TOME XXXIU

notté deux traits en icelles sur lesquels si c'estoit à moy à faire je vouldrois du tout funder ma responee, l'ung que ledict duc d'Albe s'excusoit audict cardinal de n'avoir respondu à ses lettres du 14e décembre à cause de son absence de Rome, par conséquent que la mesme absence pouvoit et debvoit donner légitime excuse audict cardinal de ne faire point de responee, ou pour le moins ne la faire que pour l'adviser de la réception de sadicte lettre parla fin de laquelle l'on voyoit aussy que ledict duc d'Albe requéroit ledict cardinal de l'adviser de son retour quand il seroit revenu, à ceste cause qu'en luy mandant que sy tost qu'il seroit arrivé icy il luy feroit sçavoir sa venue, c'estoit luy accorder ce qu'il demandoit par sa lettre et néantmoins ne luy rien promettre ne attacher aulcune praticque. Laquelle oppinion Sa Sainteté approuva la plus du monde, me disant que j'avois touché le point et qu'elle ne vouloit aultre responee que ceste la et commanda sur le champ à messer Silvestre Atobrandin de la faire toute telle sur les blancs envoyés par ledict sieur cardinal et n'y adjouster ny diminuer, m'y donnant tout plain de bénédictions et disant que je l'avois ostée de grande peine. Et depuis, Sire, ledict messer Silvestre m'a envoyé le double de ce qu'il en a faict qui est presque de ceste substance excepté que la lettre qui va au cardinal Pacheco semble comme vous verrez un peu plus pregnante que l'autre et que je ne l'adevisay ; toutefois, Sire, je pense qu'il n'y a rien qui puisse préjudicier, estant mesmement le Pape et ledict duc de Paliano si résolus comme je les vois de ne voulloir plus entendre à praticques quelconques. Et croy certainement que Mer le cardinal Caraffe a la mesme volonté, ne voulant faillira vous dire, Sire, quesurceproposNostredict Saint Père m'asseura plus que jamais de la constance et persévérance de son estroicte amitié avec Vostre Majesté, et que tous les biens, toutes les puissances et les forces ou violences du monde ne l'en sçauroient séparer, et que vous

leinssiez ce point là pour tout résolu. Et qu'il promettoit le semblable pour le duc de Paliano là présent et pour ses deux autres nepveux absents et pour toutes leurs maisons, disant audict duc qu'il protestoit devant Dieu que s'il le pensoit aullrement il les maudiroit et persécuteroit comme ennemiz de Dieu et de luy. De quoy ledict luy feist en ma présence de grandes promesses, luy disant qu'il n'avoit encore voulu dire à Sa Sainteté que le duc d'Albe ces jours passés avoit ostés les biens estant au royaulme à luy et au marquis son frère et en avoit disposé comme de biens de rebelles, lasseurant que cela ne la moitié du royaulme, quand il Fauroit à perdre ou à gaigner, ne le sçauroit desmouvoir de vous estre perpétuellement serviteur fidèle et qu'il vous vouloit envoyer son fils unique, le plus cher gaige qu'il eut en ce monde. Ce que Nostre Saint Père luy loua et approuva, luy disant que les gens de bien n'avoient jamais nécessité et que Dieu les aidoit tousJDurs, et que la perte de son bien estoit chose long temps a préveue ; après, se tournant à moy me dist que pour l'honneur de Dieu je vous feisse bien entendre de sa part que vous ne vous laisseriez point desmouvoir ne retirer de ceste sainte et juste guerre par party de paix qu'on vous sceut proposer, ce qu'il estoit bien seur ne laisseroit de faire par tous les moyens du monde ; mais veu la belle et grande occasion que vous avez en la main, si vous vous contentiez à moins que de chasser les Espagnols de toute l'Italie, il ne sçauroit que dire ne que penser et que lors vous feussiez seur qu'il ne seroit jamais content qu'il n'eust veu cela. Finiz ces propos il se va mettre à parler audit sieur duc de Paliano en mon honneur et louange, et lui commanda très expressément de me communiquer toutes choses, et ne m'en celer aulcune grande ne petite, et de prendre mon conseil et advis sur tout. Et en feist tout aultanten l'endroict dudict Altobrandin. Je luy asseurois que je le ferois entendre à Vostre Majesté et qu'elle n'en feroit pas moins en l'endroit

de Sa Sainteté, laquelle m'asseura qu'elle ne me scelleroit jamais rien et qu'elle me diroit jusques aux songes qu'elle songeoit la nuict et qu'elle vouloit que tous ses ministres me feissent de mesme et qu'elle prendroit toute telle seureté de moy que Vostre Majesté sçauroit prendre. Après cela, se meust à parler de faire des cardinaulx en bon nombre, et en parloit comme de chose fort pressée, ce que je luy louay et approuvay tant que je peus. Le duc de Paliano luy dit aussy que ce seroit bien faict, mais qu'il failloit attendre la venue de Mgr le cardinal Caraffe ; ce que Nostre Saint Père luy dict qu'il vouloit, mais que c'estoit chose qu'il ne failloit point mener en long, luy disant qu'il n'estoit pas obligé de demourer tousjours icy et estant de grand âge, Dieu le pouvoit à toute heure appeller, et que s'il se mouroit sans avoir fait lesdits cardinaulx il penseroit laisser le pontificat et ce Saint Siège en proyes des héréticques et scismaticques et queledict duc et ses autres frères s'en pelleroit la barbe de desplaisir. Et se meist à parler de ce propos de grande véhémence, me disant que les cardinaux françois estoient si honnorés, riches et accommodés en France qu'il ne failloit point espérer de résider à Rome, et par conséquent que ce Saint Siège ne Vostre Majesté ne s'en pouvoit plus promettre, advenant la vaccation d'un pontificat, le service que l'on pouvoit avoir des résidents ; par ainsy qu'il vouldroit remédier à l'inconvénient qui estoit à craindre qu'il failloit faire des cardinaux pour résider et non de ceux qui sont pour estre toujours absents. Je luy dis, Sire, que ceulx que Vostre Majesté luy avoit nommés estoient tous pour résider ; surquoy il me déclara qu'il se vouloit résouldre un de ces jours.

Sire, laissant à part Testât des choses de la guerre et des finances dont moy de Lanssac escript particulièrement à Msr le connestable, pour ce que ceste lettre est assez longue sans cela, nous vous dirons seullement qu'il y a par deçà trois entreprises en termes de s'exécuter qui

semblent toutes trois d'importance : l'une sur Portliercules, laquelle est en main du cappilaine Moret ', calabroys, qui se trouve de présent à Cornette ; l'autre est d'Orbattello, laquelle est en main de M. de Montluc, qui a ci devant nommé le cappilaine la Salle 2, qui est à Civitaveche ; la tierce est proposée par un cappitaine italien de Pesaro 3, qui s'est venu addresser à nous, nous asseurant avoir moyen de surprendre le Goast ;, place d'importance à la marine, à l'entrée de l'Abbrusse, et pour ce que plusieurs gens d'estoffe qui congnoissoit ledict cappitaine en font bonne relation nous lavons présenté et adressé à M. le duc de Paliano qui congnoist ledict lieu pour l'envoyer au marquis de Montebello, son frère, aflin de s'en servir selon qu'il en aura besoing et le moyen es lieux où il se trouve. Et nous a escript M. de Montluc naguerres qu'il désiroit bien entendre comme il se doit gouverner avec le duc de Florence, et si Vostre Majesté trouveroit bon là où il auroit quelque entreprinse d'importance entre ses mains sur quelques places dudict duc qu'il l'exécutast ; dont nous luy avons mandé que nous ne luy seaurions que dire jusques à ce que nous eussions quelques nouvelles de Vostre Majesté sur le faict dudict duc duquel à l'instance de Nostre Sainct Père nous vous avons par cv devant escript.

Sire, ces jours derniers, l'ambassadeur de M. le duc de Ferrare a monstre lettres de son maistre à moy de Selve, du 3e de ce mois, contenant d'avoir eu advis de l'arrivée de Msr de Guise à Thurin, et qu'il debvoit estre sur

1. Le capitaine Moretto de Cantarollo, Calabrais, gouverneur de Montepescali, dans la Maremme. Il est cité fréquemment dans les Mémoire* - journaux de François de Guise, ainsi que par Monluc (t. II, p. 220 et sqq.) et Brantôme (t. II, p. 269 ; t. IV, p. 72; t. VI, p. 110).

2. Le capitaine La Salle, commandant la garde particulière de Monluc (Commentaires, t. IV, pp. 30'i et 349.)

3. Bartolommeo Giordani da Pesaro, capitaine italien au service de la France, mentionné par Monluc (t. II, pp. 224 et 240).