CORRESPONDANTE

pour VOUS en parler avant que de retorner, vous remémorez ce (jue c'est : Les Estalz du pais de Bourgongne envolèrent au feu Roy Henry les seigneurs de RulTey, Esguilly et autres gentilzommes avec le conseiller Bégat, qui remonstrèrent en traictant ladite neutralité que esgualité n'estoit poinct gardée entre les deux païs, parce que soubz umbre dedicte neutralité ceux du Conté sont Iraictez au duché en toutes choses comme voznaturelzsubjectz, sans mettre dilïérence ny pour les bénéfices ny pour autre chose quelconque; et toutesfoys audict conté on ne tient pas la pareille, d'autant que, quant ceux du duché y sont pourveuz de bénéfices, il ne leur est permis d'en prendre possession, sans avoir lettre du prince; et davantage les gentilzhommes de ce pais qui y ont des biens, outre les debvoirs ordinaires de fiefz, y sont imposez à de grandz subsides, que l'on dit eslre pour la garde de leurs maisons. Et requéroient lesdictz députés que, puisque le contract de ladicte neutralité estoit réciprocjue, que esgualité fut partout gardée. Sur quoy les ambassadeurs des Suisses, qui estoient médiateurs dudict contract en ladicte assemblée, promirent de moiennerque toutes choses fussent tenues en esgualité; et protestarent les deux païs d'une part et d'autre, en delTaut de ce, que chacun feroit à son voisin pareil traictement dont on useroit envers luy. Et sont demeurées les alTaires en cest estât, depuis s'estans contantez vos ambassadeurs, au renouvellement des traictez de ladicte neutralité, de renfreschir lesdictes protestations sans qu'il y ait autre exécution. Sur quoy, s'ilz vous en parlent, il vous plaira adviser.

DE GASPARD DE SAULX-TAVAXES i75

Ceux de ce pais entendent jouir par delà de pareille liberté comme eulx entendent de jouir par deçà. Je advertiray Vostredicte Majesté incontinant, sy le sieur de Vergy me faict responce à vostre susdicte ratiffi cation, que je leuray envoie (i). Sire, etc.

De Dijon, ce xx» octobre 15C3.

Bibl. iNal. — Fonds français. — Ms. IG35, f. 13. — Minuto.