Marino

2 Frascati.

jamais nostre dict Sainct Père niledict sr cardinal son frère ne pourront estre aultres que très affectionnez François, que, quand il debvroit estre le plus pauvre gentilhomme du monde, il n'abandonnera de sa vie vostre service, ny ne diminuera ung seul grain de l'affection qu'il porte à la prospérité de voz affaires, n'ayant autre fiance qu'en la seule bonté de Vostre Majesté.

Sire, nous supplions le Créateur vous donner en très bonne santé et prospérité heureuze, longue et contente vie.

De Rome ce xviij6 de octobre 1555.

Sire, depuis ceste lettre escripte, est arrivé M. de Selve, par lequel nous avons entendu les occasions de sa venue par deçà, qu'il a pareillement faict entendre à Mgr le cardinal Caraffe, n'ayant encores baisé le pied à nostre Sainct Père, comme il vous plaira veoir parce qu'il en escript à Mgr le connestable ; qui nous gardera de vous toucher aulcune chose des propoz qu'il a euz avec ledict seigneur cardinal.

Vos très humbles, trez obéissants subjects et serviteurs. — J. d'Ava^soa. — Lanssac.

280. — 14 novembre 1556. — Lettre de MM. de Lanssac et de Selve au roi. (Bibl. nat., F. fr. 3117, f° 107. Orig.)

Sire, nous avons baillé au sr de La Couldre ung mémoire ' qui se pourroit appeller presque volume ou pappier journal, de ce qui est succédé et passé icy, depuis la dernière dépesche que nous avons faicte par le Gobe 2. Sur quoy Vostre Majesté sçaura bien juger Testât présent des choses de deçà et se résouldre de ce qu'elle aura à