DÉLIVRÉ A RUBENS PAR CHARLES

Carolus Dei gratiâ Magnae Britanniae, Francise et Hiberniae Rex, fidei Dëfensor, etc., universis et singulis, Regibus, Principibus, Ducibus, Marchionibus, Comitibus, Baronibus, Proceribus, Dominis ac Nobilibus quibuscumque ad quos praesentes litterae pervenerint, Salutem.

Quum nihil habeat nec natiira nostra melius, quam ut velimus, nec fortuna nostra majus, quam ut possimus virtutem condignis praemiis

.ï5 décewbrc î63o. afficcre, ct co dignitatîs nos sciamus à divinâ bonitate evectos, ut habeant boni quem suspiciant meritorum humanorum remuneratorem publicum et a summo proximum, Nos ex bonorum numéro selegimus Petrum Paulum Rubenium ex urbe Antwerpia oriundum, Serenissimi Régis Hispaniarum Philippi Secrètarium et ejusdem Senatûs Privati in Flandriâ Conciliarium, Serenissimae Infantae Isabellae Clarae Eugeniae ex I^amulitio Aulico Nobilem et virum, tum, magno ergà nos et subditos nostros affectu et meritis, nobis apprimè charum, tum vero maxime, insigni ergà Regem Dominum suum fide et morum sapientiâ scientiaeque rerum, quibus ingenii et generis sui nobilitatem illustravit, Regiae nostrae curiae commendabilem, quin etiam memores sumus quanta integritate et industriâ sese publicae tranquillitatis necnon pacis inter Nos et Regem suum novissimè sancitae studiosum apud Nos praestitit, quamobrem Nos, in affectus Nostri et virtutis suae monumentum, suprà dicto Petro Paulo Rubenio ad avitam nobilitatem insuper Equitis aurati gradum contulimus, eâque illum dignitate lubentes merentem insignivimus, tum gladium quo Equitem creavimus ipsi dono dedimus, atque, ut gratiae nostrae etiam ad posteros ejus luculentum aliquod argumentum derivetur, maturo consilio, certâ scientiâ et de plenitudine Regiae nostrae potestatis, ejusdem Pétri Pauli Rubénii clypeo armorum gentilitiorum additamentum ex insignibus nostris regiis decerptum, videlicet Leonem aureum in cantone rubro, sicut in margine praesentium clarius depictum cernitur^ adjunximus. Volentes et confirmantes quod praefatus Petrus Paulus Rubenius et haeredes ejus masculi de corpore suo légitimé procreati additamentum praedictum in clypeis et insignibus suis gestare atque uti possint in perpetuum, eademque haec omnia et singula Serenissimos Regem Hispaniarum et Archiducissam Austriae praefatos grata habituros minime dubitamus. In quorum testimonium has litteras nostras fieri fecimus patentes. Dat. apud Palatium nostrum Westmonasteriense decimâ quintâ die Decembris, anno regni nostri sexto, verum à Virginis partu salutifero supra millesimum sexcentesimum tricesimo.

Carolus R.

Publié par A. van Hasselt. Histoire de P. P, Rubens, 1840, p. 146, et par Smit & VAN Grimbergen. I^istorische Levettsbesckrijvifig van P. P. Rubens, 1840, p. 448.

. TRADUCTION. i5 décembre ï636.