III. âi

Il aura encores rencontré M' le cardinal de Ghastilloo en ceste dicte court , car son congé luy avoit esté différé jusques à hyer.

L'on estime que la Royne d'Espaigne s'embarquera à ce commancement d'octobre , car, ayant le retour de la lune esté sur un temps propre et qui sert bien à sa navigation , l'on estime qu'il durera assés pour la conduyre jusques en Espaigne ; dont s'atand de sçavoir comment et en quelle bonne façon se seront déportez les navyres de la Royne d'Angleterre à la saluer, et la convoyer le lovg de la coste de ce royaume. Les commissaires de Flandres pourchassent leur congé , mais il semble qu'on le leur prolongera jusques au retour du secrétaire Gecille , car m son absence rien ne se dépesche ; et mesmes l'on a remiz, à cause de luy, 1! ouverture du terme de la ju^ce jusques au premier de novembre , par prétexte totitesfoyâ de la peste; laquelle va néantmoins diminuant, et chacun s'en retourne à la ville. Il se^mble que Henry Coban, qui est allé devers l'Empereur, aji; heu charge de ne presser gaières son retour : dont il a cependant renvoyéung des siens avec «me dépesche, de laquelle je n'ay encores bien aprins le contenu, si n'est qu'il semble mander que, ne pouvant l'Empereur fère guières réuscyr aulcune bonne résolution ez choses qu'il a proposées en la diette , qu'il deUibère bieotost la rompre; et j'entandz que le comte Pallatin a aussi «script qu'il a quelque opinion que le Pape se soit adva&cé de créer de luy mesmes , sans attandré la votlonté des eOecteurs, l'archiduc Charles roy des Romains, et que cella sera pour admener beaucoup de trouble en Allemaigne ; dont est bruict icy que desjà quelques princes ont esté vers

Hembourg, comme pour s'asseurer d'aulcunes levées de gens de guerre. Sur ce , etc.

Ce V* jour d'octobre 1570.

cxxxviir depësghë

— du X* jour d'octobre 1 670. — ( Envoyée exprès jusques à Calais par te S» TroiesJ)

État de la négociation en faveur de Marie Stuart. — Conduite faite à la reine d'Espagne parla flotte anglaise. — Crainte où Ton est en Angleterre que les hostilités commeacent au retour de la flotte espagnole. — Négociation avec les Pays-Bas. — Départ du cardinal de ChatUlon pour la Rochelle ; mauvais accueil reçu à Dieppe par le vidame de Chartres. — Prise nouvellement faite en mer, malgré la paix , par le capitaine Sores. — Affaires d'Allemagne.

Au Roy.

Sire, rendant le S"" de Yalsingan compte à la Royne , sa Mestresse , de la négociation qu'il a faicte en France , j'entendz qu'il luy a fakt ung très bon rapport des louables qualitez de Yostre Majesté , de ce que ung chacun vous tieut pour prince magnanime , constant , certain et bien fort Téritable , et uny par ung grand et naturel amour avec la Royne vostre mère , et avec Monseigneur vostre frère, desquels il a aussi fort dignement parlé ; et que , par la force de leur conseil et la fermeté de voz éedictz , la paix de vostre royaulme a d'estre perdurable , et voz aultres afières à recepvoir beaucoup d'establissemeut : dont la dicte Dame a de beaucoup davantaige estimé , et heu en plus grand prix , les bonnes par elles de paix et d'amytié , que Yostre Majesté luy a mandées. Et luy ayant le dict de Yalsingan, par mesmes moyen , touché le propos , que luy avez tenu, de la restitution de la Royne d'Escoce ,

vostre belle sœur, avec rexpression de Taffection qu'il a cogim que vous y aviez ; et ayant, de ma part, faict fère là dessus, le plus à propos que j'ay peu, ung office par le comte de Lestre , il est advenu que la dicte Dame a tout incontinent dépesché vers le secrétaire Cecille pour l'advertyr qu'il ayt à procéder en si bonne façon vers la Rùyne d'Escoce , qu il ne s'en retourne sans conclurre quelque chose avecques elle. Dont, à la première occasion qui me viendra d'aller parler à la dicte Dame, je luy confirmeray ceste sienne voUonté , et n'obmettray rien de ce qui pourra servyr à bien advancer et effectuer le propos, et à establyr pareillement l'amytié d'entre Voz Majestez.

L'on tient que la Rope d'Ëspaigne est passée , et que les navyres de la Royne l'ont saluée et accompaignée jusques en la coste de Biscaye , et que sire Charles Havart luy a baysé les mains avec ung présent d'ung beau dyamant, que la Royne sa Mestresse luy a envoyé, qui est l'uug de ceulx que le Roy d'Ëspaigne avoit donnez à la feu Royne Marie, sa sœur , ou à elle, qui sont estimez valoir, l'ung huictmil ducatz, et l'aultre cinq mil; et que la dicte Royne d'Ëspaigne , de son costé , a faict bailler quatre mil ducatz au dict Havart et aulx siens ; fiiais la vérité et certitude dececy se sçaura mieulx quant le dict Havart sera de retour, lequel est encores en mer. Tant y a que ces démonstrations , lesquels sont devenues toutes aultres qu'on ne les sembloit préparer du commancement , donnent à cognoistre qu'il n'y a en effect nulle malle vollonté entre les Espaignols et les Anglois , ains qu'ilz cerchent de s'accommoder ensemble en gaignant , aultant qu'il leur sera possible, chacun de son côté, quelque advantaige; dont usent d'artiffice à fère bien espérer ou à intimider l'ung

Taultre en ce qu'ilz peuvent ; et semblent néantmoins que les dicts Anglois ne demeurent meinteunant sans une grande souspeçon du retour de Tannée d*Espaigne, par ce mesmement qu'on leur a raporté que une partie d'icelle est demeurée toute appareillée , et bon nombre de gens pretz à s'y embarquer en Olande ; et qu'ilz sçavent que aulcuns fuytifz et aulcuns Escossoys sont toutjour près du duc d'Alve pour l'inciter à quelque entreprînse par deçà : et à ceste occasion , mècredy dernier, ceste Royne a faict de rechef appeller toutz les officiers de la maryne à Vuyndesor, mais je ne sçay encores ce qu'elle leur a ordonné ; et est la dicte Dame après a fère cercher deniers de toutz costez.

Les commissaires de Flandres s'attandent d'hoir demain leur congé , et semble qu'ilz ne s'en retournent guières plus contantz ny mieulx satisfaictz que quant ilz sont venuz ; car , oultre la perte et diminution qu'ilz ont trouvé ei merchandises, qui estoient encores en éstre , l'on leur a baOlé ung compte si désadvantaigeulx de celles qui ont esté vendues par auctorité de justice , tant au priz que aulx fraicz , qu'elles ne reviennent pas au cinquiesme de la juste valleur. Par ainsy l'accord se monstre encores assés difficile à fère , et cependant l'on ne sçayt si le temps, et la longue souspencion du traffic, pourra produyre quelque chose de nouveau entre eulx.

Monsieur le cardinal de Ghastillon print congé de ceste court lundy dernier, non sans recepvoir beaucoup de faveur de ceste Royne et plusieurs présens (de haqueuées et de chiens de sang) des seigneurs d'auprès d'elle ; et s'en est allé à Hamptonne attandre la commodité de son passaige à la Rochelle. Aulcuns demeurent escandalisez dès diffi-

euttés qu'oD a faictes à M'' le vydame de Chartres à Dîèpe, mais je rendz <juel([ae rayson là dessus, qui monstrent de les satisfère. Ung agent de Portugal, qui est en ceste ville, dict que le capitaine Sores s'est esforcé de piller de rechef la Madère , et qu'au retour de ceste entreprinse il a prins un des galions du Roy de Portugal venant des Indes, qui estoit demeuré derrière, lequel estoit bien fort riche ; de quoy ung chacun monstre icy estre fort offancé d'entendre ung tel acte après la paix , et crainct on que de la Rochelle ayt à sortyr beaucoi^ de désordre en la mer, s'il n'y est remédié.

J'entans qu'il est arrivé des lettres d'Allemaigne , qai semblent confirmer ce qu'on avoit auparavant escript de la création dh roy des Ron^iins par le Pape, jusques avoir envoyé une coppie du brevet y et que ung chacun pense que les princes ellecteurs procéderont à une contraire ellection de leur part; mesmes qu'il semble que l'Empereur face toute démonstration d'avoir ignoré et de n'aprouver aulcunement ceste procédure de Sa Saincteté ; et qu'il a esté descouvert qu'on avoit de rechef incidié à la vie du comte Pallatin. Sur ce, etc.

Ce X* jour d'octobre 1570.

CXXXIX' DÉPËSCHE

— du XTi* jour d'octobre 1570. — ( Bfwoyée exprès jusques à la cmtrt par Groignièt, mon secrétaire.)

Conditions proposées par Gécil à la reine d'Ecosse. — Soulèvement des catholiques dans le pays de Lancastre. — Ordre. donné an comte de Derby de se rendre à labour. — Retour à Londres de sir Charles Bavart , amiral

' de la flotte anglaise. — Mémoire. Opinions diverses sur la durée de la paix en France. — Conférence de l'ambassadeur avec Tambassadeur d'Espagn& — Ligue du roi d'Espagne avec le pape et les Vénitiens contre les Turcs. — Vives sollicitations pour que le roi consente à en faire partie. — Offres foites^par le ducd'Albe à Elisabeth. ^Négociations des Écossais avec le duc ^'Albe. — « Conditions proposées à Marie Stuart , si eUe veut obtenir l'appui de l'Espagne. — Détails sur la négociation de Gécil avec Marie Stuart. — Crainte que les Écossais n'acceptent toutes les conditions imposées par l'Angleterre.

Sire, ayant le S*^ de Vassal couru uoe si dangereuse fortune, en voulant repasser la mer, que le naufrage de luy, et de ceulx qui estoient en son mesme navyre, a esté tenu pour vériffié en ceste ville, il n'est pas à croyre combien je me suys resjouy^ quant, oultre T espérance des hommes , il a pieu à Dieu de le saulver et le fère retourner sauf à Cal~ lais, avec les lettres et dépesches de Vostre Majesté, où il est encores attandant le vent ; mais j'espère qu'il sera bientost icy, et qu'il me rendra instruict de l'intention de Vostre Majesté , laquelle je mettray peyne , Sire , eu ce qu'il sera besoiug de la notiffier à la Royne d'Angleterre , de la luy fère bien entendre , et de fère, par toutz les moyens , persuasions et instances, qu'il me sera possible , qu'elle y veuille conformer la sienne.

Le secrétaire Gecille et son adjoinct sont arrivez avec l'évesque de Roz, le premier de ce mois, devers la

Royne d'Escoce, à laquelle ilz ont présenté, avec grand respect et révérance , une lettre , que la Royne d'Angleterre luy a escripte , laquelle avoit le commancement fort rigoureux et plein d'une recordation de beaucoup d'offances qu'elle reprochoit à la dicte Dame ; mais que, pour en abolyr la mémoire^ elle luy dépeschoit ces deux siens confidans conseillers, pour préparer le chemyn d'ung bon tretté d'amytié entre elles deux ; et n'y a heu aultfe chose que cella pour le premier jour, sinon Thumayne et favorable réception, que la dicte Dame leur a faicte. Mais, le lendemain, estans entrez en conférance, elle leur a respondu, à chacun poinct de la dicte lettre y avec tant de fondement de rayson et avec tant de modestie qu'ilz ont monstre de demeurer très bien satisfaictz ; et ayant convenu la dicte Dame, pour son regard, et eulx, pour la Royne d'Angleterre, d'ensepv«ltr pour jamais les choses mal passées, et de procéder à ung renouvellement de vraye et parfaicte intelligence entre elles, sellon que le debvoir de leur proximité et du commun proffict de Tune et de l'aultre , et de leurs deux royaulmes, le requéroit; ilz luy ont leu les articles de l'instruction, qu'ilz portoient, lesquelz se sont trouvez, pour la pluspart, concerner l'expresse cession et résignation du tiltre de ce royauhne par la dicte Royne d'Escoce au proffict de la dicte Royne d* Angleterre , sans préjudice de la future succession d'iceWuy, au cas que la dicte Royne d'Angleterre n'ayt point de Ugnée : — Que, pour seurté de cella, le Prince d'Escoce doibve estre mené et norry en Angleterre , sans préfiger temps de le randre , sinon au cas que la Royne , sa mère , arrive à morir, ou qu'elle luy veuille résigner sa couronne d'Escoce; — Que gouverneurs luy seront baillez, te|z que la Royne d'Angle-

terré advisera , comme les comtes de Lenoz , de Mar ou aultres ; — Que trois comtes et trois lordz Escoçoys viendront estre ostaiges, F espace de trois ans, en ce royaulme, pour la seurté des choses qui seront promises ; — Que trois chasteaulx, sçavoir : Humes, Fascastel et encores ung aultre, en Gallovaye ou Quinter, demeureront, pour le dict temps, ez mains de la Rope d'Angleterre ; — Que , sans le consantement d'icelle ou de la pluspart de la noblesse d'Escoce, la dicte Royne d'Escoce ne se maryera ; — Que ligue sera faîcte entre elles et leurs deux royaumes ; — Que , au cas que nul prince estrangier, sans ocasion à luy raysonnablement «donnée, entrepreigne d'assaillyr ce royaulme, la dicte Royne d'Escoce sera tenue de le secourir d'hommes et de navyres, aulx despens toutesfoys de la Royne d'Angleterre; — Que le murtre du feu Roy d'Escoce et celluy du comte de Mora seront punys ; — Que le comte de Northomberland et aultres fuytifz d'Angleterre seront randuz ; — Et que , au cas que la dicte Royne d'Escoce meuve à jamais pleinte ny querelle du tiltre de ce royaulme, ny assiste à nul aultre, qui la veuille mouvoir en quelque façon que ce soit contre la dicte Dame, qu'elle demeurera privée de la future succession d'icelluy. Et avoient d' aultres articles, concernansla seurté dessubjectz d'Escoce, lesquelz ilz n'ont encores monstrez, mais ilz ont fortincisté d'avoir promptement la responce sur ceulx cy.

Je ne sçay si la Royne d'Escoce l'a encores faicte, seulement j'ay entendu qu'ung pacquet du dict secrétaire arriva, sabmedy au soir, à la Royne d'Angleterre, et que , tout incontinent, elle assembla son conseil; et le lendemain matin, le courrier fiit renvoyé avecques responce.

Aulcuns amys de la dicte Royne d'Escoce m'ont faict

advertyr qu'elle est au plus glrand daugier, où encore» elle ayt poinct esté, à cause de U subie vation qui se descouirre estre toute formée au pays de Leuclastre , de laquelle on luy attribue l'ocasiou , aussi bien que de celle passée du North ; et que pourtant, elle et nous, qui soubstenons icy son faict, debvons condescendre a ce que la Rope d'Angleterre luy vouldra demander , et luy complayre du tout ^ pourveu qu'elle puysse avoir sa liberté; et ne fère difficulté de luy accorder le Prince d'Escoce, pour quelque temps, avec honnestes condicions. Aultres de ses amys conseillent le contraire : qu'elle peut tûen accorder hardyment toutes choses raysonnables à la Royne d'Angleterre , mais non de luy bailler son filz , ny ostaiges , ny places ; mais plustost qu'elle mesmes offre de demeurer en Angleterre pour asseurance de ce qu'elle promettra. Je sçay, à la vérité, qu'on tient de très dangereux conseilz sur la personne de ceste princesse, pour l'opinion qu'on a qu'elle ayt trop bonne part en ce royaulme, et que, quant elle sera du tout ostée , que pareillement sa querelle sera du tout esteincte, se persuadant que, ny les Escouçoys, ny les Anglois, ses partisans, ny mesmes Yostre Majesté ne se soucyeront guières, puys après, de la relever. Et est incroyable combien la Royne d'Angleterre et ceulx de son conseil sont esmeuz pour les choses du dict pays de Leuclastre, sans toutesfoys en fère grand démonstration; car les ayant vollues remédier par la voye de la justice , envoyant par dellà ung procureur fiscal , ilz ont veu que cella ne suffizoit , et que plusieurs ouvertement se déclairoieut substrectz de l'obéyssance et jurisdiction de la Royne d'Angleterre, jusques à ce qu'elle se seroit jettée hors de l'interdict de l'esglize catholique : dont elle a mandé au

comte Dherby , principal seigneur de tout le dict pays , de la venir trouver, par prétexte de vouloir assembler tôutz ceulx de son conseil, dont il est Tung des principaulx ,. afiGn de pourvoir à Testât de ce royaume ; et qu'il veuille mener ses enfans avec luy, pourmonstrerqu'ilz ne sont coulpables d'aulcunes choses qu'on leur a vollu imposer. L'on ne sçayt encores si le dict comte vouldra obéyr; tant y a, Sire, que je vous ay bien vollu envoyer le susdict adviz de la Royne d'Escoce, par homme exprès, affin qu'il vous^ playse m'y conunander vostre vollonté; et cependant je verray ceste princesse pour l'adoulcyr et modérer, le plus qu'il me sera possible , sur icelluy, et pour la fère passer oultre au tretté encommancé.

J'entendz que sire Charles Havard a raporté à la dicte Dame ung grand contantement du debvoir , qu'il a faict envers la Royne d'Espaigne, et deshonnestes propos, que la dicte Royne d'Espaigne l'a enchargé de dire à la dicte Dame de sa part , ayant accepté , avec toute aflfection , le présent qu'elle luy a envoyé, et ayant faict donner une chayne de mil ducatz au dict Havart , et une aultre ung peu moindre à son vis admyral , et encores dix aultres chaynés aulx capitaines des dix navyres. Sur ce , etc.

Ce XVI® jour d'octobre 1570.