Lucignano, province d'Arezzo

fusmes entrés à ouvrira Sa Saincteté le party du mariage

cy dessus touché, affin de divertir les humeurs de l'aultre avant qu'elles y prinssent leur racine. Car nous n'eussions différé de ce faire, encores que pour la maladie de Sa Sainteté l'accès y feust fort ennuyeux, si nous eussions esté advertis du party de Fleurence. Mais il nous a été tenu sy couvert et les communications ont esté durant sa dite malladie si difficiles que la descouverture nous en a esté malaysée. Et voyant davantage les partis que M. le connétable a mandés en chifre à moy de Lansac du 15e de may estre à proposer sur le champ et que ne serions pour rien y profïiler, attendu ce que dessus, nous nous sommes retenus sous le bon plaisir de Vostre Majesté de ne y passer plus avant jusquesà tant que la commodité de Sa dicte Sainteté le porte, ou bien qu'il vous plaise aultrement le nous recommander.

Sire, nous supplions le Créateur vous donner eu parfaicte sauté très longue et très heureuse vye.

De Rome le 7e jour de juillet 1553. Vos très humbles subjects et très obéissants serviteurs. J. cardinal du Bellay. — Lajnssac.

57. — 7 juillet 1553. — Lettre de M. de Lanssac au connétable de Montmorency.

Monseigneur, je vous escriviz dernièrement qu'estant rompu le mariage du sgr Fabien avec la fille du due d'LJrbin, j'estois adverlv que le duc de Florence pourchassoit de maryer ledit Fabien avec une de ses filles, par quoy et pour l'empescher, après avoir prins l'adviz de Mgr le cardinal du Bellay je m'en allay trouver le sgr Baldouyn auquel je teins en substance telz propoz que mondit sgr le cardinal et moy avons depuis tenuz au Pape ainsy que vous verrez par la lettre du Roy, vous advisant, Monseigneur, que nous teinsmes les susdits propoz à Sa

Saincteté et audit s1' Baldouin pour rompre l'entreprinse dudit duc de Florence, el aussi pour attirer Sadite Sainteté aulx autres propoz où dernièrement vous m'aviez commandé de la mettre, mais par sa responce vous jugerez, quel Fondement il y faut prendre. Quant à mov, je pense qu'il sera bien difficile d'espérer riens de bon de ce costé tant que ledit due de Florence se y sentira intéressé. Monseigneur, depuis huict ou dix jours Sa Saincteté sans m'en dire aucune chose escrivit une lettre à M. le cardinal de Ferrare, dont je vous envoyé la coppie, el pour responce à ieelle ledit sgr cardinal a envoyé uni; de ses gens nommé Le Prévost lequel m'a dietqu'hver au soir Sa Sainteté luy avoit diet que le due de Florence vouloit rendre Lusignano qu'il tient encores sur le Senois et lequel ledit due diet que les [mpériaulx luy avoient baillé en garde et que Sadite Sainteté envoyroit aujourd'huy une courrier vers ledit due pour solliciter et ad vancer ladite restitution. Je ne vous puys rendre compte par le menu de ceste négociation pour ce que c'est chose que je ne manie poinct, mais je pense que M. le cardinal de Ferrare vous advertit bien amplement de ce qu'il en faict, par aultre voye, vous advisant aussy que ledit Prévost m'a diet que mondit sgr le cardinal et AI. de Termes esloient délibérez de casser et réduire le nombre de leurs gens jusques à sept mil hommes, attendant la volunté du Roy, et m'avoient mandé que je meisse peine ie\ de recouvrer vingt cinq ou trente mil escuz pour la paye de ce prézent movs, mais je ne me suis pas trop voulu hasler, pour ce que je désire premièrement de sçavoir de voz nouvelles, toutesfois cependant j'ay parlé à messer Bernard Accioly lequel m'a diet que après qu'il aura eu asseurame que les vingt mil escus qu'il/, ont baillez par cydevant auront esté remboursez à Lyon, ainsi qu'il leur a este promis, ilz nous fourniront bien ladite somme et davantage s'il en estbesoing.

— ii'i —

Monseigneur, je donnay charge à Nicquet de vous dire le soubson que mesdits sgr le cardinal de Ferrare et de Termes avoient eu du cappitaine Hiéronime de Pyze, lequel me presse fort cfè le laisser aller à la court, ce que je suis délibéré de luy accorder pour m'en deffaire, car vous sçavez quelle peine c'est à ceux qui ont telle charge que moy d'avoir quelque homme suspect prez de eulx. Et encores que je me garde bien de luy dire riens de dangereux, il est fort difficile qu'ung homme de bon esprit comme il est, estant ordinairement auprès de moy, n'en sente quelque chose, attendu mesmement que tout le monde par deçà le tient pour fidèle et confident serviteur du Roy, mesmes le Pape, le sgr Baldoyn et tous les cardinaulx ; lesquelz luy parlent de toutes chozes et mesmes de ce que je négocie avecques eulx tout ainsi qu'ils feroient à moy, de sorte que Sadite Sainteté m'a dict qu'elle vouloit par luy escrire au Roy et luy donner charge de dire beaucoup de choses, parquo\ je vous supplie ne trouver point mauvais si je le laisse aller vers vous pour en disposer ainsi que bon vous semblera.

Monseigneur, nous n'avons point nouvelles (pie l'armée de mer soit encores descouverte en cestecoste, combien que de toutes partz nous ayons adviz qu'elle partit le ije du passé de Constantinople. Pareillement je vous advise que le Pape se porte beaucoup mieulx qu'il ne faizoit quant je vous escriviz dernièrement. Qui est tout ce que je, etc.

De Rome le vije jour de juillet 1553.

58. — 7 juillet 15S3. — Lettre de M. de Lanssac au connétable de Montmorency.

Monseigneur, depuis mon autre lettre j'ay receu celles qu'il a pieu au Roy et à vous m'escrire du xixc du moys

passé, et celles qui s'adressoient à MM. le cardinal de Ferrare et de Termes que j'av incontinent faict tenir, par lesquelles vous nous dépariez des bonnes nouvelles que vous aviez lhors de Thérouenne, qui ont bien changé icy depuis, car les Impériaulx y ont publié la prinsc par assault et disent que tout y a esté tué, excepté M. votre fîlz qui je vous asseure a esté une nouvelle très déplaisante à toute Rome, et si elle est vraye c'est fort grant dommage de la perte de tant de gens de bien, et quant à moy oultre le déplaisir que j'en doibz avoir pour le service du Rov. je suis extrêmement marry de Pennuy que vous avez de M. votre filz. Toutefois Dieu soit loué qu'il est eschappé et que vous le puissiez ravoir par argent, et me réconforte en votre vertu et prudence dont vous sçaurez aussi bien ayder en cest endroiet que vous avez tousjours faict en tous autres et avec laquelle la commune opinion est par deçà que Thérouenne sera bientost reprinsc, car il est à croyre qu'elle est grandement ruynéc, et ne sçauroit estre sitost remparée que les forces du Rov ne soient suffisantes pour la reprendre et faire de plus grandes eonquestes, esquelles j espère que Dieu ne luy sera moins favorable qu'il a esté jusques icy, lequel je supplie, etc. De Rome le vije jour de juillet 1553.

59. — 8. juillet 1553. — Lettre de M. de Lanssac au baron de la Garde.

Monsieur, il y a longtemps que nous attendons votre venue par deçà, en grande dévotion, et si plustost vous fussyez venu, tant plus eust ce esté de service au lloy. Mais encores pensé-je que vous serez venu assez a temps pour faire beaucoup de bonnes choses, et d'autant que jav pensé que vous ne seriez gueres sans comparoir en ceste coste, j'ai advizé de vous dépescher ce gentilhomme mon