CCCXXVIII

LA DUCHESSE DE PARME A PHILIPPE H

Bruxelles, 8 octobre 1564.

Monseigneur, je respondray par ceslcs à ce qu'il a pieu à Vosire Majesté m'escripre du xxxe de juillet en matière de consulte.

Et premiers, quant aux abbayes de Sainct-Bcrnard et de Sainct-Michiel en Anvers, j'ay faict dépescher à ceulx que Vostrc Majesté y a dénommé leurs lettres de nomination ; et quant à celle de Sainct-Michiel, j'ay faict procéder, selon l'ordonnance de Vostre Majesté, par les prélatz de Parck et Everbode, à la réformation, avant que d'avoir mis en possession le nouveau abbé : à quoy j'entens a été satisfaict quant à ladicte réformation de la vye et conduicle des religieulx, aprèz laquelle ledicl nouveau dénommé a esté mis en possession et béneist (1) le xxvme du passé, bien que encoires n'est de retour le conseillier Maes, lequel j'avois commis et depputé pour, ensemble lesdicts prélatz, entrevenir à ladicte prinse de possession, et oui Ire ce aussi de, avec son intervention, advis et conseil, eulx informer sur les désordres qu'il y pourroit avoir quant à l'administration du temporel de ladicte maison. J'ay aussi eu le regard, selon qu'il a pieu à Vostre Majesté m'escripre, pour la continuation de la pension de mil libvres que cy-devant il luy a pieu accorder aux filz du Srde Gaesbecke, secrétaires Vander Aa et Berly respectivemenl, et sur ce déclairé au nouveau prélat l'intention de Vostre Majesté, lequel se y est démonstréassez voluntaire; et pour l'accomplissement d'icelle je y donneray encoires la faveur requise.

Quant est de l'abbaye de Tongerloo, en l'endroit de laquelle, avant que se y résouldre Vostre Majesté, elle désire bien sçavoir de moy lequel, des deux premiers nommez, assavoir frère Cornille Geldens, de Poppel, pasteur du

(1) Béneixl, bénit.

Petit-Zundert, et frère Jacques Diessen, chamberlin, ayans le plus de voix, me semble le plus ydoine el qualiffié, sur quoy, Monseigneur, ne sçaurois dire aullre à Voslre Majesté, sinon que par les informations qui en sont esté prinses et envoyées, icelle aura peu entendre que ledict Geldens, premier nommé, a eu nue voix plus que l'aultre et par les commissaires esté préféré, oultre ce que j'entens qu'il est bien aggréablc à ceulx du monastère, à tous les prélatz de Brabant, et avec ce est recommandé de bon lieu et de personnaigcs principaulx, estant néantmoins laultre aussi tenu et estimé pour fort bon religieulx et bien qualiflié. Par quoy je remectz au bon plaisir de Voslre Majesté de faire le choix des deux selon son bon plaisir.

Au Sr de la Thieuloye ay fait délivrer sa commission de gouverneur de Béthune, confiant qu'il se y acquictera au contentement d'icelle, avec la mesme dévotion quil lia tousjours faict es précédentes. Et suis après pour, avec l'advis du marquis de Berghcs, pourveoir à Testât de prévost-le-conte à Valenciennes d'ung aultre qualiflié; et y continue ledict de la Thieuloye sa résidence tant qu'il y sera pourveu (1).

Aussi ay adverty le conte de Meghen de l'agréation de Vostre Majesté en l'endroict de la vénerie du pays de Geldres, en désirant estre pourveu, fût advenant le trespas du conte de Hornes, ou que autrement il puist tant faire qu'il la luy voulsist résigner. Et je remercie aussi Vostre Majesté très-humblement que, à ma rescription, il luy a pieu se y condescendre, comme aussi fays de ce qu'il a pieu à Voslre Majesté escripre à l'évesque de Jaen pour le payement de la pension de l'évesque de Namur, auquel n'ay aussi failly de dire ce que Voslredicte Majesté m'encharge par ses lettres.

J'ay, Monseigneur, aussi faict entendre au capitaine Blondel la bénigne responce qu'il a pieu à Voslre Majesté me donner sur ma recommandation, lequel en remereye aussi Voslre Majesté liès-humblement, me priant faire entendre à icelle que le bien que elle luy fera sera pour l'employer en son service, auquel il ne sera pas moins prest el affectionné que tousjours il a esté du passé. Je joindray aussi avec cesles la requeste que m'a présenté Jehan Paradis,

(1) Eq enroyant, le 5 septembre, à la Thieuloye sa commission, la gouvernante l'avait prévenu qu'il ne pourrait quitter Valenciennes tant qu'il n'y serait pas remplacé comme prévôt-le-comte.

X Octobre.

8 Odubre.

lequel, venant cy-devant à vacquer la concergerie de la petite maison de Vostre Majesté au parc de ceslc ville par le trespas du feu Cornille, j'avois commis pour tenir Iadicte concergerie par provision et tant qu'il plairoit à Voslre Majesté (1), laquelle néantmoins en avoitpourveu depuis Fions (2), ayde de sa chambre, naguaires décédé. Et comme par son trespas ladicle concergerie est derechief vacante, et prenant regard tant aux bons et léaulx services que ledict Paradis a faict à feue Sa Majesté Impériale, en office de ayde de la tapisserie, l'espace de trente-quatre ans, comme aussi que le trouve fort dilligent et ydoine pour entretenir ladicle maisonnette et les jardins y apperlenans en bon ordre, je l'ay bien voulu derechief collocquer en icelle, aussi par provision, et supplie Vostre Majesté très-humblement vouloir, pour mon respect, estre contente qu'elle luy puist demeurer, pour si peu de temps qu'il luy reste de vivre, estant jà eagé de lxxiih ans : en quoy à la vérité Vostre Majesté fera une œuvre bien méritoire envers Dieu, et ne fays double que icelle s'en trouvera bien servie. Je le tiendray aussi à grâce singulière. Et me recommandant très-humblement à la bonne grâce de Voslre Majesté, je supplie le Créateur donner à icelle en toute prospérité vye bonne et longue. De Bruxelles, ce vme d'oclobre 1564.