Par la voye de Venise

ment pour dépescher les srs Paule Ursyn et Emilie Cabrianne, ce que nous feismes sachant que le sr Pierre estoyt absent en la mareme des Syennoys, et craignant que les places de Montalchino, Montichello et Chiusy ' eussent besoing de secours comme véritablement elles avoyent ; mais il vous plaira croyre que des ijm escuz que noUs prinsmes pour faire ladite expédition, il n'en a pas esté despendu ung seul escu extraordinairement, parce qu'ilz leur ont esté mys en compte en la monstre de ce présent moys. Et y a plus de quinze jours que je de Lanssac ay envoyé à Mgr le cardinal de Ferrare et audit sr Pierre tout l'argent qui leur faict besoing pour la paye de ce présent moys de mars, et ay encores entre les mains la plus grande partye de celle qu'il fault pour le moys d'avril prochain. Monseigneur, n'ayant pour le présent autre choze à vous mander oultre ce que vous verrez par notre lettre au Roy, comme nous ne vous dyronsaullre chose, sinon vous supplyer de faire payer la pension du sr Emilie Cabrianne, estant en lieu que vous sçavez où l'on se peult asseurer qu'il la despendra pour le service du Roy.

211. — 3 mars 1554. — Lettre du cardinal du Bellay etde M. de Lanssac au roi. (Bibl. nat. F. fr. 20447, fo 117. Copie.)

Sire, nous avons entendu par M. l'évesque de Ryez tout ce que, par luy, il vous a pieu nous mander, en quoy il y a aucuns pointz desquelz Vostre Majesté se sera trouvée satisfaicte avant la réception de la présente, comme est celuy de proroger la suspencion d'armes avec Nostre Saint Père, chose qui nous gardera, Sire, de vous ennuyer d'aultre redite. Car en ce qui peult en ceste matière concerner la restitucion des biens occupés sur le Parmesan,