AU

démonstration de la bonne intelligence , en quoy la dicte Dame veult demeurer avec Vostre Majesté , mais que voz ennemys luy objectent que ce n'est de la dignité de sa couronne , ny de l'honneur de son royaume , qu'elle se laysse aller à voz menaces sur les afifôres de la Royne d'Escoce , et qu'il me vouloit dire que la dicte Dame a voit heu mille et mille foys plus de respect à vous pour la Rope d'Escoce , que non pas à elle , et que je pouvois dire qu'en vostre nom j'avoys tiré son afifere hors des abismes, néantmoins qu'elle en vouloit bien avoir le gré et l'honneur, et que tout seroit gasté , si l'on y procédoit par rigueur; dont ayant Vostre Majesté à procéder en cella avecques une femme , desiroit qu'il vous pleust luy uzer de toutes agréa- Jbles parolles, et encoresde gracieuses prières , et qu'avec ceste courtoysie le dict sieur comte espéroit de vaincre les adversayres de ceste cause , lesquelz il estoit incroyable combien ilz lui avoient donné de peyne jusques icy. Et sur ce, etc. Ce xxix*' jour de décembre 1570.

(lettre à part)

Madame, j'ay à dire à Vostre Majesté, touchant le particullier de la petite lettre du xxi^ de novembre que , quant M** le cardinal de Ghastillon a repassé en ceste viDe^ en s'en retournant d' Amptome , il m'est venu visiter pour satisfère, à ce qu'il dict, à son debvoir envers Voz Majestez, et a curieusement examiné de quelle intention Elles et Mon* seigneur estoient en l'entretennement de la paix, et si elles se vouloient poinct tirer hors de la subjection du Roy d' Espaigne et des aultres princes , qui tirannisent vostre

couronoe , et si Mon dict Seigneur estoit si avant au party de la princesse de Portugal qu'il ne peult entendre à celluy de la Royne d'Angleterre, lequel, s'il le vouloit, se pourroit meintennant conduyre , estendaut son propos en plusieurs aultres choses, lesquelles revenoient toutes à ces trois poinctz.

Je lay ay respondu, quant à la paix, qu'il ne doubtàt que Voz Majestez et Monseigneur ne la rendissiez stable et de durée, jouxte l'édict, qui en avoit esté faict, pourveu que eulx, de leur costé, l'observassent; cpie vostre dellibération estoit de fère voz affères , sans dépendre de nul aultre prince, mais qu'il seroit bien dangereux , à la fin de ceste guerre des Protestans , d'en laysser renovellef une des Catholiques, veu l'intelligence que luy mesmes disoit que les aultres princes avoient dans le royaume ; par ainsy qu'il vous failloit laysser bien establyr , et qu'il considérât combien il avoit esté besoing que Yoz Majestez et Mon dict Seigneur eussiez usé d'une ferme et constante verlu , et d'une grande magnanimité , à fère ceste paix , estant assez contradicte de toutz les aultres princes catholiques^ que , touchant la Rope d'Angleterre , elle avoit toujour monstre ne vouloir poinct de mary, ou de ne vouloir entendre à nul autre que à l'archiduc; mais si, à ceste heure que Mon dict Seigneur estoit en fleur d'eage , et florissant en toutes vertuz, aultant et, possible , plus que nul prince de la Chrestienté, elle trouvoit bon de l'espouser, je ne faisois doubte que luy et Yoz Majestez , et toute la France, embrassissiez ce party avec toute afiection, comme le plus grand et le plus honnorable de toutz les aultres , et duquel j'estimois qu'adviendroit plus de réconcilliation au monde , plus de paix à la France , et plus de terreur aulx

ennemys d'icelle , que de nulle chose , qu'il se peult aujourduy mettre en avant.

Ce qu'il monstra de recepvoir avec affection et d'en demeurer bien fort consoUé; et s'en retourna, puys après, au logis du comte de Lestre , où il fut tout le soir en privée conférance avecc[ues luy : puys, le matin, il me manda qu'il espéroit que noz propos produyrôient quelque bon effect.

Peu de jours après, ainsi que j'étoisbien mallade, le S' Guydo Cavalcanty me vint , par forme de visite , en mon lict entretenir d'ung grand circuyt de bonnes parolles; lesquelles il fit tumber sur Mon dict Seigneur, et que le mariage de l'archiduc avec la fille de Bavière, l'indignation, que la Royne d'Angleterre en avoit prins , et ce cpi'ellé vouloit bien monstrer qu'elle estoit pour trouver aussi bon party que le sien; et puys les différans des Pays Bas, ceulx de la Royne d'Escoce, la paix de la France , l'accommodemmt qui se pourroit fère de Gallais , s'il y avoit enfans , la disposition venue de Monsieur, qui estoit desjà homme, celle qui commànceroit doresenavant de passer de la dicte Royne d'Angleterre , estoient toutes influances pour fère effectuer , ceste année , ung bien heureux mariage entre eulx ; et que , si je le trouvois bon , il en mettroit quelque chose , comme de luy mesmes , en avant au secrétaire Cecille, avec de si bonnes considérations, qu'il espéroit qu'elles auroient effect , me priant de fère entendre ceste sienne bonne intention à Yostre Majesté.

Auquel Cavalcanty , parce que je le cognoissois fort de ceste court , et que c' estoit luy qui avoit tôutjour entretenu le party de l' archiduc , je respondiz que le propos me sembloit si honnorable et si advantaigeux pour Monseigneur, que j'avois ung grand playsir qu'il me l'eust miz en avant ,

et que je ne fauldroîis d'en donner adviz à Yostre Majesté , ne voyant qu'il y peult avoir que tout bien d'en entamer telz propos, comme il les sçauroit bien penser et bien sagement conduyre , car je le réputois pour ung expécial serviteur de Yostre Majesté et bien affectionné à la France; (pie, pour ma part, ne saichant, à présent^ en quelle disposition vous en pouviez estre , je ne luy pouvois dire sinon que , de toutz les partys, dont je vous a vois ouy fère grand cas ^ mesmes pour le Roy vostre filz, vous aviez toutjour estimé le plus grand et le plus digne celluy de la Royne d'Angleterre; et que sur ung tel fondement se pourroit bien establyr une bonne alliance, si l'on s'y disposoit du costé de deçà.

A trois jours delà, le dict Cavalcanty me revint trouver, qui me dict avoir desjà ouvert ce bon propos au dict secrétaire, et qu'il l'avoitreceu avec affection, mais que , ayant esté longtemps mallade , sans avoir veu sa Mestresse , il ne l'avoit peu suyvre; mais il l'avoit pryé de l'aller trouver à Amtboncourt, aussitostqu'ilyseroit, et qu'ilz en tretteroient plus amplement.

Despuys cella , Madame , j'ay esté au dict Amtboncourt, où me trouvant à part avec le comte de Lestre, après d'aul* très discours , je luy ay dict tout ouvertement qu'ung personnaige de bonne qualité, lequel toutesfoysjene luy ay point nommé, m'avoittenule susdict propos, lequel j'avoisreceu avec honneur et respect , mais que je n'en voulois user sinon ainsy qu'il me conseilleroit ; car je sçavois que Yoz Majestez le réputoient comme conseiller et protecteur de tout ce que vous auriez à fère en ce royaulme, et que , si quelque chose debvoit advenir de cella , vous ne vous en vonldriez jamais adresser qu'à luy. Lequel me respoudit