N" CVIII
31 Mars 1581.
Sire, je ressus hier la lettre qu'il a pieu à Vostre Magesié m'escripre de votre main, que ce porteur m'a baillié, qui m'a trouvé en deux effeclz : l'ung au lit par indisposition, et l'autre en mon acheminement des bains,
comme je vous ay fet entandre par aullre lettre que je avois fette par N° CVIII Parât qui est à moy, laquelle j'ay bailliée à ce porteur.
Sire, je me tiendray grandement honnoré et très heureux de ressevoir des commandemants de Vostre Magesté, mes je seray encore plus marry de ne les pouvoir exécuter, car je ne manqueray jamés de expauser la vie librement, et sur ce. Sire, je vous diray que je ay ung extresme regret de ne pouvoir desloger comme Vostre Magesté me le commande, d'aultant que je n'ay nul moien de partir d'icy, et tout ce que je ay peu fère c'est d'emprunter cinc cens escus à grand interest pour lesdiclz bains.
Sire, vous aurez entandu par mon aultre lettre combien je suis en arrière de mes affères ; par quoy je vous supplie très humblement me donner moien, et je ne suis aulcunement rétif comme vos prédécesseurs et Vostre Magesté parlicullierement l'avez esprouvé. Cependant je adviseray à m'apprester et pourvoir à ma seureté. Car ceulx de la pretandue veuUent prandre les armes comme l'on m'a asseuré, encores que le roy de Navarre m'a asseuré du contre par ung des siens qui passa par céans. Il y a longtemps que je vous eusse envoie mon filz, mes faulte de moien m'en a guardé.
Je avois prié M. de La Motte-Fenellon et chargé le sieur de La Chevallerie, Kuasde et Parât de vous represanler tout ce dessus, et des advis, sur quoy je n'ay heu aulcune responsse correspondante à mon afTection et servitude. Le roy de Navarre a rompu son desseing de aller en Limousin et reprend son chemin à Montauban et vient à Neirac. SU plest à Vostre Magesté me fère antandre de vos commandements, ce porteur sera de retour dans x. jours, et sy Vostre Magesté se plest vous servir de moy, est nécessaire de mander ma compagnie.
Sire, je supplie le Créateur quy vous doint 1res bonne santé et très longue vye.
Vostre très humble et très obéissant sulijet et serviteur,
BIRON
De Biron, ce dernier de mars.
N' CIX Au^oi.
Avril 1581. Sire, je vous feiz entendre par ma lettre du premier de ce mois mon
arrivée à Lybourne près Monseigneur, vostre frère, et l'espérance que la rendition de la ville de ]\rontegut avoit donnée de l'entière exécution de vostre edict de pacitTication. Mais depuis j'ay eu plusieurs advis réitérez de divers lieux que ceulx de la pretandue religion commancent à s'esmouvoir et reprandre les armes, aiant desjà essaie de surprandro quelques villes et places, lesquelles, encores que elles ne soient de grande importance, sy est-ce que c'est donner une mauvaise attente de quelque bonne fin à l'advenir. Ce que je parlicullariserois davantage à Vostre Magesté, n'estoit que je ni'asseure que mondil seigneur vostre frère et M. de Bellièvre ausquelz je l'ay amplement escript et qui en ont aussy esté adverty de beaucoup d'endroictz, vous le font entendre suffisamment; raaisd'aultant qu'il a pieu à ^'ostre Magesté, avec la charge qu'il luy a pieu me donner en ceste province, me commettre la conserval4on des villes qui se sont maintenues jusques icy en son obeyssance, j'ay pensé estre de mon debvoir de vous advertir par la présente de la peine en quoy je suis de ce commancemenl de remuemans, affin que s'il advenoit qu'il en succedasl quelque inconvénient, je n'en sois reprins, ainsy que justemant je le pourrois estre sy je n'en avois adverty ^'oslredicte Majesté. A quoy l'exemple des choses passées me faict adjousfor beaucoup de foy, avec plusieurs autres praticques, menées et trames qui se sont descouvertes et se descouvrent tous les jours, tendans à ung renouvelle m ant de guerre, dont aiant bien au long informé monseigneur vostre frère, ensemble ledict sieur de Bellièvre, je laisseray à eulx de vous en esclercir, et vous diray scullcment, Sire, que le roy de Navarre retournant il y a trois ou quatre jours de Bearn et allant trouver mondict seigneur, il passa autour des murailles de ceste ville avec quatre chevaulx de poste, et regardant dans une des portes il voit qu'il n'y avoit |)ersonne qui y feist garde. Cella debvroif estre cause de pareille ohse^^'alion de la paix de la part de ceulx de son party et de cesser leurs observations et entreprinses.
Sire, je supplie le Créateur vous donner en perfection de santé très heureuse et très longue vye.
Vostre très humble et très obéissant sulijel et serviteur,
BIROX.
De Bourdeaulx, ce viii' avril 1581.
A la Reine-mère. N» CX
8 Avril 1581.
Madame, vous entendrez par la lettre du Roy ce qui commence à naistre de deçà et la jalousie en laquelle entrent les calholicques à cause des remuemens que font aulcuns de la prétendue religion, dont j'ay adverty monseigneur vostre filz pour y pourveoir et estime qu'il en aura donné advis à Voz Magestez. Il est après à y pourveoir, mesme estant revenu le roy de Navarre le trouver. 11 est nécessaire de y remédier promptenient avant que le mal gagne davantage. L'espérance estoit bonne quand je partis d'avec mondict seigneur vostre filz, mais ces nouvelles ont altéré ung peu les affaires. Il sera aisé encores de y remédier si tous s'y veullent emploier.
Madame, je supplye le Créateur, etc.
Vostre très humble et très obéissant subjet et serviteur,
BIRON
De Bourdeaulx, le viii'' jour d'avril 1581.
iiiiii).n;>~i <f>
Au Roi. fjo Qxi
Sire, les affaires ne s'advancent guieres, qui faict beaucoup de deffiances, aussy pour les assemblées et ravages que font aulcuns de l'autre party, la recherche des hommes pour les arrester et s'en asseurer, et le bruict qui court que le xxv^ se doibvent prendre les armes. Tholoze et les villes des environs en sont en allarme qui est venue jusques en ceste ville, de sorte que plusieurs se sont plainctz que l'on ne faisoit guarde en la plus part d'icelles. J'ay ordonné que l'on la feist telle que on avoit accoustumé en temps de paix et selon l'ordonnance de la royne vostre mère, et aussy que quelque temps qui ayt esté, il y a tousjours eu une forme de guarde en cestedicte ville, car à cause de la mer elle est frontière. Il ne s'en est faict quasy point encores ; les portes sont ouvertes à tous ; il y a cent huguenotz estrangers, voire il y en avoit il y a quelques jours trente de la garde du roy de Navarre, de quoy il y avoit des habi-
lans grandemeni faschez, et oncores davantage quand ilz entendirent que je m'en allois à Coignac et feirenl des protestations ; mais j'appaisai cella el leur donnai asseurance. Les menaces et braveries que font ceulx de laulre party sont cause que plusieurs se mettent en defliance.
Sire, depuis quatre jours, je me suis trouvé infinimanl mal de la coUicque et dun très grand mal d'estomac, je suis après à me guérir.
Monseigneur vostre frère m'a mandé que je me tinsse prest pour aller à Coignac (juand il m'advertiroit, encores qu'il ne veoie pas que les affaires aillent sy bien qu'il vouldroit, et avec telle dilligence. Je dcsirerois fort sçavoir l'intention de Vostre Magesté sur ce partemant, et esperois qu'elle me le feroil entendre par M. de Villeroy.
L'on me donne advis (jue le roy de Navarre veult fort la paix. IMais il fault à ce procedder franchement el diligemmenl, car le procedder du passé tient en suspens ung cliascun.
Sire, je supplie le Créateur vous donner en perfection de santé très heureuse et très longue vye.
Votre très humble et très obéissant subjet et serviteur,
BIROX.
De Bourdeaux. ce xviif avril 1581.
N° CXI! Au Roi.
27 Avril 1581.
Sire, j'ay faict entendre à Vostre Magesté comme estant prest de m'en
aller en ma maison pour donner temps à ma guerison, monseigneur
vostre frère me dit qu'il s'en voulloil allei" à Jarnac et que là il atlendroit
le roy de Navarre et que je me trouvasse à Congnac ou là auprès pour
acconunoder les affaires de la paix après avoir conféré avec de voz
minisires.
Je me résolus d'y aller aflin (ju'on ne Irouvast ce prétexte qu'il tint à
moyiiue toutes choses n'allassent bien. J'ay heu l'espace de douze jours le
pied à l'eslrier pour y aller, mais M. de Bellievre me manda de ne me
haster encores, estant le voyage retardé par la venue du roy de Navarre;
depuis mondit seigneur vostre frerc m'envoya le sieur de La Fin pour me
faire aller à Libourne, où estant arrivé mondict seigneur vostre frère me N° CXIi feit entendre qu'il n'avoit peu fléchir le roy de Navarre pour le faire partir et empescher qu'il n'allast à Montauban, et qu'estant de sa part pressé de s'en aller, il falloit que je m'en allasse jusques à Brizambourg ou Chefboutonne pour quelque temps, luy ayant le roy de Navarre aussy promis de ne rien attenter durant deux mois.
Geste nouvelle me sembla bien estrange et esloignée de ce que l'on m'avoit faict entendre, bien que je me doubtois que le roy de Navarre ne passeroit la Charente, comme Monseigneur se promettoit ; auquel je feis responce que je ne pouvois faire ce qu'il me ordonnoit sans vostre exprez commandement, allégant plusieurs choses qui pouvoient intervenir tant pour la seureté du pais, et particulièrement de Bourdeaulx, que pour la deffience qu'en prendroient les catholicques, le voyant s'en aller sans effectuer la paix, le roy de Navarre demeurer, et moy m'esloigner, et qu'il estoit à craindre qu'il y en auroit qui de desespoir et mauvais traictement n'ayant nul recours ny personne qui leur tint la bride, pourroient attenter quelque chose, joinct l'assemblée de Montauban qui nous a esté toujours suspecte et dangereuse que d'ung petit commancement il s'en pourroit allumer ung grand feu. Monseigneur feit le bien mal contant et alla parler à quelques ungs des siens, puis se veint plaindre à M. de Bellievre que l'on l'empeschoit en ses dessaings, que l'on ne le voulloit ayder à secourir Cambray, et que au contraire l'on couroit sus à ses gens, et puis que l'on ne voulloit rien faire pour luy, qu'il se resouldroit. Ledict sieur de Bellievre luy respondit bien dignement sur plusieurs poinctz. Enfin qu'il n'avoit occasion de se plaindre de Vostre Magesté, mais de la longueur, faulte et dissimulation d'autruy. Monseigneur me dict que j'avisasse de faire une resolution pour le soir, où je ne me peu trouver pour estre mal disposé.
Le lendemain il n'y heut faulte de gens qui me veindrent représenter combien monseigneur vostre frère estoit hasté et qu'il ne pouvoit partir sans mon acheminement. Enfin je fus menacé de sa malle grâce, joincte la picque que le roy de Navarre a contre moy, et que de là l'on prendroit occasion de persuader à Vostre Magesté que je serois cause de beaucoup de trouble et de mal qui en adviendroit, et que tout me seroit imputé, et que cella avoit esté resollu longtemps a.
NO CXII Et estant allé trouver Monseigneur, il me fist une autre recharge, me
représentant beaucoup de particuUaritez de son interest. Car le roy de Navarre s'estoit résolu de faire le pis qu'il pourroit dont j'en aurois le blasme, et à la fin me conjura et somma en protestant que je voulusse aller pour six jours à Brizambourg, qui est encores en mon desparteraent, attendant voslre commandemant. A cause de quoy je ne peus refuzer une si instante demande et protestation, afin que je ne feusse point sur le trolouer d'estre calomnié, comme je le feuz ce mois de janvier dernier, que je conlrastois à la paix, et despuis, que je conseillois à Monseigneur d aller en Flandre, qui sont neantmoings choses bien difTerentes.
Sire, je vous supplie très humblement considérer comme je suis Iraicté en cesl endroict, que ceulx qui vous ont commencé la guerre en Guyenne pour s'en saisir, et que durant l'ombre de la paix ilz ont faict tout ce qu'ilz ont peu pour la surprendre, qu'ilz demeurent dans la province, et celluy qui la vous a conservée, et qui les en chassoit et les avoit faict passer trois rivières pour se gecter entre les bras de Monseigneur soyt commandé de sortir, dont ilz ne faudront pas de triomfer au préjudice de voslre authorilé, et au grand dommage de voz fidcllcs subjectz. Et bien que j'aye dès longtemps preveu et escript à M. de Villeroy que l'on taschoit en faisant ceste paix de me bailler en holocauste et sacrifice pour apaiser les dieux contraires, toulesfois je n'eusse jamais pensé que ung tel exemple se deust faire pour ceulx qui se seroienl dignement employez à vostre service, et ont rompu la glace à maintenir voslre authorité contre les plus grands.
Mais, Sire, si c'est le bien de vostre service, je plieray les espaules avec prière très humble de vous souvenir de quelle aiïection je vous ay servy et vostre couronne, et combien de longues années je y ay travaillé, soit en paix, soit en guerre. J'envoye Prévost, mon secrétaire présent porteur, pour respondre à ce que luy pourra estre demandé, et recevoir voz commandemens, et vous supplie. Sire, très humblement faire tant pour vostre service (jue do le redepescher au plus tosl.
J'cspere que je ne seray si tost à Brizambourg que les six jours seront passez, et vous diray en passant que aulcuns de voz ofliciers cl ministres ont crainct de me donner advis et conseil sur le contenu cy dessus.
Sire, je supplie le Créateur vous donner en très parfaicte sanlé très longue, très heureuse vie.
Vostre très humble et très obéissant subjet et serviteur,
BIRON
De Bourdeaulx, le s.xvii= jour d'avril 1581.
Au Roi. N" CXI II
27Avrin581.
Sire, je me tiens asseuré que Vostre Magesté se souvient de la très humble et très fidelle servitude que je vous ay tousjours porté, n'aiant rien devant les yeux que vostre aullorité et conimandemants. Mes, Sire, je dis davantage, que vous m'avez fet cet honneur d'en fère ouverte démonstration. Je vous supplie très humblement qu'il vous plèse à ce coup estre mon protecteur, roy et mestre. Je ay esté pressé extrememant et aisgremant de monsegnieur vostre frère. Je ne me puis esclercir que par Vostre Magesté. Je vois que c'est une partie dressée de longue mein par tels quy ne vous servent de la fidellité et franchise que je feis. Sy je me treuve temps, ilz congnoistront qu'il est dangereux de offenser vostre fidelle serviteur et tel que je suis. Je vous diray. Sire, que despuis la négociation de la paix, l'on a usé en mon endroict de toute indignité, et pour desvoier ung chevallier de honneur; que je ay enduré aflin qu'ilz ne pussent dire que il ne lenoit que à moy que tout n'allast bien.
Je reraettray. Sire, à le vous fère entandre par le presant porteur, Prévost, mon segretère, lequel je ay chargé de vous dire des choses importans grandement vostre aultorité et estât. Je vous supplie le voulloir cuir particullierement. Je l'ay bien instruict. Sy j'en ay nouvelles de Vostre Magesté, dans huict jours je seray retourné en ceste ville ou pluslost s'il estoit besoing. Je vous supplie très humblement donner audiensse segrete à cedict porteur.
Sire, je suplie le Créateur quy vous doint très bonne santé et très longue vye. ---^ ■
Vostre très humble et très obeyssant subjet et serviteur,
BIROX.
De Bordeaus, ce xxvii» apvril.
N" CXIV A la Reine-mère.
1 Avril 1581.
Madame, vous anlandroz par les lettres du roy et par Prévost, mon segretère presant porteur, ce qui s'est passé despuis cinc jours, qu'est une partie fette de longue mein par ceux qui ne sont si fidelles ny francs serviteurs (jue moy à Vos ]\Iageslez. Je vous supplie très humblement, Madame, me tenir en vostre protection. Je suis très âgé et ancien serviteur, et sy bien et longuement servy pour ressevoir une vergongne ou affront, n'aiant rien heu devant les yeux que les commandemans du Roy et vostre, que je ay fidellemenl fet et exécuté.
Madame, je supplie le Créateur quy vous doint très bonne santé et très longue vye.
Vostre très humble et très obéissant subjel et serviteur,
BIRON
De Bordeaus, ce xxvii' apvril.
|\jo Qj^y A la Reine-mère.
30Avrill581.
Madame, estant arrivé en ceste ville de lîlaye pour m'acheminer à Brizambourg suivant le commandement que m'en a faict Monseigneur, vostre lils, j'ay receu plusieurs lettres et plaincles des ravages que font ceulx de la pretandue religion, voyant Monseigneur, vostre Glz, s'en aller premier cpie la paix ne soit establie ; dont les catholicques commencent d'entrer en li'ès grande defiiance, ainsi que ^'oslre Magesté entendra plus parlicuUierement par la depesche que j'en fais présentement au Roy. Toutesfois je leur donne toute bonne espérance et les assure au mieulx qu'il m'est possible, et pour cest elTect j'ay cscript à tous ceulx que j'ay veu estre de besoing, leur ordonnant de n'alempter aulcune chose, ains seuUement se garder en attendant l'exécution de la paix, avec assurance que je seray bientost de relour de ce voyage. Mais ilz ont telle appréhension de ce qui leur a esté faict par le passé, qu'il est à craindre qu'ilz entrent en rumeur, à (juoy je obvieray de tout mon pouvoir.
Madame, j'escris au Roy pour le respect de M. de Luce, à cause de la cappitainerie de Mauleon de SouIe, de laquelle le sieur de Belsunce, qui est de l'autre party, prétend estre pourveu, et vous présenta requeste lorsque estiez en ce pais pour y estre remis. A quoy vous ne voullustes toucher et les renvoyastes au Roy. Cognoissant bien l'importance de cest affaire, comme à présent a faict aussi Monseigneur, vostre filz, et parce que Vostre Magesté est très bien informée de ce faict, je la supplie très humblement y faire pourveoir, comme elle veoit estre de besoing pour le service de Voz Magestez, repos et tranquillité de voz subjectz.
Madame, je supplie le Créateur vous donner en très parfaicte santé très longue et très heureuse vye.
Vostre très humble et très obéissant subjet et serviteur,
BIRON
De Blaye, ce dernier jour de avril 1581.
-»■■» oa&ic «
A M. (de Villeroy?). ^o q)(^|
„ . ,. , -, , . 1" Mai 1581.
Monsieur, passant en ce lieu le presant porteur, j ay bien voullu faire antandre au Roy les pleintes quy me sont venues depuis le partement de Prévost, mon segretère, vous voirrez par là en quelle peinne et defïïance sont les catholliques. Hz estiment avoir grande raison. Car pour contanter les ungs, il ne fault offenser les aultres, et bien souvent l'offanse se adresse au meilleur et plus fidelle. Je m'en vais à Brisambourg quy est de mon despartement, où j'espère savoir de Monseigneur ce qu'il aura arresté avec le roy de Navarre à Aubeterre , en délibération de ne ressevoir une escorne à l'appétit des ennemys du Roy et de l'Estat, et plus tost me retirer chez moi sans mandier par aultruy ce que je ay mérité au pris de mon travail, biens, hasart de ma vye et perte de mon sang, que l'on ne sauroit achepter.
Je ay servy les rois mes mestres très fidellement et affectionnement et dingnement, et ne mérite de avoir ung affront. Le Roy fera ung mauvais exemple pour luy à quy vouldroit entreprandre contre son aultorité. Il ha besoing de telz serviteurs que je luy ay esté pour l'Estat en quoy sont
les affères. Je ay donné charge audict Prévost de vous fère anlandre des parlicuUarilez. Ce sera comme l'an lxxiii cl lwiiii. Je ay fet ce mon debvoir comme en toutes aultres choses, cl après ceUa l'on me veult desaullorer. 11 fault conserver les gens de bien pour s'en servir au grand besoing. IMais je ay servy en paix et en guerre toujours avec contantemenl des mestres, et sur ce je supplie le Créateur qui vous doint, Monsieur, bonne santé et longue vye.
Présentement les juratz de Bordeaus m'ont adverty que le sieur de 3Iontferrant est arrivé à Bordeaus avec quelques hommes, et ont faict festin avec deux presidens, dont l'ung présenta l'entrée au loy de Navarre à Cadillac, dont M. de Belliesvre l'en reprinl. Je n'en dis aullre.
Vostre bien obéissant à vous fère servisse, BIRON.
0 > ega I c
N° CXVII A la Reine-mère.
13 Mai 1581.
IMadame, pour responsse à colle qu'il vous a pieu m'escrire de vostre
mein. je ressois les commandcmons de Voz Magostez et les embrasse comme je ay fet tousjours sur toutes choses, et ne m'en ennuie point. Mes je vous supplie très humblement, Madame, que je n'aie pis, et conservez voz fldelles serviteurs et particullieremcnt le vostre très humble et très affectionné, le maréchal de Biron, qui n'a jamais heu aultre but que à obéir à voz commandeniants et intentions, et que l'on ne le desdegne pour se retirer cliez luy, quy sera avec honneur et réputation qu'il a aquise en son cage avec plusieurs hasaris, poinnes et despansse ; ce sera à son grand regret, car il n'a jamés recongnu que voz commandements et ce quy venoit de voz bonnes grâces. Je suis vieux. Madame, et n'ay pas lo pouvoir à suporter comme je en ay fet par le passé.
Madame, je supplie le (Créateur quy vous doint très bonne santé et très longue vie.
Vostre très humble et très obéissant subjet et serviteur,
BIRON
De Chenwutonnc, ce ,mii miiy (1581).
Au Roi. N° CXVIII
21 Mai 1581.
Sire, j'ay receu celle qu'il vous a pieu ra'escrire du quinziesme, et veu comme A'ostre Magesté trouve bon que l'on ayt mis ordre à la seureté de vostre ville de Bourdeaulx, sur l'arrivée après mon parlement d'une grande trouppe de ceulx qui avoient porté les armes contre vous. J'avois donné advis aux juratz de ce qu'ils avoient à faire doulcement, depuis ilz m'ont mandé qu'ilz ont faict dire à d'aulcuns que n'y ayant affaire, qu'ilz se pouvoient retirer, mesme à M. de Montferrant, pour les conseils secretz qui s'estoienl tenus soubz prétexte d'aller à la chasse à Cuistres près Coustras. C'est la ville la plus envyée qui soit par ceulx de l'aultre party et la plus commode, à cause du port, du montant et descendant, et infinie autres commoditez pour renger et gaigner toute la Guyenne, oultre qu'il y a plus d'ung million d'or à gaigner, et vaudroit tous les ans avec les environs douze cens mille livres, la mesnageant comme ilz ont accoustumé. Hz y ont de grandes intelligences, et si il y a sept cens maisons huguenottes dans ladicte ville, et plusieurs catholiques qui les favorisent en tout et par tout, tant presidens, conseillers que autres, pour avoir les estalz que je vous ay fait entendre par mes précédentes, et pour avoir les fermes des biens du roy et royne de Navarre. Bourdeaulx vault plus que tout ce qu'ilz tiennent en Guyenne ny guieres ailleurs. Car les autres se peuvent prendre et Bourdeaulx très malaisé, et en oultre seroit moien de prendre la plus part de la Guyenne, et ne fault doubter que s'ilz ont moien de le surprendre, que pour oster tout soupçon, qu'ilz ne rendent la piuspart de celles qu'ilz tiennent, pour venir à bout de leur dessaing. Y voyant assez clair, c'est de mon debvoir d'en donner advis à Vostre Magesté.
Ces jours passez, le sieur de Born esloit allé baiser les mains au roy de Navarre qui estoit logé près de chez luy. Le recueil fut de le menasser de tuer pour avoir adverty l'an passé ceulx de Montignac de se donner garde, comme le sieur de Languiller a menasse ung de voz principaulx officiers et serviteurs pour s'estre monstre alfectionné à vostre service. Voylà à quoy sont reduictz voz fidelles serviteurs en ceste Guyenne.
Sire, je supplie le Créateur vous donner en (rès parfaicle santé très heureuse et très longue vve.
Vostre très humble et très obéissant subjel et serviteur,
BIRON
De Chefboutonne, le xxp jour de may 1581.
Il t noei < n
N» CXIX A" I^o»-
28 Mai 1581.
Sire, j'ay receu il y a quelque temps celles qu'il vous a pieu ra'escripre du xxx"' d'avril dernier et xn" de ce mois, par M. Bourrigue, vostre maistre d'hostel, touchant le gouvernement de Blaye. Depuis il est allé trouver M. de Lanssac suivant la charge qu'il en avoit de Vostre Magesté. H, vous fera entendre la response que ledict sieur de Lanssac luy a faicte avec ses raisons, lequel m'a escript qu'il seroit tousjours vostre très humble et très obeyssant subgect et serviteur, comme à la vérité je l'ay trouvé très disposé en ce que je l'ay voulu emploier pour vostre service, monstrant par toutes façons une très aiïectionnée volunté de voulloir emploier et sa vye et son tout pour le service de Vostre Jlagesté. Ledict sieur Rourriguc vous représentera Testât des affaires de la Guyenne, où il a esté, et ce qui se passe en ces quartiers. Je vous ay escript ce matin. Sire, par le sieur de Neufvy et vous faisois entendre quelques particularitez qui me touchent. Je vous supplie très humblement Testât auquel je suis {sic). J'atens d heure à aullre les commandements de Vostre Magesté.
Sire, je supplie le Créateur vous donner en très parfaite .santé, très longue et très heureuse vye.
Vostre très humble et très obéissant subjet et .serviteur,
BIRON
De Chefboutonne, le xxviii' jour de may 1581.
-Il > ogo \ u
A la Reine-mère. N° CXX
28 Mai 1581.
Madame, j'escripvis hier au Roy, je ne savois pas que Vostre Magesté fust de retour. Je suis encores en ce lieu atendant les commandements de Voz Magestez. Je vous supplie très humblemant, Madame, ne permettre qu'à l'appétit des ennemis du Roy je aye ung escorne ou ressoive ung oultrage, après avoir bien fidellement et dingnement servy les Roys et ceste couronne, et vous. Madame, particulièrement, et de fresche mémoire meintenu l'aultorité du Roy. Le sieur Bourrigue vous fera entandre ce qui se passe en Guienne et au fait de sa charge.
Madame, je supplie le Créateur qui vous doint très bonne santé et très longue vye.
Vostre très humble et très obéissant subjet et serviteur,
BIRON
De Chefboutonne, ce xxviir may.
Au Roi. N° CXXI
11 Juillet 1581.
Sire, je suis venu en cesle ville de Libourne bien à propos, car il
s'estoit faict une assamblée à une lieu, pour la jouissance d'ung bénéfice en la faveur d'ung nommé Sainct-Aulaye, de Saincte-Foy, huguenot, de soixante cuyrasses, où il y avoit quelques catholicques et cent cinquante hommes de pied. De l'aultre costé, il se faisoit grande assemblée de catholicques pour en gecter les premiers. Je y ay envoyé ; les ungs et les autres se sont retirez; mais c'est pour revenir bientost sy l'occasion s'offre. Aussi, Sire, j'ay entendu que l'on voulloit faire juger ung procez à Bourdeaulx de douze cens livres de rente que ma partie n'a ozé entreprendre depuis trois ans pour le peu de droict qu'elle y avoit; mais voyant que n'allois à Bourdeaulx, madicte partie et ses parens et alliez qu'il a en ladicte cour, pourchassent la vuydange avec l'ayde de quelques presidens et conseillers, ausquelz j'ay tenu la bride quand ilz ne tenoient le chemin qu'il falloit pour vostre service et bien publicq. Je renvoyé ma femme à Bourdeaux pour le solliciter.
N^ CXXI Le prince de Condé a esté chez ma seur, où plusieurs discours se sont
tenuz et luesnies de ma reconciliation avecq le roy de Navarre, dont l'on V faisoit une grande resjouissance du bruict qui couroit que le Roy et Monseigneur n'estoient reconciliez. Car ce n'esloil que pour courre sus à ceulx de la religion ; par la l'on cognoist qu'est le dessaing aux despens de quy appartiendra. C'est chose très sûre qu'ilz ont entreprise à Bourdeaulx, et qu'il y a plusieurs de la court de parlement qui y tiennent la main, comme vous aura faict entendre M. de Beliièvre et de (juelle liunieur ilz sont. Et sur ce vous diray que ces jours ung des principaulx est allé à la maison des Casses, dont voz bons subgectz et serviteurs calholicques se sont trouvez fort scandalisez et s'en sont venus plaindre à moy.
La royne de Navarre envoya quérir 1\L de Gondrin pour la conduire de Baignères à Nérac. Le roy de Navarre y est venu en poste. L'on a heu sur advis que quarente commissions sont esté despeschées dès le xxvui'^ du passé ; mais peu de callité en ont voullu recepvoir.
Yostre Mageslé se souviendra de ce que je lui en escrivis du cinquième du passé. M. de Gondrin adverlit plusieurs de la noblesse et villes de se tenir sur leurs gardes et s'estoient relirez des gentilzhommes qui n'avoient maisons fortes aux villes. Les lettres que jay envoyées de délia la Garonne les a ostés fort de defiiance. Le contenu esloit suivant le commandement que m'en avez faict, Sire; plusieurs se viennent enquérir de moy estimant que Vostre Magesté me faict cest honneur de me faire entendre voz commandemens et intentions. Sire, je m'envays chez moi à Biron et vous supplie très humblement considérer de quelle façon et importance à cest exemple plusieurs prennent party.
Sire, depuis le dessus escript,j'ay entendu que Sainct-Aulaye, de Sainctc- Foy, qui m'avoit asseuré par lettre toute soubmission et obéissance, est retourné ceste nuict et a mis le feu aux gerbes et faict plusieurs insolences oultre ce qui avoit esté faict auparavant. Voilà l'assurance que l'on a en telles gens.
Siie, je supplye le Créateur vous donner en très parfaicle santé très longue et très heureuse vye.
Vostre très humble et très obéissant subjel et serviteur,
BIRON
De Libournc, le xi'jour de juillet 1581.
Au Roi. N° CXXII
— 27 Juillet 1581.
Sire, le jour que le sieur Dumasses partist des eaus, je receus la letlre qu'il vous a pieu m'escrire du dix-huictiesme, et bientost apprès celle du qualorziesme. Par ledict sieur Du Masses j'advertiz Vostre IMageslé bien amplement et donnai charge d'aulcunes particularilez. Despuis j'ay heu plusieurs plaincles des maulvays traictemens qui se font aulx catholicques par ceulx de la prétendue relligion es villes qu'ilz tiennent et es environs, esquelles ilz ont ordinaire garnison et forces, marchent en corapaignie masqués, prennent ou thuent ce que bon leur semble, et estime qu'ilz ont plus tué d'hommes de guerre d'espuis la paix qu'ilz n'ont faict durant la guerre. Beaucoup de gens esperoient de la venue de M. de Monpansier, et qu'il seroit cause qu'on y pourvoiroit, ou termineroit ce qu'il y auroit trouvé, et vous cognoistriez le zelle et obéissance que les catholicques portent à. Vostre Magesté. J'estime que M. le mareschal de Matignon et le sieur de Bellievre, qu'on m'a escrit qui s'en viennent de deçà, fairont ce qui se peult; pour le moings ilz seront tesmoings des actions d'ung chacung.
Sire, pour la craincte que j'avois qu'on fist quelque remuement à Bourdeaulx, à l'élection de cesle raairerie et juratz, j'estois quazi prest de m'y achaminer de peur de quelque inconveniant, affin que je ne fusse en payne de ra'excuser ; mais ayant receu les lettres de Vostre Magesté et voyant qu'elle y envoyé, je me suis arresté en ce lieu, afBn que le roy de Navarre ne trouve aulcung prétexte.
Quant à la letlre d'Espagne, ce ne sont que bayes, et pour se faire recercher, comme l'on m'a escript. Voz bons serviteurs ne sont guieres bien veuz de ceste part là. Sire, mais que j'aye vostre authorité et que ne me habandonniez, je la feray valoir et ne me donneray poinct de payne. Mais il me faict bien mal au cueur que je suis la fable de la France et de ma patrye, où j'ay si bien servy Vostre Magesté, et veoir que ceulx qui ont porté les armes contre Vostre Magesté ont liberté de se promener et aller partout, et sont renumerés de lettres favorables. C'est à Vostre Magesté d'y avoir esgard, et vous supplye très humblement me pardonner si vous en ay escript d'aultres lettres, vous merciant très hum-
lileinent, Sire, de l'assurance qu'il vous plaist me baillier par voz susdictes ietlres.
Sire, je supplye le Créateur vous donner en parfaicle santé très heureuse, très longue et très contante vye.
Vostre très humble et très obéissant subjet et serviteur,
BIRON
De Biron, ce xxvii« juillet 1581.
— » i) nafloi^je-
N" CXXlll Au Roi.
28 Août 1581.
Sire, par la lettre qu'il vous a pieu m'escripre du \\f que j'ay receue le xxnu'^, Vostre Magcslé me mande que les excès que pourroient avoir commis la garnison de la ville de Perigueux, ne servent d'excuse à la surprinse. Ce que j'en avois escript à Vostre Mageslé n'estoit pas pour les excuser, mais seuUemenl pour faire entendre à Vostre Blagesté comme les choses s'estoient passées ainsi que vous avez veu despuis par mes lettres des ]f, \uf' et xnii" de cestuy, aflîn que l'on peut mieulx prendre advis de ce que l'on avoit alTaire. Aussi, Sire, me commandiez de vous ayder à remédier au mal que la susdicte surprinse j)Ourroit engendrer. Sire, je vous ay faict entendre par mes précédantes ce que j'en sçavois d'icelle, et si j'eusse pensé y servir, et que ceulx de l'aultre party n'eussent pas prins jallouzie sur moy, je m'y feuse acheminé.
Sire, vous me commandez (sic) comme à vostre très ûdelle et très humble et très obeyssant serviteur et subject, qui n'esparniera jamais la vye à voz commandemanls. Au demeurant. Sire, par vostre susdicte lettre vous me faictes entendre que mes lettres contiennent plusieurs cliefz et advis que Vostre Magesté a bien poisés. J'eusse bien désiré qu'il vous eust pieu me mander sur ce voz commandementz et intentions, comme aussy m'octroyer la descharge cjue je vous avois supi)Iié me donner. Riais asteure que j'ay entendu tant de la court que de Bourdeaulx (juc aulcungs disent que je veulx demurer en ceste province pour y commander cl y entretenir la guerre, je les veulx faire trouver faulx cl calomniateurs.
A ceste cause je vous supplie très humblement. Sire, et tout ouverte-
ment de la m'octroyer et m'excuser sy je n'uze plus du commandement et pouvoir particullier qu'il vous a pieu me bailher en ceste province, elle m'a desjà par trop costé de despence, payne, travail et ruyne, que je ne plaints points, puisque j'ay cest heur cjue Yoslre Magesté s'en est contantée comme vous le m'avez faict entendre par plusieurs de voz lettres.
Le cappitaine Belsunse est en ses quartiers et a assemblé troys cents hommes dont il y en a cent arquebouziers à cheval cjui ne font que ravaiger ce pays et thuer de voz bons et fidelles subjectz ; plusieurs gentilzhommes s'en sont plaintz, me sommant de les voulloir secourir et ayder pour le deu de ma charge de mareschal de France, pour garder que voz subjectz ne soient oppressez et tirannisez. Il recherche de surprendre quelque ville conmie de fresche mémoire Yilleneufve. Yivans, qui a commandement de loger ses trouppes de Belsunse (?), s'enquéroit de beaucoup de particularitez de la garde qu'on y faisoit. Hz avoient faict une entreprinse sur Sainct-Macary, mais on l'a descouverte, et à La Réoulle.
Il est très nécessaire. Sire, que M. le mareschal de IMalignion viegne icy, et le sieur de Bellievre, pour pourveoir aux affaires de ceste province, et donner c|uelque espérance de mieulx à voz subjectz d'icelle et particullierement à la noblesse qui se fasche fort de veoir tiranniser leurs tenanciers et leurs villaiges, et les villes d'estre gourmandées plus qu'elles n'estoient à la guerre, auquel temps ouvertement ilz se deffendoient et ceulx de l'aultre party ne l'ozoicnt entreprendre, saichant qu'il y auroit du rettour.
Sire, je supplie le Créateur vous donner en parfaicte santé très heureuse, très longue et très contante vye.
Vostre très humble et très obéissant subjet et serviteur,
BIRON
De Biron, ce xxviii aoustl581.
-^•^ ijStiii.<i m
Au Roi. N" CXXIV
30 Août 1581.
Sire, j'ay entendu par la vostre qu'il vous a pieu m'escripre du xxi" que
avez receu toutes les miennes que vous ay envoyées jusques au xini*^, et
i94 N' CXXIV voys que Vostre Magesté a prins mes advis en bonne part. Aussi, Sire, je yiay lousjours de très fidelle serviteur et subjeot, amateur et jaloux de vostre auctorité.
Les villes font une bien bonne garde en ce pays, mesmes sur la rivière de Garonne, attandu que Vivans, apprès avoir faict quelque assemblée, s'est emparé de Caumont qui estoit entre les mains de M. de Lavauguion, et madame de Caumont y est arrivée bientost apprès. Si la guerre estoit, ledict Caumont porleroit ung grand dommaige sur ladicte rivière de Garonne, ainsi que Vivans a faict par le passé. Davantaige il faict loger trouppe de gens de guerre dans FauUet qui est entre Tonneins et Marmande, qu'ilzfont repparer de hariquades et fossez, et de là ont destroussé plusieurs marchans et courent la compaigne, de sorte qu'il y en a une infinité de plaincles.
Je pare aulx coups le plus que je puis ; pourquoy je vous supplie très humblement. Sire, advancer M. le raareschal de Mafignion et M. de Bellievre. Car de mentremcsler plus des affaires et ne pouvant vous faire service tel que je désire et avec honneur et réputation, Vostre ^lageslé m'en excusera.
Il est intervenu que aulcungs par praticques et menées ont faict adjourncr six vinglz hommes de la ville de Marmande, qu'estoient ceulx qui pouvoient porter les armes, et ledict ajournement est sur de legieres occasions, afiin quilz ne ci-aigniassent poinct de partir tous en ung coup. Mais les habitans sont esté bien advisez pour s'eslre excuzez à la court de parlement quilz n'y allassent que de dix en dix. atlln de ne desgarnir la ville.
Il est advenu plusieurs faictz en ce mesme temps qui seroiont de trop long discours. Sire, il est très nécessaire que vostre volante soit ensuyvie, aflîn que voz villes et subjectz ne soient plus en payne, et que soyez csclaircy de l'intention de aulcungs de ceulx de l'autre party.
Vostre Magesté me mande que ceulx du Dauphiné se sont remys en Testai que vostre edicl de pacilTication. Il y a huict moys que l'aulliorité de Vostre Jlagesté m'a lyé les mains. J'estime que vous en eussiez heu pareilles nouvelles quattre moys apprès, et s'il n'y avoit aultres huguenotz en cesle |trovince (jue de la relligion, nous vivrions Irestous ensemble soubz vostre authorité. L'experiance s'en voit tous les jours en ce lieu
19S icy, où plusieurs de la relligion prétendue y viennent qui ne désirent rien N° CXXIV tant que la paix et vivre soubz vostre obeyssance. Mais ceulx qui ayment la picourée et les gouvernemens pour avoir du pilliage, et les liuguenotz d'estat, ne s'accordent pas avec les bons vieulx Lulériens.
Sire, je vous mercye très humblement de ce qu'il vous a pieu m'accorder une évocation. Ce n'estoit que pour ung procez pour la présentation que je prelands avoir en ma maison sur un benetfice, qui touche à d'aulcungs conseillers en la court de parlement de Bourdeaulx, ou aux leurs et d'aullres, comme je vous ay faict entendre par mes précédantes, qui vouloient me monstrer qu'ilz se ressenliroient des réprimandes que je leur avois faictes pour la paciffication de la ville de Bourdeaulx, et monstre à tous à respecter vostre autorité, et qu'ilz n'abuzassent de ce nom de souverains en mon endroict, oii je n'en ay que Vostre Mageslé. Toutesfoys les choses sont de peu d'importance, si ce n'est pour le respect de quelque réputation à ma maison que ces affaires vont en s'apaisant et accordant; et vous supplie très humblement. Sire, que cest octroy et bien ne me tiegne lieu tant en recompense de biensfaictz qu'on m'a faict entendre cjue me vouliez faire, c{ue pour gratiffication des biens ccclesiasticjues pour les miens.
L'on a voullu dresser quelques entreprinses pour le respect de surprendre Bourdeaulx. Mais deux choses sont intervenues : c'est que j'en ay heu tousjours adviz et l'ay donné à ceulx de ladicte ville; l'aultre que cella ne se pouvoit faire sans nombre de gens. Et en y a heu de ce party-là, qui ne l'ont trouvé aulcunemcnt bon. L'on a tousjours craincte sur le chasteau du Ha, comme de celluy où a fort peu d'ordre, et y demeurent bien peu de gens la nuict. Hz s'excusent sur l'habitation; mais n'est pas légitime.
Voz financiers qui sont à Bourdeaulx me traictent très mal ; car non seullement ilz me veullent faire perdre ce que m'avez ordonné sur les restes, mais ilz ne me veullent payer, ainsi qu'avez commendé, mes estatz de l'année passée, de sorte que je suis en payne de payer les deptes que j'ay faictes à Bourdeaulx, y estant pour vostre service et commandement (1).
Je suis en cella de partir dans peu de jours pour m'en aller aulx bains en Auvergnie aflin d'améliorer et ranforcer ma jambe.
Savalhan a esté à la maison de Favas, et délia à Langoyran, où il s'est faict ung conseil, à sçavoir si rentreprinse qu'on avoit mise en avant pour Bourdeaulx se debvoit faire. Ledict Savalhan respondit à Favas et à aultres qui estoienl de ladicte entreprinse qu'il estoit mal ayzé de la faire avec si peu de gens qu'on y designoit, veu mesmement qu'en ce temps là, par l'adviz de voz bons subjectz et serviteurs tant de la court que autres, renouveilarent les ordonnances que je y avois faictes pour la garde d'icelle. 11 estoit venu de L'Isle près de Tholoze là, et par apprez s'en alla trouver le roy de Navarre pour faire son rapport. L'on m'a fort assuré de ce ; tant y a que ledict Savalhan a faict ce voyage.
Sire, je supplie le Créateur vous donner en parfaicte santé très heureuse, très longue et très contante vye.
Yostre très humble et très obéissant subjet et serviteur,
BIRON
De Biron, ce dernier jour d'aoust 1581.
(') Le 16 janvier 1582, le Roy accorda au maréchal une gratification de 25,000 écus.
N° CXXV A la Reine-mère.
30 Août 1581.
Madame, vous voirez par la dernière lettre qu'ay escrite au Roy et par l'aultre qu'est en ceste depesche, ce que je demande à Sa Magesté, et Testât en quoy est le pays, et ce qui s'y passe, pour n'en fère poinct de redictes. Bien vous supplie très humblement, IMadame, qu'il vous plaise vous souvenir de moy et des assurances qu'il vous a pieu me donner tousjours, que me feriez recompenser au Roy de tant de despences que j'ay faictes, et me feriez ressanlir de la liberallité qu'un prince débonnaire a acostumé de faire à ses bons et fidelles serviteurs. Il vous a pieu me fère cest honneur de me mendcr que vous en randriez sollicilaresse, si je l'oze ainsy dire ; je sçay. Madame, qu'en cella et aultres choses vous pouvez le tout.
Je me rends ung peu importun, mais la nécessité m'y conlrainct pour les grandes brèches que j'ay faictes en mes biens pour le soustien des
enfans que j'ay et filles à marier et payer les mariées. Car je n'ay heu jamais loisir non de faire mes affaires, mais de prendre garde à les maintenir en quelque bon estât. L'on m'a faict entendre que Vostre Magesté donnoit asseurance de quelque abbaye, ensemble de quelque somme de deniers. Mais il semble que cella ne vient à perfection, et qu'il s'y trouve toujours pour moy quelque empescliement, s'il ne plaist à Vostre Magesté d'y mettre la main à bon esciant. Vous ne la mettrez jamais pour personnaige de quy la tîdellité et zelle à vostre service soit esté plus esprouvée, expérimentée et praticquée, ny qui a moings esparnié sa vye et son bien, et duquel il est en arrier qu'il n'en peut plus. Bien a il tousjours l'affection et servitude aultant cjue gentilhomme sçauroit avoir à Roy et Royne, avec bonne disposition de sa personne, hormys que ung peu de mal à une main, qui me garde de vous faire ceste supplication de ma propre. Et avec l'asseurance que j'ay de vostre bonté en mon endroict, je demeureray en espérance. Madame, je supplie le Créateur, etc
Vostre très humble et très obéissant subjet et serviteur,
BIRON
De Biron, ce dernier jour d'aoust 1581.
Au Roi. N ' CXXVI
— 8 Novembre 1581 .
Sire, depuis l'arrivée de M. le mareschal de fllatignon et de M. de Bellievre en ceste province, ilz vous auront donné advis de Testât des affaires d'icelle, et de ma part je me suis tenu céans et gardé la pluspart du temps la chambre, tenant régime et faisant à demy dietle pour empesclier le cours d'une detluxion qui me tomboit sur ma jambe rompue, qui se tenoit debille, tant à cause de la roupture que pour raison de trois arquebuzades que je y ay receus, et le tout a tellement réussi que grâces à Dieu je m'en trouve fort bien et espère qu'elle sera bientost refermée, et que je pourray estre prest dans la fin de ce moys pour aller trouver Vostre Magesté, suivant le commandement cju'il vous a pieu m'en faire par la vostre dernière que j'ay bien noté avec désir d'y satisfaire. Mais
ma santé, el si je l'oze dire, le peu de moyen qui me reste ayant despencé tous ceulx que j'avoys pour vostre service, joinct le peu de moyens que m'ont donné voz Gnanciers, m'estant deu mes estatz et pensions de Tannée soixante-dix-neuf, bien que je doibve à Bourdeaulx plus qu'elles ne se montent, m'ont retenu jusques à présent. Et vous diray, Sire, qu'il m'est deu, tant à cause de mes gallères qui ont esté prinses par Yostre j\Iagesté que pour d'aultres recompenses de ce qui m'a esté prins ou que j'ay forny pour vostre service, plus de quattre-vingtz mille livres sans que j'en aye peu estre payé, ayant prefferé vostre service à mon particulier, de sorte c|ue à présent il m'en reste si peu, que je ne sçay comment me pouvoir conduire avec mes entrants et mon train près de Vostre Mageslé.
J'estime, Sire, que vous aurez esté adverty de ce que cuyda advenir à Bourdeaulx une heure avant que lesdictz sieurs de Matignon el de Bellievre y arrivassent, et de ce qui se passa au mesme temps à l'endroict du sieur gênerai de Gourgues. Mais ce sont rumeurs de peuple qui s'apaise souldain, et bien que lesdictz sieurs mareschal de ]\Iatignon et de Bellievre m'ayent escrit qu'ilz me verroient en brief pour conférer avec moy des affaires qui concernent vostre service, toutesfoys je ne les ay encores veus, mais je les attens en bonne dévotion.
Sire, je supplie le Créateur vous donner en très parfaicte santé très longue et très heureuse vye.
Vostre très humble et très obéissant subjet et serviteur,
BIRON
De Biron, ce viii« jour de novembre 158t.
-a ) iSSO'i e
N° CXXVil n Novembre 1581.
A la Reine-mère.
Madame, je ay resseu en mesme temps les deuz lettres qu'il vous a pieu m'escrire des ii et xxii octobre, et ay entendu par I\I. de Besliesvre ce que l'aviez chargé me dire, bien qu'il me samble qu'il a retenu quelque cliose quand il a veu ma delliberation de aller trouver le Roy et vous, Madame, me remettant à Vostre Magesté, la remerciant très humblement
de l'asseurance et promesse qu'il vous plest me fère, et vous supplie vous en souvenir. Et est nécessaire tant pour ce que je me vois estre bien en arrière pour vostre servisse que pour l'exemple que ce sera à ung chascung, et particullierement pour vous, Madame, de voir que ung de vos plus fidelles serviteurs et anciens n'est poinct oublié. Et je n'oublieruy à amploier ma personne et vie à vos commandemants.
Madame, je supplie le Créateur quy vous doint très bonne santé et longue vye.
Vostre très humble et très obéissant subjet et serviteur,
BIRON
De Biron, ce xvii" novambre.
Le sieur Prévost, mon segretère, vous represantera quelques particullarités de ma part.
A la Reine-mère. N° CXXVMI
27 Juillet 1582.
Madame, pour respondre à celle qu'il vous a pieu m'escripre du xuu de de cettuy, Vostre Magesté me pardonnera sy je dis que je ne prans à pié levé, mes à l'efTect, je m'estimeray infiniment heureux que Vos Magestés aient contantement de mes servisses où je n'ay espargnié la vie, travail et biens, et tenois pour tout certein une bonne recompansse par les asseurances que m'en avez données tant de fois, mesmes par vostre lettre du wmf janvier dernier sur mon procéder en ces derniers troubles et à l'exécution et publication de la paix, et me mandiez, Madame, que le Roy et vous estiez bien marris que n'aviez promplement les raoiens que desiriez pour le recongnoistre et mes aultres signallés servisses ; dont je me tenois infiniment heureux ; mes je me suis trouvé bien déçu ; car au lieu de ce l'on ne m'a fet seullemant des faveurs, mes telle escorne qu'il n'a esté feste à chevallier de honneur despuis deux cens ans, et pour avoir exécuté bien dignemant les commandemants de Vos Magestés ; ce dont je suis cuidé entrer en desespoir, et d'aullant que vous savez mieux que tout aultre ma fidellité et zelle, je laisseray à vous à y pourvoir et
remédier. Car aiissy cella touche plus que à nul aultre à Yostre Magesfé, pour vous eslre servie si longues années de moy. Autrement cella seroit grandement intéresser le servisse de Vos Magestés à mon exemple. Car ung chescung sait de quelle alTeclion je me suis toujours amploié sans rien espargnier, laissant toutes choses m'arriver pour ne vous annuler.
Madame, je ne vous en diray davantage synon vous supplier que je soie remaïqué d'elTect et non plus de promesses, car sy je en estois autant d'années par cy-avant comme je l'ay esté par le passé, ce seroit plus que je ne peusse vivre. Je adviseray à pourvoir à mes afîères.
Madame, je supplie le Créateur quy vous doint très bonne santé et très longue vie.
Yostre très humble et très obéissant subjet et serviteur,
BIRON
De Biron, ce xxvii'" juillet 1582.
