DCXVIII

INSTRUCTION DE PHILIPPE DE BAESDORP, ENVOYÉ PAR LES ÉTATS GÉNÉRAUX AU PRINCE D'ORANGE.

II est chargé de solliciter l'évacuation de Nieuport, et les autres points mentionnés dans les deux lettres des états généraux, du 3 juillet.

Bruxelles, S juillet 1^77.

înstruction, de la part des estatz généraulx assemblez à Bruxelles^ donnée à Philippe de Baesdorp, eschevin de Bruges.

Se transportera vers messieurs le prince d'Oranges et estatz d'Hollande et Zélande(si besoing est), remonstrant que toultes choses sont accomplies à raison desquelles la ville de Nieuport en Flandres auroit esté mise entre les mains dudict seigneur prince, estatz de Hollande et Zélande, ou leurs gens, et partant requérera que ladicte ville de Nieuport se rende es mains du gouverneur de Flandres, ou aultre à celle fin par luy commis, en retirant mondict S" le prince, estatz de Hollande et Zélande, leurs gens; et, sur ce, usant de toutes raisons à ce propos servantes.

Fera debvoir (s'il restoit en aulcung poinct quelque difficulté, mesmement de courtresse de deniers, ou sur le faict des chevaulx de Bertelt Entens ) de donner contentement audictS"^ prince, estatz de Hollande et Zélande, par le meilleur moyen à luy possible; spéciallement remonstrer la bonne confidence des estatz généraulx, qui se sont du tout fiez à Son Excellence et estatz de Hollande et Zélande, lesquelz^ partant, ne feront difficulté rendre et retirer leurs gens de ladicte ville de Nieuport, pour quelque peu de reste de x ou xij" florins,

ou moins, si aulcune y avoit, laquelle les estatz offrent et présentent de payer, au comentement de Son Excellence, estatz de Hollande et Zélandej aucthorisant les estatz généraulx ledict Baesdorp, porteur de cestes, de bailler obligations au nom des estatz généraulx, ou sur son crédit, jusques à x ou xij" florins, ou en dessoubz, dont il sera tenu quicte et indempne, ensamble de tous coustz, dommaiges et intérestz en dépendans,

Finallemcnt , ledict Baesdorp poursuy vra , vers ledict S' prince d'Orenges, rcsponce sur les poinctz comprins en la lettre desdicts estatz, cejourd'liuy à Son Excellence escripte('), dont luy sera, à ceste fin, donnée copie.

Actum à Bruxelles, à l'assamblée desdicts estatz, le iij' de juillet 1577.

Par ordonnance desdicts seigneurs estatz : Cornélius Weellemans.

On lit à la marge :

Son Altèze , ayant ouy en conseil la lecture de ceste instruction, ensemble copie de la lettre que les estatz généraulx assamblez à Bruxelles escripvent aux prince d'Oianges et cstalz d'Hollande et Zellande, et ayant le tout trouvé bon, l'aggrée, ensemble l'allée, à cest effecl, de Philippe de Baesdorp vers lesdicls prince et estatz de Hollande et Zéhuide. Faict au conseil d'Estat, tenu à Malines, le cincquiesnje jour de juillet 1577.

Berty.

Copie du temps, aux Archives du RoyauDic : Lellics (le et à Guillaume de Nassau, t. V.

(') Celle qui préeèdo,

DCXIX.

LE PRINCE D'ORANGE AUX ÉTATS GÉNÉRAUX

Ilé|ioiise à leurs lettres du 5 juillet. — 11 annonce l'envoi prochain, par les étals de Hollande et de Zélande, de députes, qui seront accompagnés de maîtres des monnaies. — Il est prêt à leur remettre la ville de Nieuport ; mais il pense qu'il vaudrai! mieux que ses gens l'occupassent encore quelque temps.

AlCKMAAR, 20 JUILLET 1577.

Messieurs, j'ay receu les lettres que m'avez envoyé par le S' Philippe de Baesdorp, présent porteur, et bien entendu le contenu d'icelles, comme aussy ce que d'abondant ledict S"^ de Baesdorp m'a déclairé de vostre part. Sur quoy je n'ay voulu faillir de vous servir ceste pour responce, vous advisant que comme, depuis quelques mois en çà, messieurs des estalz de Hollande et Zélande sont continuellement esté fort empeschez pour casser, descompter et donner contentement aux gens de guerre qui ont servy jusques à maintenant, il ne leur a esté possible d'envoyer par delà leurs députez si tost quilz eussent bien désiré : mais, maintenant que la meilleure partie de leur travail audicl faict de cassement et descompte est passé, ilz ont résolu de les envoyer dicy à peu de jours ('), pour, par ensamble avec ceulx des aultres provinces, traicter, besoingner et comunicquer en ce qui concerne le bien, utilisé et advanchement des affaires des pays, lesquelz aussy amèneront, quant et quant eulx ('), quelques-ungz qui auront charge touchant le faict des nionnoyes dont vous m'escripvez.

(') Les députés des états de Hollande et de Zélande n'arrivèrent à lîruxcllcs •lue le 19 août. Ghoen van Prinsterer, Arc/iiucSj etc., t. Vf, p. 101. (^) Qmiiil ri quant cnfx^ avec eux.

Je vous remercie très-affeclueuseinent du bon debvoir qu'avez faict du deseomple avecq les gens de guerre qui vous ont esté envoyez de ce quartier, et suys bien joyeulx de ce que j'entends que vous vous estes contentez de leur service, et aussy quiceulx en ont receu la salislaction qu'ilz ont tousjours espéré.

Quant à ce qui louche la ville de Nieuport. et affîn que je la remccle entre voz mains, en cela il n'y aura nulle difficulté : mais m'a semblé bon, avant que de retirer mes gens, de vous remonstrer qu'à mon advis, il servira beaucoup à vostre conservation de les y tenir encoires, si longtemps que les Allemans ne sont sortiz du pays. JXéantmoins, sur cecy je me rapporte à ce qu'il vous plaira en disposer, m'offrant, toutes les fois que bon vous semblera, de vous bailler lettres de commandement au capitaine que je y ay. affin qu'il en sorte. Et, sur ce, après m'estre très-affectueusement recommandé en vos bonnes grâces, je prie Dieu vous donner, messieurs, en santé, bonne vie et longue. Escript à Alcmar, ce xx^ jour de juillet 1377.

Vostre très-affectioné patriot et amy à vous faire service,

GuiLLE DE Nassau.

Smcn'ption : A messieurs mess" les députez des estatz généraulx des Pays-Bas, présentement assemblez à Bruxelles.

Copie du temps, 3ux Archive* de la ville d'Yprcs.