TOME XXXIII

pensant que je luy feusse agréable, qui m'obligeoyt à avoir grande affection de luy faire service, et pareillement à toute sa maison, je m'estimerois bien heureux si durant ma légation je povois mettre quelques propoz en avant qui succedastà la satisfaction de Sadite Sainteté. Laquelle pluzieurs fois m'avoit dit la grande amour et affection qu'elle portoyt à Sa Majesté et qu'elle luy voulloyt monstrer par effect advant la mort de l'empereur, lequel estant à l'extrémité qu'il est de sa maladye et sans grande espérance de sa convalescence, combien qu'il fust vif on povoytbien dès ceste heure penser à ce que l'on vouldroyt faire après sa mort, et que tant plus les choses estoyent délibérées de longue main, tant plus avoyt l'on de moyen de les exécuter ; qu'il estoyt bien certain que estans Sa Sainteté en bonne intelligence avec Sa Majesté, elle avoit moien de le faire le plus grant et honnoré pape qui fut il y a vc ans, augmentant le bien du Saint Siège apostolique qui avoyt esté despoillé de toutes partzet faire oultre cclla sa maison des premières de l'Italye, que à ceste cause, je désirois bien d'entendre de Sadite Sainteté quelle délibération elle vouldroyt prendre advenant lamort dudit empereur, ce qu'elle désirero} t du Roy et aussy ce que elle vouldroyt faire pour lu\ affin (pie je peusse disposer Sa Majesté à y entendre et préparer de son costé. Et lui diz davantage que je n'en avois point voullu parler à Sadite Sainteté, avmant mieulx m'en addresser à luy pourl'asseurance que j'avois de l'amour et affection qu'il portoyt au scrvicedeSa Majesté, et affin aussi qu'il eust l'honneur de oonduyre ung si bon commerce. \ quoy il me fist responce qu'il me remerevoyt de ma bonne voullonté et qu'il avoyt une très grande affection de faire service au Roy, qui estoyt en cela conforme à celle du Pape ; lequel, advenant la mort de l'empereur, ne fauldroit pas de regarder à ce qu'il seroyt le meilleur de faire pour le bien de la chrétienté, sans regarder au sien particulier, mais en ce qu'il pourroitfaire pour le bien, honneur, et advantaige

du Roy, il le feroyl et que de sa pari il \ tiendroist la main ; toutefois que ce n'estoyt point chose où il lallusl si axant entrer, n'estans pas les choses présentes si pressées que nous n'eussions bien le moien d'en deviser. Je luy eontinueray le plus dextrement que je pourray ce propoz, et si j'en puis tyrer quelque chose de certain et où l'on puisse faire fundementje vous en advertiray en toutte dilligence, vous asseurant, Monseigneur, suivant ce que M. le cardinal du Bella\ \ous en escript, que nous avons affaire à des gens avec lesquelz il est bien difficile de Caire beaucoup de bonnes choses, car il/ ne sont pas de grande entreprinse, et semble qu'ils ayent plus de plaisir à se maintenir en Testât qu'il/ sont et se donner du bon temps que d'aspirer à plus grands biens, davantaige que bien ilz vouldroyent tout ce que nous pourrions désirer, le Roy n'en pourroyt guères espérer sinon la commodité des gens, des places, et des vivres, car le Pape n'a pas ung escu et en doibt beaucoup. Mai/ je ne faiz poinetde doubte que estantl'empereur mort et que les forces du Roy fussent gaillardes pardeçà, j'espérerois qu'il se pourroyt accommoder de tout ce qui est en la puissance de Sa Sainteté luy faisant quelques partyshonnestes et advantageux, et cependant il me semble que nousneseaurions mieux faire que de l'entretenir le plus doulcement que nous pourrons en eeste bonne voullonté, et s'il vous plaist que j'en face davantage je vous supplie très humblement me le mander. Monseigneur, je vous advise que la dernière maladye que a eu le Pape àViterbea esté beaucoup plusaspre qu'elle ne soulloyt, car la goutte le tenoyt au col et aux espaulles, avec telle doulleur que tout son corps s'en sentoit jusques au bout des doigtz et des piedz, avec une inflammation et fiebvrc merveilleusement grande, et s'est rendu icy avecques la plus grande peyne du monde. Si esse qu'il n'a pas les cuisses plus grosseque j'av le bas de la jambe, et qui vouldroytcroyre les médecins et astrologues de ce pais on n'au-

rovt pas grande espérance en sa longue vye, et croy que le principal argument qu'ils y prennent est la mauvaise règle dont il vit. Sa Sainteté a encores quicté ceste année à M r le duc de Parme les vm escuz de cens qu'il luy devoyt à cause de sondit duché de Parme.

Monseigneur, je n'ay point eu de nouvelles de Sienne depuis le parlement de Mgr le cardinal de Ferrare de Viterbe, ne pareillement de l'armée de mair, laquelle aussitost qu'elle aura esté descouverte je ne fauldray à y envoyer et à vous en advertyr, vous advisantque je désire fort avoir la responce de ce qui vous a esté cydavant escript du sr Vincencio delNobili, lequel est content d'entrer au service du Roy à semblable condition que avoit eu Ascanio de la (.orgue qui est de iira escuz de pension, mais comme je vous ay mandé, il vouldroyt avoir la charge de la cavallerve ou infanterye italvennes, que je n'ay garde de luy accorder sans premièrement sçavoir là dessus la voullonté du Roy et la vôtre. Il est vrayqueM. le cardinal du Bellay et moy avons advisé une choze que vous la trouverez bonne, qui est de luy accorder l'ung desdits estatz au royaume de Napples au cas qu'elle se face, car si elle se faict il a moien d'y faire de grans services qui méritent bien eeste charge, et si elle ne se faict on ne seroyt en riens obligé que de sa pension.

Monseigneur, je me recommande, etc.

De Rome le 1er jour de juillet I553.

53. — 1er juillet 1553. — Lettre chiffrée de M. de Lanssac au connétable de Montmorency.

Monseigneur, depuis mon autre lettre escripte, j'envoyay le secrétaire Boucher ' devers le Pape, pour quelque

1. Arnould Boucher, seiizneur d'Orsay et de Piscop, devint maître des requêtes de l'Hôtel du roi, puis premier président du Grand Conseil et mourut en 1391.

affaire particulière, auquel Sadite Sainteté <Iist qu'elle commençeoytà se bien porter de sa maladye, et que quanl elle se porteroyt mieux elle m'envoieroyt quérir pour me len\ r quelques propoz et que nous ferions quelque bonne chose.

Je ne puis penser que ee peult estre sinon qu'il entendist s'emploier pour la réconciliation du duc de Florence avec le Roy, parceque c'est une clioze qu'il désire merveilleuzement et dont il me parle toutes les foi/, qu'il me veoyt ; et aussy j'ay entendu qu'il avoyt envoie quérir le principal secrétaire dudit duc à Florence, pour le faire venir icy pour cesteffeet, et depuis Ta dépesché vers son maître, ou bien peult estre que le s*1- Baldoyn luy avoyt fait entendre les propoz que je luy ay tenuz, ce que je crov, car le sgr Marcel Palombe me dist hier, que ledit sgr Baldoyn lui avoit dit lesdits propoz, et que il voyoyt toutes choses bien dispozées, mais qu'il ne failloyt riens presser, et que Sadite Sainteté attendoyt de voyr quelle fin prendront la maladye de l'Empereur, et quelles forces le Roy envoieroyt par deçà pour se gouverner selon cela, Ledit Palombe me fist une autre difficulté, c'est comme il seroyt possible que le Pape sejoignist avec les forces du Roy puisque celles du sgr turcq y sont, à quoy je luyrespondiz que quand nous en serions là nous accommoderions bien toutes choses, vous advisant que M. le cardinal du Bellay et moy continuerons sesditz propoz le plus dextrement qu'il sera possible, et quand nous en pourrons tyrer choze digne de vous advertyr, je le feray en toute dilligence. Mais il n'y a personne de qui nous nous puissions mieulx servir envers ledit ssr Baldoyn que dudil Palombe, lequel pour les bons services qu'il a cydevant faitzet peult encores faire il me semble qu'il mérite quelque recongnoissance. Parquoy s'il vous plaisovt avoir souvenance de luv faire paier sa pensvon de vie 1. tz et luv escripre quelque lettre favorable, je croy qu'il prandroyt courage de continuer et faire encore mieulx.

Monseigneur, le duc d'Urbyn partyt avant hyer pour s'en aller en sa maizon, à ce que j'ay entendu assez malcontent, parceque le Pape ne luy a voullu donner quelque ville qu'il demandoyt auprès de son estât et aussy n'a-t-il pas laissé par deçà trop grande satisfaction de luy, et m'a dit ledit Marcel Palombe qu'il n'a riens esté conclud du mariage de sa fille avecq le s*r Fabien et que plustost les choses sont reffrovdves que advancées. J'espère me bien ayder de ceste occasion envers ledit Baldouyn et pour ce que mondit sr le cardinal du Bellay vous escripl de toutes les autres nouvelles qui se présentent icy oultre ce que je vous escriplz, je ne vous en dira y autre chose, me recommandant, etc.

De Rome le premier jour de juillet 1553.

Monseigneur, j'ay tout présentement esté adverty pour certain que le mariage du $& Fabyen avec la fdle du duc d'Urbvn est du tout rompu et que l'on mect en avant paitv du mariage dudit Fabyen avec la fille du duc de Florence, ce que Mgr le cardinal du Bellay et moy empescherons le plus que nous pourrons.

54. — 3 juillet i 5 * j 3 . — Lettre de M. de Lanssac au cardinal de Ferrare et à M. de Termes.

Messeigneurs, J'ay entendu par ce qu'il vous a pieu me mander par M. Le Prévost les lettres que le Pape vous avoit escriptes et ay trouvé bien fort estrange qu'il n'en avt riens faict entendre à M. le cardinal du Bellay m à moy, non pas que pour mon regard j'en ave aulcung mescontentement et que je ne vous voulusse déférer toutes chozes, maiz il me semble qu'estant icy mondit s"r le cardinal et moy ministres du roy avecques pouvoir pour négocier de ses affaires, que Sadicte Saincteté a eu peu de respect en nous, et je ne fauldrav pas de luy en dire mon adviz aujourd'huy, mais ce sera de façon qu'elle ne le sçaurovt

trouver mauvais. Au demeurant je laisse audit s** Prévost a

vous faire entendre les propoz qu'il a tenus à Sadite Sainteté et quelle responce il en a eue ; et aussi après avoir parlé à Sadite Sainteté (ee que nous ferons mondit s' le cardinal et moy ce soir), je vous rendra} compte de tout ee qui sera passé entre nous.

Messeigneurs,, incontinent après avoir receu votre lettre j'envovay quérir messer Bernard Aeeiolv ' qui est le seul moyen que je puys avoir icy pour recouvrer argent, et le priay bien fort de me secourir de la somme (pie vous demandez, et il me diet qu'il en parlero\ t à ses amvs, mais que premièrement que d'en bailler davantage il vouloit entendre que la partie de vingt mille escuz qui fut fournie dernièrement eust esté remboursée à Lyon, ce que je pense qu'elle aura esté et que nous en aurons nouvelles par le premier courrier. Toutcffois cependant ilz ne veulent point bailler argent, parquoy je serois d'adviz qu'on ne feist pas trop grand fondement de ce costé et que vous sollicitissiez M. de Lodève qui a beaucoup plus de moyens d'en recouvrer que moy et avecques meilleures conditions, aussi est-ce sa ebarge, je luv en av escript deux fovs depuis que je suis de retour icy, dont je n'av point eu de responee. J'espère d'avoir demain de ses nouvelles et aussy de M. de Selve, et s'il me mande ne pouvoir trouver argent je feray de ce costé tout mon pouvoir et debvoir, tant pour le service du Roy que pour obéyr à ce qu'il vous a pieu me mander. Je vous envoyé ung extrait des nouvelles que j'ay tant de Tbérouenne que de notre armée de mer qui vient de Levant, et vouldrois bien qu'il vous pleust me faire seavoir s'il yauroit point quelque bonne frégate à Portbercule que je peusse envoyer seurement vers ladiete armée.

Messeigneurs, s'il vous plaist vous vous prendrez garde

1. Acciaioli, noble et ancienne famille de Florence, qui a été féconde en grands hommes et a possédé en souveraineté Corinthe, Thèbes et Athènes.

d'ung nommé Andréa Sacripante, filz de messer Vincencio Sacripante qui sont avec M. le duc de Somme ' à Sienne, carj'ay peur que le père ny le filz ne vallent guères, comme je vous feray entendre par ledit Prévost. A Rome le iiije jour de juillet 1553.

56. — 6 juillet 1553. — Lettre de M. de Lanssac au cardinal de Ferrare et à M. de Ternies.

Messeigneurs, vous entendrez, par ce que M. Le Prévost vous escript, ce que le Pape luy diet hyer au soir et semblablement par les coppies et mémoires que je vous envoyé, toutes les nouvelles que j'ay aprinses tant de l'ambassadeur de Venize comme de M. de Bassefonteine qui est en Suisse, parquoy je ne vous endirav aultre chose sinon que les Impériaux publvent en ceste ville avoir eu lettres de Bruxelles du xxje du moys passé contenant la prise de Thérouenne M'assault, où ilz disent que tout a esté tué et mis en pièces excepté M. de Montmorency 3 et six ou sept aultresdont ilz ne disent point le nom. Si ainsi est c'est ung très grand dommage pour la perte des gens de bien qui y estoient, car quant à la place elle n'est pas en lieu où elle porte dommage à notre frontière, et si ne la sçauroient avoir prinse qu'ilz ne l'aient grandement ruinée, et avant qu'elle peust estre remparée les forces du Roy seront suffizantes pour la reprendre. Davantaige il est certain qu'ilz

1. Jean-Bernard de San-Severino, duc de Somma, capitaine napolitain, devint sous Charles IX colonel général des Italiens et mourut à Langeais-sur-Loire le 25 mai 1570.

2. Thérouanne, qui avait opposé une héroïque résistance à l'armée de Charles-Quint, fut prise le 20 juin 1553 et totalement détruite. (H. Piers, Histoire de la ville de Thérouanne, Saint-Omer, 1833, in-8°, p. 43.)

3. François de Montmorency, fils du connétable, était gouverneur de Thérouanne; à son retour de captivité, le roi le nomma chevalier de son ordre et le pourvut du gouvernement de Paris et de l'Ile de France. Il avait dû verser pour sa délivrance, qui eut lieu en 1556, 50.000 écus. 11 épousa Diane, fille naturelle du roi de France Henri II, et veuve de Horace Farnèse, duc de Castro.

ont perdu quatre fois plus de gens que nous durant le siège et aux assaultx. C'est une fortune de guerre dont il faut prendre pacience, et espérer que Dieu qui a esté tanl favorable et propice au Roy jusques icy ne l'abandonnera point pour l'advenir.

A Rome le vj* jour de juillet 1553.

56. —7 juillet 1553. — Lettre du cardinal du Bellay1 et deM.de Lanssac au roi. (Bibl. Nat. F. fr. 20447, fo 27, Copie.)

Sire, depuis avoir par moy de Lanssac esté tenu au seigneur Baldouin, le propos de mariage dont je rends par mes lettres compte à M. le conncstable, estant assez couru de temps pour en avoir par luy esté faict communication à notre Saint Père, il nous a semblé pour le mieulx qu'allissions entamer par ensemble les mesmes propos à Sa Sainteté et d'aultant plus que chascun de nous en estoit chargé par son instruction là où le cas adviendroyt qui s'est présenté. Estans donc, Sire, le jour d'hier entrés ou dict propos en la façon qu'avons peu choisir pour la meilleure, nous luy avons faiet entendre le soing que vous aviez de la grandeur de sa maison, qui toute ou pour la pluspart sembloyt retomber en la personne du seigneur Fabian ; ne voulant pas seullement Vostre Majesté chercher les moyens de la haulser, mais encores de la asseureret perpétuer par bonnes et grosses alliances, et par icelles si bien et estroictementla lyer quel'appuy que la dite Maison en auroit pour l'advenir et le lyen qui y interviendront fust cause que l'amitié, qui pour ceste heure n'est sinon comme voluntaire," fust pour l'advenir entre lesungset les aultres tenue pour nécessaire et qu'en oullre vous ne desdeingniez de luy bailler fille quine feust de tel

1. En marge, à la fin de cette lettre, on lit : « Nota, que Monssr le cardinal du Bellay feit la lettre commune au Roy ».

et si hault sang qu'il ne y en auroit en Italie qui en ceste qualité la surpassast. Aussi que Vostre Majesté s'estant quant au faict de ce mariage mise à penser à la grandeur et exhaulsement du dict Fabien es choses qui reguardent l'honneur, Sa Sainteté pouvoit bien penser qu'en ce qui reguarderoit le point de l'utilité vous ne y vouldriez défaillir, a\ ant et la voulonté et le moyen de ce faire, aultant, et pour le présent et pour l'advenir, que prince de la chrestienté, chose qu'avions différé de faire entendre à Sadicte Saincteté pour le bruyt qui estoyt si commun que le mariage d'entre le dict sieur Fabian et la fdle d'Urbin feust conclud, mais voyant maintenant le dict bruit si refroidy qu'il estoit, nous n'avions voulu faillir de faire l'office qui nous en avoit esté commandé.

Sire, pour ne trop vous occuper sur l'Iionncstcté des merevements de Sa Sainteté, comme bien le méritoyt ung tel offre, en laquelle honnesteté véritablement il n'oublia rien de ce qui v appartenoit, remémorant les choses passées et confessant que sans le bras de Vostre Majesté il ne feust ou degré où il est, ainsi que publiquement il avoit assez de fois dit et déclaré, faisant aussi par ses parolles le compte et estyme qu'il debvoit du stabiliement et de ce Saint Siège et de sa Maison tant pour le présent que pour l'advenir. Laissant donc, Sire, tout cela derrière, nous vous dirons seullement que la conclusion de Sa Sainteté fut telle que desja il estoit fort avant en propos du mariage du dict Fabian avec une des filles du duc de Fleurance dont il s'estovt laissé clairement entendre des Viterbe à M. le cardinal de Ferrare à ce que il s'en conclut ung party parmy lequel l'aisnee ' feust pour le prince de Ferrare nepveu du dict sieur cardinal, une" des

t. Lucrèce de Médicis, née en 1542, épousa Alphonse d'Esté, duc de Ferrare, de Modèneet de Reggio, prince de Carpi, né le 19 janvier 1533.

■2. Isabelle de Médicis, née en 1545, épousa Paul-Jourdain Orsini, duc de Bracciano, epai la tua en 1578.

aultres pour le sieur Fabian. Chose qui pour l'une et l'autre sembloytà Sa Sainteté (ce dit elle) très raisonnable. Car quanta son reguard estant d'une part es afflictions, tribulations et adversités continuelles qu'il est tant pour son indisposition et continuelles maladies, d'autre part ayant devant les yeux les travaux de la ehreslienté, il n'avoit aultre confort ne récréation quant aux choses mondaines que ce qu'il en pouvoyt prendre et recevoir de ceste petite créature, ou bien, présence et fruition de laquelle estoit assis tout ce peu de plaisir qu'elle peult avoir en ce monde, s'estendant fort avant et amplement sur ce propos et sur l'extrême affection qu'il v a et disant à la fin qu'il ne veoyt endroict qui plus luy tournast à commodité que l'alliance et party dessus dit ; préférant, pour le respect de la voysinanec, et de la pairie et de l'assiete, où est ce qu'il a d'estat et de biens, la dicte commodité, pour manière de dire, à un royaulme, s'il luy en povoit succéder ung d'ailleurs, sans qu'il feust comme il disoit pour chercher ce qu'ont cherché aulcuns ses prédécesseurs pour leurs nepveux et parents, n'oubliant en ce compte les papes Paule, Jule et autres et qui nonobstant tout cela quelque instance qui luy eust este faicte du dict mariaige et combien que depuys le raisonnement susdiet tenu avec mon dict sieur le cardinal de Ferrare, journellement les choses se feussent par tous moyens eschauffées, dont il nous en dist aulcuns, toutesfois il ne s'estoit jamais clairement faict entendre ne au duc de Fleurance ni mesmes à son propre frère qu'il luy avoil assez laissé penser qu'il ne seroit pour rien conclure en ceste affaire sans le consentement de Vostre Majesté, mais que parlant à nous en la seurté qu'il y avoil pour les qualités respectivement de l'un et de l'autre il vouloit bien nous dire plus avant, c'est de nous asseurer (nous conjurant toutesfois que la chose demourasl dedensnous) «pic jamais ne conclueroit ce mariage là ne l'autre pour le dict

Fabian sans que Vostre Majesté l'approuvast et le trouvast bon. Car vous ayant voué et desclié la personne pour jamais et le vous ayant mys entre les bras, il pensoyt y avoir mis tout ce que en pouvoyt despendre et que quant au party par nous proposé, là ou encores ne s'accorderoit celluy deFleurence, et que Sa Sainteté feust pour accepter l'honneur que vous luy faictes, si ne veoyt il qu'il feust convenable de maintenant y entrer, pour ne donner à parler à toute la chrestienté et à dire que ayant faiet une démonstration de vouloir pacifier Vostre Majesté et l'Empereur (desquels despend tout le reste) soubdainement il se feust jette entre les bras de l'une des parties ; adjoustant que le dit empereur avoit desja assez prins de soubson de luy et que M. d'Arras * en avoit assez laissé sortir de sa bouche sur ce faiet de Siene et sur la pacification que Sa dicte Saincteté en avoit entreprinse, ne y espargnantle dict sieur d'Arras, le duc de Fleurence mesme et le soubson où ils en estoient entrés par delà ainsi que Sa dicte Saincteté disoit estre freschement advertie par lettres du cardinal d'Imola conforme à la prophétie qu'elle en avoit tousjours faicte au dict duc qu'il se trouveroit en inimitié d'un cousté et en peu d'amitié de l'aultre. Pour toutes lesquelles raisons Sa dicte Saincteté conclut à guarderles choses suspendues, nouspryantde tenir son opinion pour bonne, amvable et sincère et de faire tout debvoir envers Vostre Majesté de la accepter pour telle.

De là, Sire, il vinst tomber sur ce que avoit peu le dict cardinal d'Imola retirer de l'Empereur et delà royne Marie, qui estoyt en somme force lamentations qu'ils faisoient des oppressions qu'ils avoient receues de Vostre Majesté avec aultres si maigres propos (en ce qui reguardoyt le bien de la paix) que le dict d'Imola estoyt une foys venu à se résouldre

1. Antoine Perrenot, cardinal de (iranvelle, né à Besançon le 20 août 1517, mort à Madrid le 21 septembre 1586, fut nommé évéque d'Arras en décembre 1538.

sur son retour suyvant les records qu'il en avoit icv receus à son partement. Quoy veoyantsla dicte royne el mon dicl

sieur d' \rras l'avovent prie de ne se tant liaster el s'estoit commencé à renouer quelque communication du dicl sieur d'Imola el du cardinal Saint Georges par personnes qu'ils ponrrovenl par sauf conduict envoyer de l'un à l'autre. En quoy toutesfois sembloyt \ avoirà la fin (ce disoil Sa dicte Sainteté) assez faible fondement, me disant aussi qu'on n'avoyt osé dire à l'Empereur la perte qu'il avoit receue devant Thérouenne et qu'on alloyt la déguisant, toutesfois que les siens tant là que çà en faisoient bien grand cas. Nous toucha aussi en passant de la note qu'on cherclioit de donnera Vostre Majesté de tant acoustumer à venir par deçà l'armée Turquesque et que à la longue vous mesmes pourriez vous repentir de tant leur apprendre les passaiges, sans toutesfois que Sa Saincteté s'arreslast aultrement sur cest article.

Aussi nous toucha succinctement que quant à Lusigniano * il se y pourroit trouver moyen, mais que quant a Orbitelle, l'Empereur en faisoit trop de cas et se y estoit si extrêmement obstiné qu'il disoyt vouloir plustost hasarder la perte de sa couronne impériale que de laisser les choses détester et abandonner de telle sorte, tant le dict ( )i bitello que lestât de Sienne qu'on a ainsi corrompu.

Voyla, Sire, en substance, ce que nous avons recueilli de tout son propos dont nous n'avons voulu faillir de vous rendre compte, sans y adjouster ce que tant, en général qu'en particulier, nous luy avons dit et replicqué sur un poinct ou aultre pour ne foire perdre trop de temps à Vostre Majesté là ou nous adjousterions une longueur à l'aultre, espérant bien que vous estimerez que ne y avons rien obmis de ce qu'avons pensé approcher de vostre intention, et vous plaira nous tenir pour excusés si plus tart ne