LE PRINCE D'ORANGE AU S' DE GROBRENDONGQ

Réponse à la lettre précédente. — Il prend en patience le délai que les étals généraux mettent à se résoudre. — Il déclare qu'il ne peut avoir confiance dans le Roi, ni dans don Juan, tant que la pacification de Gand ne sera pas exécutée. — II remercie le S' de Grobbendoncq du mémoire concernant le comté de Charolais.

Alckmaar, 28 juin 1377.

Monsieur de Grobbendoncq, vostre lettre du xx° de juing m'a bien suffisament représenté devant les yeulx la continuation de vostre bon zèle envers le bien et repos de la patrie, tant en ce que m'enbortés de fonder la patience qui! me convient prendre sur la diversité des humeurs qui se trouve en la généralité de par delà, pour ne trouver estrange le peu de résolution qui en est sortie, sur le bon rapport que vous et le docteur Leoninus leur avés faict, comme pareillement en ce qu'avec tel soing vous tascliés de m'oster toute (liffidence, laquelle vous dictes avoir trouvé enracinée en mon cœur, et estimés que ce soit le seul empeschement de toutes bonnes négotiations.

Or, quant au premier poinct, je n'en puis dire aultre chose, sinon volontiers, tant que faire se pourra, je supporteray les humeurs de ceulx qui ainsi dilaient leurs résolutions, quelques divers qu'ilz soient, moiennant que l'on entende que l'effect de tout ce que j'ay demandé ne tend, sinon à l'establissement du bien, repos et tranquillité générale, tant s'en fault {(ueje veuille opposer aulcune particulière passion mienne au repos publicq .

Touchant l'aullre, je suis bien de vostre opinion, que hi diffidence nous est fort préjudiciable en ceste conjonture, et ne veulx m'accordor à ceulx-là qui estiment (ju'en tous gouvernemens bien policés , la diffidence doibt tousjours demeurer pour contrepois ou bride de la tyrannie. Mais aussi (') vous me confesserez que, comme entre vrais amis y a bonne confiance, ainsi entre ennemis n'y peult avoir que deffiance, laquelle si on veult oster, il fault premièrement oster(") l'inimitié qui en est cause, et faire la paix : dont appert que la seule pacification est celle qui oste la deffiance.

Or, nous avons faict une pacification non moins solemnèle que salutaire à tout le pays.

Par quoy, puisqu'il est question d'oster la deffiance, il fault commencer par ce bout-là, en accomplissant ceste pacification, et, en laissant toutes cavillations à part, fault monstrer qu'il n'y a plus d'inimitié ny soupçon qui nous empesche de suivre et accomplir le contract faict et accordé des deux parties.

Mais maintenant nous voions, au contraire, que de vostre costé Ton est si plain de deffiance, que l'on ne accomplit ung seul poinct de ladicte pacification, mais on la enfraint journellement de plus en plus, comme si jamais elle n'avoit esté faicte ny jurée : car à grand'peine trouvera-l'on ung seul article, depuis le premier jusques au dernier, lequel ait esté de vostre costé franchement et réellement accompli.

Ou l'on y trouve des cavillations et subterfuges, ou l'on y forge des glosses sophistiques, pour n'accomplir ce que la raison commande, et le serment et obligation contraint de faire, ou l'on use de dissimulations, ou Ion cerche dilais, ou bien on le refuse à pur et à plain. Ainsi retient-on les gou-

(') Ce mot manque dans la lettre originale. (^) Le mot oster manque aussi dans l'original.

vernemcns désunis, les biens confisquez, les prisonniers en arrest, les garnisons estrangières déans le pays, les eittadelles, vrais nids et repaires de tyrannie, en pied, les privilèges du pays obscurcis et annichilez, les placcarts, ou, pour le moins, l'effect d'iceux, en vigueur, les citoiens et habitans des villes en exil, et en général tous ceulx de la religion en hayne irréconciliable.

Et, quand nous nous en plaingnons. l'on veult avoir de nous nouvelles asseurances que nous accomplirons les poincts lesquels se doibvent, au primes, traicter à l'assemblée générale des eslats, comme s'il n'y estoit suffîsament pourveupar ladicte pacification, à laquelle nous avons, de nostre part, satisfait et satisfaisons de poinct en poinct.

Et, nonobstant tout cecy, on ne nous parle que de quiter toute défiance, quoyque, tout au contraire, par les efïectz, l'on nous monstre, non-seulement que l'on ne se fie point en nous, mais mesme qu'on ne veult poinct que nous nous fiions en eulx !

Car, tout ainsi comme leurs dilais, tergiversations et gloses controuvées, par lesquelles ils taschent de décliner l'accomplissement des articles de la pacification . ensemble et les asseurances nouvelles qu'ils requièrent de nous et nous présentent de leur part, déclarent évidamment le peu de fiance qu'ils ont en nous, aussi pareillement le traictement qu'ils font, et à moy, et à tous les nostres, par continuation d'exils, détentions de biens et des corps, voire aussi par exécutions corporelles, aussi rigoureuses que sçauroient porter les placcarts, nous advisent combien de confiance nous povons et devons asseoir en leurs bonnes volontez envers nous. Et pourtant me samble qu'il ne fault ainsi du tout rejeter les propos ordinaires dont faictes mention en vostre lettre, assçavoirrçwof/ hœrelicis non sit servanda fides, et quod regum irœ sint imniorlales : car le premier semble encor se vérifier à présent par

lexeinplc de ladicte pacification tout fraischement promise et jurée, et rien moins qu'accomplie; l'aultre est encore soustenu sur les mesmes bases et fondemens desquels il a pris sa première origine. Et , puisque la cause de Tire ne cesse encores, il n'y a pas grande apparence que l'effect doive cesser : car, quant à ce que vous allégués que la nécessité ou inspiration divine auroit changé l'opinion du Roy, tant s'en faultque cela me puisse persuader, que, au contraire, si auparavant je n'eusse eu nulle deffîance, vous me la fériés avoir par ceste allégation, laquelle ne me donne nul aultre fondement de confiance, que celle qui est la vraie mère de toute simulation et dissimulation, assçavoir : la nécessité.

Car, quant à linspiration divine, puisqu'elle est incogneue aux hommes, aussi n'en peulton juger que par les elfects, lesquels, si l'on ne voit aultres quejusques à présent, on aura tousjours occasion de doubler que le S' don Jehan ait plustost correspondu à la résolution que le Roy avoit prise dès alors qu'il l'envoyast par deçà, et escrivoit à Roda qu'il dissimulast avec ceulx du pays jusques à meilleure opportunité, que non pas à quelque changement d'opinion survenu du depuis, dont on ne voit encor nulles aultres apparences que celles que, selon voslre propre confession, la nécessité a extorquées.

Mais, si en effect nous voions que l'on oste les soupçons et deffiances que sans cause on a prins sur nous, qui avons franchement accompli de nostre costé la pacification , et que, réellement et sans cercher subterfuge , on mect en effect ce qui reste des points d'icelle de ce costé-là, non-seulement nous esterons toute deffiance, mais aussi nous nous comporterons, au reste, avec telle équité et modestie, que tout le monde cognoislra que nous ne vouldrons en sorte quelconque estre autheurs de quelque nouvelle guerre, comme aussi nous espérons réciprocquement que les estatz de par delà ne mettront ainsi du tout en oubly les grands iravaulx et dangers par

nous icy soustenus, et lesquels, par la grâce et bénédiction (le Dieu, ont esté les vrais moiens par lescfuels le pays en général a esté délivré de l'insupportable tyrannie dont il se trouvoit oppressé, qu'ils nous vouldroient faire la guerre, ou souffrir qu'on la nous fisse, mesmes n'aians nulle aultre occasion ny tiltre, sinon que nous désirons, en tout et partout, maintenir la pacification par eulx establie et jurée ; mesmes voians bien clairement que, s'ilz se résol voient à cela, oultre les maulx et calamitez ordinaires que apporte la guerre quant et soy, encor seroit-ce le vray pied et moien pour se priver eux-mesmes de toutes leurs libertez, droicts et privilèges, et se faire entièrement opprimer, voire se rendre du tout serfs et esclaves de la sanglante tyrannie de leurs malveuillans et des estrangers, à cause que ceulx qui dès pièça ont prétendu à ce but, ne désireroient et mesmes ne pourroient au monde avoir plus beau moien pour parvenir à leurs desseins, et prendre la vengeance d'eulx telle qu'ils désirent. Et pourtant je vous prie bien affectueusement vouloir tenir la main, tant qu'en vous sera, afin que la paix une fois faicte puisse estre observée et maintenue inviolablement, et, au moien d'icelle, le pays remis en son ancienne fleur et prospérité.

Au reste, j'ai veu ce que m'escrivés touchant la conté de Charolois : sur quoi je vous remercie bien affectueusement de la peine qu'y avez prise. Et, ores qu'en lisant le discours quy va joinct, contenant les particularités, il m'est souvenu de ce que souloit dire Périsson, le plaisant de feu l'empereur Charles, poco menos honrra y mas provecho (')? néantmoins il me semble advis qu'il est encor trop bon heure d'en disposer, puisque mon bien de Bourgoingne ne m'est encor remis entre les mains, et qu'il semble mesmes qu'il y a peu d'apparence que l'on le veuille faire, puisque l'on me oppose tant de dif-

(') Un peu moins d'honneur et plus de profit.

ficuUés à la restitution du bien de par deçà. Parquoy je treuve convenir de surseoir encor cestc délibération, non-seulement afin que je ne compte sans mon lioste, comme l'on dict, mais aussi de peur que, si je disposoye quelque cliose de cecy, ou que l'affaire peult sortir effect, sans que préallablement l'on m'eut remis mesdicts biens de Bourgoingne librement entre les mains, cela pourroit aulcunnement tourner en préjudice aux aultres gentilshommes qui ont des biens en Bourgoingne, sans avoir le moien de faire eschanges contre aultres biens situez en Charolois, ou en France.

Qui sera l'endroit où je fîneray ceste, par mes bien affectueuses recommandations à vostre bonne grâce. Je prie Dieu vous donner, monsieur de Grobbendoncq , en santé, bonne vie et longue. De Alcmaer, ce xxviij" jour de juing 1577.

Vostre bien bon amy à vous faire service,

GuilLe de Nassau.

Siiscription : A monsieur monsieur de Grobendoncq .

Original, dans les archives de M. le duc d'Ursel. — Copie, aux archives des Affaires étrangères, à Paris, MS. intitulé Pays-Bai, 1569-1583, fol. 243 vo-246.

LES ÉTATS GÉNÉRAUX AU PRINCE D'ORANGE (')

Ils lui envoyent Philippe de Baesdorp, chargé de réclamer de lui l'évacuation

de Nienport.

BftUXELLES, 5 JUILLET 4S77.

Monseigneur, comme avons donné ordre de contenter le coronel Bertolt Entens (=■) el ses gens, ensemble les trois compaignies franchoises par Vostre Excellence et estatz de Hollande et Zélande envoyées à nostre secours, dont nous nous tenons grandement obligez à Vostre Excellence et ausdicts estatz : à ceste cause, et que ne reste à accomplir aulcune chose de ce que entre nous, louchant ce faict, auroit esté accordé, envoyons le gentilhomme, porteur de cestes, Philippe de Baesdorp, eschevin de Bruges, afin de vous rernonstrer ce que dessus, et requérir d'ung train, comme faisons par cestes, vouloir retirer voz gens de la ville de Meuport en Flandres, laissant et rendant icelle entre les mains (!c monsieur du Rœulx, commis au gouvernement de Flandres, ou aultre qui sera à celle fin ordonné. Et nous obligerez de tant plus à tenir toute bonne, sincère et mutuèle correspondence, amour et amitié, à l'adranchemenl du service de Dieu, de Sa Majesté, bien et repos des pays : prians le Créateur maintenir Vostre Excellence en santé et bonne vie. nous recommandans

('■) Voy. les Résolutions des étais généraux, etc., t. II, p. 376 et 577. (^) Sur cet oflîcier, on peut consulter les Archives de ftl. Groen ta\ Prins- TEREH,t. III, p-^G-i, IV, 69, V,1H.

à la bonne grâce d'icelle. De Bruxelles, le iij" jour de juillet

De Vostre Excellence très -affectionnez serviteurs.

Les estatz généraux des Pays-Bas.

Par ordonnance desdicts estatz :

Cornélius Weellemans.

Minute, aux Archives da Royaume : Lettres dv et à Guillaume de !\'assau, t. V.

DCXVIl.

LES ÉTATS GÉNÉRAUX AU PRINCE D'ORANGE

Us le prient de faire en sorte que les états de Hollande et de Zélande renvoient des députés à leur assemblée. — Ils insistent pour que des maîtres de la monnaie de Hollande et Zélande viennent conférer avec eux sur les affaires des monnaies.

Bruxelles, 3 juillet Jb77.

Monsieur, daultant que les affaires quy se traiclenl journellement en nostreassembléesontde fort grande importance, et touchent aussy bien Vostre Excellence et les estatz d'Hollande et Zélande que nous, sommes esté meuz de faire plusieurs debvoirs et instances vers icelle et lesdicts estatz, affin qu'ilz

(') Il existe, aux archives de la ville d'Ypres, une copie de cette lettre, avec la date du H juin. La minute qui en est conservée aux Archives du Koj'aume, avait en effet reçu d'abord celte date ; maison y substitua depuis celle du ."juillet, sans doute à cause (ju^il survint des circonstances qui firent retarder l'envoi du S^ de Bacsdorp au prince d'Ornntçc.

eussent à renvoyer icy leurs députez, pour nous assister de conseil et advis ; mais jusqucs ores n'avons eu sur ce aulcune responce. Par quoy retournons à prier Vostre Excellence encoires ceste fois, affin qu'iccllc vueille adiiorter et admonester iesdicts estatz d'Hollande et Zélande à ce que dessus, affin qu'ilz puissent eslre présens à tout ce qui se traicte et représente icy, et avecq nous besoigner, adviser et résouklre, de main commune, comme aultresfois ilz ont faict, de tant plus que leur présence servira grandement pour faire accroistre la bonne conjonction, affection et confidence de tout costé, d'avoir meilleure correspondence ensamble, éviter beaucop de scrupules et suspicions, quy par ceste séparation s'engendrent, et faire que toutes choses seront mieulx entendues, interprétées et dirigées, au plus grand bien et prouffîct du pays général, comme singulièrement désirons.

D'aulire part, venons derechief prier Vostre Excellence, affin que son plaisir soit d'envoyer par deçà, au plus tost, les généraulx et maistres de la monnoye dudict Hollande et Zélande , pour avecq nous traicter sur le redressement de ladicte monnoye , en conformité de ce que par la paciffication a esté accordé, pour le bien du trafficq et commerce.

Et comme, monsieur, espérons que Vostre Excellence et Iesdicts estatz d'Hollande et Zélande ne fauldront de s'accommoder à nous èsdicts deux pointz tant raisonnables, ne ferons ceste plus longue, et la finirons par noz humbles recommandations à vostre bonne grâce, supplians Dieu le Créateur à Vostre Excellence octroyer l'accomplissement de ses nobles et vertueulx désirs. De Bruxelles, ce iij^de juillet 1577.

De Vostre Excellence très - affectionnez et appareillez serviteurs.

Les estatz généraulx des Pays-Bas.

Copie du temps, aux Archives du Royaume : Lettres (le et à Guillaume de Nassau, {. V.