aultres villes, après la confiscation de leurs biens. Et, n'en estant encoires content de tout ce, comm'il dit est, il a faict décapiter, le v" jour dudict mois, les deux chevaliers de l'Ordre et contes d'Egmont et Hornes, et, pour faire tant plus de honte et scandale ausdicts exécutés et leurs parents, il a faict mectre leurs testes sur quelque baston ou fourche pour aulcunes heures de loing, nonobstant les services par eulx faiclz, en plusieurs guerres, à feu l'empereur Charles, et depuis à Sa Majesté Catholicque, à leur grande despence et dangier de leur vie, comme il est notoire à chascun, et le tout, sans les avoir préalablement ouyz et sans aulcun procès, tout à rencontre des droictz divins et naturelz, et des recez et ordonnances de l'Empire, et, après ceste misérable exécution, derechief recommenché appréhender plusieurs personnes.
Par laquelle auparavant jamais ouye tyrannie et persécution, ledict duc d'Alve a causé partout telle peur, que aulcuns milles personnes, et niesmement ceulx estans principaulx papistes, se sont retirez en dedenspeu de temps hors les Pays- Bas, en considération que ceste tyrannie s'exerce contre tous, sans aulcune distinction de la religion ; se ayant ledict duc d'Alve laissé ouyr qu'il ne vouldroit pas seullement cercher ma personne, mais aussi tous ceulx qu'estoient enfuyz en l'Empire et aultre part, selon tout son pouvoir : dont jay eu plusieurs véritables advertences. Par où Vostre Majesté a facilicment à comprendre où l'intention du duc d'Alve et ses adhérens s'extendt, assçavoir : de tuer et extirper ma personne, mes confrères de l'Ordre et estatz à luy faisant empeschement en ceste sienne illicite emprinse, et en après le reste de la noblesse, bourgeois et marchans tenir pour leurs esclaves, ains d'encommencher ung tel estrange régiment par où ilz pourroient subjecter avecq le temps les principaultez et villes circonvoysinnes en leur puissance , et annichiller cl casser
tout bon police, les privilèges, droictz et usanees du pays, et par ainsi niectre lesdicls pays en extrême misère, pour extirper avccq le temps la religion, non-seullcment es dicts Pays-Bas, ains aussi en la nation allemande; et fmallement desrober et démeetre Sa Majesté Catholicquc et son filz de leur possession et gouvernement, et par conséquent aussi Vostre Majesté Impériale et ses hoirs de la succession desdicts Pays-Bas, et ainsi exercer \euv tyrannie en devers les aultres Estatz de l'Empire : ce que ensuyvra en brief, en cas que l'on n'en obvie bien tost par moyens convenables.
Or, si les susdicts affaires du duc d'Alve correspondent avecq les constitutions et ordonnances impériales faictes sur le faict de la religion et paix publicquc; samblablement, si ung tel infracleur de la paix, ayant si souventesfois contrevenu ausdictes ordonnances et loix de l'Empire, et néantmoins se oser vanter et nommer, au nom. de Sa Majesté Catholicquc, pour ung Estât dudict Empire, à son advantage prétendu, se debvra joyr et user du bénéfice desdictes ordonnances; item, si l'on pourra prendre de maulvaise part que, pour oster la force non ouye par laquelle tous mes biens et meubles me sont ostez, voire pour saulver et conserver mon corps et vie, j'ay prins aulcunement ou prendrois encoires en main la deffence nécessairement permise par tous droictz, recez, ordonnances et statutz de l'Empire, j'aimeray mieulx de mectre tout cela à la congnoissance de Vostre Majesté Impériale, sicomme empereur de droict, ensamble à celle de tous les princes électeurs, princes et aultres Estatz du Saint-Empire, que d'arrester ou donner de fascherie à Vostredicte Majesté par mes longs escriptz.
Toutesiois, je veulx espérer, comme déraison, puisque entre aultres est exprimé, es mandemens de Vostredicte Majesté, que entre les Estatz de l'Empire se doibt observer une esgalité sur le poinct de la conservation de la paix publicque,
que pour ce l'on debvra avoir converty ledict duc d'Alve de ses forces et tyrannies, ou du moins pourveu et ordonné pour, à l'advenir, moy, sicomme ung naturel et obéissant Estât de l'Empire, non donner aulcun empeschement ou obstacle en mienne très-juste deffension.
Et comme, par plusieurs faiets et violences dont ledict duc d'Alve a usé, depuis sa venue es Païs-Bas, mesmement par les exécutions tyrannicques et contre droict exercées aux personnes des susdicts signeurs de l'Ordre, est souffisamment à entendre et appercevoir que de son costel n'est à espérer aultre droict, sinon la susdicte inhumaine procédure, voire plus cruelle extirpation, et que, oultre cela, il n'est espoir, à cause des sinistres practicques de mes adversaires , que Sa Majesté mesme ( selon sa propre bonté et clémence ) aura quelque regard en cest cndroict, ou que le duc mesme désistera de son inhumaine tyrannye, considéré mesme que Sa Majesté n'a respecté son propre ûh , par les instigations et practicques desdicts adversaires : en considération de quoy, moy, avecq aultres mes signeurs et amys alliez, sommes esté meu de prendre en main la deffence et résistence licite pour ma propre sustentation et deffension des Pays-Bas, mesmement pour le commun bien de l'Empire, et ce à la très-instante requeste de plusieurs obéissans subjectz de Sadicte Majesté, puisqu'il n'y a aultre moyen de plus de mitigation : ce que toutesfois je vouldroys plus voluntiers avoir délaissé, comme Voslredicte Majesté a facillement peu appercevoir de par ma longue pacience.
Et, combien que je ne faiz doubte que ceste mienne chrestienne et licite entreprinse sera interprétée par mes adversaires sicomme je vouldrois par ce moyen résister et rebeller contre Sadicte Majesté Catholicque, et par ainsi repoulsser non-seullement Sadicte Majesté, ains aussi ses vrays successeurs et héritiers de leur régiment et succession, et ainsi m'advancher
en cesl endroict plus qu'il ne me convenoit, si est-ce que je puis allesler, par parolle de prince, tesmoingnant aussi avecq Dieu, que telles ou semblables pensées ne sont jamais entrées en mon cœur, et que, par ceste mienne entreprinse très-nécessaire, n'ay jamais aultre chose prétendu ou cherché, sinon l'advanchement de l'honneur de Dieu, le premier consentement et permission du libre exercice de la religion ; aussi, que Sa Majesté Catholicque, ses pais et subjectz seroient redressez en leur première prospérité, et d'ores en avant vivre en obédience deue, soubz Sadicte JMajesté et les vrays successeurs d'ieelle, ausquelz la succession des Païs-Cas appartient de droict, et par ce moyen estre délivrez de la persécution du duc d'Alve et ses gens de guerre, pour dercchief parvenir à leurs anciens privilèges , contraictz et ordonnances jurées de par Sa Majesté mesme ; et fînablement, que les povres chresliens fugitifz puissent recouvrer leurs biens ostez [)ar force, et que moy puisse estre restitué de mon honneur, et quant et quant asseuréde mon corps, et mesmement de mon filz.
Et, en cas que je pourrois estre asseuré de cecy, je m'offre et me veulx avoir très-humblement déclairé, en devers Vostre Majesté Impériale, de superséder tout entièrement de madicte très-nécessaire deffence, et donner quant et quanta cogiioistre à tout le monde que mon intention et desseing n'a esté oncques aultre que, après ladvanchement de l'honneur de Dieu, procurer et promovoir la haulteur de Sadicte Majesté Catholicque et le bien, prospérité et salut de ses pais, subjectz, et vrays successeurs d'iceulx, présens et aultres advenir.
Mais comme, de mon costel, l'espoir est fort petit, voyant la présente tyrannie du duc d'Alve, que si tosl l'on en pourra meclre ordre, pour ce il me convient d'attendre paciemment et obéissamment la grâce de Dieu (^ès mains duquel reposent tous les cœurs des roix et princes), et entre-temps me efforcer de prendre en main la deffence permise en tous droictz, recez et
ordonnances de lEmpire, pour, en assislence et ayde de aultres mes signeiirs et alliez, povoir, à mon possible, rencontrer et suslenir les forces non ouycs de l'enncmy de moy, de la patrie, voire du Roy et de Vostredicte Majesté.
Ordoncques, puisque, par ceste fondée en toute vérité, mesme par aultre mienne Justification que j'ay faict imprimer ('), dont Vostre Majesté trouvera icy-joinct ung double, Vostredicte Majesté aura à veoir que j'ay jamais contrarié à Sadicte Majesté Catholicque en cbose quelconcque, ains plustost advanehé la prospérité de Sadicte Majesté et de ses pays, selon ma possibilité, ne espargnant ma personne et mes biens , ce que j'entends encoires faire d'ores en avant durant ma vie, en toute humilité et deue obéissance; et que à l'encontre Ton voit clèrement que le duc d'Alve, sicomme ennemy ouvert de Sadicte Majesté, de ses pays et subjectz, ne pense ou traicte aullre chose, sinon comment il polroit ester à Sadicte Majesté Catholicque, à son filz, et par conséquent aux aullres vrayz héritiers leur succession, et par ce moyen mectre les pays en perpétuelle servitude , extirper la religion chrestienne , et après dépescher ma personne, avccq aultres obéissants vassaulx et subjectz de Sadicte Majesté , pour extendre sa tyrannie aultre part, et que, oultre cela , que ledict duc a jusques à présent tant énormément contrarié aux ordonnances delà paix publicquc, le bénéfice de laquelle lui-mesme s'est démis ipso facto, et par ainsi donné occasion très-évidente de ceste mienne juste résistence : de sorte que j'espère que Vostre Majesté Impériale, après la lecture de ceste mienne Justification, me tiendra pour excusé des injures et diffamations de mes adversaires et de toute mienne entreprinse, et d'entendre ceste nostre
(') Lu Jusiificalion du prince d'Oratige contre les faulx hlasmes que ses calumniateurs taschent a luy imposer à tort, impiinicc au mois d'avril lî)68. Vov. le tome II, p. viii.
résistence Irès-jusle, chrestienne et conforme aux ordonnances et exécutions de la paix publicque, sans nous faire quelque empeschement, ains plustost faire à nous, povrcs et désolez chrestiens, toute assistence et faveur, selon qu'il appartient à l'office et auctorité de Vostre Majesté d'estre le dernier refuge à tous ceulx qui se treuvent agraivez à tort et contre raison. En quoy, etc. De Dillenbourg, le 12 août 1568.
Guillaume, prince d'Orange.
Minute, aui Archives du Royaume : Lettres de et à Guillaume de Nassau, t. V.
