DCXX

LE PRINCE D'ORANGE AUX ÉTATS GÉNÉRAUX

U leur remet, sur la demande jtcralive qu'ils lui en ont faite, un ordre, pour le capitaine qui commande à Nieuport, de se retirer de cette ville, tout en renouvelant ses observations sur les inconvénients qui peuvent résulter de celte retraite.

Harlem, 15 août 1577.

Messieurs, j'ay receu la lettre qu'il vous a pieu m'escripre par les S" Yman et Canis, députez des quatre membres de Flandres, touchant la restitution de la ville de Nieuport entre les mains desdicts quatre membres. Sur quoy ne vous feray long discours , sinon que , comme je vous ay dernièrement escript et faict dire par le S' Baesdorp , que je serois prest de ce faire toutes et quantes fois que m'en requerreriez , vous ayant néantmoings pour lors prié, par ledict Baesdorp, de vouloir considérer si ce seroil chose advantageuse pour le pays de retirer mes gens dudict lieu, sy longtemps que les Allemans occupoyent encoires plusieurs villes et places de grande conséquence. Or, voyant présentement que vous désirez que j'accomplisse ma promesse en cesl endroict, et pour vous démonstrer la sincérité de laquelle jay tousjours procédé et veulx encoires d'ores en avant procéder avec vous , je vous envoyé une lettre, cy-joincte, au capitaine quy commande mes gens estans audict Nieuport , par laquelle Je l'encharge, à la première présentation qu'il vous plaira luy faire faire d'icellc, qu'il se retire en Walcheren avecq ses gens : à quoy je m'asseure entièrement qu'il obéira, comme la raison le veult. Toutesfois, je ne puis laisser de vous prier encoire une fois de

considérer si ce sera chose de laquelle vous et le pays en puissent eslre servy. S'il y a moyen, en mon endroict, duquel je vous pourray faire quelque aullre bon et agréable service , je ne fauldray de m'y employer de telle promptitude et affection que j'ay tousjours faict pour le bien publicq de nostre pouvre et affligée patrie. Me recommandant au surplus bien affectueusement à voz bonnes grâces, je prie Dieu vous donner, messieurs , en santé , heureuse vie et longue. De Harlem , ce xv« jour d'août 1577.

Vostre très-affectioné patriot et amy à vous faire service,

GuiiXe de Nassau.

Suscriptmn : A messieurs messieurs les députez des estalz généraulx des Pays-Bas. présentement assemblez à Bruxelles.

Copie du temps, aux Archives de la ville d'Ypres.