CCXI.VI

Madrid, 15 août 1563.

Madame ma bonne sœur, j'ay veu ce que m'avez escript sur le particulier de l'évesque de Bois-Ie-Duc Zonnius, dont je n'ay eu pour à ceste heure le temps pour me résouldre, mais j'espère le faire incontinent arrivant à Moncon.

Et quant à la conchiergeric de la maisonnette où feu Sa Majesté Impérialle se souloit retirer en mon parcq à Bruxelles, vacquanle par le trespas de Cornille le Paige, par où plusieurs vous ont fait instance pour avoir ladicte conchiergerie, à laquelle vous n'avez touché, mais seulement commis ung vieil serviteur de Sadicle Majesté, nommé Jehan Paradis, par provision, me renvoiant les requestes des demandeurs, je voiray avec le temps ce que j'en pourray ordonner ; et cependant pourra demourcr celluy que, comme dessus, vous y avez commis, par provision.

A tant, madame ma bonne sœur, nostre seigneur Dieu vous ait en sa saincte guarde.

De Madrid, le xve jour d'aoust 1563.

Vos Ire bon frère, Phli.

j. courtewille.