GASPAR SCHETZ, S^ DE GROBBENDONCQ, AU PRINCE D'ORANGE

Délai qu'apportent les états généraux à se résoudre sur ce qui a été négocié à Gertrudenberg. — Schetz engage le prince à se dépouiller de la défiance qu'il a du Roi. — Il lui fait envisager les conséquences fâcheuses qu'une nouvelle rupture pourrait avoir pour lui et sa maison. — Il lui envoie un mémoire concernant le comté de Charolais, et termine en le priant de le faire payer des rentes qu'il a sur les domaines de Hollande.

Bruxelles, 20 jdin 1577.

Monseigneur, combien que le docteur Leoninus et moy avons faict le debvoir, vers Son Altèze el aussi les estatz généraulx ('), tel que de nous ont peu attendre ceulx qui cognoissent le bon zèle que portons au repos publicq, si est-ce que, jusques ores, on n'a sceu sortir de la généralité ici assemblée la résolution requise. Vostre Excellence sçait qu'en icelle concurrent plusieurs testes et humeurs, et sur ce sçaura fonder la patience que luy convient prendre en tout ce que se représente en cest affaire publicq , prennant tousjours son but au repos commun, contre lequel ne doibt militer passion aulcunc particulière. Et, pour satisfaire à mon debvoir et à l'affection qu'ay tousjours porté particulièrement à Vostre Excellence , ne puis laisser de dire à icelle , cncor ce coup, que luy est nécessaire se dépouiller d'une partie de la diffîdence contre le Roy, nostrc maistrc, que j'ay senti luy estre enraciné au cœur, si très-grande qu'elle nous a empesché et empeschera tousjours toulcs les bonnes négociations, et, quand sommes au

(') Voy.,dans VA^ikihUlc, leur rapport aux états généraux.

poinct pour conclure, nous rejectera à ehasque fois en quelque despération.

Si Vostre Excellence se vouloit mectre devant les yeulx que le Roy, nostre maistre, après si longue guerre, si grande et inutile despense , s'est trouvé mal conseillé d'avoir, de deux voyes de gouverner, plustost choisy celle de la rigueur que de bénévolence, en ung pays ne le pouvant comporter, et que, par ce, il at, en la fin, soit par nécessité, ou par inspiration divine, changé d'opinion ; et, d'aultre part, que le seigneur don Jehan jusques à présent a si bien correspondu à ladicte changée opinion de Sa Majesté, s'accommodant tellement avecq les estatz, qu'on ne se peult avecq raison doubter d'aultre intention; aussi, qu'il s'est si avant abandonné, sans aultres forces que celles des estatz, que, quand il prétendroit aultre chose, mal le pourroit efl'ectuer, ce seroient toutes considérations que pouroient délivrer le cœur de Vostre Excellence de ladicte trop grande diffidence, laquelle nous est assez préjudiciable en ceste conjoncture. Et, par ce, je supplie humblement Vostre Excellence d'en lieu de tant deffier, bien penser et examiner comment et combien icelle se doibt et peult fier, et en ce s'eslargir tant qu'elle pourra pour ledict repos et bien publicq, pour lequel en ung besoing convient bazarder tout le particulier, jusques à la personne propre, comme ont tousjours faict les grands hommes ; et Vostre Excellence n'a aussi failli à le faire, et si heureusementjusques à maintenant, que le monde, d'une voix , luy attribue le bénéfice du maintiennement des libertez et privilèges du pays, lequel ne vouldroy que Vostre Excellence perdisse , et conséquement ledict pays , comme adviendroit , si icelle donnoit quelque occasion de changer nostre repos en nouvelle guerre, qu'à Dieu ne plaise.

Et, puisqu'ainsi est que , du costé du seigneur don Jehan , je trouve bonne volonté d'asscurer Vostre Excellence et les estatz d'Hollande et Zélande, à quoy correspondent les estatz

généraulx icy assemblez, et concordent aussy les ambassadeurs de l'Empereur, lesquels y attireront conjoinctement les princes d'AUemaigne, il me semble, à correction, que la forme et manière de l'asseurance sera bien trouvable, si Vostre Excellence se veult mectre à y penser, soit par le moyen que de présence ay mis en avant , dont je tiens que Vostre Excellence debvra avoir mémoire , ou aullre , de sorte que au premier scrupule qu'icelle me mit en avant fusse remédié. Me sembleroit aussi que, quand au second scrupule, touchant le poinct de l'exercice de la religion, remis aux estatz généraulx, sera bien trouvable tel expédient que, de l'ung costé, on ait contentement, et, de l'aultre costé, aussi satisfaction. Lesquels deux poincts widez , je vois assez évidemment que toutes aultres dil'ficultez , que ne sont qu'accessoires, cesseront.

Par quoy , supplie derechef à Vostre Excellence y penser, et peser ce que luy pourroit advenir après la rompture de nouvelle guerre, si Sa Majesté se délibérât de dépendre quelques millions , comme icelle, estant trop irritée et stimulée oullre raison , pouroit trouver , quand ce ne fust que par moien des ecclésiastiques; davantaige, quel désavantaige seroit à Vostre Excellence , si Sadicte Majesté fist la guerre avec ravoye(') de ses estatz et subjects, que ny le ducq d'Alve, ny le commandador major, n'ont sceu faire, et [)ourroit facilement advenir maintenant , si Vostre Excellence , par ladiclc diflidence non fondée, fusl réputé pour cause de ladicte guerre, comme pourroit aussi , en tel cas , la fortune de guerre , laquelle s'a monstre jusques ores tant favorable , tourner visaige, qu'est ung cas, après les grandes félicitez , fort craindibie. Et mesnies à Vostre Excellence et à sa postérité convient maintenant plus de cercher le repos, pour establir sa maison et grandeur d'icelle, que continuation de guerre, laquelle ne

{') L'avoyc, l'aveu.

luy peult donner aultre fruict que le seul maintiènement de sa personne , avecq bien grand hazard de laisser sa maison du tout ruinée après sa mort.

Et, pour ce, monseigneur, considérant que la guerre sera doresnavant tant odieuse , et oultre ce dangereuse à Vostre Excellence et non duisante à sa postérité, et, de l'aultre costé, que le seul appuy du peuple , dont Vostre Excellence s'est soustenu durant ces garboulles et guerres, ne sera tant asseuré en temps de paix, je supplie très-humblement qu'icelle, pour une fois se mectre en bon et asseuré estât, se dispose à quelque forme de confiance sur Sa Majesté, ou sur le S"" don Jehan, t<ille toutesfois qu'elle soit par les Estatz et princes voisins corroborée, et ainsi si asseurée que avec raison on s'en doibve contenter, et ne se laisser de ce divertir par les propos ordinaires : quod Iiœreticis non est servanda fides , et quod regiim irœ sunt immortales, car à l'ung se peult bien remédier par l'autorité du pape, interposita fuie piiblica Imperatoris et principum Imperii, et, au contraire, de l'aultre, il y a des exemples innumérables, es histoires anciennes et modernes, combien que, lors quand me trouvay vers Vostre Excellence, n'en avoy la fresche souvenance. Et, quand tout est bien considéré, se trouvera que les grands princes mettent leurs affections aux vassaulx, selon les services et commoditez qu'ilz en peuvent tirer, sans estre subjects aux affections particulières, pour leur faire bien ou mal, que Vostre Excellence doibt, par son expérience, mieulx sçavoir que moy. A laquelle je supplie humblement me pardonner que me suis eslargi si avant, et vouloir le tout imputer au bon zèle qu'ay, tant au bien publicq, que au bien particulier de Vostre Excellence, laquelle ne pourra jamais avoir bien en ce monde, si elle ne se dépouille, par quelque façon que ce soit, de ladicte excessive diffîdence.

Et, sur ce, finirai ce propos, envoiant à Vostre Excellence, joinct à cesle, ung escript concernant la conté de Charolois,

contenant particulièrement Testât et conditions de Jadicte conté, comme icelle m'avoit requis. Laquelle conté, à ce que j'ay veu, est plus honnorable queprouffitable pour le présent; mais il y a grande matière pour espérer plus grand' valeur, mesmes quand on pourroit obtenir la souveraineté du roy de France, qui semble en temps présent assez practiquable. Vostre Excellence verra ledict escript, et me pourra mander son bon plaisir endroit du change contre son bien de Bourgoigne : en quoy m'emploieray de si bonne affection que Vostre Excellence me le pourra commander et fier.

Je supplie à Vostre Excellence donner ordre que doresnavant je puisse estre bien payé de mes rentes qu'ay sur les domaines de Sa Majesté en Hollande, puisqu'ay eu cincq ans patience, sans scavoir par quel bout me sauver de la perte. Aussi supplie de ravoir ma requeste donnée aux estatz d'Hollande, touchant le don faict à la Royne, nostre maistresse, avec quelque bonne et favorable apostille. Et sur ce, monseigneur, je prie Dieu avoir Vostre Excellence en sa saincte garde et protection. De Bruxelles, lexx^de juing 1577.

De Vostre Excellence humble serviteur, Gaspar Schetz.

Stiscription : A monseigneur monseigneur le prince d'Orange.

Archives des Affaires étrangères, à Paris : MS. intitulé Pays-Bas, 1569-1583, fol. 241 v''-243.

DCXV.