MARGUERITE A MAXIMILIEN

Urgence de traiter avec Charles de Gueldre ; appréhension sur la bonne volonté de ce prince. Bonne amitié à entretenir avec le roi de France. Les seigneurs de par deçà sont disposés à aller joindre l'Empereur; mais Marguerite craint de manquer d'assistance pour la conduite des affaires. Disette des finances. — (Minute.)

(Juillet.)

Mon très redoubté seigneur et père,

Monseigneur, j'ay receu voz letres, escriptes à Ausbourg, le Xe de ce présent mois, contenant que, pour mener à fin voz affaires d'Italye, vous estes délibéré de vous trouver en Bourgongne devers le roy de France, me commandant de faire tenir prestz aucuns seigneurs et bons personnaiges de par deçà ; et aussi recouvrer la plus grand somme de deniers que l'en pourra finer pour la vous envoier, ainsi que vosdites letres contiennent plus à plain.

Monseigneur, je me suis jà piéçà bien doubtée que les choses viendroient ainsi que l'en dist qu'elles sont; et à ceste cause ay tousjours désiré que le traicté de Gheldres feust fait, pour vostre seureté et celle des pays de par deçà; et crains que, quand maintenant nous y vouldrons entendre , messire Charles de Gheldres re-

culera ; toutesvoies je feray ancoires mon mieulx de radoubber les différens si avant qu'il me sera possible.

Monseigneur, quant à vostre allée en Bourgoingne, si le roy de France s'y veult trouver, dont je faiz grand doubte, je loe vostre voiaige; et me semble, Monseigneur , que par tous moyens vous debvez con tendre d'entretenir bonne et ferme amitié avec lui , veu mesmement que n'estes ancoires fermement allié que je sache avec autres princes; et vous pourra ladite amitié venir à propost en tous voz affaires.

Au regard des seigneurs que vous avez mandez, Monseigneur, vous les trouverez tousjours prestz a faire ce que vous plaira leur commander; mais quant iceulx seront dehors, je demeureray assez petitement accompaignée pour praticquer les aydes et conduire les autres affaires nécessaires de la maison.

Touchant les deniers que vous demandez , Monseigneur, vous savez que les aydes de par deçà expirent et qu'il n'y a plus que le terme de Noël prochain , lequel est desjà assigné à gens telz que , sans grande confusion et esclandre, n'est possible rompre leurs assignations; et si est ledit terme plus chargé de la moistié qu'il ne monte, et ne voy, Monseigneur, qu'il soit possible de fîner aucun argent par deçà par moyen que ce soit, que premiers les aydes que l'on demande présentement ne soient accordées ; avec ce seroit bien difficil de les obtenir si le peuple entend que voz affaires d'Italye soient mal dreschez. Parquoy, Monseigneur, ne vous povez attendre d'avoir pour le présent aucun argent de par deçà , selon que ceulx de voz finances m'ont assez dit et déclairé; dont, Monseigneur, en toute humilité vous advertiz, et me desplait qu'il n'y a

de quoy furnir à vostre désir. Monseigneur, je prie

nostre Seigneur, etc.

Le seigneur de Castres ayant opté pour l'office du bailliage de Bruges , il faut lui en dépêcher la commission , à moins que les Brugeois ne démontrent clairement que leurs privilèges s'y opposent. — ( Original. )

(Inspruck, le 9 août.)

Très chière et très amée fille, depuis que vous avons dernièrement escript louchant le bailliaige de Bruges, nous avons icy mandé le sieur de Castres et nous sommes enquis de luy auquel il se vouloit tenir, ou audit bailliaige ou à l'eschevinaige du Franc, attendu que ce sont deux offices qui ne se pevent desservir par une personne; lequel nous a instamment requis de luy entretenir nostredit don dudit bailliaige et qu'il estoit content que disposons dudit office d'eschevin à nostre bon plaisir. A ceste cause désirons et vous requérons que, ou cas que ceulx dudit Franc ne vous face deuement apparoir de privileiges au contraire, vous faictes sceller audit sieur de Castres noz lestres de don que vous avons envoyées, et en vertu d'icelles le faire mectre en possession, parmi furnissant à vostre ma istred'ostel, Jéromme Vent, la récompence de mil livres, selon que par autres noz lestres vous avons mandé; et ou cas que trouvez par les prévileiges desdits du Franc que ledit sieur de Castre ne puisse avoir et tenir ledit bailliaige de Bruges, si nous en vueillez advertir, avant que plus avant y riens ordonner et nous envoyer le double autenticque desdits prévileiges; car nostre plai-

ET DE MARGUERITE SA FILLE. *~ 1510. 311 sir est tel. A tant, très chière et très amée fille , nostre Seigneur soit garde de vous.

Escript en nostre cité d'Imsbrugg, le ixejour d'aoust, l'an xvc dix. Vostre bon père, Maxi. — Plus bas, Botechou.

Le pape et les Vénitiens voudraient faire enlever le jeune duc de Milan qui est auprès de l'archiduc. Nécessité de veiller secrètement sur ce prince. — ( Original. )

(Kématen, le 13 août.)

Très chière et très amée fille, nous sommes secrètement et à la vérité informé et adverti que le pape et les Vénéciens font par touttes subtilitez et praticques charcier moyen de povoir prendre et desrober nostre cousin , le jeusne duc de Mylan , qui est de par delà devers nostre très chier et très amé filz l'archiduc ; et autres personnages sont en intention et praticque de le povoir faire mourir; desquelles choses vous advisons et vous requérons affectueusement et acertes faire prendre le plus secrètement que pourez bon regard sur la personne de nostredit cousin, le jeusne duc, et en manière qu'il ne s'en puist apercevoir; et en faittes comme en vous en avons la confidence. Car, comme vous povez congnoistre , la chose nous touche beaucoup et dont de grands inconvéniens et maulx pourroient advenir, si les dessusdits povoient avoir leur désir de cedit jeusne prince. A tant, très chière et très amée fille, nostre Seigneur vous ait en sa garde.

Donné en nostre village de Kematen, le xi-ir8 jour d'aoust xvc x. Per Regem. — Plus bas, Hannart.

L'évêque de Gurce , qui se rend auprès du roi de France , pourra y traiter les affaires dont Marguerite voudrait le charger. L'Empereur désire que les postes de la route de France soient entretenues jusqu'au retour de cet envoyé. — {Original.)

( Inspruck , le 13 août. )

Très chière et très amée fille, nous envoyons présentement nostre très chier et féal premier conseiller, l'évesque de Gurcz , devers nostre frère, le roy de France, pour traictier d'aucuns noz affaires touchant la guerre des Vénissiens et autres; et combien qu'il ne sera pas longuement devers nostredit frère, toutesvoyes si vous avez par delà quelque matières à desmesler, vous l'en porrez advertir et luy en envoyer bonnes et amples instructions et mémoires ; car nous luy avons donné charge de à ce soy employer et acquitter à son povoir.

En oultre , nous désirons et vous requérons que faictes entretenir la posterie en France jusques après le retour devers nous dudit évesque de Gurcz; car ainsi nous plaist-il. A tant, très chière et très amée fille, nostre Seigneur soit garde de vous.

Escript en nostre ville d'Ymsprugg, le xme jour d'aoust, l'an xvc dix. Vostre bon père Maxi. — Plus bas, Botecliou.

Les États n'osent donner leur avis sur les propositions du traité avec Charles de Gueldre. Acceptation provisoire des articles par Marguerite. L'Empereur les ratifie, sauf deux points à ajouter et un article à modifier. Il désire que les Etats lui fassent une pension viagère de cinquante mille livres. — {Original.)

( Au village de TNazareit , le 1 8 août. )

Très chière et très amée fille , nous avons receu voz letres du me de ce mois, par lesquelles nous signifiiez la communicacion et déclaracion que avez au long fait aux principaulx des Estas de noz pays de par delà pour ce assemblez devers vous du démène de l'affaire de Gheldres, en leur monstrant le povoir que avez sur ce de nous avec les articles sur ce conceuz, en leur requérant donner leur conseil et advis sur ladite matière; et après avoir esté par lesdits députez des Estas respondu qu'ilz n'avoient cherge de leurs maistres, si non de oyr et rapporter ce que leur seroit ouvert et proposé, et qu'ilz ne se oseroient avancer de donner oppinion ne advis en icelle matière, sans préalablement avoir fait rapport, requérant retraitte et terme pour y respondre; voyant que ne povyez avoir autre responce d'eulx, considérant la hastiveté et importance de ceste matière , avez remis la matière en délibéracion avec ceulx de nostre privé conseil pour ce assemblez en bon et notable nombre ; par l'advis desquelz avez accepté lesdits articles, soubz nostre bon plaisir et ferme espoir qu'ilz nous seroient agréables, et en bailiié le double au commis de messire Charles de Gheldres, l'adver tissant que, en vertu dudit povoir que

vous avons baillié, avez accepté iceulx articles ainsi

que ces choses vosdites letres le contiennent plus à

plain.

Sur quoy, très cliière et très amée fille, les communicacions et délibéracions que avez tenu , et la forme de vostre besongnie en ceste matière , avant avoir accepté lesdits articles, nous a très bien pieu. Nous avons bien et au long veu et entendu lesdits articles, lesquelz vous renvoyons ; et puisque avez si avant besongnie en ceste matière que d'avoir accepté iceulx articles , ne vous voulions désadvouer, ains déclarons qu'ilz nous plaisent et les avons pour agréables, et sommes content que procédez au parfait et clôture du traittié de paix et mariage avec ledit messire Charles de Gheldres, selon la teneur d'iceulx articles. Toutesvoyes, nous désirons merveilleusement que, avant ladite totale conclusion , s'il est possible , vous faciez davantage adjouster deux points et en changier aucunement ung autre èsdits articles ' , selon qu'il est contenu ou billet que vous envoyons en cestes , signé de nostre main ; lesquelz trois points nous semblent estre si raisonnable que ledit messire Charles n'en fera difficulté ; nous vous requérons faire vostre mieulx de les y povoir mettre.

' Yoici quels étaient ces additions et changements : i°. «Que la a place et maison Oyen avec ses appartenances demeure à jamais de ce « costé, ainsi que aultrefois a esté requis, quand ores l'on en deust « donner récompense au denier de la valeur du revenu d'icelle : i°. que « l'Empereur et l'archiduc retiendront aussi le tiltre de duc de Ghel- '( dres et conte de Zutphen , attendu que par le moyen de ce traictié, « ledit pays leur doit escheoir, au cas que de cedict mariage ne viengne « hoir masle. M. de Gheldres joyra aussi dudict tiltre : 5°. Supprimer « à l'article xvi la clause portant que la ville d'Arnhem et la seigneurie « d'Oye seront rendues audit seigneur de Gheldres, pour en joyr sa vie

durant. »

Nous n'entendons point , jaçoit ce que vous ayons nagaires escript et respondu sur le point concernant Aernhem et Remunde (Ruremonde), que en faciez autrement qu'il est contenu es articles que dessus.

Et après que aurez absolutement passé et conclud ledit traittié , en vertu du povoir que vous en avons baillié , corne dit est, serons prest en baillier noz letres de ratification et aprobacion , et faire tout ce que par icellui traittié sera requis.

D'autre part, très chière et très amée fille , attendu que maintenant noz subgetz de par delà, par ce traittié de paix, seront en grant repoz et tranquilité, et deschergé de grant despence, nous voulions et vous requérons affectueusement et acertes , ensievant ce que par pluiseurs foiz vous avons escript , que commenciez à praticquier que les Estas de noz pays de par deçà nous acordent, nostre vie durant, cinquante mil livres, à payer par égale portion aux deux foires d'Anvers ; et à ce vous employez de tout vostre povoir selon la iiance que en avons en vous; et vous nous ferez ung très singulier et agréable service et plaisir. A tant, etc.

Donné en nostre village de Nazareth , le xvine jour d'aoust, anno xvc et x. Vostre bon père Maxi. — Plus bas, Hannart.

L'Empereur est toujours disposé à se diriger vers l'Alsace et la Bourgogne pour faire une bonne alliance avec le roi de France. Nouvelle journée convoquée pour la Saint-Martin à Haguenau. L'Empereur mande vers lui le comte de Nassau , les seigneurs de Chièvres , de Berghes , et le trésorier général , avec recommandation de lui apporter de l'argent. — {Original. )

(Au château de Berneck, le 30 août.)

Très chière et très amée fille, comme vous avons escript , nous sommes encoires en propoz de deschendre et tirer vers noz pays d'Elsatte et Bourgoingne, à intencion de nous trouver et parler avec nostre frère et cousin , le roy de France, pour prendre une bonne , ferme et vraye amityé, alliance et intelligence, ensemble au bien de nous deux, noz successeurs et pays et conséquemment de toute la chrétienté.

A la dernière journée que avons tenu à Augsbourg avec les princes et Estaz de l'empire, feust conclu que se tiendroit une autre journée, et se rassembleroient audit Augsbourg ou à Worms au jour de la Chandelleur prochaine ; mais affin et d'ung train prendre une bonne conclusion , tant avec ledit roy de France , que avec les princes et Estas de l'empire, et de bonne heure pourveoir à l'affaire de nostre guerre d'Ytalie contre l'esté avenir, et aussi affin que lesdits princes soient plus prochain dudit roy de France, avons conclu et advisé de remettre ceste journée à plus brief jour, etdesjà mandé et convoquié lesdits princes et Estas de l'empire au jour de Sainct-Mai tin prochain , en nostre cité de Hagenauw.

ET DE MARGUERITE SA FILLE. — 1510. 317 Selon que vous avons aussi escript , nous désirons que faciez tenir prest pour partir et venir vers nous, si tost que le vous signiffîerons , noz très chiers et féaulx les conte de Nassau, sieur de Chièvres, noz cousins, sieur de Berghes et nostre trésorier général , ausquelz présentement aussi Fescripvons, leur ordonnant de rechief faire tout devoir et dilligence de praticquier et nous apporter les deniers dont à vous et à eulx avons par noz dernières lestres escript ; et à ce faire vous requérons que les assistez et vous employez, comme en vous en avons la confidence. Nous voulons aussi que lesdits seigneurs viennent instruiz et chargez des affaires de nos pays de par delà , à quoy il sera besoing de donner ordre et provision pour le bien d'iceulx; ce que sommes entièrement délibérez et enclin de faire. A tant, etc.

Donné en nostre chastel de Berneck, le pénultième jour d'aoust, l'an xvc dix. Vostre bon père Maxi. — Plus bas , Hannart.

L'Empereur entend que le seigneur de Castres ait l'office de bailli de Bruges et du Franc , nonobstant les réclamations des Brugeois. Quant à Jehan de Praet , le premier office vacant dans le comté de Flandre ou dans l'échevinage du Franc lui sera conféré. — > {Original.)

(Au château de Landeck, le 30 août.)

Très chière et très amée fille, nous avons voz letres concernans l'office du bailliaige de Bruges et du Franck, et avons veu les letres et avis que ceulx de Bruges et du Franc vous ont escript, ensamble une requeste à vous présentée de la part du sieur de Caestre; et pour

318 LETTRES DE MAXIMILïEN

ce, très chière et très amée fille, que en désirez faire selon nostre vouloir et bon plaisir, nous vous advertissons que nostre vouloir est que faictes sceller noz letres, lesquelles vous avons despiéça envoyées au proffit dudit sieur de Caestre, veu mesmement que lesdits de Bruges et du Franck ne vous ont fait apparoir ne à nous des pré^illéges en vertu duquel il soit incapable de desservir ledit office, et que de l'eschevinaige du Franck qu'il a autrefois tenu , l'avons déporté au proffit d'autre, dont vous avertirons par noz letres.

Et quant à Jehan de Praet, seigneur d'Oelende, nous sommes content, tant en faveur de vous que de nostre cousin , le sieur de Fiennes , que nous avez fort recommandé , de le pourveoir du premier office qui escherra vacant en nostre conté de Flandres ou eschevignaige du Franck, et de ce sommes contens que, pour sa sceurté, lui dépeschez lettres de promesse en bonne et ample forme. Très chière, etc.

Escript en nostre chasteaul de Landeck , le pénultième jour d'aoust , l'an xvc dix. Vostre bon père Maxi. — Plus bas, Botechou.

Projet d'alliance entre les plus grands princes de la chrétienté. Intrigues du pape pour détacher de la France l'Empereur, les rois d'Aragon et d'Angleterre. Manœuvres du seigneur Constantin et de sa femme. Maximilien veut rester fidèle allié de la France et observer le traité de Cambrai. Conquêtes du pape dans le duché de Ferrare. Craintes pour le Milanais. — (Orig.) (Au château de Landeck, le 31 août.)

Très chière et très amée fille , nous avons receu vaz lettres du xme jour de ce mois, par lesquelles nous

ET DE MARGUERITE SA FILLE. — 1510- 319 escripvez comment entendez que praticques se maisnent entre les plus grans princes de la chrétienté pour faire alliances ensemble et que sommes requis de divers costez d'icelles , dont et l'adviz que sur ce nous bailliez vous savons grand gré et vous en mercions.

Sur quoy vous escripvons voulluntiers qu'il est vray que le pape envoyoit vers nous le seigneur Constantin ' , ouquel , comme son ambassadeur, avions donné saufconduit venir en nostre pays deTirol, sanstoutesvoyes souffrir qu'il soit venu jusques vers nostre personne. Néantmoins si avons fait entendre dudit sieur Constantin sa cherge , laquelle estoit en effect que le pape nous faisoit requérir de nous vouloir déclarer contre nostre bon frère et cousin, le roy de France et le duc de Ferrare, et qu'il nous feroit avoir bon apointement avec les Vénéciens. Nous avons bien congneu qu'il n'envoyoit vers nous, sinon à intention de nous entretenir de parolles , attendant qu'il verroit que les Suysses feraient. La femme dudit sieur Constantin, à laquelle avions aussi donné saufconduit de venir veoir son mary en nostredit pays de Tirol, a secrètement en sadite venue porté argent du pape aux Suysses, dont n'avons riens sceu, tant qu'elle ait esté en nostre ville de Brixen vers sondit mary. Contre elle ne nous en voulions prendre , cognoissant que est une femme qui l'a fait par commandement de sondit mary qui, comme dit est, a saufconduit de nous.

Le pape a fait requérir le semblable, comme à nous, à nostre frère et cousin, le roy d'Arragon.

Pareillement le pape escripvoit lettres au roy d' An-

1 Probablement Constantin Commène, prince de Macédoine.

320 LETTRES DE MAXTMILIEN

gleterre, lui faisant aussi semblable requeste et l'advisant que nous serions pour lui et que le royd'Arragon envoyoit à son assistence son armée par mer contre Gennes , lesquelles lettres sont esté prinses et aportées audit roy de France.

Par l'adviz de nostre conseil , nous sommes résolu de demourer et tenir bonne alliance avec nostredit bon frère, le roy de France, et les autres princes de nostre ligne, faicte à Cambray et ensieuvyr le traittié dudit Cambray. Et à ceste fin , et pour tant mieulx asseurer nostre fait avec ledit roy de France, avons envoyé, comme savez, l'évesque de Gurce vers lui.

Nous sommes icy assez près du pays des Suysses, pratiquant de tous cotez vers eulx, qu'ilz ne marchent avant, et avons mis en armes contre eulx tous leurs voisins, tant du costé de nostre saint-empire, que de nostre maison d'Austrice. S'ilz ne passent, le pape aura à souffrir et espérons avoir bonne yssue de nostre affaire contre lui et les Vénissiens; et s'ilz passent, soyez asseurée qu'ilz seront ruez jus à leur retour et espérons en estre bien près pour le veoir.

Le pape a ung xnni hommes ytaliens, faisant la guerre au duc de Ferrât* et desja lui ont fait grand domage en son pays, prins et gaigné la ville de Mondène qui est tenue de nostre saint-empire et non de l'église. Pareillement ont prins la ville de Carpy et sont maintenant devant la ville de Mirandula et tantost auront gaignié jusques aux limites de la duché de Mylan, et craindons par ce qu'ilz aprochent si près dudit quartier de Mylan, que le grand maistre de France sera constraint de remander les nim Franchois qui sont avec nostre cousin et capitaine général, le prince d'Anhalt.

ET DE MARGUERITE SA FILLE.— 1510. 321 De ce que nous en surviendra plus avant , vous en

ferons participante. Et à tant, nostre Seigneur vous

ait en sa garde.

Donné en nostre chasteau de Landeek , le dernier

jour d'aoust xvc x. Vostre bon père Maximilien. —

Plus bas, Hannart*.

Plaintes du roi de Danemarck contre les habitants de Lubeck. Protection à accorder au roi et à la reine de Navarre contre le roi de France. Réclamation des gentilshommes de feu le roi Philippe, pour être admis dans la maison de l'archiduc. Règlement à faire pour la maison des princesses. « — » ( Original. )

(Inspruck, le 31 août.)

Très chière et très amée fille , nous avons receu voz lettres du xxnne du mois passé, ensemble les lettres que nous escripvent les roy et reyne de Dennemarck , touchant le différent qu'ilz ont avec ceulx de nostre cité de Lubeck, en nous complaignant les grandz tors, oultraiges et cruaultéz que ceulx dudit Lubeck ont nagaires fait sur leurs subgects du royaume de Dennemarck.

Nous vouldrions bien que accord et amitié feust faite entre ledit roy de Dennemarck et ceulx de nostredite cité de Lubeck, et désirons que vous meismes vous veullez à ce employer et entremectre et , avec ceulx de nostre conseil de par delà, adviser quelque moyen comment le pourriez faire, et nous semble qu'il viendra fort bien à propoz que le faciez maintenant, attendu que vous avez envoyé ung de noz conseilliers audit Lubeck pour le fait des navires qu'ilz ont prins sur nos subi. 21

322 LETTRES DE MAXTMILIEN

gectz et tout ce que verrez que y pourrons faire , nous

le ferons vouluntiers.

Et quant à ce que par vosdites lettres nous escripvez que les roy et royne de Navarre vous ont par leurs lettres requiz nous recommander leur affaire et qu'il nous plaise tenir main vers nostre frère et cousin , le roy de France, qu'ilz ne soient par luy et son assistence destruiz et affoulez sans cause raisonnable, nous penserons à ce que y povons et debvons faire.

En oultre, sur ce que nous escripvez que estes incessamment poursuyvie des gentilz hommes qu'estoient à feu le roy dom Philippe, nostre filz, pour estre mis et couchié en Testât de nostre filz , l'archiduc Charles, en nous requérant en vouloir faire une fin , nous vous signifiions que sommes en intencion de ainsi le faire , et pour à ce savoir tant mieulx procéder y voulons premiers avoir vostre adviz. Pourquoy appelerez vers vous ceulx que feront y estre appelez et secrètement faictes ung concept de Testât tel qu'il vous semble qu'il doit estre et iceluy nous envoyez , ensemble le double de Testât que nostredit filz a présentement , en y nottant ceulx qui y sont à laisser et oster, en nous advisant au surplus aussi à quel jour en ce nouvel estât se debveront commenchier les deux demi ans. A tant, etc.

Donné en nostre ville d'Ysbreuck , le derrain jour d'aoust , Tan xvc dix.

P. S. Faites aussi une concepcion d'estat à part comment nos filles deveront estre servies et de quel gens , mesment quant nostre filz l'archiduc sera arière d'elle, qui pourra de cy en avant souvent estre affaire et le nous envoyez. Escript comme dessus.

Vostre bon père Maximilien. — Plus bas, Hannart.

Difficultés élevées par Charles de Gueldre sur divers articles du traité à conclure. L'Empereur veut bien céder Arnhem, pourvu qu'il obtienne Ruremonde en échange. Pour Aldezée , il s'en remet à la prudence de sa fille. — {Original.)

( Inspruck , le dernier août. )

Très chière et très amée fille , nous avons receu yoz letres du xxiine jour de juillet, par lesquelles nous signifiiez estre retourné vers vous Faulquier, serviteur de messire Charles de Gheldres, et vous rapporte response d'icelui messire Charles, son maistre, sur trois articles que auparavant lui aviez proposé pour finalle résolucion sur le fait du traictié d'entre nous , nostre filz, l'archiduc , et sondit maistre , touchant le pays de Gheldres , assavoir de Arnhem et de Bommel et Bommelreweert en la façon que le vous avions mandé, et davantaige de aussi rendre la ville de Aldezée en la forme et manière que avons veu par la copie desdits trois articles que nous avez envoyez encloz en vosdites letres , et que en effect vous a dit ledit Faulquier que sondit maistre pour riens du monde n'accorderoit lesdits trois articles ; parquoy a mis la chose du tout à roupture en s'en veullant retourner, et que , aprez ce, avez fort fait enquérir ledit Faulquier de la matière, s'il ne seroit possible de conduire son maistre esdits trois poinctz. Et pour conclusion a dit que, pour honneur de nous, son maistre seroit encoires content de faire de Bommel et de Bommelreweert à nostre plaisir ; quant à Arnhem , que pour rien il ne consentira

qu'elle demeure hors de ses mains, mais bien lui semble il que ainçoires, pour honneur de nous, son maistre seroit content, pour récompence dudit Arnhem, nous laissier les villes de Hardewyek ou Hattem.

Et quant au 111e point de la ville de Aldezée , sondit maistre sera content défaire une abstinence de guerre, ainsi que ces choses vosdites le très le contiennent plus à plain.

Sur quoy, très chière et très amée fille, vous advertissons, puisque ledit messire Charles contend et persiste si fort à vouloir avoir la ville de Arnhem, et veullant? ainçoires que par ce la chose ne tourne à roupture de nostre costé , sommes content de luy baillier Arnhem, moyennant qu'il nous baille pour ce la ville de Remunde , comme cy-devant nous avez escript qu'il estoit content faire; aussi le contiennent les derniers articles , que nous en avez envoyé , que disiez estre la résolucion d'icelui messire Charles de Gheldres sur tous les points du traictié; et aussi que audit Remunde il face faire à la porte par où l'on va vers Tricht, nommée la Roure-porte , à ses despens, ung blochuys comme y a audit Arnhem , pour si tost que ledit bloschuys sera fait et avoir premiers icelle ville en noz mains, et autrement non luy baillier ladite ville de Arnhem ; et par nous tenir et possesser ladite ville de Remunde en tous droiz, haulteur et seigneurie totalement, comme faisons présentement dudit Arnhem, jusques à la consommacion du mariaige.

Nous vous advisons aussi que nostre intencion est encoires que Bommel et Bommelreweert, en tous droiz, prouffitz et seigneurie, seront à perpétuité annexez à la duchié de Brabant , ainsi que vous avons escript.

ET DE MARGUERITE SA FILLE. — 1510. 325 Et quant à ce qui touche Aldezée, nous le remectons à vous pour en faire le mieulx cumme verrez la chose disposée et que nostre honneur y soit gardé , actendu que l'évesque d'Utrecht est prince du sainct-empire et que sommes son souverain et supérieur seigneur, et tenu le aydier et favoriser en son bon droit. A tant, très chière et très amée fille , nostre Seigneur vous ait en sa garde.

Donné en nostre ville d'Ysbrouck, le dernier jour d'aoust, Tan xvc dix. Vostre bon père Maxi. — Plus bas , Hannart.

Affaires de Gueldre. Intervention du roi de France. Le seigneur d'Aremberg envoyé en Italie contre les Suisses et le pape. Les Grisons ont été séduits par belles paroles. Espoir de gagner les Suisses qui , après avoir mangé les ducats du pape , ont faim de manger les écus de France. — ( Original. )

(Au château de Wysbourg, le 2 septembre.)

Très chière et très amée fille, nous avons piéça receu les lettres que nostre frère, le roy de France, vous avoit escriptes pour messire Charles de Gheldres à rencontre de nostre cousin, le sieur d'Yselstain, et autres qui favorisent nostre cousin , l'évesque d'Utrecht.

Sur quoy, à celle mesme heure, nous eusmes grans devises avec l'ambassadeur de nostredit frère, le maistre d'ostel Rigault d'Oreilles ; et après que nous eusmes déclairé et disputé pluiseurs choses sur ceste matière , il nous asseura de en adverty nostredit frère, son maistre, et sur ce nous faire avoir responce ; ce qu'il n'a fait jusques à oires.

Et, à la vérité, nous n'avons point trop sollicité ledit ambassadeur de ceste matière , car elle est odieuse ; mais si monsieur d'Aremberg fust allé par delà, nous avions desjà praticqué avec noz cousins, les marquis de Bauden et conte de Zoom, qu'ilz eussent donner secours à nostredit cousin d'Utrecht d'une bonne bande de gens à cheval et de piedz.

Hier , nous receusmes lettres du dessusdit maistre d'ostel, par lesquelles il nous signiffie comment il passe oultre avec nostre premier conseiller, l'évesque de Gurcz, pour aller vers nostredit frère, son maistre, bien contens de toutes choses. Parquoy nous entendons bien que nous n'aurons plus avant responce sur ceste matière.

Et aussi noz conseilliez et ambassadeurs , les docteurs Mota et Andréa de Burgo , nous ont escript que nostredit frère, le roy de France, avoit despesché en leur présence ledit Aremberg pour aller es Ytales à tout sa bande , à l'encontre des Suyches et du pape.

Toutes fois nous garderons bien ceste lettre pour en temps et lieu, si vient à propos, et selon que le monde se tournera , la mectre en avant.

Nous avons gaingné par belles parolles et autrement les Grisains (Grisons), et en sorte que d'un mois ilz ne donront secours aux Suyches ne audit pape , mais feront secours audit roy, nostre frère.

Nous espérons aussi praticquer les Suyches que sans cause ilz retourneront, veu qu'ilz ont desjà assez maingé des ducatz du pape, et qu'ilz ont grant fain de maingier des escus de France. Et sommes leur cusenier qui leur apreste lesdits escus en si bonne ordre qu'ilz les maingeront voulentiers; car vous povez pen-

ET DE MARGUERITE SA FILLE.— 1510. 327 ser que lesdits Suyches sont commenaultez qui ne tiennent foy ne léaultez. Ce scet bien nostre Seigneur qu'il, très chière et très amée fille, soit garde de vous. Escript en nostre chasteau de Wysburg, le nejour de septembre, Tan xvc dix. Per Regem. P. S. — Plus bas, Botechou.

L'Empereur déclare qu'il croit avoir assez fait pour Philippe de Bourgogne , à qui il a accordé les seigneuries de Blaton et Crubeke. Il ratine la commission de contrôleur de Fhôtel donnée à Jehan Pignouwart. Il promet en outre de ne pas réintégrer Philippe de Chassey dans ses charges sans l'aveu de Marguerite.

(Veltkirken, le 8 septembre.)

Très chière et très amée fille, nous avons veu la responce que nous avez faitte sur le don et accord que avons fait à nostre cousin , messire Philippe de Bourgoingne, des seignouries de Blaton et Crubeke, affin de tant mieulx parvenir à mariage avec la fille de nostre cousin , le conte d'Egmonde , et à son avancement d'icellui, en nous requérant que, en luy ampliant nostre grâce et don , lui voulsissions accorder lesdites seignouries pour lui et ses hoirs venant dudit mariage. Sur quoy il nous semble qu'il doit bien suffire de ce que avons fait et vous escript pour nostredit cousin desdites seignouries , sans nous presser plus avant ne audehors du contenu de nosdites letres , selon lesquelles vous vous réglerez.

Par autres voz letres nous signiflfyez avoir, ensievant nostre ordonnance , commis Jehan Pignouwart, con-

trolleur de la despence ordinaire de l'ostel de nostre très chier et très amé filz, l'archiduc Charles, pour servir par demy an, à rencontre de Laurens Sterck; nous vous déclarons que avons pour agréable la commission dudit Pignouwart oudit estât.

Et quant à ce que nous avez escript et requiz par voz letres du xxne d'aoust de , pour les causes contenues en icelles, non réintégrer et remettre Philippe de Chassey aux offices de trésorier de Dole et de receveur général de Bourgoingne, nous vous signifiions que ne ferons en ce riens à vostre regret ; mais s'il nous fait poursieulte de ce que dit est , l'en remettrons à vous et en soyez toute asseurée.

Donné en nostre ville de Veltkirchen, le vme jour de septembre xvc x. Vostre bon père Maxi.... — Plus bas, Hannart.

Plusieurs villes voudraient empêcher la conclusion du traité de Gueldre. Néanmoins , l'Empereur en désire la prompte conclusion. Il ordonne d'envoyer douze cents florins à l'évèque de Gurce, en mission auprès du roi de France. — {Original.)

( Veltkirken , le 9 septembre. )

Très chière et très amée fille, nous avons receu voz letres du premier jour de ce mois par lesquelles nous signifiiez que estes advertye que ceulx de noz villes de Dordrecht , Boisleduc et autres , leurs assisteurs , envoyent aucuns leurs députez vers nous pour empechier, comme croyez, la conclusion de la matière de Ghel-

ET DE MARGUERITE SA FILLE. —1510. 329 dres, et pour nous advertir d'aucunes choses dont bien petit fruit est apparent d'ensievyr.

Vous avez bien fait de nous avoir adverti la venue des dessusdits, ensemble ce que autreffois leur avez dit et demandé, quant sur le mesme propoz ilz ont esté vers vous, et que sur icelle vostre demande ne sceurent donner responce ; car nous en aurons meilleur regard et advis sur le tout.

Toutes voyes, ces choses nonobstant, nous voulons et vous requérons que incontinent vous procédez au parfait et conclusion du traictié.de Gheldres, selon et ensuivant les letres que dernièrement vous en avons escript ; et nous donnons merveilles à quoy il peult rester que desjà ledit traictié ne soit conclud.

Advisez nous ouvertement lesquels sont en cause de retarder et empeschier l'accord des aydes ; et nous y remédierons de sorte que ceulx y ayans coulpe congnoistront que n'en sommes content.

Combien que ayons ordonné et expressément chargié à l'évesque de Gurce de parler et besoignier avec nostre frère et cousin, le roy de France, des matières dont lui escripverez, touchant nostre fîlz et noz pays de par delà, néantmoings nous luy escripvons présentement en lui ordonnant de rechief ainsi le faire, et vous envoyons avec cestes nosdites letres, lesquelles luy pourrez envoyer par celuy que avez délégué aller vers lui pour l'informer desdites matières.

Et pour ce que , comme savez, avons présentement de grandes charges à supporter, à cause de nostre guerre en Ytalie , n'avons bonnement peu furnir audit de Gurce tant d'argent que lui est de besoing pour son voiaige. Pour quoy, veu que icelui voiaige est pour le

bien de tous noz pays et subgectz, et espérons qu'il y traictera choses moult prouffitables pour nosdits pays de par delà , nous désirons et vous requérons affectueusement et acertes que faciez par les gens de noz finances incontinent envoyer audit de Gurce en France la somme de xnc florins de Rin d'or, et nous signifïier de ce que fait en aurez -, et en ce ferez nostre plaisir et chose agréable. Sy vous requérons de rechief n'y faire faulte. A tant , très chière et très amée fille , nostre Seigneur vous ayt en sa garde.

Donné en nostre ville de Veltkircken, le ixe jour de septembre, Fan xvc x. Vostre bon père Maxi. — Plus bas, Hannart.

Le baron de Viry est nommé conseiller ordinaire et chambellan de l'archiduc Charles. ■ — . {Original.)

(Buchorn, le 13 septembre.)

Très chière et très amée fille , pour la bonne congnoissance et expérience que avons de la personne de nostre amé et féal, le baron seigneur de Viry, et le désir que avons de nous servir de luy, nous l'avons retenu et commis nostre conseiller ordinaire auprez de vous et chambellan de nostre filz, l'archiduc Charles, aux gaiges de trente six solz de deux groz de nostre monnoye de Flandres le soit par jour, et lui avons chargié pour ce soy tirer devers vous. Par quoy nous vous requérons que incontinent après que ledit baron sera arrivé devers vous avec cestes , vous luy faictes despeschier noz lestres patentes de retenue desdits estaz

ET DE MARGUERITE SA FILLE. *~ 1510. 331 dessusdits, et dès là en avant le faictes payer desdits gaiges en la manière accoustumée. Et au surplus le évoquez et appeliez tousjours en voz consaulx, touchant noz affaires de par deçà et d'embas, comme nostre conseiller et commis à ce de par nous ; car ainsi nous plaist-il. A tant, très chière et très amée fille, nostre Seigneur soit garde de vous.

Donné en nostre ville de Buchorn , le xme de septembre, Tan mil vc et dix. Per Regem. — Plus bas, Renner.

Il mande à sa fille et aux gens de ses finances de payer à Philippe Lombart , fourrier de l'hôtel , cent cinquante florins du Rhin , d'or, pour solde de ses gages. - — {Original. )

(Lindaw, le 14 septembre.) DE PAR L'EMPEREUR.

Très chière et très amée fille, et très chiers et féaulx, nous avons présentement accordé à nostre bien amé fourrier de nostre hostel, Philippe Lombart, recouvrer par les mains de nostre receveur général de Flandres , Liévin de Pottelberghe , et sur les deniers de sa recepte, la somme de cent cinquante florins de Rin d'or que lui devons de reste, à cause des gaiges qu'il a prins et prent de nous jusques à ores dudit estât de fourrier ; et vous requérons et ordonnons à vous de noz finances de audit Philippe despeschier noz lettres de descherge d'icelle somme sur nostredit receveur de Flandres, ainsi comme en tel cas appertient, et de sorte

qu'il puisse recouvrer sonditdeu; car ainsi nous plaistil. A tant , très chière et très amée fille , et très chiers et féaulx , nostre Seigneur soit garde de vous.

Donné en nostre ville de Lindauw, le xmiejour de septembre, anno xvc et dix. Per Regem. — Plus bas, Hannart.

Par suite des lettres de l'Empereur, les Suisses se sont retirés du service du pape. Découverte d'un complot qui devait éclater le même jour à Vérone , à Ferrare et à Brescia. Mort du prince d'Anhalt , qui est remplacé par le duc de Brunswick comme chef de l'armée d'Italie.

(Lindaw, le 17 septembre.)

Très chière et très amée fille, pour nouvelles nous advertissons que, après que les Suysses, lesquelz estoient en nombre de dix mil hommes desjà marchié avant et entrez sur les limites de Mylan, pour aller au service du pape, ont veu et entendu les lettres que aigrement leur escripvions, sont tous séparez et se retirent en leurs maisons , et prendent couleur de leur retraicte en partie pour ce que leur payement et soldée n'estoit venu comme il leur avoit esté promis ; et sommes bien acertenez par aucuns de leurs propres gens qui estoient en leur compaignie et qui ont veu et sceu toutte leur intencion et raison de ladite retraite , que nosdites lettres en ont esté la principale cause.

Noz ennemis avoient conspiré et maciné une trahison , que se devoit exécuter tout en ung jour sur les villes et cités de Véronne, de Ferrare et de Bresse. Mais ceste trahison a esté descouverte avant ledit jour;

ET DE MARGUERITE SA FILLE. — 1510. 333 par quoy sera maintenant à ce pourveu, et d'aucuns coupables a esté fait la justice de tous les trois costez.

Aujourd'huy a vin jours que trespassa, en nostredite cité de Véronne, nostre cousin, capitaine général et chief de nostre présente armée d'Italye, le prince d'Anhalt ', dont Dieu ait l'âme, et avons regret; car nous avons perdu à luy ung bon vertueux prince et léal serviteur que toute sa vie nous a esté tel.

Nous envoyons maintenant le duc de Brunswyck pour estre chief de nostredite armée, ou lieu dudit bon deffunct prince.

L'armée du pape par mer et par terre contre le roy de France et duc de Ferrar est puissante; mais puis que lesdits Suysses sont retirez, croyons que ne feront gaires de profïit.

De ce que au surplus nous surviendra vous en ferons participante. A tant, très chière et très amée fille, nostre Seigneur soit garde de vous.

Donné en nostre ville de Lindauw, le xvne jour de septembre xvc x. Per Regem. — Plus bas , Hannart.

1 Rodolphe, prince d'Anhalt, était très attaché à Maximilien, pour qui il s'était mis autrefois en otage entre les mains des Brugeois révoltés. Nommé grand-écuyer en récompense de ce dévouement, il commanda, en i5oy, les troupes impériales dans la guerre de Gueldre. L'année suivante il fut appelé au commandement de l'expédition d'Italie. On prétendit que sa mort, arrivée le 7 septembre i5io, était Tenet du poison.

L'Empereur ne veut pas délivrer sur-le-champ une décharge de cinq mille écus sur le trésorier d'Espagne au profit de Claude de Cilly, son ambassadeur en Aragon. Il recommande de n'envoyer en Bourgogne que le bailli d'Amont. — {Original. )

(Constance, le 25 septembre.)

Très chière et très amée fille, nous avons receu voz lettres du xvii6 de septembre par lesquelles nous escripvez que le trésorier de nostre frère et cousin , ie roy d'Arragon , a envoyé de par delà la despesche pour recevoir les xm escus que se doibvent baillier à ceste feste d'Anvers, à xncescuz prez qu'il a délivrez à nostre président de Bourgoingne , et oultre , nous requérez vouloir faire despeschier une descherge sur ledit trésorier d'Espaigne de vm escuz , au proufïit de Claude de Cilly, nostre ambassadeur devers nostredit frère , ledit roy d'Arragon, sur le terme de l'année à venir, en nous asseurant que, endedens ledit terme, nous feriez rembourser de ladite somme de deniers de par delà.

Sur quoy vous advisons que postposons faire despeschier ladite descherge jusques à la venue vers nous de nostredit trésorier général, messire Roland Le Fèvre , que sera brief , auquel lors parlerons de cest affaire, et luy en déclairerons nostre intencion et plaisir.

Nous voulons que envoyez le bailly d'Amont en Bourgoingne, et nul autre.

Donné en nostre cité de Constance , le xxve jour de septembre xvc x. Vostre bon père Maxi. — Plus bas, Hannart.

Il l'autorise à confirmer l'alliance et entrecours qui existaient avec le feu roi d'Angleterre. — ( Original. )

(Constance, le 27 septembre.)

Très chière et très amée fille, nous vous avons dernièrement escript comment l'ambassadeur de nostre frère, le roy d'Angleterre, estans icy devers nous, nous a requis de vouloir confermer l'amitié et entrecours qui fut prinse du vivant du feu roy de Castille , nostre fîlz, que Dieu absoille, pour l'amitié et entrecours de tous noz pays et subgectz. Et pour ce que c'est une chose qui touche le bien publicque de tous nosdits pays, à quoy sommes fort enclins , et mesmement d'entretenir les bonnes aliances qui ont parcidevant esté faictes avec le feu roy Henry , nous vous requérons que vous vueillez confermer à nostredit frère, ou nom de nous, ladite amitié et entrecours prinse , comme dit est , et selon que trouverez estre affaire pour le mieulx , affin que la chose soit despeschié et puisse sortir à effect. A tant , très chière et très amée fille , nostre Seigneur soit garde de vous.

Donné en nostre cité de Constance, le xxvne jour de septembre , l'an xvc et dix. Vostre bon père Maxi. — Plus bas , Renner.

Il lui requiert de s'informer secrètement s'il est vrai que le duc de Juliers soit mort. — ( Original. )

(Constance, le 28 septembre.)

Très chière et très amée fille, pour ce que avons entendu que nostre cousin , le duc de Juilliers , est allé de vie à trespas1, ou qu'il est malade jusques à la mort, et que désirons en sçavoir la vérité, nous vous requérons que secrètement vous vous faictes informer de ce qu'il en est, et que, incontinent après, nous en advertissez bien amplement. A tant, très chière et très amée fille, nostre Seigneur soit garde de vous.

Escripten nostre cité de Constance, le xxvnie jour de septembre, l'an xvc dix. PerRegem. — Plus bas, Renner.

Ce n'est pas le moment de réclamer le duché de Bourgogne et la vicomte d'Auxonne. Pratiques du pape pour faire alliance avec la France et les Yénitiens contre l'Empereur. Les Suisses mauvais vilains. Intrigues des cardinaux. L'Empereur se défie du roi d'Angleterre qui l'a trompé deux fois ; il compte sur la loyauté

du roi de France. « — . (Autographe.)

(Le 7 octobre.)

Très chière et très amée fille , je me recommande à vous de bon ceur; j'ay resceu vous lestres escriptes le 21 jour de septembre, par lesquelles vous nous faites

r Guillaume VIII, duc de Juliers et de Berg, mourut, suivant X Art de vérifier les dates , le 6 septembre ou décembre l5.n.

et de Marguerite sa fille. ~ 1510. 33*

mencion de demander par honnestes moyens la duché de Bourgogne et la visconté d'Auxon; il nous semble que yl n'y a point tans mestinant ; car les Françoes sont mestinant au-dessus du pape de tous les affaères, et nous et nous affaères pour sela en très grand dangier ; car aussy le pape est tout désespéré et tout esragé* disant publikament que il est tombé à la guerre contra le roy de France pour la salvation d'Italie et sur l'espoir que nous et le roy d'Arregon ly aiderunt; et que sur sela il est abusé, et a orduné aux six principaulx cardinaulx pour besungner avec la reyna de France1, comme celé qui est plus dévot a que son mary le roy de France, pour trouver fachon pour faere aliance avec les Françoes et Vénéciens allencontre de nous* Et cumbien que les Françoes sevont bien que je leur ai tenu bon leaulté contra le pape , mesmement que j'ay assés esté cause que les Suisses, mavès villeins, sunt retournés du service du pape, toutefois nous creinduns et sumus empeu afferti bien acertes que lesdits Françoes scharcherunt faere leur profit de nous et du roy d'Arregon. Le roy de France tient tout suspect ledit roy d'Arregon que il a esté cause que le papa ly a couru sus. Aussy le bruit curt semblablement par touta I ta lia les susdits six cardinaulx maves tousjours à l'encontre de nous; est le principal le cardinal Volteranus 2 qui dit que le roy d'Aregon a esté la premier cause de la perdition de son sanc du ream de Naples ; l'autre cardinal est le légat de Boullony 3, qui est le principal

Anne de Bretagne , femme de Louis XII.

1 François Soderini, Florentin, mort en \5i^ évêque d'Ostie et doyen du sacré collège.

3 François Acidolius, cardinal du titre de Sainte-Cécile, légat de Bologne , tué à Ravenne en i5i i .

gouverneur du pape, orgulos et erragé, comme son mester ; le tiers le patriarche , le quart le cardinal Grimanus % tous deux Vénitiens, le cardinal de Montua % le cardinal de San Severin3, le cardinal de Final4, tertous papistes françoes et vénériens; leor machination est que le roy de France deubt avoer de nous, comme desja yl a, le plus grand pié dedans la cyté de Vérona et la reaume de Naples, la pluspart, et que le papa deut avoer la duchié de Ferrar et bouter hors d'Italie tous les Espangers et Almans; le velà les beaux pratikes de la sainte mère de Église.

Les ambaxadeurs d'Aregon et d'Angleterre avons l'autre jour conclu par paroles l'aliance, lesquels est si fort en vostre ceur et opinion , par raport du Guillaume, nostre ferlet (valet) de chambre 5 ; mes je creins mervillosement le roy d'Angleterre 6 ; car son père m'a deux foes lurdement trompé. L'ambaxadeurs d'Aregon qui sunt devers le pape et la mien sont fort attonés desdits pratikues ; car leor roi est point furny mestinant de gendermes , feu (vu) les voles (folles) entreprises que yl a fait d' Afrika pour la conqueste du port de Tripoly ou les Mores ont ytérativement mis les sièges. Je bon espoer ancor que le roy de France, par le

1 Domenico Grimani, fils d'Antoine, doge de Venise, patriarche d'Aquilée, cardinal du titre de Saint-Marc, mort en i5o5.

a Sigismond de Gonzague , cardinal , fils de Federico , marquis de Mantoue et de Marguerite de Bavière, mort en i5i5.

3 Le cardinal de San Severino , depuis ennemi déclaré de Jules II , mort à Rome, le premier des cardinaux diacres, en i5i6.

4 Charles Dominic de Caretto, des marquis de Final, fort affectionné à la France, mort en i5i4-

5 Guillaume ou Guislain Pingon, valet de chambre de Maximilien, souvent employé par Marguerite.

6 Henri VIII.

ET DE MARGUERITE SA FILLE. —• 1510. 339 moyen de l'évesque de Gurce, ma tiendra léalté, cumme je ly a tenu léalté contra le pape.

Escript le 7e jour de octobre, de la main de vostre bon père Maxi. 1510.

L'Empereur règle le différend qui existait entre Pierre Botechou et Jehan Vors, au sujet d'un canonicat vacant à La Haye. — ( Original et copie collationnée . )

(Constance, le 8 octobre.)

Très chière et très amée fille , nous avons receu voz lettres touchant la contrariété qui a esté faicte au don que avions fait à Pierre Botechou , frère de nostre amé et féal secrétaire , maistre Jehan Botechou , de la première chanoinie qui dès lors escharroit en nostre chapelle de La Haye, naguères vacant, par le trespas de feu maistre Albrecht, Albi echts, et le tout soubz couleur de ce que Ghysbrecht Vofs disoit avoir don de nous de la seconde qui escharroit à ladite chapelle de La Haye, pour Jehan Vofs, son filz, et que la dessusdite prébende estoit la seconde qui estoit vacquée depuis sondit don. Et pour ce, très chière et très amée fille, que ledit maistre Jehan nous faiz journellement de bons services, par quoy pour pluiseurs raisons , dont il n'est besoing faire déclaration, il fait à préférer à autre, nous vous advertissons que nostre vouloir et plaisir est que ledit Pierre Botechou soit pourveu de ladite prébende de La Haye vacant, comme dit est. Mais en récompense de ce, et affin que ledit Ghysbrecht ne soit frustré de nostredit don , nous accordons dès maintenant à sondit lîlz la première prébende qui escherra

à ladite chapelle de La Haye; et à ceste cause l'avons fait inscripre ou roolle de nos bénéfices de pardela, en vous donnant puissance par cestes, ladite vacation advenant, luy en faire despescher noz lettres de collation en forme deue, sans attendre autre commandement de nous que cestes. Et vous requérons que, sans aucune difficulté et nonobstant tous empeschemens au contraire , vous faictes délivrer audit Pierre Botechou noz lettres de collation de la dessusdite prébende de La Haye; car ainsi le voulons estre fait. A tant, très chière et très amée fille, nostre Seigneur soit garde de vous.

Escript en nostre cité de Constance, le vine jour d'octobre, Tan xvc dix. Ainsi signé, Per Begem , et du secrétaire Renner. — Collationné à l'original par moy Le Moyne.

L'Empereur recommande à sa fille maître Jacques Botechou pour un emploi de conseiller au parlement de Dole. — ( Original.)

(Villingen, le 22 octobre.)

Très chière et très amée fille, nostre amé et féal secrétaire, maistre Jehan Botechou nous a exposé comment il y a environ an et demi , vacant ung estât de conseillier de vostre parlement à Dôle , son cousin , maistre Jaques Botechou, docteur es droiz, vous fut nommé par ceulx dudit parlement pour estre commis audit estât de conseillier, et que combien que à ce estiésbieii incliné, toutesvoyes, à la requeste d'aucuns de voz serviteurs, ledit maistre Jaques se dépourta lors

ET DE MARGUERITE SA FILLE. — 1510. M I de sa poursuyte , soubz espoir qu'il eust de vous d'avoir le premier estât de conseillier qui dès lors escharroit vacant. Parquoy et que depuis naguères en est vaqué ung, ledit maistre Jehan nous a requis vous en escripre à la recommandacion de sondit cousin ; et pour ce que entendons icellui maistre Jaques estre homme doct et qualifié pour vous povoir bien servir oudit estât, au moyen de quoy , et en faveur dudit maistre Jehan , nostre serviteur, verrions voulentiers qu'il fut pourveu dudit estât de conseillier. A ces causes, escripvons présentement devers vous et vous requérons que audit estât de conseillier, vous veuillez avoir ledit maistre Jaques pour recommandé, et en icellui pour l'amour de nous le préférer à autre. En quoy faisant , vous nous ferez chose bien agréable, et si espérons que en serez bien servye. A tant, très chière et très amée fille, nostre Seigneur soit garde de vous.

Escript en nostre ville de Willinghen, le xxne jour d'octobre, l'an xvc x. Per Regem. — Plus bas, Renner.

11 lui commet le soin de régler le différend qui existe entre les seigneurs de Vergy d'une part, et les seigneurs de Thalemey et de Flagy, d'autre part. — ( Original. )

(Entbourch, le 24 octobre.)

Très chière et très amée fille, pour ce que désirions mectre quelque bon appoinctement ès»différendz estans entre nostre cousin, le seigneur de Vergy et les seigneurs de Thalemer et de Flegy frères, nous avions retenu à nous la congnoissance de leursdits différendz;

mais obstant les grans affaires qui nous sont tousjours depuis survenuz, nous n'y avons peu entendre ne trouver moyen qui y ait sceu prouffiter. Parquoy et que ne voulons que les parties s'excusent plus sur nous ou nous chargent d'injustice, ains que la raison soit faicte à ung chacun d'eulx, comme il appartient , nous désirons et vous requérons bien acertes que prenez cest affaire en main et que vous employez par tous les moyens qui vous seront possibles de appoinctier lesdites parties aimablement, et ou cas qu'il ne se puisse ainsi faire, les pourvéez de sorte que la raison leur soit faicte et administrée, comment le cas le requiert; et à ceste cause nous escripvons présentement ausdites parties de pour ce eulx tirer devers vous, dont vous advertissons. Très chière et très amée fille, nostre Seigneur soit garde de vous.

Escript en nostre logis de Entbourch , le xxiine jour d'octobre, l'an xvc dix. Vostre bon père Maxi, — Plus bas, Renner.

Nouvelles difficultés au sujet du traité de Gueldre. Députés de Hollande. États de Brabant. — {Original. )

( Villingen , le 26 octobre. )

Très chière et très amée fille, nous avons receu voz letres du xvme de ce mois; et, quant à ce qui touche que vous avons mandé conclure l'affaire de Gheldres , et que en ensuyvant ce, vous avez baillé la copie des articles à vous envoyez, et renvoyez aux depputez de

ET DE MARGUERITE SA FILLE. — 1510. 343 messire Charles de Gheldres , il est vray que le vous avons mandé tousjours, entendant que les premiers articles conceuz sur ceste matière fussent observez et entretenuz.

Et de ce qui concerne le fait de Haernam et Oyen comprins ou xve article, tenez vous sceure que nous avons bien entendu icellui article et que pour pluiseurs raisons, mesmement que c'est ung article d'addiction, que jamais ne fut couchié deans les anciens articles, nous ne povons à nostre honneur autrement passer la chose ; parquoy vous requérons que vous vous vueillez reigler selon ce.

Des depputez de Hollande vous nous en avez desjà autrefïbis adverty et ne sont encoire arrivez devers nous; et à leur venue nous aurons souvenance de ce que nous en avez escript et n'y ferons riens sans premier vous en advertir.

Quant à vostre besoîngne avec les Estas de Brabant, nous l'avons bien agréable; et pour avancer l'affaire, nous avons fait despeschier letres à ceulx desdits Estas, selon que nous avez escript , lesquelles nous vous envoyons avec cestes pour vous en aidier, si en avez affaire; et vous requérons que ayez bon regard oudit affaire et que faictes à ce toutes choses requises pour obtenir la continuacion des aydes.

Et combien que vous ayons parcidevant escript de vous envoyer les dessusdites letres et aussi faire responce à autres matières dont nous avez escript , toutesvoyes , obstant les grans affaires qui depuis nous sont journellement survenuz, nous n'y avons encoirespeu entendre ; mais nous espérons de en brief vous faire sur tout ample responce, aydant nostre Seigneur qu'il,

très chière et très amée fille, vous ait en sa sainte

garde.

Escript en nostre ville de Villingen , le xxvie jour d'octobre, l'an xvc dix. Vostre bon père, Maxi. — Plus bas , Renner.

L'Empereur demande le portrait de la reine Jeanne de Castiller veuve de son fils don Philippe, et de plus la généalogie des rois de France. — {Original.)

(Villingen, le 27 octobre.)

Très chière et très amée fille , nous vous requérons que nous envoyez incontinent, par noz postes , contrefaite en painture, nostre très chière et très amée sueur et belle-fille, donna Johanna, royne de Castille, vefve de feu nostre très chier et très amé filz, le roy doin Philippe, que Dieu absoille, le plus au vif que sera possible, et vous nous ferez plaisir. A tant, très chière et très amée fille, nostre Seigneur vous ait en sa garde.

Escript en nostre ville de Villingen, le xxvne jour d'octobre xvc dix.

P. S. Nous vous requérons aussi nous envoyer la généalogie des roys de France qui sont imprimez ; et en trouve Ton à vendre en nostre ville d'Anvers ; nous en avons une , mais elle est demourée en noz offices à Ysbroeck. Donné comme dessus.

Per Regem. — Plus bas, Hannart.

Collation d'une prébende de Louvain au fils du greffier, Laurent du Blioul. — ( Copie. )

( Villingen, le 27 octobre.)

Très chière et très amée fille , nous avons receu voz lettres du xvie. de ce mois contenant que ayez, de nostre part , conféré et disposé au filz de nostre amé et féal secrétaire et greffier de nostre ordre , maistre Laurens Dublioul , la prébende de Louvain nagaires vacant par le trespaz de maistre Huges de Vers , en vertu de deux noz lettres que vous avions auparavant escriptes , par lesquelles vous ordonnons pourveoir au filz dudit greffier de la première prébende qui vaqueroit audit Louvain , en récompense d'une prébende de Lens qu'il avoit délaissié, à vostre requeste, à ung chapellain et chantre. Au surplus nous signifiiez que estes avertye que nous ayons disposé de la mesme prébende au filz de Guillame Pinchon, en nous requérant ne vous faire ceste honte que de révocquier ce que en avez fait par nostre expresse ordonnance pour ledit greffier, ains luy vouloir délaissier; sur quoy vous déclarons que la disposition que povons avoir fait d'icelle prébende au filz dudit Pinchon a esté , comme vous avez records , de nostre don que dessus fait auparavant audit greffier, néantmoins affin qu'il soit en ce fait et usé selon vostre désir, nous remettons le tout à vous, en vous donnant povoir d'en ce contenter les parties , comme il vous en plaira, sans plus de renvoy vers nous.

Donné en nostre ville de Yillinghen, le xxvn octobre, l'an xvc x. Ainsi signé, Per Regem, et du secrétaire Hannart.

La cure d'Audenarde est accordée à l'un des enfants de Roland Le Febvre , trésorier des finances. — ( Original. )

(Neustadt, le 30 octobre.)

Très chière et très amée fille , pour les bons et grands services que nous fait journellement nostre amé et féal conseillier et trésorier général de noz finances, messire Rolant Le Fèvre, et satisfaire à la promesse que luy avons par ci-devant faicte de pourveoir ses enfFans de quelque bénéfice, luy avons donné et accordé, pour l'ung de sesdits enfFans , la cure de nostre ville d'Audenarde, présentement vacante par le trespaz de sire Edouard Trotin , comme entendons ; ouquel caz voulons et vous ordonnons très acortes luy en faire expédier noz lettres patentes de collacion , sans vous arrester à quelque don que en pourriez avoir fait à aultre, soubz nostre bon plésir; car ainsi nous plaist.

Donné à Nyeustadt , le pénultième jour d'octobre xvc dix. Per Regem. — Plus bas, Hannart.

L'Empereur mande derechef qu'il veut que celui qui , l'an dernier, était premier commis au renouvellement de la loi d'Anvers , soit le second cette année , et qu'on alterne ainsi tous les

ans. — ( Original. )

(Brisach, le 1 novembre.)

Très chière et très amée fille, nous vous avons, passé a ung an , escript que nostre vouloir et intencion est que cellui qui fut commis, l'année passée, le premier

ET DE MARGUERITE SA FILLE. —1510. 347 au renouvellement des loix de nostre ville d'Anvers fut ceste année le second, et cellui qui estoit lors le second fut cestedite année le premier, et tousjours selon ce d'an en an. Et pour ce que voulons que ladite ordonnance soit ainsi observée , nous vous en voulons bien de rechief advertir pour selon ce vous sçavoir reigler, selon nostre intencion , car nostre plaisir est tel. A tant, très chière et très amée fille, nostre Seigneur soit garde de vous.

Escript en nostre ville de Brisack, le vne jour de novembre, Fan xvc dix. Per Regem. — Plus bas, Renner.

L'Empereur mande vers lui son fauconnier Art Von Minge , et recommande aux gens de ses finances de lui payer ce qui lui est du , afin qu'il n'ait pas de motif d'excuse. ■ — ( Original.)

(Brisach, le 7 novembre.)

DE PAR L'EMPEREUR

Très chière et très amée fille, et très chiers et féaulx , nous escripvons présentement à nostre amé et féal escuier et faulconnier, Art von Minge, venir incontinent vers nous; nous voulons que lui ordonnez aincores de nostre part le faire , et que le dressez et contentez de l'appointement et provision que luy avons donnée, en sorte qu'il n'ait pour ce, cause d'excuse; et n'y faites faulte, car tel est nostre plaisir.

Donné en nostre ville de Brisach, le vne jour de novembre xvc dix. Per Regem. — Plus bas, Hannart.

L'Empereur demande que sa fille lui envoie son secrétaire Marnix avec qui il veut conférer sur l'affairé de Gueldre.' — {Original.)

(Brisach, le 7 novembre.)

Très chière et très amée fille , nous désirons et vous requérons que incontinent vous vueillez envoyer devers nous vostre secrétaire Marnix et que l'informez et advertissez bien et au long à quoy le traictié de Gheldres se tient, de Testât d'icellui et en quel termes il est; car nous avons eu quelque nouvelles de nostre frère, le roy de France du fait dudit Gheldres. Parquoy nous voulons sur ce plus avant disputer avec vostredit secrétaire. A tant, très chière et très amée fille, nostre Seigneur soit garde de vous.

Escript en nostre ville de Brisack, le vne jour de novembre, l'an xvc dix. Per Regem. — Plus bas, Rennei\

L'Empereur accorde aux enfants de Roland Le Febvre les secondes prébendes qui seront vacantes à Lière et à La Haye. — (Orig.)

(Brisach, le 14 novembre.)

Très chière et très amée fille, pour considéracion des bons et agréables services que nous fait chacun jour nostre amé et féal chevalier conseillier et trésorier de noz finances, messire Rolant Le Fèvre, luy avons donné et accordé pour ses enffans les secondes pré-

ET DE MARGUERITE SA FILLE. — 1510. 349 bendes qui decy en avant escherront vacant en noz églises de Tenremonde, de Lyère et de La Haye, et avons icellui nostredit don et accord fait inscripre au rolle de noz bénéfices , dont vous advertissons et vous requérons très acertes que , la vacation advenant, desdites prébendes, en faictes expédier au proufïît de l'ung de sesdits enfïans, qu'il vous dénommera, noz lestres de collacion sans pour ce attendre autre ordonnance ou commandement de nous que cestes ne avoir regard à chose que en puissions cy après faire au contraire; car tel est nostre plaisir.

Donné en nostre ville de Brisach, le xnne jour de novembre, l'an mil vc et dix. Per Begem. — Plus bas , Rentier.

L'Empereur veut que , tout empêchement cessant , Paul Pingeon soit mis en possession du canonicat qui lui a été conféré à Saint- Pierre de Louvain, — {Original.)

(Kufstein? le 18 novembre.)

Très chière et très amée fille, nous vous avons escript les causes pourquoy nous avons pourveu messire Paule Pingeon de la chanoinie de Sainct-Pierre de Louvain , dernièrement vacant à nostre disposicion, et requis de luy faire sceller noz lestres de collacion que à celle cause luy avons fait despescher par deçà; toutefïbis nous entendons que l'on luy mect à ce encoires empeschement, soubz umbre d'aucune promesse qu'ilz entendent de ladite prébende ; et pour ce que nostre vouloir est que ledit messire Paule soit pourveu de ladite chanonie sans aucun empeschement , nous escripvons

de rechief devers vous et vous requérons que, tous empeschemens cessans , vous faictes sceller audit messire Paule nosdites letres de collation , et le mectre en possession et joyssance de ladite chanoinie de Louvain, sans sur ce de nous attendre autres letres; car nostre plaisir est tel , et sommes contens que les prétendens avoir droit à ladite chanonie soyent récompensez en autres bénéfices advenir. Très chière et très amée fille , nostre Seigneur soit garde de vous.

Escript en nostre ville de Kunfstein, le xvme jour de novembre, l'an xvc dix. Per Regem. — Plus bas, Renner.

L'Empereur remet à sa fille le soin de satisfaire comme elle l'ejitendra , au désir du roi d'Angleterre , qui demande la continuation des traités et alliances conclus avec son père. —~(0rig.)

(Enghessen, le 22 novembre.)

Très chière et très amée fille, nostre frère, le roy d'Angleterre, nous a à présent fait requerre de vouloir confermer ce que avons dernièrement traicté avec le feu roy d'Angleterre son père, que Dieu pardoint, comme tuteur et mainbour de noz très chiers et très amez enffans touchant la continuacion des confédérations et aliances faictes par nous et feu nostredit filz , le roy dom Philippe, avec icellui feu roy, son père, sur quoy nous avons remis ceste matière à vous et à ceulx de nostre conseil de par delà et désirons et vous requérons que y faictes , comme nous sçaurions en ce cas faire pour le mieulx et au plus grant bien, honneur

ET DE MARGUERITE SA FILLE. — 1510. 351 et prouffit de nous et nosdits enffans que bonnement faire pourrions, et que plus amplement entendrez de noz conseilliers , que brief envoyerons devers vous. Très chière et très amée fille , nostre Seigneur soit garde de vous.

Escript en nostre ville d'Enghessen, le xxne jour de novembre, l'an xvc dix. Vostre bon père Maxi. — Plus bas , Renner.

Traité de Gueldre. Si les députés gueldrois n'adhèrent pas aux dernières propositions de l'Empereur, il faut suspendre les conférences. Négociations de mariage avec le duc de Lorraine. « — ( Original.)

( Enghessen , le 22 novembre. )

Très chière et très amée fille, nous avons entendu, par voz letres du xine de ce mois , comment vous avez receu noz letres faisant mencion de nous envoyer vostre secrétaire Marnix pour disputer de la matière de Gheldres , et qu'il vous semble, veu que les depputez de messire Charles de Gheldres sont à présent devers vous pour besoingnier sur ladite matière, qu'il n'est pas nécessaire de nous envoyer vostredit secrétaire, se ce n'est pour autre matière ; car vous avez déclairé ausdits depputez que s'ilz se condescendent au contenu des dernières letres que vous en avons escriptes , vous procéderez avec eulx, en vertu du povoir que avez de nous, à la finale conclusion de cestedite matière, sans pour ce les plus renvoyer.

Sur quoy, très chière et très amée fille, nous sommes contens que, ou cas que les Gheldrois acceptent

les articles, selon que nosdites dernières letres contiennent, que en ce cas procédez avec eulx à ladite finale conclusion et que besoingniez tousjours à ce par l'advis et en la présence de noz conseilliez de pardelà, affin que nous et vous en puissons tant mieulx respondre; mais s'ilz ne se vueillent à ce condescendre , nous voulons que ne procédez plus avant en ladite matière, ains que nous envoyez incontinent vostredit secrétaire et que mectez ladite matière en délay jusques à ce que vous aurez autres nouvelles de nous par vostredit secrétaire.

Quant à ce que nous escripvez par autres voz letres dudit xme de ce mois touchant l'anvoy par vous fait de nostre greffier de Tordre en Lorraine pour le traictié de mariaige et de son besoingne ensemble de voz advertissemens y contenuz , nous avons le tout prins en bonne part.

Et affin que saichez plus asseurement besongnier en ceste matière, nous vous voulons bien advertir que avons icelle matière à cueur et que désirons que la chose se parface, s'il est bonnement possible. Par quoy vous requérons que à la venue des depputez dudit Lorrainne vous y vueillez entendre et faire pour le mieulx comment bonnement faire se pourra , et vous nous ferez chose fort agréable; et retenez tousjours cependant messire Jehan de la Maison et Jehan Bon temps, chevaliers , pour vous assister de nostre part oudit affaire, ausquelz à celle cause en escripvons présentement. Très chière et très amée fille, etc.

Escript en nostre ville de Enghessen, lexxnejour de novembre, Tan xvc dix. Per Regem. — Plus bas, Renner.

Il la prie de faire peindre et de lui envoyer la généalogie des rois de France et d'Angleterre , telle qu'elle se trouve dans la maison du seigneur de Berghes. — ( Original.)

(Fribourg, le 28 novembre.)

Très chière et très amée fille, nous désirons et vous requérons que envoyez un g propre paintre en la maison de nostre très chier et féal , le seigneur de Berghes, pour nous paindre la généalogie des roys de France et d'Angleterre comment elle est en painture en sadite maison de Berghes, et que icelle painture vous nous envoyez par nostre bien amé fourrier de nostre hostel , Philippe Lombart, auquel avons donné charge de vous en solliciter. Très chière et très amée fille , etc.

Escript en nostre ville de Fribourg, le xxvme jour de novembre, l'an xvc dix.

P. S. Nous désirons aussi que veuillez ordonner à nostre faulconnier Aert qu'il se tire incontinent devers nous à tous ses oyseaulx.

Per Regem. — Plus bas, Renner.

Il lui mande qu'elle doit attendre la venue des conseillers qu'il lui envoie , avant de confirmer en son nom les traités conclus récemment avec le feu roi d'Angleterre. Mauvaises dispositions du roi d'Aragon qui paraît vouloir chasser l'Empereur de l'Italie et placer son fils naturel sur le trône de Naples. Nécessité de brouiller l'Angleterre avec ce prince. A cet effet faire un cadeau à l'ambassadeur anglais. — [Original.)

(Fribourg, le 28 novembre. )

Très chière et très amée fille, combien que vous ayons escript que pour ce que nostre frère, le roy d'Angleterre , nous a encoires fait requerre par son ambassai. 23

354 LETTRES DE MAXIMILÏEN

deur qui a esté icy devers nous , lequel s'en retourne par delà, que voulsissions confirmer les traictiez et aliances que, comme mainbour de noz très chiers et très amezenffans, feismes dernièrement avec le feu roy Henry, son père, que Dieu absoille , nous désirions et voulions que, en nostre nom, vous y feissiez comme trouverez estre affaire pour le bien , honneur et prouffît de nous noz très chiers et très amez enffans. Toutesvoyes, pour pluiseurs raisons que brief vous ferons déclairer par noz conseil liers que envoyerons devers vous, nous voulons que ne besoingnez riens sur ceste matière, ains que donnez pour responce audit ambassadeur que attendez la venue d'aucuns noz conseilliers que vous devons brief envoyer, lesquelz doivent avoir de ce et autres affaires toute entière charge de nous , et que pour ce que leur demeure luy pourroit estre trop longue, vous luy direz qu'il se retire vers sondit maistre; car à leurdite venue, vous besoingnerez surcedit affaire et que vous envoyerez après devers nostredit frère, aucuns noz conseilliers qui de ce auront charge , ou que vous luy ferez sçavoir la conclusion que aurez prinse sur ledit affaire. Toutèsfois, s'il vous semble que en ce que dit est vous sçaurez faire quelque chose à nostre honneur et prouffit , nous vous en donnons le choiz. Nous vous signifiions en secret que le roy d' Arragon a subitement mandé le duc du Terme qui estoit à Véronne a tout in ou imc lances, ou nombre de vnc combatans, sans nous en advertir, et, comme l'on dit, pour les faire joindre avec les gens du pape , contre nous et le roy de France , et que aussy nous sommes pour vray advertys que ledit roy d' Arragon a desjà fait alianceaveclepapeet les Vénissiens, et contre nous et ledit roy de France pour nous dégecter tous deux

ET DE MARGUERITE SA FILLE. — 1510. 355 hors des Ytales et pour faire son fîlz bastard roy de Naples , qui seroit à nous et à nosdits enffans grant déshonneur.

Et à ces causes, nous vouldrions voulentiers desjoindre dudit roy d'Arragon ledit roy d'Angleterre, et avons pour ce disputé avec ledit ambassadeur d'Angleterre et luy avons déclairé l'affaire dudit roy d'Arragon, lequel ambassadeur nous trouvons à ce bien entendu et vous signifierons par nosdits conseilliers les moyens comment nous espérons desjoindre ledit roy d'Angleterre dudit roy d'Arragon, et comme le tout par eulx entendrez plus au long.

Et pour ce que désirons que, ou partement de vous dudit ambassadeur, luy soit donné quelque gracieuseté et souvenance, nous vous requérons très acertes que ou nom de nous, vous luy faictes baillier par ceulx de noz finances de par delà, cinquante marcs d'argent et que luy faictes le plus gracieux congié que pourrez et vous nous ferez chose agréable. Très chière et très

Escript en nostre ville de Fribourg, le xxviii6 jour de novembre, l'an xvc dix. Vostre bon père Maximilien. — Plus bas, Renner.

Il s'informe si elle a écrit au roi d'Angleterre, 1°. pour lui demander deux mille archers; 2°. pour solliciter le pardon du jeune duc de Suffolck; 3°. pour obtenir, en faveur du duc de Wirtemberg, deux dogues femelles et un mâle. — ( Original. )

(Fribourg, le 22 décembre.)

Très chière et très amée fille , nous vous avons nagaires escript par nostre garde-robe, Guillaume Pinjon,

envoyer ung de noz secrétaires devers nostre frère et cousin , le roy d'Engleterre, pour le requérir de nostre part de trois choses, assavoir : de nous vouloir baillier a noz despens, contre le temps que luy signiffierions, nm archiers à piet de son royaume , pour nous servir en nostre voyaige de Romme; en oultre et à nostre honneur et contemplacion , vouloir donner grâce et pardon au jeusne duc de SufFolc qui est par deçà , et lui consentir retourner en sondit royaume ; tiercement, qu'il voulsist aussi, à nostre faveur, donner à nostre beau nepveur, le duc de Wertenberch, deux beaux doghes femelles et ung masle , ainsi que nosdiles letres le contenoient plus à plain. Nous désirons savoir si vous avez , selon nostredit vouloir et intencion , envoyé devers nostredit frère, le roy d'Engleterre, et la responce qu'il aura sur ce fait, dont voulons que à dilligence nous advertissez. A tant, très chière et très amée fille, nostre Seigneur vous ait en sa saincte garde.

Donné en nostre ville de Fribourg, le xxne jour de décembre, anno xvc dix. Per Regem. — Plus bas, Hannart.

L'Empereur veut que Sébastien de Haro soit inscrit sur l'état de la maison de l'archiduc Charles. — ( Original. )

(Fribourg, le 22 décembre.)

Très chière et très amée fille, pour considéracion de ce que Sébastien de Haro a esté serviteur domesticque de feu nostre très chier et très amé filz , le roy de Castille, que Dieu absoiîle, jusques à son trespaz, sommes

ET DE MARGUERITE SA FILLE. — 1510. 357 de plus enclin et d'intencion de le faire mettre et coudrier présentement en Testât de nostre très chier et très amé filz, l'archiduc Charles, lequel brief vous envoyerons par aucuns noz conseilliez et serviteurs. A ceste cause ledit Haro s'en va de nostre sceu par delà attendre que y envoyons ledit estât pour en aprez servir nostredit filz, l'archiduc, selon que verrez qu'il sera couchié eu icelui estât , ce que vous signifiions.

Donné en nostre ville de Fribourg, le xxne jour de décembre xvc dix. Per Regem. — Plus bas, Hannart.