AU CONNETABLE

Dijon, 1*' février lo61.

]\Ionseigneur, j'ay receu les compaignies de gendarmes en ce pays, suyvant les commissions qu'il vous a pieu leur despecher ; mais pour aultant que en vosdictes commissions n'y a nommé qu'une ville en chascun bailliage pour compaignie ; lesquelles m'ont remonstré que ce leur seroyt trop grand foulle, et demandé eslargissement par les aultres petites villes de leurs bailliages, aux lieux accoustumés à avoir garnison, ce que je leur ay accordé, attendant la volunté du Roy et la vostre. Il vous plaira m'en mander vostre oppinion, afm de me régler selon icelle. Au demeurant. Monseigneur, j'escrips au Roy et à la Royne mère pour les affaires de ce pays et pour les myenes. Je vous supplie bien humblement m'y voulloir estre aydant. Je mectray ceste obligacion avec tant d'aultres, dont je vous suis et seray à jamais obligé.

Monseigneur, je prie, etc.

De Dijon, ce premier febvrier 15(50 (15G1). Bibl. Nat. — Fonds français. — Ms. 4634, f. 20. — Minute.