Le comte de la Mirandole

^96 AMBASSADE DE [AOUT i54i]

OU plus là OÙ VOUS estes que nous ne faisons icy, pour ce qu'il s'en aprocbera de plus prez; par quoy feray fin à la présente aprez vous avoir dict que M. le cappitaine Polin s'en part ce jourd'huy pour continuer son voyaige, que je prye Nostre-Seigneur luy donner heureux et prospère... »

Vol. 2, f» 217 v®, copie du xvi® siècle; 1 p. in-f*>.

PELLICIER A FORMIGUET.

262. — [Venise], 18 août i 541 . — « Monsieur Formiguet, j'ay veu par vostre lettre les raisons pourquoyTon mect ainsi à la longue vostre commission ; pour avoir à quoy obvier^^doresnavant il me semble que debvez solliciter le plus fort que pourrez M. le comte de faire employtte des bledz; ou bien, s'il vous remettoyt^ n'estoyt d'adviz la faire pour ceste heure, le y persuadez le plus qu'il vous sera possible, allégant que pourra estre que les bledz aprez le partement de l'empereur seront à meilleur marché qu'ilz ne sont à présent, attendu encore que cez Seigneurs ont eu une traicte du Grant Seigneur d'en faire Urer de cez pays tant qu'ilz vouldront : et jà pour ce faire ont dépesché plusieurs navires. Dont, puys que la Myrandola en est si bien pourveue que mondict seigneur le comte dict, et qu'il y a maintenant si grant difficulté, vous luy pourriez dire que pour cez raisons ne seroyt que bon de faire deux achaptz en divers temps. Et s'il le trouve bon, rapportez l'argent pour l'achever de y employer quant besoing sera; car il faut que vous en rendiez compte. Sinon, en quelque façon que ce soyt, dépeschez vous le plus tost que pourrez de vous en venyr. Je luy en escriptz, le pryant bien fort vous voulloir dépescher; ce néantmoings, si voyez qu'il vueille continuer ledict achapt et qu'il ne voulsist attendre à ung aultre temps, demeurez encores là pour quelques jours, et faictes du mieulx que pourrez. Car nous le solliciterons tant de foys de vous laisser venyr que enfin il y consentira; mais ne fault qu'il s'attende que vous laissez là les escuz desquelz m'avez escript en avoir quelque quantité de légiers. Vous adviserez si le seigneur Francesco de Pazzi * les vouldroyt changer, et luy direz que le seigneur Corboly * les a baillez; sinon rapportez-les, et nous les luy rendrons, si d'adventure avant que cela soyt nous n'avons obtenu dudict seigneur Corboly que icelluy Francesco les vous face bons. Et cependant je vous prye nous faire sçavoir le plus souvent que vous pourrez des nouvelles de là où vous estes bien au long...

1. Francesco da Pazzi, lieutenant de Pietro Strozzi, chargé du paiement des gens de guerre.