juin 1S53. — Lettre de M. de Lanssac au roi

Sire,j'ay receu par Bonacorsy la lettre qu'il vous a pieu m'escrire du vje de ce moys, au premier article de laquelle il n'est point besoing de response pour ce qu'il parle des affaires de Syennes dont vous aurez sceu la résolution par Nicquet que MMgrs les cardinaulx de Ferrare et du Belay et moy vous dépescbasmes de Viterbe, et audemeurant incontinent après la réception de votredite lettre je m'en allay trouver le Pape et luy fiz entendre que Votre Majesté désirant donner ordre à toutes chozes, pour sa satisfaction, m'aviez envoyé ung pacquet pour le baron de la Garde qui est sur votre armée de mer, laquelle ne peult plus guères tarder à comparoir en ceste coste, escrivant audit baron de la Garde qu'il donnast bien ordre que aucun dommage, mal, ne desplaisir ne se fist aux subjectz de Sadite Sainteté ni autre vos amis, et que vous la suppliyez de son costé donner ordre que ses dits subjectz en usassent de courtoyzye, et baillassent vivres et raffraischissemens en payant afïin que ceulx de ladite armée ne fussent contrainctz d'user de quelque force pour en avoir. A quoy Sadite Saincteté me respondist qu'elle avoyt tant dasseurance de toutes voz forces et de celles où vous pouviez commander que au lieu de s'armer pour la venue de ladite armée qu'il voulloyt casser la pluspart des gens qu'elle avoyt euz durant la guerre de Syennes, et qu'elle vous remercyoyt bien fort de l'advertissement que vous faisiez audit baron, et qu'il ordonneroyt par tous ses portz d'accommoder de tout ce que l'on pourroyt ladite armée. Pareillement, Sire, je luy diz comme de moymesmes et sans votre commandement le grand desplaisir et recentement que vous aviez des mauvais dépportementz du duc de Florence, mesmement du destroussement de voz pacquets faictz sur Testât de l'Eglize. A quoy vous pensiez que de sa part Sadite Sainteté ne fauldroyt aussy de s'en ressen-

tyr, et en faire telle démonstration qu'elle devoyt pour la bonne et parfaicte amytyé qui est entre vous. A quoy elle me respondist que ledit duc s'en excusoit disant que domp Garcye l'avoyt faict faire... Inv, et que s'il avoit fait chose qui vous malcontentast il le voulloyt amander, et vousdemourer serviteur, etdist davantaige Sadite Saineteté qu'il n'estoyt pas besoing de conquérir toutes choses à coups de lance et que comme ledit duc vous demourera serviteur vous pouviez disposer de tout le milieu de l'Italye, c'est à savoir de sonestat, de cellui del'églize et deFerrare, qui facilliteroyt grandement voz entreprinses. A quoy je lui dis que quiconques avoyt faict ledict destroussement fust domp Garcye ou autre, Sadite Saincteté devoyt poursuivre d'en avoir la raison, mais que ledit duc ne s'en pouvoit excuser, d'autant qu'il avoyt le pacquet entre ses mains, et avoit envoyé toutes les lettres à Mgr le cardinal de Ferrare, excepté la votre et celle de Mgr le connétable et que c'estoit choze que je pensoys bien que vous ne laisseriez pas passer soubz silence.

Sire, il y a environ ung moys que le prieur de Cappua * avoyt envoyé icy ung sien serviteur chevalier nommé Paulo de Russy, Florentyn, pour quelzques affaires d' importance que le sr Robert2 escript au sr Pierre [son] frère pour vous faire entendre, lequel de Russy le Pape fîst prandre prisonnyer, et à l'instance dudit s' Robert je m'employiay envers Sa Saincteté pour sa délivrance, laquelle me dict que auparavant elle voulloyt estre informée de son fait, et que puis après elle y pourveoyroyt. Touttefoiz depuis cinq ou six jours en çà d'une nuyt elle le fist charger

1. Léon Strozzi, fils de Jean-Baptiste dit Philippe Strozzi et de Clarice de Médicis, nièce du pape Léon X, chevalier de Malte, prieur de Capoue et général des galères de France, fut tué, pour le service de la France, au siège du château de Piombino en 1554.

2. Robert Strozzi, frère de Léon Strozzi, chevalier des ordres du roi et chevalier d'honneur de la reine Catherine de Médicis, épousa Madeleine de Médicis. Il fut chef des émigrés florentins dans l'armée de Pierre Strozzi.

sur une frégatte bien armée et l'envoya au duc de Florence et pour autant que ledit sr Robert m'a dit que autrefois cestuycya eu maniement et congnoissanee de choses qui importoient votre service, je m'en allay à Sadite Saincteté par l'advis de Mgr le cardinal du Belay, luy remons- *trer qu'il me sembloyt qu'il s'estoyt fait grand tort pour troys raizons, l'une pour le préjudice de sa juridiction et de la liberté de Romme, et que si cestuycy avoit offencé on le pouvoit bien pugnir icy sans l'envoier ailleurs et que les autres forussyz de Florence qui sont icy en grant nombre et de grand utilité pour ceste ville n'y pourroient plus demourer seurement puisque le duc de Florence y avoyt tant de crédit, et que d'autre part ledit chevalier avoyt esté en endrovt où il avoit peu entendre et veu chozes de voz affaires dont vous ne voulliez pas que ledit duc fust juge, davantage que Sadite Saincteté estoyt le seul moien pour rhabiller les faillies dudit duc envers vous, et que

si elle se laisse elle perdra le moien de luy faire ce

bien, pour ce que Votre Majesté la tiendroyl trop suspecte faizant ainsi tant de démonstracions de le gratiffier en ce qu'il veult. A quoy elle me respondist au commencement en collère que je n'avois que faire de m'cmpescher de cela, que cestuycy n'estoyt point votre serviteur, et que avec bonne raizon elle l'avoyt envoyé là ; que toutefoiz il n'aurovt point de mal, et que quant il seroyt question de chose qui vous touchast elle scavoyt bien quel respect et égard elle y devoyt avoir. Si est-ce à mon advizqu'ellese repend bien de l'avoir fait, car il est trouvé fort mauvais de tout le monde. A la première audience que j'auray je demanderay à Sadite Saincteté si elle n'entend pas que les dits srs pierre ei Robert Strossy comme voz serviteurs et ceulx de leur maison puissent demourer seurement sur ses terres, pourveu qu'ils ne offencent Sadite Saincteté ne son estât. Sire, sitost que j'auray nouvelles seures de votre armée de mair, j'envoycray le pacquet que vous m'avez envoyé à

M. le baron de la Gardele plus seulement que je pourray et ne fauldray de vous en advertir incontinent.

Sire, je supplie le Créateur, etc.

De Home le xxviije jour de juing 1553.

52. — l'1!' juillet 1553. — Lettre chiffrée de M. de Lanssac au connétable de Montmorency.

Monseigneur, suivant le commandement que vous me faictes par votre lettre du vje de ee moys laquelle j'av communicquée à M. le cardinal du Bellay et prins de luy son advis, après avoir tenu au Pape les propoz que vous verrez que j'escriplz au Roy, le voullant mettre en ceulx que vous me mandiez par volredite lettre luy tenir, je luy demanday s'il avoyt point eu de nouvelles de M^r le cardinal d'Imola son légat devers l'Empereur. A quoy il me responditque le jour mesmes il en avoyt eu lettres, et que ledit légat luy mandoyt avoir eu audience, mais que l'Empereur pour son indisposition l'avovt remys pour négotier avec la Roy ne d'Hunguerye ', et n'avoyt pas eu propoz de grande importance avecques luy, mais que bientost il luy dépescheroyt ung 'courrier pour luy faire entendre tout ce qu'il auroit fait avec ladicte Royne ; quoy voyant et que Sadite Saincteté n'estoyt pas fort bien disposée ne en bons termes il me sembla ne devoir point nasser plus oultre pour ce coup, attendu mesmement que je faisois grand doubte qu'il eust tins les eboses secrettes. Mais le lendemain qui fut avant hyer j'allay veoir le sr Baldoyn, lequel en devisant me dist les mesmes nouvelles. Et je luy diz comme de moy mesmes que estant icy ministre du Roy par l'élection du Pape, que Sa Majesté me y avoit envoyé

1. Marie d'Autriche, sœur de l'empereur Charles-Quint, veuve de Louis II, roi de Hongrie et de Bohème. (Théodore Juste. Les Pays-Bas sous Charles-Quint : Vie de Marie de Hongrie. Bruxelles, 1855, in-8°, p. 3.)