CXXXV DÉPESCHE

— du xxim« jour de septembre 1570. —

( Envoyée exprès jusques à Calais par la voie du S' Àcerba. )

Interruption des arméniens. — Mouvement dans le pays de Lancastre. — Négociation de Févéque de Rose. — Conférence de l'ambassadeur avec le^ cardinal de Ghatillon. — Sollicitations faites auprès de lui par le vidame de Chartres.

Au Roy.

Sire, l'aprest des vingt navyres, qne ceulx cy debvoient jettér dehors, après les dix qui sont desjà sortys, se va peu à peu discontinuant, et les a l'on ramenez de T embouchure de la rivière de Rochestre, où desjà ilz estoient, jusques à leur arcenal accoustumé de Gelingan , ce qui monstre qu'à peyne s'en servyra l'on de ceste année ; les aultres dix se tiennent toutjour sur la coste près de Douvres, attandant le passaige de la Royne d'Espaigne, à laquelle le temps ne sert aulcunement, et ceulx, qui s'y entendent, disent qu'à peyne luy servira il encores de trois sepmaines ; et est venu quelque adviz en ceste court que le Roy d'Espaigne, son. mary, luy a mandé que, si l'on voyt que la navigation ne soit bien fort propre et fort seure , qu'elle attande de se mettre sur mer jusques au prochain printemptz, et que possible, entre cy et là, il aura faict dessein de la venir trouver pour visiter ses Pays Bas : ce que possible a donné occasion à la Royne d'Angleterre de fère cesser son armement. Laquelle aussi, comme j'entendz, est tumbée en une grande souspeçoh d'une nouvelle ellévation qu'on luy a dict qui se prépare au pays de Lenclastre, où semble qu'elle ayt desjà envoyé gens pour recognoistre

— su —

c[ue c'est, et des secrettes commissioas pour y remédier et apréhender quelques uns.

Cependant il nous est venu des lettres de la Royne d'Escoce , par lesquelles elle mande que les seigneurs d'Escoce, qui sont de son party, luy ont envoyé la déclaration de leur voUonté : laquelle est de fère toutjonr ce qu'elle leur commandera, dont M"^ l'évesque de Roz est allé devers ceste Royne pour haster sur cella la conclusion du tretté; et j'espère, puysque le secrétaire Cecille est à présent bien guéry , que luy et maistre Mildmay et le dict sieur évésque s'achemineront tout incontinent devers la dicte Royne d'Escoce pour y mettre une b(mne fin.

Au surplus , Sire, M*^ le cardinal de Chatillon est venu, despuys quatre jours , prendre son dîner en mon logis , et m'a dict que , comme vostre très humble subject , il se sentoit tenu, et obligé à vostre service , de ceste visite qu'il faisoit à vostre ambassadeur ; et que ce qui l'avoit engardé de la fère, durant les troubles, estoitque vous monstriez lors , Sire , de ne prandre à gré , ains d'avoir quasi en horreur tout ce qui procédoit de ceuh de sa religion ; mais à ceste heure qu'il playsoît à Dieu les fère jouyr du bien de vostre grâce, et de celle de la Royne, et de Messeigneurs voz frères, et qu'il vous playsoit les tenir an nombre de voz loyaulx et fidelles subjectz , tout son plus grand soin estoit de vous obéyr et complayre, et prier Dieu pour Voi Maj estez et pour Mes dicts Seigneurs voz frères , et fère en sorte que Dieu et le monde cognoisseat que la contraincte demeure, qu'il a faicte icy, ne l'a randu moins bon françoys ny moins dévot et fidelle serviteur de vostre grandeur qu'il a esté par cy devant; et qu'il n'a rien oublyé de l'obligation naturelle, ny encores de celle expécialle,

qu'il a à Yoz Majestez et aulx feuz Roys voz prédécesseurs ; que 9 puys peu de jours, Messieurs les Princes de Navarre et de Condé, et M' l'Adrayral, son frère, ont envoyé ung gentilhomme devers ceste Royne , par lequel ilz luy ont escript à luy de s'en afler à la Rochelle , et qu'ilz s'y rendront le plustost qu'ils pourront , affin de pourvoir à l'accomplissement des choses qu'ilz vous ont promises, lesquelles ne se peuvent bien effectuer sans luy et sans aulcuns principaulx d'entre eulx ; lesquelz fault que conviennent ensemble pour admonester les aultres , ainsy qu'il a desjà fort expressément admonesté toutz les ministres, qui estoient icy , premier qu'ilz s'en soyent retournez, de n'excéder en rien qui soit , ny pour quelconque occasion que puisse estre , voz permissions , ny transgresser aulcunement vozdeffances ; et qu'il est besoing aussi que ce soyent eulx qui, pour donner exemple aulx aultres de contribuer à ce qu'ilz vous ont promiz de payer, se cothisent les premiers bien largement : dont dellibéroit , dans six jours , aller prendre congé de ceste Royne pour s'acheminer puys après à Ampthonne , affin d'y attandre la commodité de son pas- »aige , me priant bien fort de fère entendre ceste sienne dellibération à Vostre Majesté avec plusieurs aultres bons propos, qui seroient trop longs à mettre icy.

Je hiy ay respondu , Sire , le mieulx que j'ay peu, sellon que j'ay estimé estre de vostre intention , . conforme à la notice que j'en pouvois avoir par vostre éedict, car de plus expécialle je n'en avois poinct; mais je luy ay principallement incisté de vouloir dresser son premier retour en France devers Vostre Majesté , affin de monstrer qu'il a plus de confiance en vostre bonté et paroUe que aulx rempartz des places, qu'on a demandées pour seureté.

A quoy il m'a répliqué que ce a voit bien esté son premier désir, mais, puysqu'on luy mandoit de se randre ainsy bientost à la Rochelle , affin de doimer forme aulx choses qu'il falloit ordonner, à ce commancement, pour satîsfère à Yostre Majesté, et qu'avec très grande incommodité il pourroit fère ce grand tour par terre , qu'il estoit contrainct d'y aller par mer ; mais qu' aussitost qu' on auroit pourveu à vostre satisfaction , qu'il vous yroit très humblement bayser les mains, et à la Royne, et à Messeigneurs yoz frères, sellon qu'il espéroit que Yoz Maj estez le luy permettrotent, me priant cependant de le vous fère ainsy trouver bon , et que ne veuillez jamais penser de luy que comme d'ung yostre très humble et très obéyssant serviteur.

Le deuxiesme jour après, à l'exemple de luy , M' le vydame de Chartres , estant prest à partyr, m'est aussi venu visiter avec plusieurs bonnes paroUes de l'affection et dévotion, qu'il dict avoir à vostre service, et m'a requis de deux choses : c'est de vous vouloir tesmoigner, par mes premières, que ses déportemenz par deçà u'ont esté en rien contre vostre dict service ; et l'aultre, de luy baiUer ung mien passeport pour se conduyre, luy, sa femme et son trein , jusques à la Fretté , pour , incontinent après , vous aUer très humblement bayser les mains. Je luy ay agréé, en la meiUeur façon que j'ay peu, sa bonne intention vers Vostre Majesté , mais j'ay faict plusieurs difficoltez sur Tune et l'aultre de ses demandes ; et qu'encor que je ne voolois pas nyer que je ne l'eusse faict observer , je ne pouvoistoutesfoys vousjustiffier en aoltre sorte ses actions, parce que toutes ne me pouvoient estre bien cogneues , que de vous dire , Sire ^ que je ne sçavois pas qa'il-en heust faict icy de plus mauvaises contre vostre service que d'y estre

venu; et , quant au passeport , que ce seroit préjudicier à la liberté de la paix de luy eu bailler. Â quoy il m'a répliqué que , pour le regard du premier , il se contentoit bien de ce mien tesmoignage, mais du second, il m'en a tant pressé que j'ai esté contrainct de lui bailler mon dict passeport. Et voylà , Sire , tout ce qui a passé entre les dicts sieurs cardinal et vydame , et moy , dont semble bien que les Anglois n'ont prins grand playsir à ces deux visites; car par icelles ils sont contrainctz de fère quelque meilleur jugement de la réunyon de Tostre royaulme qu'ilz ne la pensaient; mais je ne suis point allé randre la pareille à l'ung ny à l'aultre en leur logis , parce que je n'en avois nul ordre de Vostre Majesté. Sur ce, etc.

Ce xxTV« jour de septembre 4570.

CXXXVr DÉPESCHE

— du pénultième jour de septembre 1570. — (Envoyée exprès jtisques à Calais par Olivyer Campernon. )

Négociation avec le» Pays-Bas. — Retard apporté au voyage de la reine d'Espagne. — Résolution d'Elisabeth de procéder à la conclusion du traité avec Marie Stuart. —Mission de M' de Yérac en Ecosse.

Au RoY.

Sire , par le retour du S^ de Sabran je demeure assés esclarcy d'aulcunes choses de vostre intention, lesquelles j'espère que me les ferés plus parfaictement et plus particullièrement entendre , quant le S' de Vassal me viendra retrouver ; et vous diray cependant , Sire , que la Royne d'Angleterre, achevant son progrez de ceste année, arrive aujourduy à Vuyndesor , où elle dellibère fère du séjour,

et y attendre le retour des gentishommes, qu'elle a envoyé en France, en Flandres et en AUemaigne, pour, puis après, y assembler son conseil affin de prendre résolution sur les choses quilz raporteront. Les commissaires de Flandres, qui estoient allés visiter les merchandises arrestées ez portz de deçà, dizent qu'ilz y ont trouvé perte et diminution de plus de la moictié ; mais , touchant celles qui sont dans Londres, Ton. leur a faict acroyre que, si le duc d'Alve veut procéder à mig bon accord de leurs difiérans, sellon les honnestes offres que la Royne d'Angleterre luy a faictes, qu'on leur en révellera pour plus de cent mil escuz davantaige qu'on ne leur a encores monstrées, A quoy ilz respondent qu'on leur baille premièrement le vray estât d'icelles, affin d'en fère un certain raport au dict duc, et que, puys après, l'on pourra facillement parvenir aulx condicions de l'accord; et veulent, chacun de son costé, gaigner l'advantaige de ce point : dont le différant s'en entretient plus longuement, mais non sans une grande espérance que bientost il s'accommodera : car le duc d' Alve et les principaulx ministres du Roy d'Ëspaigne, qui sont en Flandres, monstrent n'avoir aulcun plus grand soin que de regaigner l'amytié de la Royne d'Angleterre et de s'esforcer de luy complayre ; ce que la dicte Dame , à ce qu'on m'a dict, attribue plus à la paix de vostre royaume que à leur bonne voUonté : et dellibère , de sa part , de suyvre et entretenir cella par les meilleures démonstrations qu'elle pourra, mais non sans qu'elle demeure toutjour en beaucoup de souspeçon et de deffiance, à cause de la retrette de ses subjectz fuytifz, et de la légation ^d'aulcuns Escossoys devers le dict duc en Flandres. Cependant les dix grandz nayôres de la dicte Dame demeurent toutjour en la coste de deçà pour

homiorer le passaige de la Royne d'Espaigne, non sans qu'elle se repente assés de les- avoir si tost faictz jetter dehors , parce que la despance y va grande, et ne se peult juger si le temps pourra encores servyr, de deux moys , à la dicte Royne d'Espaigne. Néantmoins il est venu nouveau mandement à Londres de tenir encores ung nombre de marinyers prestz , comme pour quatre navyres davantaige : je ne sçay encores à quel effect.

Nous avons tant pressé l'advancement des affères de la Royne d'Escoce que le secrétaire Cecille et maistre Mildmay ont esté du tout dépeschez , dez mardy dernier, pour aller devers la dicte Dame , et M"" de Roz avec eulx , où j'espère qu'il se prendra quelque bon ordre pour le resta* blissement d'elle à sa couronne ; mais, de tant que, sur les condicioDS, qu'on luy propose, plusieurs nous donnent divers conseilz , je ne m'advanceray d'y intervenir, au nom de Vostre Majesté, sans vous avoir faict quelque aultre dépesche plus ample et plus expresse là dessus. Bien me confirme Ton, de plus en plus. Sire, que ceste Rope, veult résolaement entendre à conclurre le tretté, et que cependant elle a mandé au comte de Sussex de casser toutes les compaignies extraordinaires, qu'il a voit levées en la frontière du Northn L'arrivée du S"" de Veyrac en Escoce met ceuk cy en quelque jalouzie, mais il ne seroit que bon qn'ilz l'eussent encores plus grande, car je crains bien fort cpi' ayant M*" Norrys escript icy que Yostre Majesté est résolue de n'envoyer nulles forces par dellà jusques au printemps, que ceUa leur face prolonger le tretté , soubz espérance qu'il puysse cependant survenir quelque chose à leur commodité et advantaige. Sur ce, etc.

Ce xxix'^ jour de septembre 4570.

CXXXVir DÉPËSGHE

— du V* jour d'octobre 1570. —

{Envoyée jtuques à Calais par ung qui s'en est allé avec le S' Frégouse.)

Retour de Walsingham en Angleterre , chargé de faire connaître k la reine la déclaration du roi touchant TÉcosse. — Prochain départ de la reine d'Espagne. — Suspension des affaires politiques à Londres pendant l'absence de Gécil envoyé vers Marie Stuart — NouveUes d' Allemagne.

Au Roy.

Sire, j'ayreceu, lexxix*du passé, les lettres qu'il a pieu à Vostre Majesté m'escripre, du xxij* auparayant, par le S"" de Yalsingan, qui me les a envoyées passant par Londres , et m'a mandé qu'au retour de randre compte à sa Mestresse de ce qu'il a faict en France , qu'il me viendra voir. Il me semble, Sire, que rien n'a pu venir plus à propos, pour les présens afifôres de la Royne d'Escoce , que d'avoir Vostre Majesté ainsy fermement et vertueusement parlé, conune avez faict, à l'ambassadeur M' Norrys et à luy; et dont je ne fauldray de représanter à leur dicte Mestresse voz mesmes propos, telz qu'ilz sont contenuz en voslre lettre , la première foys que je l'yray trouver , ayant estimé qu'il estoit bon, pour aulcuns respectz, de les luy réserver jusques à la venue d'une anltre vostre dépesche , pour luy laysser cependant digérer ce faict sur le récit , que le dict de Yalsingan luy fera, des propres paroles et démonstrations qu'il a ouyes et veues de Vostre Majesté , et aussi pour n'interrompre rien en la commission qu'elle a donnée au seo-étaire Gecille et à Maistre Mildmay vers la Royne d'Ëscoce ; ausquelz j'ay opinion qu'elle envoyera en dilligence notiffier la déclaration qu'avez faict à ses

dicts ambassadeurs , affin qu'ilz ne s'en retournent sans résouldre quelque chose avec elle; ayant plusieurs adviz, de divers lieux , assés certains qu'il tarde infiuyement à la dicte Royne d'Angleterre qu'elle puysse, en quelque seure façon qui ayt aparance d'honneur et d'advantaige, se démesler du faict de la dicte Dame , non sans se repentyr de s'en estre si avant entremise. Et est sans doubte que, si l'afifère pouvoit turober en la main de quelque aultre , qui le manyàt avec plus de modération que ne faict le secrétaire Cecille, ou que luy mesmes, après avoir veu la Rope d'Escoce , se volust modérer , et ne fère plus, sur des petitz momentz, naistre de si grandes difficultez et longueurs , qu'il a faict jusques icy , que toutz les différans d'entre ces deux Princesses et leurs deux royaulmes se pourroient facillement et bientost accommoder, dont de ma part, Sire , je ne fauldray d'yincister à toute heure ; mais la vifve parolle et la démonstration que Yostre Majesté fera d'un prochain secours, attandant qu'il s'ensuyve à bon esciant, s'il est nécessaire, y servyront infiuyement.

La dicte Rope d'Angleterre a dépesché ung saufconduict pour les depputez d'Escoce , et a mandé au comte de Sussex de les bien recepvoir et honorer , et qu'il advertisse ceulx du party du régent d'envoyer promptement les leurs. Le susdict de Yalsingan a desjà parlé à quelques ungs de ses amys de la continuation de la paix de France comme en doubte, alléguant des occasions qui luy font juger qu'elle aura quelque establyssement, et d'aultres qui lui font croyre qu'elle ne pourra estre de durée; dont de ce qu'il en a dict, et du rapport qu'il en aura faict en ceste cour , je mettray peyne qu'il m'en viegne quelque adviz , affin de le vous mander par mes premières.