Province de Grosseto

3. Monge ou moge, de l'italien moggio, muid (lat. modium), mesure de capacité.

bardye que du duc de Florence, lesquelz se doibvent joindre avec lesdiets lansquenet/,, nous ne faisons poinct de douhte qu'il ne soit bien requis de nous tenir sur noz gardes, veu qu'ilz ont assez donné de tesmoniage de leur volonté par les traictez de Montalcine et Grosset, qu'ilz ont pratiquez cv devant, et qui ont esté descouvertz, comme nous vous avons adverty par noz précédentes dépesches.

Sire, nous supplions le Créateur vous donner en parfaicte santé et prospérité, heureuse, longue et contente vie.

De Rome ce xvje octobre 1556.

Vos très humbles subjeetz et très obéissants serviteurs. Pietro Strozi. — J. d'Avasson. — La>ssac.

279. — 18 octobre 1556. — Lettre de MM. de Lanssac et d'Avanson au roi. (Bibl. nat., F. fr. 20442, fo 167. Orig.)

Sire, estans sur la closture de nostre première lettre, le courrier Protestan arriva avecques la dépesche qu'il vous a pieu nous faire par luy, laquelle incontinent après nous allasmes faire entendre à Mgr le cardinal Carafe et depuis à Nostre Saincl Père, en présence de M. le duc de Paliane qui pour lors estoit avec Sa Saincteté, dont ilz receurent une merveilleusement grande allégresse et contentement, mesmes Nostre Sainct Père, qui ne faillit pas des'estendre en ses discours acouslumez sur l'affection et bonne volonté qu'il porte à Vostre Majesté et sur le désir qu'il a de la vous tesmoigner par effect, mesmes pour le regard du royaulme de Naples, en la privation de ceulx qui le tiennent, et investiture d'icelluy à ung de messeigneurs voz enfans, de l'un desquelz encore il nous dict qu'il désireroit grandement que vous eussiez agréable la promotion en la dignité de cardinal, pour en honnorer ce sainct colleige et en faire une colonne et soustenement de l'Eglise.

Sur quoy nous le suppliasmes de vouloir aulcunement dissimuler la satisfaction qu'il avoit receue du contenu en ladicte dépesche et monstrer aux ennemys qu'il estoit plus que jamais enclin à entendre à la paix, d'aultant mesmement qu'il s'en pouvoit parler à présent avec plus de réputation et d'honneur de Sa Saincteté, et quelle estoit asseurée du secours de Vostre Majesté et de l'affection que vous aviez à entretenir la protection que vous luy aviez promise ; joinct qu'en faisant ceste contenance, il s'en pouvoit ensuyvre quelque accord avantageux et que, à tout le moings, on pourroitpar ce moyeu gaigner temps et entretenir l'ennemy, attendant ledict secours, chose que Nostredict Sainct Père aprouva grandement. Et de faict M8r le cardinal du Bellay a depuis commencé, par le commandement de Sa Saincteté, de ratacher ceste pratique avecques les cardinaulx, par cy devant dépputez pour cest effect. Lesquelz, comme nous avons sceu, se sont résoluz de faire entendre au duc d'Alve, qu'on n'avoit plustost respondu aux articles qu'il avoit proposez pour l'incivilité de ce qu'ilz contenoyent ; mais que, s'il s'en vouloitmodérer à la raison, qu'on regarderoit à persuader nostredict Sainct Père d'entrer en chemin de paix. Bien que Sa Saincteté, en parlant ces jours cy àMgr le cardinal d'Armaignac, lui dict estre résolu de n'entrer aulcunement en accord avec les Impériaulx ny de s'y fier aulcunement, usant de plusieurs paroles contre eulx, comme il est accoustumé quand il en parle. Qui nous faict penser tousjours véritable ce que nous vous escrivons présentement par nostre première lettre ; qui est que malaiseement il se fera jamais accord par deçà, si vous ne le moyennez de vostre costé, voyant Sa Saincteté en la résolution que dessus, laquelle il semble qu'il confirme d'aultant plus qu'il voit et cognoit la volonté que Vostre Majesté a de le secourir.

Au demeurant, Sire, les ennemys sont partiz ces jours-cy

de Tivoly et ont prins le chemin de Marine ' et de Frescatte 8 à huict ou diz mille de ceste ville, pour, comme l'on croit et qu'il est vraysemblable, venir à Ostie, et là avecques la faveur de leurs gallères, qu'ils espèrent debvoii bientost apporter les Allemans et Italyens qu'ilz attendent de renfort, passer le Tibre et par ce moyen se saisir de Civita-Vechia, Cornetto et autres lieux de ce costé la; faisant leur compte de tenir ceste ville assiégée de tous coslez et d'en venir plus tost et facillement à bout.

Sur quoy, cognoissant de quelle importance est le lieu de Civita-Vechia, nous advisammes entre nous, après en avoir conféré avec Messeigneurs les cardinal Carafle et duc de Paliane, qu'il estoit nécessaire que le mareschal Strozzi feitung voyage jusqueslà, comme il a fait, y estant de présent pour regarder à Testât de la fortiffîcation, aux munitions qui y sont, à l'artillerie et aux gens de guerre, et y faire pourveoir selon la nécessité qu'il y trouvera ; estant indubitable, commeVostre Magesté sçait tant mieulx, que le port dudict Civita-Veche ne soit de grande conséquence pour le bien de voz affaires et le service de nostredict Sainct Père ; lequel, depuis l'arrivée dudict Protestan et par le contenu de sa dépesche, semble avoir esté acheminé à faire une promotion de cardinaulx, en ayant desja tenu quelque propoz ; à quoy nous ne fauldrons de le continuer, pour la faire réussir bientost, selon l'intention de Vostre Magesté contenue par la dépesche de M. de Vineuf.

M. le duc de Paliane nous envoya hier le duc de Somme pour nous prier que nous voulissions sçavoir avec lesdicts srs cardinalCaraffe et mai eschal Strozzi le jour auquel il doi ht prendre l'ordre, comme chose qu'il désire d'une grandissime affection, s'estant résolu, bien qu'il s'asseure que