Marche
2. Ascoli-Piceno, capitale de la province de ce nom, sur le littoral de l'Adriatique.
mois, nous feismes faire les monstres su\ vant vostre dernière ordonnance, tant au François que aux Italvens qui sont de présent en ceste ville. Toutesfois ce ne Peust sans grande peine, travail et difficulté, mesmes pour le regard des Italiens, à la monstre desquelz nous feismes assister des commissaires et contrerolleurs françois pour obvyer aux abbuz et larrecinsqui se commettent ordinairement en tclz endroietz, espérant, Sire, d'en envoyer Testât à M*r le connestable au premier jour, ensemble de toutes autres choses qui se pourront offrir pour vostre service et le bien de voz affaires. Et n'eussions failly de vous escrire amplement par M. d'Angoulesme, comme portoit nostre dernière despesche, n'eust esté qu'il est tumbé malade, et aussi que nous sommes tousjours attendans la responce de ce que nous vous avons escriptparlesdict Protestan et abbé de Sainct Ferme; n'ayant toutesfois voulu plus longuement retarder de vous escrire et perdre la commodité de ce courrier, qui porte l'ordinaire de Lyon, sans vous donner advis de tout ce que dessus, et pareillement comme M. de Montluc partira ce jourd'huy pour aller en Thoscane faire faire les monstres de ce moys, visiter les places que vous y tenez et pourveoir à toutes choses, selon le besoing qu'il en verra, pour après, selon ce qui succédera, s'en revenir icv, suyvant la prière et instante requeste que luy en ont faicte Nostredict Sainct Père et ledict sr cardinal Caraffe. Et parce que par une des dernières dépesches qu'il vous a pieu faire particulièrement à moy, d'Avanson, Vostre Majesté m'a escript que je demandasse au conte de Pétillan la vente des grains, dont il me demanda permission d'acommoder le duc de Florence, nous n'avons pas failly, estant ledict conte en ceste ville, de luy en faire l'ouverture qu'il estoit de besoing ; sur quoy il nous a présenté en deux fois les articles que nous vous envoyons présentement, afin qu'il vous plaise veoir comme il recherche tant qu'il peult de joingdre à ses terres Castelottier, Castela-
TOMK XXXIII. 33
zare * et Montorio ■, vous suppliant très humblement de considérer s'il seroit bon, ayant fait desmanteller lesdictes terres, de les remettre entre ses mains, et accepter le party qu'il nous faict, qui monte de vingt et cinq à trente mille escuz ; qui seroit pour pourveoir entièrement le Syennois de tous les vivres qui y sont nécessaires, sans que Vostre Majesté entrast en aulcune despence, oultre que estant en la doubte de luy que l'on est, si vous luy baillez lesdictes places qui sont en partie du conte de Saincte-Fleur et du sieur Ginolphe de Castelottier, qui sont tous Impériaulx, cella le pourroyt intéresser, de sorte qu'il perdroit l'espérance de pouvoir plus entrer en pratique avecques eulx. Dont il vous plairra nous faire entendre vostre volonté le plus tost qu'il sera possible ; et là, où ce party ne vous sembleroit bon, et qu'il vous plairroit faire vendre les bledz et munitions qui sont à Parme pour convertir l'argent qui en viendra ou partie d'icelluy à l'envitaillement dudict Syennois, il nous semble qu'il seroit merveilleusement à propoz, car toute l'importance de la conservation decest estât ne conciste que aux vivres. Vous advisant cependant, Sire, que nous sommes en termes défaire marché avec Madame la duchesse de Castres de six cens monges 3 de bled dont, si elle nous veult faire raison et nous bailler terme de payement, nous nous obligerons de la satisfaire, et l'assignation seroit bien à propoz sur lesdicts vivres de Parme. Ne voulant faillir à vous dire de rechef, Sire, que ce qui nous faict avoir tant de soing de pourvoir lesdictes places du Syennois, est que, voyant les ennemys si avant sur cest estât et que d'heure à aultre ilz attendent renfort de neuf ou dix mille hommes, sçavoir est : cinq mille Alemans et trois ou quatre mille Italyens, tant de la Lom-
