Cet extrait de lettre fut transmis au duc de Ferrare

commandiez de vous aller incontinant trouver, tant pour vous dire la commodité des lieux et passages où vous avez à conduire vostre armée, que ce que je puis entendre des choses requises pour voz entreprinses. Et à la fin de vosdictes lettres vous dictes que vous estimez qu'il est meilleur que je demeure icy pour pourveoyr à ce qui est nécessaire pour le service du Roy, en l'absence de M. le mareschal Strossi, qui iroit devers vous. Ce que j'ay entendu qu'il ne peult faire pour les raisons qu'il vous escript, parquoy j'ay espérance, entre cy et six jours au plus tard, en quelque sorte que ce soit, de partir pour satisfaire à vostre comandement. Car par les dernières lettres que j'ay receues de Mgr le connestable, il me mande que je me tienne prest, d'aultantque par la première dépesche le Roy me commanda de m'en retourner vers Sa Majesté. Et pour ce que nous en actendons d'heure à aultre des nouvelles et qu'elles ne peuvent guères tarder, je suis aprez à mectre fin avec les ministres du Pape aulx comptes de toute la despence qui a esté faicte en commung jusques icy, pour m'en aller devers vous le mieulx informé de toutes choses que je pourray. Cependant je ne vous puis dire riens d'avantaige de ce qui est contenu par les lettres communes de M. l'ambassadeur et de moy ; sinon, Monseigneur, pour vous ramcntevoir derechief qu'il vous plaise de pourveoyr par delà aulx pouldres et munitions qu'il fault pour l'artillerye ; car de vous actendre au costé de deçà, vous en seriez mal servy, et de celles que vous pourrez recouvrer à Ferrare et à la Mirande, il vous sera bien aisé de les faire conduire par le Pô jusques à la mer et de là jusques à Ancône ou Ferme * qui sont les lieux de cest estât, les derniers par où il fault passer pour entrer du costé de la Bruzzo au royaulme de Naples.

Monseigneur, aprez avoir présenté mes très humbles