MARGUERITE A MAXIMILIEN
Rupture des négociations avec Charles de Gueldre. Nécessité de
veiller à la sûreté des frontières , et d'assembler les Etats afin de
leur faire connaître la situation des choses. Proposition d'une
entrevue a Diest avec l'évèque d'Utrecht et celui de Munster,
l'électeur de Cologne, les ducs de Clèves et de Juliers. « —
{Minute. )
( Malines, le 23 décembre. }
ment à vostre bonne grâce me recommande.
Monseigneur, les depputez de messire Charles de Ghelclres ont longuement esté devers moy, et ont tousjours contendu et persisté d'avoir aucuns articles du traicté conceu muez et changez à leur voulenté et principalement deux, assavoir cellui de la délivrance de madame ma niepce et cellui de la renonciacion de toutes aliances, à l'opposite desquelz ilz demandent madite dame et niepce estre dès maintenant délivrée audit messire Charles,* et quant à la renonciacion desdites alliances ledit messire Charles n'entend pas elle faire
jusques après la consumacion dudit mariage, combien qu'il eust ça devant esté ad visé et conclut avec eulx autrement, ainsi que vous ay escript; et si veulent absolutement avoir la somme de vinm philippus par an de récompense pour Bommel et Bommelwart, qui ne vault point xmic florins de rente annuelle. Lesquelles choses ont ressemblé à moy et à ceulx de vostre privé conseil toutes desraisonnables , et non se devoir faire, considéré que vostre intencion n'estoit telle , laquelle pour rien je n'ay voulu excéder. Au moyen de quoy, monsieur, ilz se sont départiz et est demourée la chose enterrompue. Par quoy est de besoing maintenant regarder ce que Ton a à affaire et pourveoir aux frontières, assavoir tant en Hollande que en Brabant, affin que ledit messire Charles n'y surprende quelque ville ou endommage lesdits pays et subjectz.
Et au regard de moy, Monseigneur, vous sçavez que je suis femme et que ce n'est point bien mon cas de moy mesler de la guerre, veu qu'il y a petite assistence des subgectz de par deçà /ainsi que en semblable cas, j'ay bien expérimenté.
Sy vous supplye, Monseigneur, avoir sur le tout bon advis, et y tellement pourveoir que les pays de ce jeusne prince ne soyent pigiez et adommaigez durant sa minorité ; car ce vous seroit honte et à moy regret merveilleux.
En oultre, Monseigneur, vostredit conseil et moy sûmes résoluz, si vostre plésir est tel, de faire assembler tous les Estatz en général pour leur déclarer les devoirs en quoy l'on c'est mis pour appaisier cest affaire de Gheldres, affin de leur demander conseil et ayde pour garder les pays et subgectz de mondit seigneur et nep-
ET DE MARGUERITE SA FILLE. ■— 1510. 359 veur; sur quoy est aussi de besoing savoir à diligence vostre bon plésir.
D'autre part, Monseigneur, congnoissant, ja aucuns jours a, que cest affaire de Gheldres ne prendroit bonne yssue pour les practicques que se demenoient sur ce par ledit messire Charles devers le roy de France , lequel lui a fait déclairer que aviez par voz ambassadeurs poursuy devers lui qu'il l'habandonnast, ay eu quelque converçacion avec les depputez de monsieur d'Utrecht et de monsieur de Clèves, qui ont esté d'advis de faire une assemblée en la ville de Dyest , et y convocquer et semondre lesdits sieurs d'Utrecht, de Clèves , avec les sieurs de Julliers , de Coloigne et de Munstre pour une ligue et confédération contre ledit messire Charles, auquel lieu j'ay désjà cejourduy envoyé voz depputez, affin que si les autres si treuvent , conclure et faire quelque bonne chose contre ledit messire Charles pour nostre deffense, puisque ne povons avoir paix à luy. Et me semble, Monseigneur, ferez bien d'escripre à diligence bonnes et expresses lettres ausdits cinq personnaiges à ce qu'ilz soyent plus enclins d'entendre à ladite matière.
Mon très redoubté seigneur et père , je prye à tant nostre Seigneur vous donner bonne vye et longue.
Escript à Malines, ce xxme de décembre, anno xvc et dix.
