Paul III

semble que Sa Saincteté ne luv a point ni à eeulx de sa maison faict démonstration de leur porter tant d'amitié qu'il me faict doubler que ce n'est pas pour son promet et encores moings pour le service du Roy. Par quoy remettant le tout à vostre bon jugement, il m'est advis qu'il sera beaucoup meilleur de retarder le retour dudict sieur cardinal jusquesà ce que le temps delà suspension d'armes qui est entre le Pape et le Roy soit expiré, et que après nous voions comme nous aurons à vivre ; et comme vous sçavez que ledit temps de la suspension expire, M. le duc de Parme demeure en sa liberté de s'accorder avecques qui bon luv semblera et de rentrer au service du Roy. Monseigneur, je suys fort pressé de M. le cardinal de Ferrare et autres de recouvrer icy 25 ou 30 mil escuz pour leur envoyer, et me conjurent fort du service du Roy. Mais je vous asseure qu'il seroyt bien difficile que je le puisse faire, pour ce que les marchands qui ont accoustumé d'en faire plaisir n'en veulent poinct bailler qu'ilz n'avent asseurance que celuy qu'ils ont cy devant fourny soyl remboursé à Lyon. Davantaige ce sont Florentins lesquels ils sont tant chargés de subsides et d'emprunts par le duc de Florence, lequel faict emprisonner leurs parents, quand ils n'en veullent point bailler, que les pauvres gens ne se osent déclarer. Toutcsfois, alïin que le service et réputation de Sadicte Majesté n'y soient intéressés, je y feray tout ce qui me sera possible.

Monseigneur, je me recommande très humblement a votre bonne grâce, pryant le Créateur vous donner en parfaicte santé longue vye.

De Rome le x°jour de juillet 1553. — Vostre très humble, très obéissant et très obligé serviteur. — Lanssac.

\ Monseigneur le duc de Montmorency, paire et connétable de France.